اولجا والطريق

, الأحد، 12 ديسمبر 2010



لازالت اصوات الضحكات ونضارة الابتسامة والقهقهة اليانعة من القلب
هى المداد لنا فى كثير من تحديات الحياه
فمن غابت عنه الابتسامة افتقد الكثير من رقى الحياه
كل من مر على تلك الارض ولم يذق مذاق ابتعاد الشفاه عن بعضها
لترسم انوار البسمة سيكون  مثل من مر على نسيج من الشقاء
فى الكلمات التالية حاولت ان ابتسم وافطس من الضحك
فمن يقرء يسمى الله اولا ويقول سبحان الله  وبحمده سبحان الله العظيم
ثم يفتح فمه ويطلق العنان قليلا لزفيره ثم يستنشق لون بسمته الضاحك
*********************
ابنى زجزج واد مفترى من يومه
الواد دخلت عليه ضبطته
وهو يحاول رفع كنبة الصالون
فتعجبت من امره !!!
وقررت ان ازيل فواصل الخوف منه من قلبى
الواحد مش عارف ولاد اليومين دول وفكرهم البطال
فا ستجمعت قواى
وسئلته
فى ادب جم
لم اعرف كيف تملكنى
لما تفعل هذا يا زج زج ؟
فقال
احاول ان اكون
مثل اولجا
فهمس ذلك الاسم فى روعى
واستجم بين الضلوع الرئوية
وقلت ان ولدى قد بلغ ريعان الشباب مبكرا
وغلبنى ذلك الاحساس الذى يراود كل اب
هل انحرف ابنى 
وهل لى ان اسئله ؟
هل  اولجا لها اخت ؟
(وش بيغمز)
وسائلته فى استفزاز لمشاعره المكبوته
من هى اولجا ؟
فقال انها بطلة قصة
كونى له اولجا يكن فأرا
ولأول وهلة  شعرت
كأن احد ما قد اعطانى تلك الحقنة التى يخدرون بها الجسد
وكررت مثل ببغاء حديقة حيوان الجيزة الشاكى من الجوع 
كونى له اولجا يكن فأرا
وحدث استنفار لى ان اسئله عن التفاصيل
فقال
انها قصة اخذتها من زميلتى فى المدرسة
تحكى عن اولجا ذات القدرات الخاصة
التى استطاعت ان تهزم عصابات الفك المفترس
التى هاجمت شرم الشيخ واعلنت فى بيان هام
هز اركان الوطن
ان سلسلة الهجومات على شرم
ستستمر  فى عنفوان
وسيتم الاستعانه بالفراعين الاوائل
الذى يرفضون بكل عزم وتنديد
تلك الاغانى  الهابطة
التى حملت عنوان
انا المصرى
كريم العنصرين
انا المصرى
كبير المزورين
على الباب باغنى  
اسمر يا اسمرانى 
مين ضربنى على عينايا
*************
وهنا 
حاولت وبكل قوة وبحب الوطن
وما تعلمته من معانى الانتماء
ان اغلق عليه ذلك الفم المسعور
الذى تنابز على الوطن
فقال لى يا ابى
ان اولجا قد هزمت تلك العصابات
المتنمردة على كيان الوطن
واحب اطمئنك يا بابا
ان قوة اولجا الخارقة
احاول ان انميها فى نفسى
لاكون قادر فى يوم ما على حماية الوطن
وتراجعت بفكرى وغرور فهمى
وقلت ان الواد قصده شريف
وانا ظلمته  بفكرى المنحرف الضال
ولكن
هب عليا سؤال
لما كنت ترفع كنبة الصالون ؟
فقال يا ابى يا عزيزى
عندما تبدء فى صنع شيىء ما
 جديد عليك
لابد ان تعرف قدراتك اولا
تعلمها جيدا
لتضع نفسك فى اى مرتبه الان
ثم تبدء فى تنمية نفسك
بعد ان تعرفت  على نقاط ضعفها وقوتها
وابدء اولا فى تنمية القوى فيها
و ستجد الضعف ذرات تمحوها رياح الحياه
احسست بعد ان قال زجزج هذا الكلام
انى اتكلم مع العالم النفسى الرائع
بل الاروع فى التاريخ
وقلت له
اسمح لى
ان اخذ نسخة من قصة اولجا
كونى له اولجا يكن فأرا
وهنا
تدخل
ام زجزج
تعالى ارفع معايا البوتاجاز (فعل امر امر )
علشان انظف تحته
فيقهقه زج زج قهقه
ويقول
اذهب يا بابا اذهب
تعرف
 على
 قدراتك
 و
اعمل
و
اجتهد
 تنل
الجميل والمعنى
كن فى الطاعة صبورا
تحنو عليك الطاعات وتحلو
عيش متعلما اسيرا
طالب للعلم  مؤستئنسا
وببسمة وجهك
صدقةً متحركة
تذل كيد الاعادى
ونور وجهك يمحو الدجى
***************
الواد اول ما نطق بالكلمتين دول
كأنه اسكرنى بحروف الهجاء
ومشيت مع امه فى هدوء
اقول لها طوع امرك مولاتى
فتقول
الحق ابوك يا ز ج زج
فيقول
خذى يا امى اقرئى
كونى له اولجا يكن فأرا
هييييييييييييييييييييييييييييييييييييييييه

