يا فرخة ما تمت

, الأحد، 17 يناير، 2010


اتعودت انى كلما رجعت الى البيت ويكون فى وقت الغدا ان اكل مباشرا"

وضعت الست الوالدة امامى الفرخة ويراودنى فى خيالى

كيف سأقوم الان بعملية الالتهام المنظمة

لتلك الفرخة المسكينة التى شاء نصيبها ان توضع امامى

المهم ندخل فى الموضوع

تبدء العملية بتناول كبدة الفرخة المسلوقة

ثم البدء فى مزمزة الرقبة بكل ما تحتويه من فقرات

فعلا الفرخة دى بتتعذب

المهم خليكوا معايا وبلاش سرحان فى الفرخة

تبدء المرحلة الثانية

بالهجوم على صدر الفرخة شمال يمين يمين شمال

فى مشهد لم يتكرر منذ الحرب العالمية السادسة كم انتى قاسية يا اسنانى

ثم المرحلة الثالثة اطراف الفرخة ويا سلام على الدبوسة يا سلام يا سلام

وتنتهى العملية بمصمصة الاصابع التى انجزت واتمت الخطة الالتهام بنجاح

واذ بى اجد نفسى ناظرا" الى امى وهى تنظر الى متعجبة

ارها شعرت انى ابنها مازال جوعان يا كبدى عليه

وبالفعل اقول لها انى لم اشبع يا امى

فأذا بها تقول لى فى حنو

يا حسن قل بسم الله وانتظر ان تأكل فى جماعة فوالله يا بنى قالها المعصوم صلى الله عليه وسلم

طعام الواحد يكفى الاثنان والاثنان يكفى ثلاثة

وما كانت البركة فى شيىء الا كان ميسور و وجهك به فرحا" عليه كل الحبور

سمى الله فى كل شيىء

تذكره لى لأنى نسيت يا ترى فيه حد نسى غيرى

32 Response to "يا فرخة ما تمت"

شمس النهار Says:

تذكره لطيفه

لايمكن اقدر اكل لوحدي

لازم حد ياكل معايا

ولو مافيش حد يشاركني

اشرب شاي ولبن واحمد الله


سلامي

ستيته حسب الله الحمش Says:

زي ما ضحكتني لاااااااااااااااازم انا كمان اضحك
بنتي لما بتيجي تاكل بتقعد تسمي كتير جدا وتقول ادعيه كتير وكأنها في اللاوعي خايفة تكون نسيت تسمي
وبعد دقيقتين ترجع تسمي تاني وتقول كل الأدعية
اي حد يجي ياكل عندنا بقى مش متعود زينا ان هي كده في مرحلة السرحان النهائي
تلاقيه "وكل مرة نفس الطريقة" يقول بعلو حسه
خلااااااااااااااااااص يا ماهي يالهوي
انتي قريت القرآن كله
هههههههههههههههههههههههههههههه

كلمات من نور Says:

الله على بسم الله في كل حال و أوان

لو ظللت ترددها كعبادة وليس كعادة تصبح لك بردا وسلاما على قلبك دائما و أبدا ...أنا أولادي الصغار دايما يقولوا لأبوهم ولأخواتهم الكبار ، واحنا بناكل : قلتم بسم الله؟ علشان لو مقلتوش بسم الله قبل الأكل يبقى قولوا : بسم الله أوله و أخره...محمد ثروت زمان كان عنده أغنية من أغان الطفولة المشردة ...لا مش طفولة الا كده باصغر نفسي ..هي كانت المراهقة بس كنت باغنيها لاخواتي الصغار ولأولاد وبنات خالاتي ومن بعدهم أولادي ..أغنية بسم الله
كانت بتقول : بسم الله بسم الله أحلى كلام اتعلمناه بسم الله لازم يا حبايبي نبدأ يومنا باسم الله...وفيه حاجه مهمة جدا افتكرتها حالا وهي إن بسم الله الرحمن الرحيم ف سورة الفاتحة تعتبر أولى آيات الفاتحة والكثير منا غفلها ويقرأ الفاتحة بداية من : الحمدله رب العالمين ...لذا أذكر نفس و إياكم أنها من الفاتحة ...وعندي سؤال لا سؤالين : في أي سورة من القرآن الكريم لم تذكر البسملة؟ وفي أي سورة من القرآن رددت البسملة مرتان؟؟؟

