سؤال ؟

, الاثنين، 25 يناير 2010


سؤال مهم تردد داخل اروقة المجتمع العالمى
سأترك لكم عنان الفكر لاجابه السؤال
ومن سيصل الى اجابة مرضية فله جائزة عبارة عن

1- دعوة صالحة لتخفيف الضرر الواقع عليه من الضريبة العقارية
2- دعوة صالحة بأن يكون مسرورا مبتسما لاءن نهاية الحياه معروفة
3- دعوة صالحة بأن يكون من السعداء فى الدنيا والاخرة
4- دعوة صالحة ان يعبر طريقه بسلام ولا تغتال احلامه السائقين اللئام
5- دعوة صالحة ان ينمى مهاراته واسلوبه حتى لا يجرح احد
6- دعوة صالحة ان ينجى اطفاله من الدروس الخصوصية
7- دعوة صالحة ان يمتتع بلفظ انسان صفة ومعنى
8-دعوة صالحة ان يكون من المبادرين بالخير ولا ينتظر طابور وانا مالى
9- دعوة صالحة ان يمده الله بالصحة والقلب المتفاعل مع الحياه فلا يفتر
10- دعوة صالحة باءن يكون بمن اذا عرف عمل واذا عمل اتقن

وسوف يقوم بالدعاء ائمة صالحين مشهود لهم خريجى مدرسة لم يستدل عليها

اما عن السؤال ؟

هل تحب ان تكون ذيل اسد ام رأس قطة ؟ مع التعليل حين الاختيار


الى من علق ومن سيعلق السؤال ليس اختيارى واجابته اجبارى
وليس له علاقة باءن تختار ان تكون انسان وتلك المفاهيم
السؤال له فكر ويجب قراءته والتفكر فيه
وليس اخذه على الهامش
لاءن السؤال فيه اجابته فلسفة مجتمع

15 Response to "سؤال ؟"

brightlyanny Says:

لا بجد الليله عيد عشان انا اول تعليق
بصراحه سؤال صعب بس يعنى ف حاجات مبهبه بالنسبه ليا ف الموضوع ده
بس اللى قادره افهمه من السؤال انى مش احب اكون لا ديل قطه ولا اسدلان الاتنين فالاخر وانا عندى امل اكون من قدام مع الاجتهاد طبعا مش بس بالامانى سؤال وجيه والله ياحسن
بس كمان والنبى عاييزين اجابتك
يالا دايما بخير
سلام

الازهرى Says:

أختار أن أكون أنا دون أى انسان أو غير انسان
أختار أن أكون ما اختاره الله لى
وأن أحارب من أجل ذلك

وأتمنى من الله أن أصمد حتى النهاية

شهد الكلمات Says:

ديل اسد ولا وش قطة !!!

اية السؤال العجيب ده

و هاعمل اية بديل الاسد ان شاء الله اهش لوش ساعدته الدبان :s

أمل حمدي Says:

يا ابو علي

مبروووووووووووك لمصر

ولا اييييييه

موناليزا Says:

هناك مقولة انا مؤمنة بها تقول" أن أكون من قطيع الاسد خير من ان اكون قائداً على الغزلان".
===

ملحوظة:مهما كانت اجابتى صح ولا غلط ممكن تدعيلى

yara Says:

من المؤكد انه لا يوجد بيننا من يريد ان يصبح هذا او تلك لان اذا نظرنا لكلاهما فى اول وهله سنجد ان كلاهما دليل على الضعف ......ولكن اذا كان لابد لنا من المفاضله والاختيار فلكل منا نظرته وفهمه للمعنى الذى يحويه ذيل الاسد او وجه القطه.بالنسبه لى ساختار وجه القطه لانه رغم ضعف جسد القطه الى ان الوجه يدل على الفكر والحواس والبصيره ومن خلاله يمكن استغلال كل ما يمتلك من قوه وامكانيات اعطاه الله له ليسير ويستمر ويواجه الحياه بشتى الصعوبات والتحديات .
اما ذيل الاسد فرغم قوه جسد الاسد الا انه دائما سيظل فى الخلف متاخرا لانه لا يملك فكر او قرار او فعل سوى السير وراء الاحداث والتذيل وراء فكر الاقوياء مهما كان صحيح ام خطا.لان العبره بقوه العقل لا الجسد ولكل منا ملكات وامكانيات وهبها الله له......فكره ذيل الاسد ذكرتنى بما نحن فيه عندما نتحدث عن قوه حضارتنا وماضينا ونحن لا نفعل شىء لنثبت قوه حاضرنا وذكرتنى ايضا بما نحن فيه من تباعيه وتذيل وراء الدول المتقدمه واستيرادنا دائما للتكنولوجيا بانواعها وعدم الخبره او المحاوله لنصنيع هذه التكنولوجيا ...ولكن هناك امثله لدول كافحت باقل الامكانيات حتى وصلت الى زروه التقدم وهذا لن ياتى الا بالعقل مهما كان ضعف الجسد فى وجهه نظرنا.
قد اكون بعدت كثيرا وكثيرا وراء فلسفه غير مقصوده ولكن من المؤكد ان سؤالك ابعد واكثر فلسفه.
تحياتى ليك يا ابو على يا محيرنا معااااك
ومبروك يا باشا علشان كسبنا الكاميرون بعد عنااااااء
وربنا يستر بقى مع الجزائر
سلااااااام

