الوسام

, الأربعاء، 22 ديسمبر 2010

لما
يمر
عقرب الثوانى
تدق الساعة
همس الامس 
عبير الطفولة 
كروان فى العش 
 وطن اوطان
الايد
شط حارس قبطان 
سند دليل امان  
 ثنايا الكف 
رسم كيان
خشونة الجلد
 تضاريس ارض 
ثمر يافع
للسما طالع
حبات عرق
بتروى ظمأ
 ربوع جسد  
فى
جمال اتسق 
بلبل يغرد
 عصفور يزقزق
سكن اتزان
بسرعة كبرت  
العزف كان لحن
الحروف كانت شكر
شهادة تقدير
قبلة  قبلات
لو يسمح السماح
 فى بسمة انشراح
اهمس اقرب
المس احضن
اوشوش اسكت
دمى يسرى فى دمك
 تطبطب تضمه
حنان يضحك
امان يجرى
اركن عليك
تحرسنى ايدك
امسك صوابعك
تضلل عليا
تتكسف عيونى
تنزل دمعة
لسانك يردد
ماشاء الله 
الله اكبر
ايدك تمسح
عينى 
رموشى تحسك
تنحنى لسموك
تداعب مشاعرك
تبتسم تقولك
يا والدى 
ايدك
وسام 
عمرى





 

18 Response to "الوسام"

لــــ زهــــــراء ــــولا Says:

ابو على

اعلنها اول تعليق وعاوزه وسام الاستحقاق

زهراء

SHAPE YOUR LIFE (ABOALI) Says:

الى زهراء
هههههههههههههههههههههه
تم منح سيادة القبطان وسام نجمة سيناء

ترن ترن ترن ترن

Dr/ walaa salah Says:

وسام بس يا ابو علي

وسام ونياشين

عارف يا ابو علي

لو مره انت كتبت بوست من غير ما تحط صوره البوست هيكون ناقص ومش هنعرف نفهمه

صورك ممكن نفهم منها البوست من غير ما نقراه

البوست جميل بجد


عجبني اوي الجزء ده


ثنايا الكف
رسم كيان
خشونة الجلد
تضاريس ارض


الله بجد تعبير جميل اوي

تصدقني لو قلتلك اني شفته قبل ما احس بيه

مش عارفه هتفهم جملتي دي ولا لا

بس دي الحقيقه

على العموم مشكور يا ابو علي على البوست الجميل

لــــ زهــــــراء ــــولا Says:

ابو على

**********

صورة الولد اللى ماسك ايد والده فيها مشاعر عاليه اوى ...
رغم خشونه ايد الاب لكن الطفل مش مهتم شكل الايد او ملمسها هو حاسس بأمان وهو ماسك ايد والده لانه حاسس معاه بالامان والاطمئنان مش خايف من اى حاجه ولا حتى خايف من بكره او من اللى جاى

نظرة عين الطفل ياااااااااه فيها معانى ولا اروع من كده
انا عارفه انك بتختار الصور بعنايه عاليه اوى لكن احساسى بالصوره وان عين واحده فى الطفل اللى باينه بتدل على ان الابن حاسس بأمان وهو مع والده لكن ياترى الجاى ايه مش عارفه لانه خايف انه يفقد مصدر الامان فى حياته ...
انا مش قادره اعبر عن المعانى اللى فى الصوره رغم ان كل مشاعرها جوايا لكن مش قادره اعبر بجد ...

البوست حلو اوى بجد فى جمله وقفت امامها كتير مش قادره اوصف جمالها او روعتها " اركن عليك " ياااااه اركن عليك ...
وقت الازمه يلاقى ظهر يركن عليه ..
وقت المرض يركن عليه ...
عارف فى ناس كتير مش بتعرف قيمة وجود الاب فى الحياه ويمكن لان الام لها مكان ومكانه عاليه وبننسى او نتناسى قيمة وجود الاب فى حياتنا رغم اهميه وجوده تذكرت مقوله قديمه كانت تقول اذا مات الاب نادت الملائكه مات من كان يكرمك الناس من اجله ...
سيدى لا يشعر بقيمة وجود الاب الا من فقده وخصوصا من فقده وهو صغير لانه كان يحتاج ان يتشرب من حنانه ويشعر معه بالامان ...