في انتظار الأجوبة وبالراحه على فقرات الفرخة والا داه علشان انت كنت بتعاني منها حتفتري عالفرخة ...........ههههههه وانت بتحكي وجعتني فقراتي ...بالهنا والشفا على قلبك

موناليزا Says:

كانت معلوماتى وانا صغيرة انى قبل ما اكل لازم اقول بسم الله وبعدها الحمدلله
ويمكن كلمة الحمدلله هى اللى دايما كنت بفتكر اقولها:)
المهم لما دخلت الكلية وفى يوم فى التربية العملى(رياض اطفال) لقيت الاطفال فى ميعاد الفطار طلعوا السندوتشات وقعدوا يبصوا لى
فسألتهم ليه ما بتأكلوش؟
قالولى أصلك مستنيين تقوليلنا دعاء قبل الطعام
فانا قلت دعاء!! يبقى مش معقول هتكون بسم الله بس اكيد فيه حاجة تانية بس انا معرفهاش!!
المهم ربنا الهمنى ان أقول مين الشاطر اللى هيقول الدعاء والفصل هيقول وراه:)
وفعلا قالوا الدعاء ومن يومها بجد عمرى ما نسيت أقوله
" اللهم بارك لنا فيما رزقتنا وارزقنا خيراً منه وقنا عذاب النار" بسم الله الرحمن الرحيم
دعاء بعد الطعام
وده أنا دورت عليه ماهو كان لازم بعد الموقف ده احفظ كل الاذكار:)
" الحمدلله الذى أطعنى هذا وأسقانيه من غير حول منى ولا قوة".

Lady E Says:

بالهنا والشفا

والاكل في مجموعه بيفتح النفس وتحس ان فعلا في بركة في الأكل

حلوة التذكرة

وكلام موناليزا عجبني

فعلا كنا ايام كي جي بنقول الاذكار قبل الاكل

ده غير كمان انه ثبت علميا ان اي شيء بيذكر عليه اسم الله بيبقى طيب والجسم بيستفيد منه

انا شفت الكلام ده عمليا في مياه الشرب فعلا شكلها بيتغير وبتبقى طيبة وجميلة لما يذكر عليها اسم الله او القرآن ولما الكلام يكون جميل وطبعا بما ان المياه جميله وجسم الانسان معظمه بيتكون من الماء فالانسان هيبقى مزاجه عال العال :) ومرتاح

A.SAMIR Says:

كتير بننسى
انت ناسي ان الجوع كاااااااااااافر؟؟

yara Says:

ههههههههههههههههههههههههههههههههههههههههه
جااااااامد بجد يا ابو على حسستنى انك مش بتاكل …بتاخد بتار قديم بينك وبين الفرخه الغلبانه اللى وقعت تحت ايدك
وكمان والدتك فعلا ليها حق تتعجب عمال تحارب قدامها ومش مستنى حد ييجى يشاركك الحرب اللى انت فيها(مفترى فعلا)
قال وايه فى الاخر مش شبعان يا حرااااااااام مجوعينك .

متنساش تانى البسمله يا مصراوى ……غيرك جعاااان وعايز ياكل .
انا بقى كنت وانا صغيره دايما يقولولى اللى مش بيسمى الشيطان بياكل معاه وبيخلص اكله بسرعه.
علشان كده كان لو فيه اكل بحبه لازم اسمى قبله ولو اكل مش بحبها استحاااااااله اسمى علشان الاكل اخلص منه بسرعه(نبيهه انا من يومى)

بالهنا والشفا يا ابو على وسلامى للمرحووووومه اللى انت عارفها طبعا.

