شهد الابتلاء

, الثلاثاء، 1 ديسمبر 2009


لا تكاد تمر الايام الا ويتعرض كل منا لاختبار وابتلاء


ومن احدى تلك الاختبارات تلك التى مررت بها بنفسى


منذ حوالى اربع سنوات بدء بعض الالم يدب فى خلف الظهر


وكعادة كل انسان تناول بعض المسكنات ولكن فى انحدار سريع


اتخذ الطبيب المعالج بضروة سرعة عمل عملية انزلاق غضروفى بالظهر


وماهى الا ساعات الا ووجدت نفسى راقدا


فوق سرير فى مستشفى النيل بدراوى فى المعادى


وقالوا ابسط ياعم على النيل


و ماكانت الا دقائق وانا فى غرفة العمليات


يقول لي الطيب ما اسمك واين موقع الالم


وها هى الساعات تمر لأفيق لاجد الاهل والاقارب


قد تجمعوا وفى اعينهم الكثير من الشفقة


وانهار من الدموع واذا بى دموعى تسيل


ليس من تعب او الم فى اول وهلة ولكن لما تسبب فيه المى


واختبارى من الله فى ان ارى تلك القطرات المترامية من الدموع


وها هم يذهبون بعيدا يذهبون الى منازلهم


وارقد انا فى تلك الغرفة ارى من امامى كورينش النيل


ولكن الان اراه بنظرة من لا يستطيع التحرك كما اعتاد


فها انا على سريرى اريد ان انتقل وانام الى الجانب الايمن


بعد ان كنت فى الجانب الايسر


يااااااااااااااااااااااااااااااه


تلك الحركة التى يفعلها ويفعلها الجميع بشكل تلقائى


لا استطيع ان افعلها


يااااااااااا لها من نعمة لم اكن اشعر بها


وها انا شعرت بها عندما اختبرت فيها


ولكى انام على جانبى الايمن كان ولا بد ان انزل


واترك السرير امشى حاملا" الامى


لكى اصل الى الجانب الاخر من السرير


واتكأ مرة اخرى على الجانب الذى اريده


فاءذا شعرت بالحنين الى التقلب اذ بى اكرر نفس الفعل


حتى ارتاح ولو قليلا" فى نومى


ولكن هيهات هيهات اذا بى استيقظ وكأنى قد نمت قرونا"


لانتظر فى الساعة فاءجد انه قد مر


على نومى دقائق معدودة لاءجد نفسى من جديد امام تلك النافذة


واقول يارب هل اعود يوما" لاءمشى مثل هولاء الناس خارجا"


يارب هل اعود يوما" لاستقل واقود سيارتى من جديد


ياااااااااااااااااااااااااه اين كنت ؟ وكيف اصبحت ؟


وتمر ثلاث ايام


يسئل الجميع فيها كم نمت واسترحت تتطلب ماتشاء من طعام


ويخدمك الجميع مرفها"


واسمع تلك الكلمات ويكاد جوف قلبى ينطق


نعم نام فى ثلاث ايام ثلاث ساعات


واكل جرامات من الطعام الشهى الذى كان يقدم


فأى كلمة تقال لن تصف نعمة واحدة تشعرون بها انتم يا من تسألون


وتمضى الايام وتأتى لحظات العلاج الطبيعى


ولابد من السير وها انا اسير واريد ان اعبر الشارع


ولكن هيهاااااااااااااات فها هى السيارات تتهافت فى امواج لا تتنظر احدا


ولكن هل يعلمون انى مريض واريد ان اعبر الطريق ولكن ببطء


لا يعلمون لا يفهمون


هل سيدركون لما اعبر الطريق بتلك الطريقة ها سيفكرون لا اظن


ومرت الاسابيع


ويصبح الصعب سهلا وتمر عليا لحظات الاختبار والابتلاء


واعود صحيحا" وانخرط فى الحياه من جديد


ولكن


هل انا هو انا


لا

انه الشخص الذى شهد بعينه ان مجرد التقلب فى سريره


نعمة من نعم الخالق


انه الشخص الذى شهد بعينه وايقن انه يحب ان ينتظر بسيارته


ليعبر الطريق فى هدوء من يريد ان يعبر


لاءنى التمس له ان يكون مريضا" ان يكون متعبا"


