ياااااااااااه مسن

, الثلاثاء، 24 مارس 2009


عرضت كيارا


فى بوستها الاخير فكرة جميلة وهى زيارة بعض دور المسنين


اثناء بعض الاعياد التى نمر بها مثل عيد الام وغيرها من الاعياد الاخرى


وهى بالتأكيد دعوة كريمة


ولكنى نظرت لهذا الدعوة ببعد ثالث


من هو المسن فى الوقت الحالى ؟


هل هم من فى بيوت المسنين ؟


لو تركنا لبعض تفكيرنا العنان سنجد ان من فى دور المسنين


قد قضوا حياتهم سواء بالسلب او الايجاب بكل حلوها ومرها


ونتيجة سوء التربية وجحود من تربوا من تحت ايديهم من الابناء


كانوا فى تلك الدور


وهناك من تعرض لبعض ظروف الحياه من فقد الابناء او عدم وجودهم من اساسه


ولكن من نظره بعيده


نجد ان من سيحمل الرايات ويرفع رايات الامل والطموح ويكد ويعرق وينتج ويثمر


وهم الشباب


قد اصبحوا فى الوقت الحالى هم المسنون


هم الذين تقوقعوا ودخلوا الى بوتقة الاكتئاب النفسى


ولا يمر عليهم يوم ذو ثبات ولا تسمع منهم الا الشكوى والانين


والرغبه فى الهجرة او ينتهى بهم الامر على القهاوى او الكافيهات


او الطريق السهل من التجارة فى الممنوع والتهريب


وان رزقه الله بوظيفة وكان المبلغ غير مناسب لطموحاته


تجد انه يركز على اضاعة الوقت وعدم اتقان ذلك العمل ويقول على قد فلوسهم


دون ان يدرك ان اتقان العمل يكون مصاحب له البركة فى الرزق ورضاء الرب وعن طريقه يفتح ابواب الخير


المسنون الان هم الشباب الذين تجد العصبيه ورد الفعل المستفز هو المصاحب لهم


ان المسن الذى فى دور المسنين هو بالتاءكيد الشاب


ولننظر جميعا " فى داخل انفسنا ونعيد تقيمها من جديد


لنعرف حقيقة من نحن ؟


فنحن نحتاج الى نوبة صحيان لاءننا نائمين بالفعل ولنفتح لأنفسنا ابواب الخير والكد والعرق







ابتسم


ايه يعنى اللى هايحصل تانى


اللى حصل حصل


ولا يمكن يرجع تانى


ابدء يومك وابتسم


لعل يومك يبقى يوم تانى


بس افتكر وانت بتبتسم


انك مش فى عالم تانى


ابدء يومك وابتسم


واملاء طريقك افراح وامانى


بس افتكر لما تبتسم تاخد معاك حد تانى


ابتسم

انسى اللى فات ليه تبكى عليه تانى


وابدء حياتك من جديد


اكيد هايظهر فجر تانى


بس افتكر وانت بتبتسم انك متبقاش انانى


ابدء يومك وابتسم


وفكر تمشى فى طريق تانى


هدفك فيه واضح


علشان ماترجعش للحزن تانى


ابدء يومك وابتسم


صدقه منك يمكن تحتاجها فى يوم تانى


بس افتكر وانت وتبتسم


قلبك محتاج شحن تانى


خليه دايما نقى


وهو يبتسملك تانى


ابدء يومك وابتسم


بس افتكر وانت بتبتسم


انك من خلق الرحمانى


وده يكفى يخليك تبتسم


لان الكل فانى


ابتسم



37 Response to "ياااااااااااه مسن"

حسام غانم Says:

والله أنا مش عارف إيه الاكتئاب اللي بقى منتشر بين الشباب ده

وأغلبه من غير سبب

عشان أصلا مش عليه مسئولية لسه

الاكتئاب بقى حالة عامة

ماما أمولة Says:

الله يا ابو علي

من عنية ها ابتسم

لاني عند رب رحيم لازم ابتسم

جميلة جدا تدوينك يا ابو على

دايما يارب الابتسامة ما تغيب عنك

شموسة Says:

*وان رزقه الله بوظيفة وكان المبلغ غير مناسب لطموحاته ..!!!! وللأسف ده بقي الطبيعي انه المرتب مش مناسب يا ابو علي ، بس الواحد منهم ممكن يقول أهو أحسن من مافيش.
*بس اكيد الواحد لما هيتقي ربنا ، ربنا هيرزقه ومن أوسع أبوابه.
* بسم الله الرحمن الرحيم
(من يتق الله يجعل له مخرجا ويرزقه من حيث لا يحتسب)..صدق الله العظيم

بجد الله يكون في عون الشباب
تحياتي لك
شموسه....