ميرام Says:

(:
بالهنا والشفا
(:

أمل حمدي Says:

ابو علي

رغم المقدمة الكبيرة التي سبقت المغزى الحقيقي لكلامك
الا انك وصلت الغرض من تدوينتك بطريقة جميلة وسلسة
البسملة والبركة

تدوينة جميلة

تقديري لك يا ابو علي

~PakKaramu~ Says:

Pak Karamu visiting your blog

ABOALI Says:

الى الحاجة شمس النهار

جميييييييييييييل جميييييييييل
طب مش تبقى تعزمينى على الشاى علشان نبقى جمااااعة هههههههههه

الجميل ان ترى اناس رائعين الاجمل ان تكون منهم نسخ


يلا بقى همتك معانا عدة نسخ من حضرتك كده

ودايما مشرفانى

ABOALI Says:

الى الفاضلة ستيته

ههههههههههههههههههه

ايه الجمال ده واحدة بوحداة يعنى

ماهى دى رائعة بجد ربنا يجعل لكم فيها الصلاح والخير ويكون لها نصيب من قلبها الطيب النقى

ودايما حضرتك منورانى

ABOALI Says:

الى كلمات من نور

الله الله حلوة اغنية محمد ثروت ومميزة
ثانيا بقى جميل التذكرة اول سورة فى المصحف الفااااااااتحة

ربنا يفتح علينا بالخير
قرء الائمة الاربعة الفاتحة بدون قراءة بسم الله الرحمن الرحيم وقرؤها فى السر
السبع المثانى لا يدخل ضمنهم بسم الله
لذا نحن نقتدى بالصحابة رضوان الله عليهم


ناءتى الى الاسئلة سورة التوبة لا يذكر
فيها البسملة لانها اولها براءة من الله ورسوله(ص)

ام البسملة مرتان
سورة النمل فى البداية طبعا
وعند قراءة خطاب سيدنا سليمان لملكة سباء


اما عن الفقرات

خدى بقى يا ستى
نبدء بقى من الفقرة الاولى حيث يكون اللحم الطيب يا سلام يا سلام وندخل على الفقرة التانية
نلاقى بقى برنامج اضحك اضحك
قوووووووووومى بقى ايه ايه تصلى على النبى الكريم
تقولى وعليك الصلاة والسلام يا نبى
قووووووووووومى بقى ايه تبسمى والبسمة تعلو وجهك الكريم


منوووووووووارنى دايما

ABOALI Says:

الى موناليزا

ابعينى ما ارى موناليزا تعلق فى اكثر من سطر ياااااااااااااه
ايه اللى حصل هههههههههه

على العموم

موقف تعليمى رائع اللى اتعمل ده

احييكى على سرعة البديهة فيه
وفعلا البسملة تفتح العقول والبركات

احييكى يا فندم يا صاحبة التعليقات الجميلة

ABOALI Says:

الى ليدى

يا مرحب يا مرحب

منورة يا ست الكل

عجبنى تعليقك لانه اوجز وله عبق عملى
فعلا كل شيىء يذكر عليه بسم الله يتغير لونه الى الافضل

ربنا يشرح صدرك دايما بكل خير وبركة

منوووووووووورانى

ABOALI Says:

الى احمد سمير

فعلا كافر
وبنحاول نخليه يدخل فى الاسلام

همتك بقى

ABOALI Says:

الى يارا

ههههههههههههههههههههههه
يا عينى يا عينى
حتى البسملة نقاوة
الاكل التمام يبقى نسمى
الاكل النص نص بلاش

وجاية تبصى ليا فى حتة فرخة يا مفترية

يا عينى يا عينى على التصالح مع النفس
لعلمك بقى دى مش اكلتى ابدا
وعلشان ماما مردتش اقول ليها هو فيه اكل ولا العملية نواشف كده (وش بيغمز)

صحيح يا يارا مفيش عندكوا عزومات قريب ؟


منور يا انسان

ABOALI Says:

الى ميرام

طب قولى بسم الله يا ميرام
وهاتى معكى فرخة كده وانتى جاية

منووووووووورانى

ABOALI Says:

الى الفاضلة امل حمدى

يا فندم السلاسة هى اسلوباكم الجميل
والحياه بها القليل فندعوا ان تكونوا كثرة
ليعم الرمز النبيل


منورانى بجد

ABOALI Says:

To ~PakKaramu
AM HAPPY THAT U HERE
I HOPE THAT U UNDERSTAND ARABIC LANGUAGE TELL ME IF U REALLY KNOW
ARABIC
BUT AM HAPPY THAT U HERE

THANKS

شهد الكلمات Says:

ماشاء الله ماشاء الله فرخة من بابها ههههههههههههههه
بالهنا و الشفا و هنيئا مريئا

في عادة حلوة بابا علمهالنا كل ما نجتمع على اكل

يقعد كدة و يشمر و يقول اللي ماسماش يسمي نقوم كلنا نسمي حتى لو كنا سمينا قبل كدة
و بقت عادة في العيلة مش في الاسرة بس

و بعدين يا استاذ حسن فين مشتاملات الفرخة ولا انتا بتاكل و تركن اكيد مامتك عاملة جنبها ملوخية و شوية رز و سلطة و ممكن كمان صينية بطاطس كل ده نسيته يعني ;)

لا و كمان مافيش اتفضلوا معانا
ماشي يا سيدي ما اللي على على

;))

E73 Says:

بسم الله الرحمن الرحيم
السلام عليكم ورحمة الله وبركاته

بالهنا والشفا
ههههههههه يا عيني عالفرخة دانا باخد ربع يادوب باكل منه الدبوس ومبقدرش أكمل

فعلا صدق الرسول صلى الله عليه وسلم

أكيد بس ماما أكلها يفتح النفس تسلم ايديها

المعتصم Says:

السلام عليكم ورحمة الله وبركاته
ازيك ياابوعلى
يارب تكون فى احسن الاحوال
يبقى علشان كده انت افتكرت عندى السفن اب
كنت عاوز تهضم ياعينى عليك
بس ياراجل خضيتنى فى الاول
انا افتكرت انه فيه حد هجم عليك وشاركك فى الفرخه
انما طلعت بسيطه
وبالهنا والشفا ياقاسى يامتوحش
ياسفاح الفراخ
هههههههههههه
ســــــــــــــــــلام

ghorBty Says:

السلامـ عليكمـ

ربنا يبارك في عمر الست الوالده يارب

وبالهنا والشفا

اوعي تنسى التسميه تاني علشان الفرخة تتم بسلام

جزاك الله خيرا علي التذكرة

light Says:

هههههههههههههههههههه
ضحكتنى فعلا لان اسلوبك دمه خفيف جدا
بالهنا والشفا ان شاء الله بس كده الواحد يخاف ياكل معاك.

شموسة Says:

الست الوااااالدة؟؟؟

ونسيت تسمى ؟؟؟؟

ده بجد؟؟

ABOALI Says:

الى شهد الكلمات

فعلا اللى على على يا بنتى اوووووووومال
اقل من فرخة لاء
بس هو الشيطان الوحش كل معايا يرضيكى كده
فعلا الاسرة تساعد على تذكر البسلة وتزيد البركة

بس مشتملات ايه يا صاحبى
اذا حضر اللحم بطل المشتمل
ههههههههههههه

منوارنى والله

ABOALI Says:

الى E73


هههههههههههههههه
وانا مالى بقى انتى شكلك بتعملى رجيم
دبوسة ايه بس دى فاتح شهية يا انسانة ليا

الوالدة اكيد ربنا يخليها


مشرفانى فى اول ظهور اتمنى رؤيتك مرة ثانية

ABOALI Says:

الى مش عارف

يا اهلا يا اهلا بالصعايدة الطيبن
سفاااااااااااح فراخ يا قاتل قلوب العذارى
ههههههههههههه

اعمل ايه بس يا درش قولت افتح شهيتى بالفرخة الصغيرة دى

منور يا انسان

ABOALI Says:

الى غربتى

فينك يا فندم بتغيبى ليه
المهم اتمنى تكونى بخير بالفعل
وربنا يخلى كل الامهات الصالحات
هم نور لينا والله
ومن غيرهم الدنيا صعبة

ربنا يبارك ليكى ويجعلك فى افضل حال ترضيه

منوارنى يا فندم

ABOALI Says:

الى LIGHT
هههههههههههه
ايون ايون
يا فندم يشرفنا وجودك محتاجين حد يشارك فى الاهتمام بالفرخة والفرجة

ولالالالالالالالالالا ايه

منور فى اول ظهور

ABOALI Says:

الى شموسة

هههههههههههه
ايوه نسيت اعمل ايه علشان كده العقاب كان اكل الفرخة حتى الثمالة جزاءا" مفروضا

منوووووووووووورة يا انسانة