16 Response to "اولجا والطريق"

صيدلانيه طالعه نازله Says:

هييييييييييييييه
اول تعلييييق

شمس النهار Says:

:))
الحمد لله مصر جابت خبراء من كاليفورنيا يرفعوا لها الكنبه
ولو حضرتك عايز
يجو يرفعوا البوتاجاز بدالك

صيدلانيه طالعه نازله Says:

هههههههههههههههه
مولاتى
؟؟؟
ما تجيب زجزج ده عندنا يخدر الباشا اللى عندى
ولا اقولك انا ابعت سيف عند زجزج ياخد كورس زجزجه مكثف
عشان يخدر ابوه و يقوللى مولاتى
مع انى طيبه مش باخليه يرفع بوتجاز و لا كنبه و لا ايتها حاجه
و برضه مش بيقولى مولاتى
عاااااااااااااااااااااا
بس الحكمه بتقول خدوا فالكم من عيالكم
و الواد بصراحه قال احلى كلام
حكم و الله
مش حكم و بس دى درر

SHAPE YOUR LIFE (ABOALI) Says:

الى صيدلانية

مببببببببببببببببببببببروك
كسبتى بونص على الفلورست هدية
هيييييييييييييييه

SHAPE YOUR LIFE (ABOALI) Says:

الى الحاجة شمس

هههههههههههههههههههههه
معلش بقى البوتجاز بتاعى رمز للشرف وعود الكبريت اللى يولع مرة لا يمكن يولع الا بعد شراء ولاعة

واااااااااااااه عليك يا بوتاجازى

تقديرى الدائم المستمر

SHAPE YOUR LIFE (ABOALI) Says:

الى صيدلانية

ياااااااااعينى يا عينى
عليكى بقراءة قصة اولجا والطريق لمدة عشرة مرات

ثم وضع مغلى القصة فى كوب محلى بالسكر الدايت
ثم عمل شوربة لسان عصفور وانتظرى النتيجة فى القرنين اللى جايين بقى

ولالالالالالالالالالالالالاايه

تقديرى القدير لانسان قدير

كلمات من نور Says:

حاسب ظهرك يا أبو علي

خلي الحاجات دي بقى لأولجا و الخبراء بتوع القروش .أمال لو كانوا 25 قرش كانوا عملوا فينا إيه؟؟؟؟؟؟

أضحك الله سنك دوما

SHAPE YOUR LIFE (ABOALI) Says:

الى كلمات من نور
ههههههههههههههههههههه
النصحية فى وقتها يا ست الكل
اولجا دى اصلها مفترية ربنا يهديها
ولو كانوا 25 قرش يبقى كده ربع جنية يدوب رغيف محسن

ربنا يهبك الخير ويهب الخير لك

لــــ زهــــــراء ــــولا Says:

ابوعلى

*****

اولا انا قررت انى ابتسم منذ بداية القراءه وكمان لانى مبستمه على طووووووول

نقول بسم الله ونقرا ...
الاول كده جمله اعتراضيه انت بتسال زج زج عن اذا كان اولجا لها اخت المفروض تقوله اذا كان لها خاله او عمه او حد كبير انت مش شايف ان اخت اولجاه هتبقى كبيره عليك شويه " وش بيطلع لسانه "

عندى ملاحظه من تكرار كلمة دجى فى البوست اللى فات والبوست ده كمان واضح انها كلمه منتشره فى العيله عندكم ههههههههههههههههههههههههه

عارف قصتك رغم انها تحمل لمحه بسيطه وممكن ترسم البسمه على الشفاه لكننى تذكرت جمله كانت تقول كونى له فاطمه يكون لكى على اوعى تفتكر ان على ده فى بينى وبينه حاجه " وش بيغمز " ....

