جمبريات

, الخميس، 30 ديسمبر 2010

 
لما بنرسم طريق ونخطط

بالتأكيد بتكون فيه بدايات معروفة ونقط انطلاق

ولما بنمشى فيه

بيكون فيه محطات متوالية الى ان نصل الى النهايات

اذن اى طريق سيكون

( بدايات -- محطات – نهايات)

بدايات حياة اى كائن من حكمة الله

انها ليست فى يده

لا نستطيع ان نختار من هى الام من هو الاب

وجاءت قمة كمال الحكمة فى عدم معرفة النهايات ايضا

لا ندرى متى نغادر تلك الحياه

ولكن على الرغم من هذا

اتت المحطات التى بين البدايات والنهايات بشكل مختلف تماما"

فحين تمر بنا مرحلة البرعمة و تتلاشى بعض مراسم الطفولة

وتبدء فينا طاقات و نوافذ التفاعل مع الغير ويصبح لنا دور

عندها نستطيع ان نحدد نحن بداية المحطة بشكل واعى

ونهاية المحطة بشكل دقيق

اذن لكى نعرف البداية والنهاية لتلك المحطة

لابد ان نعرف من يسير معنا فى تلك المحطات ومن يجاورنا فيها

فأن كان الله قد وهبنا بنى انس من جنسنا نلتحم بهم ونتفاعل

فأنه قد افاض علينا بمخلوقات اخرى

تعطينا الحكمة و رونق التعايش والتألف

اولى مراحل النجاح اذن هى معرفة من يجاورنا

ثم يأتى بعد ذلك التحديد والتكتيك والاسلوب والاستراتيجة

التى نرسمها بأيدينا لكى يعاملنا غيرنا بها

يخطىء البعض ان غيرنا هو من فى يده

لعبة التعامل وتحديد طريقة النقاش والمعرفة

فنحن من نرسم لغيرنا طريقة التعامل معانا

بعد ان نعرف الاسلوب

تأتى التوابل

وتلك هى عوامل الشحن والجمبريات والروائح الطيبة

التى تجعلنا نستمر فى فى عبور المحطات

والحدوته بالفعل تبدء من هنا

فمن امتلك تلك التوابل استطاع ان يكون مروره مررو سهل

واستشعر متعة ولذة وجوده فى المحطات

تلك التوابل ليست غريبة عنا ولا هى بالامر العجيب

الذى يحتاج الى رسم خرائط للحصول عليه

من منا لا يدرك ان الحماس هو البوتقة وقاطرة الشحن

التى بدونها نصبح مثل الثلاجات التى فى بيوتنا

من منا لم يضع فى روشتة النجاح

الاصرار واليقين والامل والطموح

من منا لم يدرك ان الجميل

من طيب الكلام وحسن اختيار المعانى هو وسيلة قرب للغير


اخيرا

عندما اشاهد مباراة تنس يأتى خيالى معانقا واتصور هذا المشهد

الحياه مثل الكرة نتبادلها بيننا

ويحدث التفاعل والتلاطف والتلاحم والتذوق والترقرق

فأن سكنت الكرة عند احد منا واستحوذ عليها ستكون مراسم النهاية

ليس للطرف المحتفظ بالكرة فقط ولكن للطرف الا خر

تبادل تلك الكرات يعتمد على التوابل

التى نسمح بها بينا وتعطينا الفسفور المشع ذو الطاقة

كأننا نأكل جمبرى ولكنه جمبرى الحياه

#################

لذا مع عبير كل يوم

اكتب ما تريده ؟

اكتب من يشاركك فيما تريده

حدد الاسلوب التى تريد ه

انتقى التوابل اللازمة لما تريده

وابدء فى تنفيذ ما تريده

##############

ولمن يقول انه كلام فى كلام

ابحث عن سموات تظلك

وارض تضمك

غير التى انت فيها الان

او عود الى  بطن امك

وعجبى


20 Response to "جمبريات"

Ramy Says:

حقيقى الحياة زى ما حضرتك قلت

تبادل للكرة

تبادل لكل المشاعر

بينك و بين ما يحيطُون بك

مع كل تبادل ترتقى بنفسك

او تصبح مع كل تبادل

فى نزول لمنحدر فى الحياة

و هنا انت تختار

نوع تبادل الكُرات

ارجو ان اكون أحسنت تبادل الكُرات مع من حولى

ارجو ذلك

شمس النهار Says:

كنت لسه بقول لبنتي

كل الانسان هو اللي بيحدد للناس ازاي يتعاملوا معاه

وقديما قالوا الرفيق قبل الطريق

والحصول علي رفيق حياة متفاهم يتقاسم الحياة بمنطق جميل
من نعمة الله علي خلقه


كل سنة وانت بخير وصحة وسعادة

ان شاء الله عام سعيد جميل

لـــولا وزهـــراء Says:

ابو على

************

لما شوفت عنوان البوست ضحكت وقولت هو جمبريات ده جمع جمبرى اللى باكله مشوى وبانيه واحيانا كفته ;) ;) ;)
لما شوفت الصوره بحلقت فيها شويه كتير يمكن ألاقى جمبرييه هنا او هنا برضه مش لاقيت قولت خلاويص بقى اقرا الجمبريات على بركة الله .....

الله ... الله ... الله

انها حقيقه جديده من حقائق الحياه تحاول ان توصلها لنا بأسلوب سهل بسيط وقد نجحت بالفعل فى ذلك ..

الحياه لم تكن ابدا فرديه او حكر لشخص بمفرده ولكنها هات وخد تكون فى ايدينا ولكن لكى نشعر بها فلابد وان نجد من يتقاسمها معنا ...
سيدى ...نحن نحدد طريقة تعامل الناس معنا ونحن الذين نرسم للاخرين طريقة حديثهم معنا ...

فى جمله علقت فى ذهنى واعود لقرئتها وكاننى احاول ان احفظها " لابد ان نعرف من يسير معنا فى تلك المحطات ومن يجاورنا فيها "
هناك من يحاول ان ينساندنا فى تلك المحطات وهناك من يحاول ان يهدمنا وهناك الكثير والكثير فى الجوار لذلك علينا ان نختارهم بعنايه
تذكرت جمله كانت تقول اذا وصلت الى اعلى درجات السلم فلابد ان تتذكر من كان يمسك لك السلم وانت تصعد ..

سيدى هناك من بنى البشر من تحمد الله على وجودهم فى حياتك بأى شكل كانوا سواء معارف او اصدقاء او غيره ولكنهم هما نعمه من نعم الله علينا ...
ادعو الله لك فى العام الجديد ان يهبك صحبة خير وان تجد الخير على الدوام

زهراء

Dr/ walaa salah Says:

جميل تشبيهك لمحطات حياتنا بالطبخه

لو عرفنا نجيب مقاديرها صح اكيد هتطلع في النهايه جميله

لكن اللي مستغرباله

انك قلت البدايه والنهايه مش بإيدينا

اتفق معاك

لكن هل المحطات في إيدينا

اكيد مش كل المحطات هنملك فيها الاختيار

لكن في إعتقادي اننا بنحاول ونحاول

لكن اذا كتب لنا ان نصل لمحطه معينه سنصل لها حتماً

اما بخصوص مدى تأثيرنا على الاخريين

حتى تكون النهايه لصالحنا

فكما قلت

نحن من يتحكم في عجلة قيادة النقاش والتجربه


واستمرار الكره بيننا دليل على إدارة النقاش او الموقف بشكل حكيم من كلا الطرفين

مشكور يا ابو علي على البوست

مدونة رحلة حياه Says:

السلام عليكم
اكثر ما اعجبنى
من منا لا يدرك ان الحماس هو البوتقة وقاطرة الشحن

التى بدونها نصبح مثل الثلاجات التى فى بيوتنا

من منا لم يضع فى روشتة النجاح

الاصرار واليقين والامل والطموح

من منا لم يدرك ان الجميل

من طيب الكلام وحسن اختيار المعانى هو وسيلة قرب للغير
جميل ان نكتب كل يوم كما ذكرت
والاجمل ان ننفذه

صيدلانيه طالعه نازله Says:

اولا حمد الله على السلامه
و ياريت لو سمحت متغيبش تانى

الحياه فعلا دايما من زمان بتخيلها زى لعبه التنس
تبادل الكرات بين لاعبين مثل تبادل الاحاث و الخبرات و التعاملات بين بنى البشر
و تنوع الضربات يمينا و شمالا مثل تباين البشر و الفروقات بينهم

