كان وكان

, السبت، 18 ديسمبر، 2010






من بعيد  كان اريج
كان حلم مش منام
وردة
مسكت فى ايدى
رفعت راية
كتبت  عنوان
لكن بسرعة
احتواها  البستان
دورت عليها
كان وما كان
سكن السكون
كان رحيل انفاس
لأمس وامس
الوردة دى مرسال
رسول انسان قلبى
فى كل الثنايا كيان
انت انت  حبى
بين الثغور همسات
رحيق دوا عمرى
كان السكن وياك
ضمة ضمات نفسى
ورقة كانت ورقات
النقش كان رسمى
نن العين قال اهات
قطرة كانت قطرات
نهر عذب ذكريات
بسرعة كانت مسارات
حروف سبقت كلمات
حنان رسم بسمات
برقية طوت كتابات
صفحة فى صفحات
خط خطوط الوان
لوحة فنان
رنة فى رنة
كان اتصال
صحيت
قريت العنوان
كان وكان
بــــــــحــبــــك 
و
التوقيع 
انسان
**********
وردة كانت فى البستان 
مسكت ايدى قالت كلام 
سرحت معاه 
وكان ما كان 


18 Response to "كان وكان"

شمس النهار Says:

الصور رائعه اختيار جميل

والكلام رقيق جدا

ماينفعش الواحد يحلله هو كده عقد الماظ ملضوم علي بعضه في انسجام جميل

:))

MR.PRESIDENT Says:

هفضل اقول وهغني .
مليش في الحب
يا جدعان
سواء كان قلبي
فاضي
او عمران .
وتحياتي الرئاسية ليك يا
أبو علي .

لـــولا وزهـــراء Says:

ابو على

***********

شدنى عنوان البوست وكأنك بتحكى عن شئ حدث منذ زمن وزمن بعيد ..

الصور رائعه ورقيقه وتحمل روائح جميله رقيقه اكاد اشمها بأنفى كلما قرات كلمه شعرت برائحة ورد بلدى ...

ياااااااااه
اد ايه الكلمات اتسقت مع الحروف فعبرت فى معانى فكانت نهر بالفعل عذب ارتقى الى جميل الالحان ...
يااااااااالها بالفعل من وردة شقية
ارسلت لنا رسالات فكانت رسالة عميقة المعانى بالفعل حواء مثل تلك الوردة
تتوه فى بستان كبير ...
تتنوع فى المذاق ...
ولها اريج الاحساس ...
ظهرت لك فكانت العبير
ثم اختفت وتركت ورائها العطر لكل انسان رسمت صورة حنية تخللتها الذكريات الجميلة التى كانت البسمه فيها عنوان
وعلى الرغم من انها كانت وردة شقية
امسكت يد من تحب الا انها جاءت اليه لتوقظه
لانه كان يحلم ....
والحلم من الجائز ان يكون واقع
اما المنام ...
فهو طيف ..
لا نتذكر الكثير منه
وكان المذاق اروع
عندما كان الختام
بكلمة الحب الكبرى
احبك ....

يا لها من كلمه رقيقه وبسيطه تحمل الكثير من المعانى والرمز كان انسان
لاننا بالفعل نريد ان نكون مثل تلك الوردة

اقدم لك افضل تحيه والتحيه الاكبر لمن ساعدنى فى فهم معانى البوست بكل ما تحمله من كلمات ومعانى راقيه من انسان راقى

زهراء

كلمات من نور Says:

الله عالورد حسسني بالربيع وسط الشتا

والكلام كعادته يطبطب عالقلب يا أبو علي

تسلم الايادي

صيدلانيه طالعه نازله Says:

الله عليك
الصور جميله اوووى
الكلام ولا اروع ولا ارق
التشبيهات اكتر من تحفه
فعلا زىما قالت شمس
عقد الماظ ملضوم بصوره منسجمه جدا
تحياتى لانسان رقيق
مرهف الحس

مدونة رحلة حياه Says:

السلام عليكم
فعلا كان وكان
اجمل ما فى الموضوع انه بعدنا عن البرد والمطر اللى مالى سمانا اليومين دول
لك منى تحية

Ramy Says:

يااااه ع الكلام

حقيقى الكلمات مع الصور كأنى كُنت معاك فى البُستان

(:

أسف لعدم المتابعة من فترة لظروف

Dr/ walaa salah Says:

اولاً الصور جميله اوي يا ابو علي

العنوان واضح منه انه حزين (كان وكان)

اما كلماتك كالعاده ليها رونق خاص كمواضيعك يا ابو علي

عجبني اوي سكن السكون

بصراحه بيشجني اوي التعبيرات دي

زي الم الالام

صمت السكوت

بحس فيها بحزن اوي

(الوردة دى مرسال)

تعرف ان الورد ممكن يوصل الكلام افضل من الجوابات بكتير

(وردة كانت فى البستان
مسكت ايدى قالت كلام
سرحت معاه
وكان ما كان )