المغزى من وراء القصه اكتر من رائع ربما خذلتنى الكلمات ولكن اطمئن سيدى المعنى واصل .....

تحيه لهذا البوست الذى يحمل بين طياته حروف رائعه ........

زهراء

مدونة رحلة حياه Says:

السلام عليكم
جمي ببساطة ورسم البسمة علينا والاحسن منه ماروى عن النبى صلى الله عليه وسلم انه كان فى خدمة اهله
بس بجد اضحك الله سنك كما اضحكتنا
طلب بسيط ممكن حضرتك تزور المدونة دية وتعلق على موضوع مشروع قانون للزواج الاجبارى دا لو حابب تعلق عليه
http://ourlife-accountant.blogspot.com/

noorelmalak Says:

هههههههههههه
تسلم ايدك
ماتخلى زجزج يرفع البتوجاز
هوواولجا
تنمى قدراتوااكتر

Dr/ walaa salah Says:

واضح اننا كلنا هنتعلم من زجزج


بالنسبه للبوست المره دي فيه اكتر من فكره وموضوع

اولهم البسمه

وهتلاحظ يا ابو على اننا بقينا نقول البسمه مش الضحكه

لان يمكن الضحك بقى قليل اوي الايام دي

لكن الحمد لله مجرد البسمه ما زالت موجوده


تعرف ان البسمه دي ممكن تحل مشاكل لا حصر لها
مشاكل الانسان مع نفسه ومع غيره

بمجرد البسمه تذوب هذه المشاكل


موضوع تاني هو تنمية قدراتك واكتشافها

وهو ده للاسف اللي اغلبنا بيفقده

اننا تايهين عن قدراتنا

ودايما منتظرين حد يقولنا انتوا عندكم كذا وكذا

عشان نبتدي نكتشف اللي فينا


عجبني اوي الكلام اللي باللون الاحمر

بس بالرغم انه كلام جميل مش عارفه حسيت بحزن وانا بقرأه

لدرجة اني قريته اكتر من مره عشان اعرف السبب معرفتش بردوا

مش عارفه يمكن عشان نصائح الواحد محتاجها

يمكن ليه لأ


على العموم مشكور يا ابو علي على البوست الجميل كالعاده


ابو علي فين الواجب ؟؟؟؟؟؟؟؟؟؟؟؟؟؟

SHAPE YOUR LIFE (ABOALI) Says:

الى زهراء
يا مراحب يا مراحب بالناس اللى كانت البرد كان عليهم قاسى
اهم شيىء انى يكون المعنى واصل
والبرد يقدر هو كمان يوصل

شفاكى الله وعفاكى واضحك سنك دائما

تقديرى المستمر لانسان قدير

SHAPE YOUR LIFE (ABOALI) Says:

الى مدونة الحياه

اشكرك على دعوتك لى
وتمت زيارة المدونة
وربنا يهب لنا الصالح الدائم

تقديرى

SHAPE YOUR LIFE (ABOALI) Says:

الى نور ملاك
مرحبا بالعودة مرة اخرى
وباحاول فعلا اخلى زج زج يعمل كده
بس محتاج مساعدة اولجا واولجا مسافرة حاليا

ههههههههههههه
تقديرى لانسان قدير

SHAPE YOUR LIFE (ABOALI) Says:

الى ولاء

يااااااامراحب بعد غيب يا فندم
جميل اوى تعليقك يا ولاء
حسيت انك فهمتى معانى البوست بعناية
وكمان اول واحدة تشير الى الكلام اللى باللون الاحمر
لانه احمر فعلا يدل على طريق نتمنى ان نصل اليه ولكننا احترفنا لغة الكلام ولم نحترف لغة العمل به

اما عن الواجب
لاجلك مخصوص جاوبت يا فندم
ربنا يهبك كل السعادة التى تقربك من الطاعات ان شاء الله

تقديرى القدير