كلمات من نور Says:

يا لها من مقارنة مجحفة ..يعني نقول وجه أسد ووجه قطة إنما ذيل أسد داه يا فرحتي مش فالح إلا في هش الذباب يبقى وجه قطة جميلة وديعة مش بتخربش....وكده كده حتى لو كنت اخترت فقرات فرخة ( نظرا لعوجان فقراتي ) لازم تدعيلي يا أبو علي أنا و أمة محمد وكل المؤمنين منذ آدم إلى يوم الدين و ينصرنا ربنا ويصلح حالنا ..آمين...تحياتي

سمكه واحده Says:

انا عن نفسي احب اكون
( ديل سمكه)
(.
ولا انت ايه رايك
علي الاقل هبلبط واهو هفضل في المايه
بص انا هرجع اعلق تاني لما اغش التعليقات من الساده المثقفين وارجع استهبل واقلد يعني
بس عن نفسي زي ما قلتلك اختار سمكه بحالها علي الاقل لما اجوع هاكلها
ولا ايييييييييييه
سؤال صعب وعاوز تفكير والجو برد ومش بحب افكر لا في البرد ولا الحر
غريب انت يا ابو علي غريب
بس انا بحب الاسد اي حاجه بقي من رحته
ال قطه ال
نيهههههههههههههم

سمكه واحده Says:

ابو علي ابو علي ابو علي
صحيح صحيح
نسيت
ادعيلي الله يكرمك بالدعوه الجميله دي
ان اكون من السعداء في الدنيا والاخره ومبسوطه جدا ديما من غير اي سبب الله يكرمك
خد بالك مني وانا هشوفك انا كمان وانت عارف بقي مش هقلك
(:
تحياتي

ستيتة Says:

احب أكون رأس قطة
ليه؟
علشان شكلها جميل
عيونها حلوين
ليها شنب بتخربش بيه
لما بتبين اسنانها برضه الأعداء بيكشوا
ساعات العدو بيقول ان اصلها اسد ومن قرايبه
علشان انا أنثى

واخيرا
لأني لا أحب أكون ديل لأي مخلوق
حتى لو كان أسد

ادعي بقى

أمل حمدي Says:

ادعيلي يا ابو علي

من غير تعليق على البوست

سلام

mohamed ghalia Says:

ابو على باشا
كل طلبات التعليات دعوات
انت طلع مكشوف عنك الحجاب يا إنسان
طب ادعيلى اشتغل بقى ههههههههههه
كن نفسك يا إنسان

فشكووول Says:

يا ابو على
يعنى يا راس اسد يا قطه
ما فيش حاجه فى الوسط
لا ده ولا ده يا سيدى
انا فشكوووووووووول
ولما احب اكون حاجه اكون نفسى
بس يعنى انا اميل الى السكينه والهدوء والطيبه .. يعنى راس قط .. قه قه قه
كنا عايزين توضيح اكتر .. لكن انت فضلت الموضوع يكون غامض عشان كدا مش حتلاقى اجابه واضحه

light Says:

احب اكون الاسد( بس بلاش الديل ده)هههههههه
بس القطه مش هتفيد بحاجه شكل على الفاضى
بس اشمعنا يعنى حضرتك اخترت السؤال الصعب ده؟
سهلها علينا شويه احنا غلابه
وادعيلنا بقى من غير حاجه

الجواز و سنينه Says:

لو على الديل فأنا ما انفعش اكون ديل
ممكن اقبل اكون راس قطه على الاقل فيها مخ