انه الشخص الذى فى ثلاث ايام نام ثلاث ساعات ولم يشكو من الاجهاد


انه الشخص الذى ايقن ان لكل شيىء حكمة فى الحياة


وان البلاء فى بدايته يكون جبلا ومع الصبر يتحول الجبل


من جبل صخور الى جبل جيلد


انه هذا الشخص


الذى انسابت منه الدموع لتقول له ها انا انساب منك دون اردتك


واكون لك صفاء" ونقاء"


لنفسك وروحك


ان هذا الشخص هو انا


الذى هو الان الصحيح المتعافى ولكن له وجه اخر ينظر للحياه به



مهما اشتدت بنا النوازل والبلايا


هناك رب رحيم بكل البرايا


ترى يونس من بطن الحوت قد نجا


ويوسف هناك فى قاع البئر نور" قد رأى


وموسى القى فى اليم وفى حضن امه ارتوى


وابراهيم فى النار بردا" وسلاما" مقربا


ونوح هاهو فى البحر بين الامواج عائما


وايوب بكل البلاء صابرا


وزكريا نادى والراس بالشيب اشتعلا


ومريم تهز النخلة وعيسى بالكلمة مناديا


ويرفع اللواء هناك محمدا (ص)


يااااااااااارب امتى كن هديا


وتشرق الارض بنور ربها


لمن خر له ساجدا" باكيا


وكان قلبه ذاكرا


وجسده على البلاء صابرا


فطوبى لمن كان لذلك موقنا


فهل فهمت يا مؤمنا




(طوبى اسم شجرة فى الجنة )


لمن عانى واختبره الله لينظر للحياه وبلائه بوجة اخر


ويستطعم ذلك الوجه سيجد يقينا


ان فى البلاء حلاوة وقرب مثل الشهد


والله اعلم واعتذر للاطالة ولكن تلك الكلمات


قد يطويها البعض ويقرئها بسرعة وفى لحظات


ولكنى على يقين ان هناك من سيقرئها


ويفهم ما بين السطور

23 Response to "شهد الابتلاء"

blue-wave Says:

الف حمدالله على سلامتك
بس يا راجل تعمل عمليه فى المستشفى اللى انا فيها وماتقولش؟؟؟
لا انا كدا ازعل
ارجع يلا تانى ونعملك واحدة جديدة:))
او رجع الزمن 3 سنين ورا:))
معروفه من زمان يا ابوعلى ان الصحه تاج على رؤوس الأصحاء

موناليزا Says:

شكر خاص على هذا الموضوع

yara Says:

الحمد لله الذى شفاك يا ابو على ويارب يديم عليك نعمه الصحه طول العمر.
جميل جدا اننا نتاثر باى موقف مر علينا او اى لحظات عصيبه وناخذ منها عبره وتكون وسيله مساعده تجعلنا نقترب من الرؤيه السليمه للحياه وعندما نتذكرها لا نقول سوى الحمد لله .....ولكن اذا بحثنا ونظرنا فيما حولنا سناخذ عبر اكثر واكثر وندرك نعم الله علينا التى لا تعد ولا تحصى .
فعلا موقف تعلمت انت منه الكثير وتعلمنا نحن ايضا منه الكثير
وبحييييييك على صدقك يا ابو على وعلى كتابتك لهذا الموضوع وربنا يديم عليك هذا الاحساس الصادق الجميل ويجعلك دايما ممن يساعدون على الفهم والادراك السليم وتكن انت اول المنتفعين بما تقول.

كلمات من نور Says:

بى اسم شجرة فى الجنة )

لمن عانى واختبره الله لينظر للحياه وبلائه بوجة اخر....

يبتلى المرء على قدر دينه

ربي يجعل ابتلائتنا كلها تمحيص للقلوب وتطهير لها من أي آثام و معاصي ويجعل كل غايتنا الجنة والنظر لوجهه الكريم

شفاك الله وعافاك من كل سوء..

سبحان الله أنا أصلي عمودي الفقري كله ضايع والحمدلله بس ممنوعه منعا باتا من أي عمليه أو مشرط جراح ...