اكبر وسام لكل اب فى الدنيا لان الاب هو الشخص الذى يكد ويتعب لكى يوفر لابنائه حياه رغده يحيا فيها ...

كلمات البوست رائعه رقيقه
مشاعره صادقه خرجت من قلب انسان رائع وصلت الى قلوبنا بدون اى رسم دخول او مرور

حفظك الله ....

زهراء

SHAPE YOUR LIFE (ABOALI) Says:

الى ولاء
هناك صور تنطق لتقول كلام من الصعب ان تقفى امامه
الصورة التى فى البوست هى التى استفزت الكلمات ان تخرج وتنطق
وتلك الصورة يمكن ان يستخرج منها انسان اخر معانى كثير جدا

فى كثير من الاحيان يا ولاء
لا اضع فى اعتبارى من يقرء البوست
لا ادرى ان كان صح ام خطأ
لانى فى النهاية اكتب لنفسى
كلام مسنى وشعرت بها وداعبنى الوزن بتلك الطريقة
احيانا يكون الكلام يجب قراءته لفهمه بطريقة معينة فى التنغيم والتواصل
واحيانا تكون الفواصل واخذ النفس مطلوبة وهكذا

ام عن رؤيتك لبعض الكلمات مع بعض
النقطة دى كونى على يقين انى سأفهمها جيدا جدا
لان نمو الكلمات وقدرتها على رسم لوحة لها فى خيال من يقرء يعتبر حالة تعايش رائعة مع المعنى

الاب لا يوجد فى الدنيا ما يعادل منزلته

متعكى الله بالصحة والامان وادام عليك طهر الاحساس وصفاء الوجة وسريان النقاء فيه

تقديرى

SHAPE YOUR LIFE (ABOALI) Says:

الى زهراء
كتير اووووووووى بنحس مشاعر من وراء تعليقات بعض من يعلق لى
وباحس انى كلمات البوست لمس بؤرة عنده
وتحركت مشاعره مع الحروف
فكان عبير كلمات تعليقه كاءنه انسان يتكلم له صوت ورنه ورونق

هذا ما شعرت به اثناء قراءة تعليقك

لذا لا اجد من الحروف الكثير لوصف
ما قراءته من خلال كلماتك من نقاء وصفاء
وفهم واعى لدور الاب فى الاسرة
واهمية وجوده
ولكن سيدتى
اذا استرد الله امانته وذهبت الامانة الى بارئها فاعلمى
ان الله له حكمة لا يدركها الكثيرون
فذهاب احد الاباء سواء الاب او الام
اعلان ووسام وهدية مرسلة الى الاولاد
انكم على مشارف دخول الجنان
فمن كان يتيم فى الدنيا رحمة الله وسعة كرمه لن تحرمه من سكن الجنان والتمتع بالقرب منه وملازمة نبيه كتعويض بسيط
لذا يا سيدتى
ان كان فقدان الاب له فى الدنيا مراسم حزن
فاءن الرسالة الخفية تقول ابشر
الجنان انت وضعت قدمك فيها يا يتيم


تقديرى لانسان قدير

شمس النهار Says:

الصورة صعبه جدااااا
:(

وتركيبات الكلمات مع بعضها جميلة متركبه بأتقان شديد جدا

:)

لــــ زهــــــراء ــــولا Says:

ابو علي ...حسن
تعبيراتك حلوة قوي
تشبيهاتك ممتازة بل رااااااااائعة

"امان يجرى
اركن عليك
تحرسنى ايدك
امسك صوابعك
تضلل عليا
"

اكثر ما لمس قلبي

امان يجري في عروقي وانا لامسك بنبض القلب.
حنانك شمس في شروقها على خدي تدوب الصخر.
كلامك موجه في هدوئها يلينله كياني وتلين الارض.
يابحر حنين مالوش اخر وشطئانه شريان القلب.
بحبك كلمة ماتوصف خريطة الحب.