رندا Says:

فقط سوف اقف هنا وابتسم
وقلبى فاتح ضلوعة للامل
فى غداً مشرق
طول ماانت موجود
سوف تكون الدنيا بخير صديقى
لن اطول كلماتى فقط دعنى ابتسم
*
بقولك اية انت كنت فى ستى استارز
:)
يوم التلات ولا اية بقى
ولا قرينك يازواوى
ههههههههههه

إيمان Says:

مشكله كبييييييييييره يا ابو على
الشيخوخه المبكره جدا
الشباب حتى مش عايزين يحاولوا
يخرجوا من دايرة اليأس المغلقه
اللى أولها زى أخرها
يارب تهدى شباب المسلمين
قادر يا كريم

khalidkhalid Says:

أحترامى

هذه أول زياره لى

جئنا نلقى السلام .. ونعاود الزياره

أذا سمحت لى

yara Says:

ربنا يهدى ويسعد الجميع يا ابو على

EMMY BABY Says:

اوووووووووووووووووووووووووه وجون وجون وجون

ابوعلى دخل الجون فى المرمى

كعادته طبعا لاعيب جامد

بجد والله يا ابوعلى فعلاااا انا حاسة ان الشباب بقوا كلهم يع يع مكتئبين محبطين يائسين وبحس بقى لما بقعد مع جدو او حد عجوووووز اقول ياسلام هو ده فتى احلامى فعلا الشباب شباب القلب ياخواتى بقول كدة محدش مصدقنى

انا والله حاسة ان الشباب واللى انا منهم جوانا طاقة كبيرة اوى نفسنا نطلعها وللاسف احنا اللى مش عارفين نستغل طاقتنا لاننا اصلا جاهلين بقيمة انفسنا

بس معلش ردا على استاذ حسام مفيش اكتئاب بيجى من غير سبب الاكتئاب ده نتيجة ظغوط شديدة

مممكن انسان يكون بيمر بضغط بالنسبة له قاسى جدااااا على عكس انسان تانى ممكن يبص للضغط ده ويقول عادى ايه التفاهة اللى مضايقكك دى

وده راجع لحساسية الشخص للامور اللى بتحصل حواليه وهل هو قادر ان يأقلم نفسه ويطور ولا يستسلم لحزنه ويتقوقع ويقعد بقى يقول الدنيا وحشة والناس وحشة وانا مش عايز اعيش ؟!!

كفاية كدة انا بقيت لوك لوك اوووووى وانا اصلا مفروض اقوم اذاكر مبعرفش اقاوم بوستاتك امرى لله

تحياتى

ايمى

شمس النهار Says:

تبسمك في وجه اخيك صدقه
ياريت كلنا نبتسم غلي الاقل في وش بعض
اما موضوع الشباب المسن ده عايز قاعده طويله نتكلم فيه

mahasen saber Says:

طول ما احنا فوق الارض نحمد ربنا على النعمه دى وعلى كل حاجه

يكفى اننا عايشين حتى لو العيشه مش على هوانا ومزاجنا والدنيا سالبه مننا احتياجتنا
يكفى اننا نعيش ونصبر ونحمد ربنا

وست اخر مبدع ورائع من كتاباتك الرائعه يا ابو الابداع والرقى

mahasen saber Says:

بس الشباب شباب القلب

بس صدقت فعلا انا بحس فى شباب كتير انهم بقوا مسنيين وده برضه لانعدام الامل والاهتمامات جواهم

ABOALI Says:

الى حسام غانم
هو فعلا الاكتئاب حالة عامة
بس ليه اسبابه طبعا
منها التسرع وعدم الاعداد الجيد لما هو منوط لنا ان نفعله
فاءذا فشلنا نرمى اى شيىء على عاتق غيرنا
فيحدث الانهزام الداخلى لنا


تحياتى لمرورك الكريم

ABOALI Says:

الى ماما اموله
والله يا امى لما نمشى وسط الناس نرى العجب
حاله من التنبلة العقليه
وقلة فى استخدام العقل والاعتماد على الفهلوه

