سماد عضوى

, السبت، 30 يناير 2010



هناك احداث يجب ان نتعجب منها

ولكن عندما نقترب منها ونضع تلك العدسات على اعيننا

لنرى ولكن بعمق اكبر

تلك العدسات قد تكون عيون النفس او الروح او القلب

ولكنها ليس تلك العدسات العادية

التى توضع على الاعين او تلك النظارة او ذلك المنظار الذى يقرب منا الاشياء

ما حدث فى لقاء المدونين فى نادى الزراعين فى الدقى

والتقاء هذا الكم من بنى الانسان شيىء فعلا مبهر

يدعونا للنظر بتلك العدسات اى عدسات الروح والقلب مع نور الايمان

الاستفادة التى حدثت من ذلك اللقاء

ليس هو رؤية هولاء الذى يكتبون من خلال القلم

او نوع من انواع الترويح عن النفس وان كان مطلوب

او تجمع احباب وان كان مطلوب

ولكن جاءت الاستفادة اعمق

حدث ما يسمى اخصاب ارض او تلقيح مجهرى او اضافة سماد عضوى للارض

تلك الارض هى نحن

والسماد والاخصاب حدث من خلال الخبرات

التى بمجرد ان تتضع العين مكانها ويحل القلب محلها

تشعر باءن هناك فيضان ونهر من الخبرات تستطيع ان تكتسبه من خلال ساعات قليلة حضرت فيها

كم كانت اعمار من كانوا فى اللقاء

اجمع تلك الاعمار مع الافكار مع ثوب الخبرة سينمو يقينا" فيك نبت جديد

ويدرك ويلاحظ الجميع كم حدث تنمية واعادة تسميد لارضه


كم زاد نقاء تلك الارض

عندما رات بعين راسها كيف ان اناس قلوبهم بيضاء نقية يخدمون بلا طلب

كم زاد فهم تلك الارض

حين رات كيف يعيش الناس بواقعية و ويعيشون ايضا فى احلامهم

كم زاد ارتقاء تلك الارض

حينما راى سلسلة من الاغصان الجديدة فى صورة اصدقاء جدد تزرع داخل ارضه

كم زاد يقين تلك الارض

عندما رات اناس يحملون قلوبهم هدايا للغير ولا يتنتظرون الاحسان

كم زاد سعر تلك الارض

واصبحت كنزا حنيما تولد اليها شريان جديد يرويها


الجميع يسرح بعقله ليدرك اننا قد تم تسميد الارض

وحدث لها تلقيح مجهرى جديد ليعيد بسمات على النفس

ويرسم نقاء الروح من جديد

هذا انطباعى ووجهة نظرى عن لقاء المدونين لقد وضعت عين جسدى حينما دخلت اللقاء او قابلت اى انسان

وفتحت عيون روحى وقلبى لتنهل من ذلك الحب وذلك النقاء

وسرقت من خلال تلك العيون بسمات من هنا وهناك

حتى لمن لم اتكلم معهم

عذرا لن اذكر اسماء لاءن كل من فى اللقاء يستحق الشكر والتحية


ولكن قلمى يطرق على يدى قائلا قول ل دكتورة ستيته حسب الله الحمش جزاكى الله خيرا

36 Response to "سماد عضوى"

فاتيما Says:

يا استاذنا
الله يفتح عليك

ايجابيتك اسعدتنى


و كان واضح من اول لحظة
انك جاى بهذه الروح
و مش مستعد حد يسلبها منك
و لا أى شوائب تعتريها

احييك على نظرتك دى

و انت كأنك بتوصف الاحساس
ذاته اللى بيجيلى كل لقاء تدوينى


ومع انى بقالى سنتين
لكن دايما احس انها
زى اول مرة
و استمتع بكل ما فى اليوم
و انسى سلبياته لو وجدت


انت نورت اللقاء

و تتكرر إن شاء الله
على الف خير

خالص ودى لحضرتك

أمل حمدي Says:

ماشي يا ابو علي

علشان يعني أنا في بورسعيد اتحرم من السماد المعنوي الجميل دا

على العموم أنا ها أكتسبه من قلمك الجميل وروحك الحلوة اللي كتبت

دايما يارب مجمعين على الخير وفي الخير اللهم أمين

تقديري لابو علي الغالي

I'm The CraZy One Says:

حلو اوي التشبيه :] :]
بجد انا استمتعت جدا بالحوار و حضرتك ضفت علي اللقاء لمسه حلوه اووووي :]

د. ياسر عمر عبد الفتاح Says:

أستااااااااااااااذ
أنا من زمان قلت إن الجماعة بتوع الدوا دول بتبقى ليهم حاجات عالية
أسألوني أنا


معكش حبتين تراموندين لزوم التعلية

ENG./ELSAYED,PMP Says:

شرفت بالتعرف على حضرتك يا دكتور

سيد

romansy Says:

الله عليك يا ابو على ياريت نبتنا يكبر ويكبر ويوصل للسماء
بس ان شاء الله هيوصل علشان شفنا شباب جمال تفكيرهم محترم قوى بيفكروا بايجايبه
وشباب يستاهلوا الف تحيه
وبعدين يا ابو على انت انسان جميل قوى انا سعدت جدا جدا بلقائك
تحياتى يا اجمل اخ

yara Says:

ادام الله المحبه وخير التواصل والالفه بينكم

كلمات من نور Says:

الأرواح جنود مجندة ..ما تعارف منها ائتلف و ما تنافر منها اختلف...وانتم ارواح اجتمعت على حب الله والعمل الخالص لوجهه الكريم...انا شكلي حانقل للقاهرة بقى ..وش غيران ... ربي يجمعنا جميعا عالخير لنحصد دوما الخير...

mohamed ghalia Says:

عمى وعم عيالى طبعا انت خدتتنى لحسابك لأنك الوحيد الى لحق اتكلم معايا قبل ما أمشى
بس انا عايز اعرفك انى خنتك وعملت لقاء تانى فى الخباثة بعد العشاء انا ومجموعة مدونين وبجد كان لقاء تحفة
معلش بقى يامان منوفى بقى هههههههههه

موناليزا Says:

كل تجمع وأنتم طيبين وفى حب الله متجمعين

شمس النهار Says:

الحقيقة
اتشرفت بمعرفتك جدا

وفكرك الراقي

وبرضة انا الاسد كله لاراس والا ديل ::))

بس بجد كنت متوقعة ان البوست هيكون قصيدة بها كل الاسماء
تدون هذا اللقاء
مش عارفة ليه جاني الخاطر ده
وانا بكتب البوست عندي امبارح

:)

صحيح مااتكلمناش مع بعض كتير
لكن واضح انك انسان متفتح الذهن مثقف
راقي

شكرا لك

سلامي

هي وظروفها Says:

تصدق بلله يا ابو علي

انت جميل وكبير وغالي

بجد شرف ليه اني شوفتك وقعدت معاك ربنا يسعدك دنيا واخره الا صحيح انا معلرفتش

انت راس قطه ولا ديل اسد

كده تضحك علينا ومتقولش؟؟؟؟؟؟؟؟

ستيته حسب الله الحمش Says:

ما شاء الله لا قوة الا بالله
بقولها حتى لا تحسد كلماتك الراقية عيناي
جزاك الله خيرا انك جيت
كنا ها نعمل ايه من غير ما نناقش قصة القطة :)
والله استمتعت جدا جدا جدا وسعدت بالتعرف عليك ولم تختلف عن مدونتك
طلعت انت انت مش حد تاني
الشخص مثل الكتابة بلا اي شيزوفرينيا

شرفني معرفتك
تحياتي

ستيته حسب الله الحمش Says:

سماد عضوي؟
طيب الحمد لله إن كلنا ها يبقى سعرنا غالي زي منتجات إيزيس :)

الشعب لابد له من حكومه تشكمه Says:

انا جييييييييييييييت.
يانهارى يانهارى اول لما نزلت من التاكسى وبسلم عليكو:
انا تفاءلت والله,
حضرتك بشوش جداااااااااااااا وحسستنى انى اعرفك من زماااااااااان.
بجد بجد حضرتك ملكش حل وايييييييه الدماغ دى,
اعتقد ان حضرتك ودكتوره ستيته واستاذ سيد البورسعيدى من مكاسب اللقاء ده دا غير كل اللى شوفتهم:)

بس برضه انا مصممه انا راس القطه:)

blue-wave Says:

ربنا يجمعك دايما مع من تحب فى الخير

أم بتول Says:

صحيح ما تشرفت بالكلام معاك ولما بدأتم حلقة النقاش كنت بستأذن وعلى فكرة و أنا بسلم عليكم كنت حاسة أنه هايفوتنى كتير فى قعدتكم دى لكن كان غصب عنى ، عموما بجد أتشرفت بمعرفتك و البوست و تشبيهك جميل جدا وراقى جدا جدا ، بس صحيح ايه موضوع ذيل القطة و الاسد دة ، باين علية موضوع كبير ياريت تحكى لنا علية فى بوست تانى على الاقل نحس أننا كنا معاكم .

MaNoOoSh Says:

بعد ما اتعرفت عليك يا ابو على
لازم اوعد نفسي اني استعير منك روح التفاؤل دي في أي لحظة يأس


واللقاء التدويني دة كان مكسب كبير لنفسي ولشخصيتي


سعدت جدا بالحديث معاك في اللقاء

SHAPE YOUR LIFE (ABOALI) Says:

الى فاتيما

ياهلا ياهلا منورةوالله
ايه هاتكونى زبونة للمدونة ولا ايه
اتعود على كده وبعدين
ههههههههههه

ربنا يهب لك كل الخير
كلنا علشان نعيش لازم نشوف الحلو ومافيش مانع من حبة تحديات نقابلها علشان نشوف مين الجميل ومين اللى هايبقى اجمل


تشرفت بيكى يا فندم

SHAPE YOUR LIFE (ABOALI) Says:

الى الفاضلة امل حمدى

يا فندم صدقا من اناس بيضاء قلوبهم مثل حضرتك اكتسبت تلك الروح

عذرا" سيدتى ان سرقت تلك الروح الجميلة
ولك الثواب عند الله وهنيالك يا فاعل الخير

لك كل البشر والسرور ان شاء الله

تحياتى

SHAPE YOUR LIFE (ABOALI) Says:

الى AM CRAZY ONE

تؤتؤ مش معقول
المدونة كده هاتتعود على تلك الوجوة النضرة

يافندم صدقا صدقا
الشرف والسعادة كانت لى وانتم كما اقول
دائما انسان قلبى

المدونة ازدات سرورا

SHAPE YOUR LIFE (ABOALI) Says:

الى دكتور ياسر
يا بنى بلاش فضايح المدونة عمله مزاج عالى
انت مش عارف ولا ايه
ههههههههههههههه
يا فندم استمتعت بك انسانا راقيا

اشكرك

SHAPE YOUR LIFE (ABOALI) Says:

الى مهندس السيد

يا فندم مرحب بيك
ما شاء الله فكر عالى راقى
قراءت متعددة اسلوب مميز

ناقص بس تحافظ على صحتك لينا وبلاش سجاير
فيه ناس كتيرة محتاجه فكرك و رؤيتك صدقا فى هذا البلد

اشكرك

SHAPE YOUR LIFE (ABOALI) Says:

الى رومانسى

يا قهلا يا قهلا

مع انك منوفى بس مش عارف ليه القلب بتاعى طلع كاوتش وحن ليك وفتح الباب على مصراعيه

ايه يا عم كفاية سحر رومنسى بقى

هههههههههههه

منورانى يا رومانسى وانا من كسب اخ كريم

SHAPE YOUR LIFE (ABOALI) Says:

الى يارا الاصيلة

متعودتش منك يا يارا على التعليق الطاير ده
شكلك كده كنت زعلانه انك ماكنتيش معانا
(وش بيغمز)
انا متاءكد انك لو كنتى معانا
كنتى احدى القلوب النقية التى تحمل فيضان من الخير والنور والنقاء والصفاء

اتمنى لك كل البسمات

SHAPE YOUR LIFE (ABOALI) Says:

الى كلمات من نور

صدقا تمنيت ان التقى بحضرتك
اشعر حين اجد تعليقك عندى انى مازلت اكتب شيىء له قيمة

لك كل الصحة والعافيه

SHAPE YOUR LIFE (ABOALI) Says:

الى محمد الغاليه

اقوووووووووول ايه منوفى اصلى كمان ومن الاحراش

وهو انت هاتفضل عاااااااطل من شوية

ههههههههههههه

منور يا غالى

SHAPE YOUR LIFE (ABOALI) Says:

الى موناليزا

ادام الله الود والخير لك ولنا ان شاء الله

قووووووووولى امين

SHAPE YOUR LIFE (ABOALI) Says:

الى الحاجة شمس النهار

دار فى فكرى فعلا هذا

كتبت حاجة بعنوان
اتئوا من بعيد
يحملون الروح معطرة قلوبهم بالرياحين


ولكنى لم اكمل
خوفا ان انسى احد

الشكر للجميع والثناء لكم

ومن يستحق التقدير
هم من اهتموا وعرفوا وايقنوا ان للانسان قيمة لا يشعر بها الا من كان قلبه مضاء
وانتى يا سيدتى منهم

عميق شكرى وتقديرى لكم

SHAPE YOUR LIFE (ABOALI) Says:

الى هى وظروفها

ازيك يا وليد
والله منور المدونة شخصية مصرية اصيلة

اتمنى لك كل السعادة فى حياتك وان تبنيها بكل الخير والجهد

ديل الاسد او راس القطة
سؤال نحيا فيه وهو عنوانا

ولالالالالالالالالا ايه


شرفتنى يا انسان

SHAPE YOUR LIFE (ABOALI) Says:

الى الدكتور ستيته

كنتى هناك عنوان جمع الجميع فى حنان
سكبتى هناك الياسمين والريحان
احببتى بعيون الروح وقلبك كان للجمع مفتوح
ادم الله عليك كيانك المرفوع برايات الخلق القويم الواضح

الذى سعد هو شخصى صدقا صدقا

اشكرك

SHAPE YOUR LIFE (ABOALI) Says:

الى دكتور ستيه كمان وكمان

ههههههههههه

ياباشا نفرح شوية ونعيش من غير هرمونات

لعل وعسى

ولالالالالالالالالالالا ايه

SHAPE YOUR LIFE (ABOALI) Says:

الى الشعب لابد من شيما تشكمه

ههههههههههه

حاسس وانا بكتب
انى بكتب بيان حكومى

ما شاء الله عليكى يا شيماء
ليكى طلة مميزة ادامها الله عليكى

كلها رقة وحيوية وفهم

المستفيد هو انا من التعرف عليكم فاءنتم بالفعل كنوز

شكرى وتقديرى

SHAPE YOUR LIFE (ABOALI) Says:

الى بلو ويف

امين يا دكترة
كل الخير لك دائما وانت معانا ان شاء الله

والف مليار سلامة من البرد الوحش ده

شكرى وتقديرى

SHAPE YOUR LIFE (ABOALI) Says:

الى ام بتول

اللى فتنا فعلا هو تشريف حضرتك ووجودك
اللى كنت متاءكد انه هايضيف

موضوع القطة ولاسد
له بوستين سابقين اسعد جدا ان قراءتى ما كان فيهم

ولك كل السعادة ان شاء الله

SHAPE YOUR LIFE (ABOALI) Says:

الى ماااااااانوش

والله يا مانوش سرقت التفائل ده منك
ومن بشر وجهك الجميل

ادم الله عليكى ذلك البشر الذى احسست به فيكى

وربنا يهبك السعادة فى الدنيا والاخرة

والشكر متواصل لك دائما