دروب ساكنة في اوصالي بزواققها وطرقتها نهايتها بتوصل لك هناك ع الشط.
لولا

كلمات من نور Says:

ياه يا ابو علي صورة معبره وكلمات كلها شجن و انين لكف يمسح دموعنا وايد تاخد بايدنا لفوق ........تسلم ايدك ويسلم فمك ومن الآخر لا فض فوك

مدونة رحلة حياه Says:

السلام عليكم
بجد كلامك جميل ومعبر وبتختار الصورة صح
تقبل تحيتى

لــــ زهــــــراء ــــولا Says:

ابو علي..حسن افهم من كدا انك مش عايز الناس تروح الجنة هههه !!!
اسفة والله كان غصب عني اني مش بتابع بأنتظام ومش انت اللي خسرت تعليقاتي انا اللي خسرت التزود من افكارك وموضوعاتك متتخيلش قد ايه انا زعلت قوي من زعلك مني من فضلك متزعلش ... انا كمان نفسياص مش متظبطة وباكل كتير وبنام كتير ودايماً عندي صداع وشكلي مكتئبة
( ده تعليق على الواجب بوست من فترة)
لولا

richardCatheart Says:

اولا وحشنى المجى هنا جدااااااااااااااا

ثانيا وحشتنى بوستاتك جدا جدا


ثالثا كتبت فابدعت

والدى ايدك وسام عمرى

جميل
جميل
جميل

SHAPE YOUR LIFE (ABOALI) Says:

الى الحاجة شمس النهار
الصورة فيها احاسيس غالية اووى
وكمان فيها غموض شوية
بس فى الاخر فيها اطمئنان

اشكرك على رايك الجميل
والعيون النقية ترى النقاء دائما

خالص تقديرى

SHAPE YOUR LIFE (ABOALI) Says:

الى لولا


امان يجري في عروقي وانا لامسك بنبض القلب.
حنانك شمس في شروقها على خدي تدوب الصخر.
كلامك موجه في هدوئها يلينله كياني وتلين الارض.
يابحر حنين مالوش اخر وشطئانه شريان القلب.
بحبك كلمة ماتوصف خريطة الحب.

دروب ساكنة في اوصالي بزواققها وطرقتها نهايتها بتوصل لك هناك ع الشط.

احسنتى اختيار المفردافات والكلمات التى عبرت الكلمات فى حنو وامان فكانت المعانى راقية


تقديرى القدير

SHAPE YOUR LIFE (ABOALI) Says:

الى كلمات من نور

لا فوض فوك انت يا انسان يا راقى
وربنا يجعلك من الصالحات فى الحياه يهتدى بهم وعليهم هدى الرحمن

اللهم امين

تقديرى لانسان قدير

SHAPE YOUR LIFE (ABOALI) Says:

الى رحلة الحياه

اشكرك والصور الصح للناس الصح علشان رحلة الحياه تكون مكتملة

تقديرى الدائم

SHAPE YOUR LIFE (ABOALI) Says:

الى لولا

الزعل ممنوع فى الحياه يا فندم كما تعرفين
ودائما نسئل عن حال الورود والياسمين
لعلنا نرتحق بعبيرهم

تقديرى واشكرك على الاهتمام

SHAPE YOUR LIFE (ABOALI) Says:

الى قلب قطة
يااااااااا مرحب بالفعل وكل حروف التاءكيد
كنت اتمنى بالفعل ان اطمئن على حضرتك بعد غياب
وكل شوية انتظر بوست بعد البوست الحالى
فلا اجد
لذا سعدت جدااااااااا بتعليقك وزيارتك هاهنا
اتمنى ان يكون سبب الغياب خير وان يهبك الله النور والضياء وشموس الطريق الحانية التى ترعاكى دائما

تقديرى لشخصكم الكريم ولاسرتك الرقية