بس لازال القلب ينبض


تحياتى الراقيه لك ولشخصك الكريم

ABOALI Says:

الى شموسه
تقوى الله هى الاساس الذى نعيش على اساسه
ومع حبة مهارات
سنجد اننا سنعبر الطريق بسلام

تحياتى لك ومنورة بجد

ABOALI Says:

الى رانده
ههههههههههههههه
يا عينى كمان ستى ستارز
بصى يا بنتى انا منتشر فى ربوع المحروسه
خلى بالك من نفسك بقى
الاهرامات تحت المراقبه


تحياتى يا عالى الاداء

ABOALI Says:

الى ايمان

يااااااااااارب يستجيب من تلك الكلمات
من ثغرك الاصيل
ونعرف انى بحبة مجهود وصبر كله هايبقى تمام


دايما مشرفانى

ABOALI Says:

الى خالد خالد

وانا فى الانتظار

مع احترامى لشخصك الكريم

ABOALI Says:

الى يارا

اول مرة اشعر انه تعليق على الواقف
وطايرى
مش متعود منك على كده يا زهرة البستان


تحياتى

ABOALI Says:

الى ايمى بيبى
الله عليك يا باشا ماشاء الله

فعلا كل ما ذكرتيه هو قصدى من الكلام

فعلا ترى فى عيون الشباب كبر السن وتشاهدى سلوك المسنين تجدى هم الشباب
باين عليكى هاتستنى كتير
علشان فارس الاحلام
اقولك انتى تشوفى حاجة صغيرة كده
تربيها على ايدك يا باشا


دايما لك فيحاء فى المعنى والكلام
وهبك الله الصلاح فى دنياكى واخرتك


تحياتى

ABOALI Says:

الى الحاجة شمس النهار

البسمة ياااااااااا
يالها من كلمة تفتح الابواب
لعلنا ندرك

والموضوع كبير
بس انتى رايك ايه
صح الكلام ولا الكلام محتاج رتوش


تحياتى الراقيه

ABOALI Says:

الى ام عبد الرحمن

ادراك اننا يجب ان نتعامل مع حياتنا
ونشكل فيها بالعرق وحبات الكد والصبر
ضرورى

الله جعلنا فى الارض خليفة
فانظرى الى الخليفة ماذا يفعل
يجلس على القهوة ويمشى على كوبرى الجامعه
يتفسح مع البوى فريند


لكل منا بصمة
ويكفى تلك المحاولات التى تبذليها فى قانون الاسرة
فتلك بصمة كبيرة لك
واصرار
انتى يا سيدتى قدوه للجميع
ولكن لمن يرى ويشاهد ويعقل


تحياتى

أحب ان اكون مجهول لفتره Says:

ما أجمل الأبتسامه

وما أجمل الطموح

وكم ستكلفك ابتسامه

دون ادني شك او اهانه

وكم تكلفك ابتسامه

وما مقابلها صدقه

وعد كم ابتسامه في اليوم

وعد كم من الوجوه قابلتها بابتسامه

أظنك لا تستطيع ان تحصي عدد الأبتسامات

فبكل ابتسامه لنا بها صدقه

تنفعنا يوم الحشر وهو يوم القيامه

تحياتي

رندا Says:

والله واحد شبهك بالظبط ولاقيتة مبتسم اوى قلت اوووبااا
يبقى انت
طلع قرينك يازواوى
ههههههههههههه
ماشى ماشى ياكاميراتك ههههههه

aidy Says:

أفتكر ان حال الشباب دايما بيكون ليه مبررات زى الحالة الاقتصادية والبطالة ومشاكل التعليم وغيرها

بس اللى انا مبحبوش تعليق اخطائنا على شماعة الظروف

لأن كل واحد فينا لو تعب هيلاقى وربنا هيكرمه

وكل واحد منهم لو ليه هدف فى الحياه وسعى ليه هيوصل

لكن المشكلة انهم مش عايزين يتحملوا عناء البحث عن هدف او البحث عن ذاتهم

وبالتالى بيلاقوا نفسهم تايهين ولا ليهم هدف فى الحياة ولا إفادة وده عامل مهم عشان يخليهم فى حالة الاكتئاب دى على طول

الى ان يرحمهم الله

تامر علي Says:

أنا فعلاً كان من ضمن أمنياتي إني أقعد في دار مسنين وأسوي معاشي ويالا حسن الختام بس قالولي لازن مش أقل من 50 سنه قلتلهم 35 مينفعش قالوا لاء ... ولا زلت أحيا على هذا الأمل (انهم ينقصوا السن ل 35 سنه حتى الآن :)

dalia Says:

D: D: D: D:
حاضر حابتسم يا أبو على ، تصدق ان كل ملاقى نفسى حبدأ أكشر أقوم ابتسم واقنع نفسى ان كل شيئ محزن ليه نهاية وان الواحد بتوكله على ربنا وثقته فيه يقدر يواجه أى مشكلة حتى ولو كانت معقدة ولا يمكن يظن الواحد انها حتنفك أبدا انا مستنيه خبر حلو خلال الايام الجاية بعد معاناه طويلة من الصبر ادعيلى بقه علشان الواحد يبتسم بجد
تحياتي للشعر الجميل معبر جدا ، شوف انت وكيارا فكرتوني بمشهد مش حيروح من ذاكرتي كان ده في الجامعة الامريكية تحديدا يوم عيد الام الطلاب هناك اذكياء جدا قاموا فكروا بتوجيه دعوة لعدد كبير من المسنيين للاحتفال معهم بعيد الام وقاموا بعيدا عن دور المسنين الكئيبة ،انت عارف المكان اللى فيه المكتبه بتاعت الجامعة فيه خضرة وقعدات جميلة جدا كل ما في الامر انهم شغلوا لهم DJ وشوية مسابقات على فول حراتي ودره مشوى ولب وسوداني وحقيقي المسنسن كانوا فرحانيين قوي هى ديه الافكار المطورة مش زيارة وخلاص
تحياتي لك ولبوستك الهادف

ABOALI Says:

الى من تحب ان تظل مجهوله
احيانا المجهول يكون معلوم اكثر من المعلوم
احسنت التعليق
ونور الله طريقك دائما بالبسمة وشروق الطاعة


تحياتى

ABOALI Says:

الى رندا

ههههههههههههههه


تؤتؤ لاء لاء

ياااااااااقلبى مبتسم كمان
يبقى انااااااااا بقى بالتاءكيد

بس كان معايا حد حلو كده ولا كنت لوحدى
اممممممممممممممم

ABOALI Says:

الى AIDY
صح معاكى كل الحق
التصميم والكفاح وبذر بذور العرق
تعطى دائما الحصاد


احييك على تعليقك الراقى الفاهم

ABOALI Says:

الى تامر على
هههههههههههههه

ياااااااااا عينى

طيب يلا نفتح دار انا وانت
ونعيش يا سيدى

يااااااااااه مسن يا عجوز يا مكعكع


تحياتى

ABOALI Says:

الى داليا الاصيلة

فكرة جميلة جدا بتاعة الجامعة الامريكية
بس تفتكرى الدى جى مناسب
ولا نجيب حاجة كده تفرفش ودلع زاى نانسى
ومافيش مانع نجيب روبى علشان الرياضة
على العجل


ههههههههههههه


والله يا داليا يا اختى

لا يصح الا الصحيح
كم من هولاء المسنين لديهم القدرة على العطاء والعمل
فاءذا تم استغلال خبرتهم فى حتى النصح والتعليم

كما ستكون الاستفاده
وكم ستقل الهوة بين الاجيال

دايما لتعلقيك مذاق خاص
مذاق الفهم والثقة

فلا تغيبى


تحياتى

كيــــــــــــارا Says:

يااااااااااااااه دا موضوع كبير

يلا الحمد لله علي كل شي

موناليزا Says:

بعد كلامك ده حاولت ابتسم ماعرفتش
يمكن لان حال شبابنا مايسرش





بس هحاول تانى:)

mohamed ghalia Says:

بعد كلامك برده لازم ابتسم لإنى دايما فى أمل

ABOALI Says:

الى كيارا

الله عليكى يا كيارا
يااااااااا مكبرة الدماغ

ماشى يا ستى

حضورك اسعدنى

ABOALI Says:

الى موناليزا

ابتسمى الحياه لا تحتمل الحزن ولا الالم
المحاولة ثم المحاولة

هى عنوان الانسان السليم

اشكرك

ABOALI Says:

الى محمد الغاليه

ماشى يا غالى
دايما فى امل وعمر
اشمعنا امل بس
ياااااااااباشا كفايه البركة اللى حصلت فى المدونه


تحياتى