من يملك التوابل الحياتيه هو فعلا من يملك عوامل النجاح لانه سيكون طباخ ماهر لطبخه حياته التى ستكون محط اعجاب من الجميع
يارب نقدر كلنا نمتلكها و تعدى بينا الحياه و محطاتهافى سلسله متواليه من النجاحات

سنه سعيده عليك يارب
كل سنه و انت بالف خير واسرتك طيبه و مبسوطه

dalia Says:

كل سنة وانت طيب يا أبو علي يا كبير
ما أصعب المحطات التى نمر بها فيها كل أحلامنا وطموحاتنا وتعبنا وجهدنا وسعادتنا وأحزاننا المهم الا نتوقف وأن نستمر في اكتشاف وتحقيق أمالنا في الحياه
تحياتي لك واعتذر عن الغيبة الطويلة
عام سعيد

سمكه واحده Says:

اكتر حد بيحرجني بزوقه
اكتر حد بحترمه وبكن له معزه خااااااصه بجد بتحرجني بكرم اخلاقك
متتصورش فرحتي اد ايه انك اول تعليق مبسووووطه وسنه سعيده علينا
ربنا ميحرمنيش من زوقك وخلاقك وانا بحترمك وبعزك
اخي العزيز ابو علي احسن واحد في الدنيا كلها
الفتره اللي فاتت كنت علي بالي من اهم الشخصيات اللي ديما فاكرها انت س غاليين علي قلبي
ربنا يكرمك بالصحه والسعاده والستر والرضا
اللهم امين
وجدوك عندي في المدونه هو بدايه جميله والواحد حاسس ان السنه دي هتبقي سنه سعيده اتفألت بظهورك انا سعيده كون بس اسمك موجود في مدونتي

brightlyanny Says:

ابو على كل سنه وانت طيب
المدونه بتاعتك فعلا مينفعش يكون لها اسم تانى غير شكل حياتك هى فعلا بتساعدنا على كده.
وتتلاشى بعض مراسم الطفوله فعلا احنا بنحتفظ جوانا ببعض الطفوله واليراءه واللى بتموت مع الالم اللى ف حياتنا والمواقف الصعبه.
لكن ابو على مش هتبقى الدنيا اصعب لو جبت كتالوج لكل واحد ف دنيتنا بنقابله علشان نقدر نتعامل معاه ونعرف ايه التوابل اللى ممكن نستتخدمها ف علاقتنا؟؟
اصل انا كده هقطع نفسى ومش بعيد تقلب بانى اصبح من اصحاب الاوجه المزدوجه ؟
تحياتى ليك

richardCatheart Says:

جميل جميل جميل

اتفاق تاااااااااااااام

SHAPE YOUR LIFE (ABOALI) Says:

الى رامى
نعم يا رامى لعلنا نجيد تبادل الكرات
حتى نؤدى بالفعل الدور المنطوط بنا فى سهولة ويسر

اعانك الله على تبادل ما تحب لنفسك ولغيرك

تقديرى لانسان قدير

SHAPE YOUR LIFE (ABOALI) Says:

الى الحاجة شمس النهار

صح يا سيدتى ما قولتى لابنتك
التذكير بتلك الاشياء الدائم للابناء هو ما سيجعلهم مصابيح هدى لغيرهم يوما ما
ويستطعون مواجهة كافة تحديات الحياه

اعانك الله على كل خير
وعام مملوء بالبركة والسعادة والبهجة
لاسرتك الكريمةوشخصك الفاضل

تقديرى

SHAPE YOUR LIFE (ABOALI) Says:

الى زهراء
راقى جدا استنتاجاتك وتحليك يا زهراء

وجود الجمبرى فى حياتنا كاءحد رموز الطاقة والتنبيه
هو ما دعانى لتسمية البوست بذلك
فتلك التوابل هى الطاقة التى نحب ان نراها دائما فى انفسنا لنستمر فى النهوض والطموح وبناء الشخصية السليمة

يقينا
سيدتى كما اشارتى
نحن لا نعيش بمفردنا ولكن هناك من يجارونا
ويجب ان نعرفهم جيدا حتى نجيد التعامل معهم

