الرسم

, الخميس، 30 ديسمبر 2010



ان يمر عليك يوم يقول لك انسان

ان

 دقات قلبك

قد اوشكت على الصمت خلال ايام او شهور

وتستقبل تلك الرسالة كأنها وميض انارة

وليس انعكاس حالة شجن و حزن والم

بل اعادة تفكير وتقيم لسنون من العمر

مرت مرور العبير كأننا كنا فى حالة غفوة واستقيظنا

لم نعتاد فى الحياه ان نرسم ذلك الرسم

الذى يحدث بصفة يومية فى الحياه فى كل دقات

رسم القلب
تلك النبضات التى تخطو مثل كرة مقذوفة لاعلى

تحمل معاها كل ياسمين الحياه من اوكسجين وربيع كيان

ثم تهبط تلك الكرة مرة ثانية

 تعلن فى لغة حقيقة  ان الحياه بين ذلك الارتفاع والهبوط

ترى لو اننا وضعنا رسم القلب امامنا ماذا ستكون رسالتنا اليه

#####################
لما شوفت الصورة

كان وكان

تأمل فى الحياة بأهتمام

نبض طالع انسان

نبض نازل كيان

المفرادت قالت معانى

النقش

حروف ذكريات

كلمات

نطقت

عبارات

فاحت منها نداءت

تعالى قرب

شوف الموجات

سكن السكون

الموج هادى وديع

رسم رسمة

لوحة باسمة

قلب

جميل

طبطب قال

ان كان قلبك هنا حول المسار

بلاش تحتار

دنياك حياتك

حروف هجائك

اسعى انها تكون فى جنة الابرار

لما شوفت الصورة
كان وكان

6 Response to "الرسم"

لـــولا وزهـــراء Says:

ابو على

********

الله على اول صوره الوانها اكتر من رائعه فيها هدوووووء غير عادى وفيها حب ونقاء ورومانسيه بجد ....
الصوره التانيه وقفت امامها شويه وانا محتاره هو ده رسم قلب بجد ؟؟؟ دققت النظر يمكن اعرف اشوف صورة قلبى فيها ...

هو المفروض لو وقفت وشوفت صورة قلبى كده امامى لازم هامد ايدى واطبطب عليه لانه صعبان عليا اوى تعب معايا ولو كان الامر بايده كان زهق منى وسابنى وراح لاى حد تانى يريحه لكن حظه قليل انه كان قلب لانسانه مثلى ...

لما شوفت الصوره احترت فى امرها دى خيال ولا حقيقه ...
لما شوفت الصوره قولت نفسى يا قلبى تكون سعيد مش مهم ملامحك ايه المهم تكون سعيد بجد وبتنشر سعادتك على اللى حواليك
لما شوفت الصوره قولت يارب تكون قلب طائع للرحمن
لما شوفت الصوره قولت كلام وكلام منه اللى اتقال ومنه اللى مش ينفع تعبر عنه الحروف او الكلمات

سيدى الفاضل ربى يهب لك قلب صادق .. محب ينشر الخير والحب على كل الناس

كل لحظه وانت بخير

زهراء

Dr/ walaa salah Says:

بصراحه موضوعك المره دي بجد وجع قلبي

لسبب

ان كلامك على صورة رسم القلب فكرني بالايام اللي كان بابا فيها في الرعايه المركزه

الحمد لله ربنا يديله الصحه ومترجعش الأيام دي

لكن تعرف يا ابو علي

انا في إعتقادي إن الإنسان اللي بيعرف إنه قرب يموت إنسان محظوظ أوي

على الأقل هيلحق يلم هدومه ويستعد للرحيل

ربنا يحسن ختامنا ده الاهم

سواء عرفنا ميعاد الرحيل ام لا

بس تفتكر ان لو كل واحد فينا إترسمله رسمه زي دي

هتطلع كده

على ما اظن لا

في ناس هتطلع قلوبها مجروحه

وفي ناس هتطلع من غير قلوب


مشكور يا ابو علي للبوست الجميل

Ramy Says:

أستاذى العزيز

البوست الثانى على التوالى ارى لمحة الحُزن به

لست أدرى أهى حالة شجن

أم حالة لأنسان عزيز لديك

او حتى و ان لم يكُن عزيز و لكن انسان

لستُ بليغ أو فسيح اللسان

و لكن هنا نتكلم عن تقييم مسيرة أنسان

شكراً

SHAPE YOUR LIFE (ABOALI) Says:

الى زهراء
جميل جدا تفاعلك مع الصورة واستخراجك كل تلك المعانى الراقية
من امتلك نافذ العبور الى عمق المعانى
واستشعر ما لا يستشعره غيره
كانت الحياه له سندس يتفاعل معه ويتقارب ويحن الى القرب من خالقه
فى سهولة ويسر
وهبك الله ما تستحقين من الخير دائما
وطبطى على قلبك دائما تطبطب عليكى الحياه

خالص التقدير

SHAPE YOUR LIFE (ABOALI) Says:

الى ولاء

ليس المقصود كما فهم البعض ان البوست دعوة لبعض الالم
ولكن كانت دعوته لمشاهدة ذلك الرسم الذى نحيا فيه دائما
ونستطيع ان نضع ايدينا الان على قلوبنا ونستشعر دقات تلك القلوب فى سهولة ويسر
ونعيد رسم الحياه طبقا لهذا النبضات والدقات

شفى الله والدك وانعم عليه بالصحة

اما سؤالك لو رسمنا رسم للقلب ماذا سيخرج

نعم سيخرج قلب ولكنه قلب اما يكون وهمى
او قلب متفاعل بالحياه

لك خالص التقدير على الوجود هاهنا
ومناقشة تلك الاراء

SHAPE YOUR LIFE (ABOALI) Says:

الى رامى

جميل يارامى انك مرتقى فى الحياه وتبحث ولا زالت تبحث وهذا ما يعجبنى فى اسلوبك

الحالة هنا هى حالة تقيم بالفعل
ولكنها يا صديقى حالة نحن فيها كل يوم وساعة وثانية
اذن لابد من التقيم الدائم
الغير معتمد على الحالة المرضية

مرة ثانية وهبك الله الخير واشكرك على متابعتى