بصراحه مقدرش اقول غير نو كومنت على النهايه دي

هى وصفت نفسها بنفسها وخصوصاً تعبير

كان ما كان

مشكور يا ابو علي يا انسان

brightlyanny Says:

ازيك ابو على ؟؟
انا قبل مبتدى قرايه ف اليوست قولت كفايه غليا الصور يس يا سلام لما كملت احاسيس دافيه ف عز البرررررد
صحيت قريت العنوان كان وكان
والتوقيع انسااان
من كتر السلبيات اللى بنشوفها ف الشارع الواحد قرب ينسى انه انسان او اللى بيعامله انسان اروووح اجيلك المدونه عشاااان اشوفها من تانى واحس انى انسااااان
جزاك الله اخى كل الخير
تحياتى ليك

SHAPE YOUR LIFE (ABOALI) Says:

الى الحاجة شمس

يااااااااااامرحبا فى تصدر الشموس بكورة التعليقات

الانسان الذى يرى الجميل هو من يكتب الجميل سيدى

سعيد بوجودك ها هنا

SHAPE YOUR LIFE (ABOALI) Says:

الى الريس
احترنا معاك يا ريس عاوزين نستفز فيك الجانب الرومانتك الذى تضع عليه الاغلال

ولازلنا فى الطريق معك نحبو
وان شاء الله ستكون رومانتيكى المعانى

تقديرى القدير

SHAPE YOUR LIFE (ABOALI) Says:

الى زهراء

وقفت كثيرا امام روعة تعليقك يا زهراء
فقد كتبتى منظور ولا اعمق للبوست
سبحتى فيها كاءنك دخلتى داخل الكلمات
وشعرتى بما تريد ان تقول
فجاءت كلماتك مثل مصباح اضاء توهج الكلمات ووضع فواصل عناوين للبوست اجمالا

بجد وعن جد ارتقى قلمك وعبر عبور الحدائق الغناء
فتزينت مدونتى بتلك الحروف والكلمات
التى كانت فى تعليقك

خالص تقديرى ودعواتى بهذا الارتقاء والسمو
وانعم الله عليك بثبات ويقين وثقة
تنير لك كل الدروب

كل التقدير

SHAPE YOUR LIFE (ABOALI) Says:

الى ام يحيى واحمد كلمات النور

يافندم كل دعواتى بالشفاء ليحيى
لياءخذ كتابه فى قوة وثبات اليقين

وربنا يعز حضرتك
اللهم امين

SHAPE YOUR LIFE (ABOALI) Says:

الى صيدلانية

العيون الراقية هى ما ترى كل راقى
سعيد بتلك الرؤية المشتركة مع الحاجة شمس
وكم تسعدنى موجة التشجيع المستمرة

كل التقدير وكل البسمات وكل الدعوات بالضياء واليقين

SHAPE YOUR LIFE (ABOALI) Says:

الى مدونة رحلة الحياه

اجمل شيىء انك منورانى هاهنا

خالص التقدير لشخصك الكريم

SHAPE YOUR LIFE (ABOALI) Says:

الى رامى

يااااااااااه فيينك يا صديقى
ليك وحشه عظمى
انا مقصر عن جد فى حقك
لانى انا كمان انشغلت
اتمنى يكون ابتعادك خير وسلام
وكل سنة وانت طيب اعياد سعيدة

وانت بالفعل داخل البستان بلا شك

تقديرى القدير

SHAPE YOUR LIFE (ABOALI) Says:

الى ولاء

جميل تعليقك يا ولاء على الرغم من بساطته
ولكنه فيه احساس وروح اثناء الكتابة
الموضوع ليس حزين ولكنه عبق ذكريات تهب علينا ونبتسم
ويكفى منظر الصور يدعو للجمال بالفعل
يعجبنى بالفعل كما يعجبك
سكن السكون وهمس الهمس وجميل الجمال وهكذا
لانها تعطى الايحاء باءن كل ما حولنا ينبض

فعلا هناك يا ولاء بعض الكلمات تلخص كل شيىء

بيعجبنى انك بتقرىء بتحليل واحساس وروح
وده شيىء رائع جدا فيكى

ربنا يبارك فيكى ويفتح لك طريق الهدى والخير والصلاح والامان ويرزقك الخيرات
وابقى افتكرينا بس بالدعاء عندها

SHAPE YOUR LIFE (ABOALI) Says:

الى برتلى
رائعة انتى يا انسانه وهاتكونى انسان رائع دوما

كلنا نتعرض لمطبات فى الحياه العاقل المدرك هو من يعرف كيف يرجع فى هدوء الى حقيبة نفسه ويسترد انفاسه بسرعة ويعود

ربنا يبارك ليكى دايما وتظلى تزينى المدونة بفكرك

تقديرى القدير لك