مبسوووووووووووط جدا من طريقة عرضك وسردك للكلمات والبوست
وكلمات الشكر والثناء والدعوات لا تكفيكى
وكما قولت سابقا
انها الوسيلة الوحيدة لشكرك
ولكنى اجد انك تسحقين كل الجمبريات
التى تعطى حياتك طاقتها ورونقها الدائم
دعواتى لك باءن تظل جمبريات حياتك باسمة تعطيكى ما تسمو به نفسك وترتاح

تقديرى لانسان قدير

SHAPE YOUR LIFE (ABOALI) Says:

الى ولاء
اينعم يا ولاء المحطات باءيدينا
بمجرد الولادة والبدء فى مشاركة العالم اهتماماته فى مرحلة البلوغ
سنعرف اننا قد بداءنا تلك المحطات
وجب علينا المذاكرة لكى ندخل كلية مناسبة ثم بعدها نعمل ونشتغل حتى يكون لنا التقدير المناسب
المحطات يتداخل معها وجود بعض الاشخاص
ولكن المحور الاساسى هو انتى يا سيدتى
الذى يشكل المحطات ويضعها فواصلها واشكالها

الامر ليس صعب ان يكون لك محطات معروف فيها انك وضعتى اساسها وطريقة السير فيها
وايضا تحددى نهاية تلك المحطات بقدر اجتهادك واخلاصك


سيدتى لك التقدير الدائم على وجودك هنا
واسعد عندما ارى حروف كلماتك هنا

تقديرى لانسان قدير

SHAPE YOUR LIFE (ABOALI) Says:

الى مدونة رحلة الحياه

نعم يا سيدى الحياه رحلة وجب فيها البحث عن كل ما يساعد على الانماء والوصول الى الافضل
وهبك الله ما تستحق ويهبك السعادة الطيبة

تقديرى الدائم

SHAPE YOUR LIFE (ABOALI) Says:

الى صيدلانية

اسعدنى فهمك الراقى للبوست ومدلوها فى بساطة يا سيدتى
واندمجت اناملك لترسم ملخص سريع لما اردت ان اقوله

وهبك الله السعادة والبسمة واتساق النفس وراحة البال

تقديرى لشخصك الكريم واسرتك الغالية

SHAPE YOUR LIFE (ABOALI) Says:

الى داليا الاصيلة

كم اسعدنى ان ارى قلمك من جديد هنا يا انسانه
واطمئن عليكى
ربنا يهب لنا دائما السعادة ويبعدنا عن الالم

وكل التوفيق لك فى هذا العام وكل عام
وتجدى فيه كل الخير والصحة وراحة البال

تقديرى

SHAPE YOUR LIFE (ABOALI) Says:

الى سمكة
هناك اناس عندما تغيب نشعر ان ملامح الهواء الذى نتنفسه قد اصابها شيىء ما

وجودك يا سمكة يطفى قيمة من السمو والارتقاء اعتز بها
وينتشر عبيره فيكون ياسمين لغيره

كم يعجبنى تلك التلقائية التى تتحدثين بها فى كلماتك وعباراك
ومن تلك التلقائيه يطل علينا انسان جميل نحبه

ربنا يهبك السعادة والصحة وسمو
ويقر عينك بما تحبى


تقديرى لانسان قدير

SHAPE YOUR LIFE (ABOALI) Says:

الى برتلى

سعيد بوجودك هنا يا انسانه
وربنا يهبك الخير
نحن سيدتى من نحدد معالم الطريق
لذا اختيار التوابل ثابت ليس له علاقة بالاشخاص
لو وضعتى البسمة فى وجهك باستمرار بغض النظر عن الشخص وافعاله
يقينا سياءتى اليكى هذا الشخص بعد فترة ويقول
انتى ليه مبتسمة كده دايما

وعندها تشكرى ربك على تلك النعمة

التوابل ممكن ان تكون صفاء بال وراحة نفس يا سيدتى
ادعوا الله ان يهبك الصفاء وراحة البال وحكمة المنطق

تقديرى لانسان قدير

SHAPE YOUR LIFE (ABOALI) Says:

الى قلب قطة
يااااااااااااااامراحب بالناس الاعزاء

الجميل هو من اتى ليقرء هاهنا يا سيدتى
واقتنص جزء من وقته ليكتب تعليق

وهبك الله الخير ووهب الخير اليكى

تقديرى لانسان قدير جدا