زورونا تجدوا ما يسركم (:

http://la7zetnour.blogspot.com/2009/05/blog-post.html

mohamed ghalia Says:

كل سنة وانت طيب ياعمنا
طب نيجى نزورك
كويس انك عرفتنا بعدها ههههههههههه
شغل منايفة بقى

سندس وأمل Says:

كان الله فى العون...
الجمد لله ع الشفاء..وما الدنيا الا
ابتلاءات...

سندس

dalia Says:

ابو على الفنان سلامات والله سلامات:)

شوف انت ابدعت في العنوان بلا جدال لان الابتلاء ليس شيئ سيئ بل هو الطريقة الوحيدة لكي نحس بالنعمة التى انعم الله بها علينا

ممكن سؤال فني انا قمت بعمل تصميم جديد لمدونتي بس محتارة جدا في وضع عنوان مدونتي دقي يا ساعة الجامعة هتجنن وكمان مفيش مكان اعمل منه login تعرف تساعدني؟

د / مروة ابو العينين Says:

مابين سطورك واضح من غير حاجه يا أبو على

بس متنساش انك اتغيرت لما عديت بالاختبار مش قبله ولا خلاله

صعب أى حد فى حالة ابتلاء يفكر بالعقلانية دى (أو بلاش أعمم أنا عن نفسى بحس ان أفكارى فى دماغى عاملة زى أمواج البحر بتضرب فى كل الإتجاهات )
لكن لما تمر الأزمة هيتغير وهيفهم وأول حاجه هيفتكرها كلامك دا وهيقول أبوعلى سبقنى وقال...

ويارب أكون أنا من دول
ادعيلى بقى أحصلك أوام

SHAPE YOUR LIFE (ABOALI) Says:

الى بلو ويف
ياااااااااااا ساتر استر يا كريم
على الناس اللى بتفرح فى التخدير
وماااااااااالو يا دكترة
الذكريات مطلوبة
عد واحد اتنين اخخخخخخخخخخخخخخخخخخخخخخخ

طش

منوارنى دايما

SHAPE YOUR LIFE (ABOALI) Says:

الى مونااااليزا

يا موناليزا قولى رايك فى البوست بلاش الراى المختصر

مش حلو كده يا احلى حلو (وش بيغمز)

SHAPE YOUR LIFE (ABOALI) Says:

الى يارا

تعليق محترم فعلا يا يارا نحتاج ان ننظر للداخل ونعيد ترميمه وبعدين ده هاينعكس علينا فى واقعنا ونعيش حياة حقيقة

احيى فيكى الادراك المميز

اشكرك

SHAPE YOUR LIFE (ABOALI) Says:

الى كلمات من النور

مش عارف ليه حسيت انك كنت مستعجلة وانتى بتعلقى

وقريتى على الطاير

بس على العموم
انتى دايما فى القلب

اشكرك وعفاك الله من كل بلاء

SHAPE YOUR LIFE (ABOALI) Says:

الى محمد الغالى
كفاية دعواتك يا منوفى

شوفت اللى حصل منها
رووووووووووح منك لله

اللهم اهدى المنافية ومن على شاكلتهم

اميييييييييييييين

SHAPE YOUR LIFE (ABOALI) Says:

الى سندس وامل

ياااااااااسلام عليك انت وانت متقمص شخصية يوسف وهبى بيه

وماااااااا الدنيا الا ابتلاءات

الله عليك

فعلا حكم

اشكرك بشده

SHAPE YOUR LIFE (ABOALI) Says:

الى داليا

منورة يا ست البنات

فعلا الابتلاء هو وسيلة القرب من الخالق

اما عن المدونة فعلا فيه قوالب كده

ووسيلة الدخول بتكون من عمل حساب ليكى على جوجل
وبعد عملية التسجيل
دوسى على كلمة حسابى
هايظهر ليكى اشياء كتيرة
اختارى البلوجر منهم
ومنه الى مدونتك يا غاليه انت


تحياتى وطمنى

SHAPE YOUR LIFE (ABOALI) Says:

الى الفاضلة مروة

صح يا مروة صح
علشان كده كتبت البوست ده علشان نعمل لحظة انتباه وندرك قيمة ما نحن فيه

لك طله فلا تحرمينى منها

dalia Says:

يا أخ أبو على والله المشكلة لسه ما اتحلت:) انا لي حساب أصلا على جوجل ولكن المشكلة في اسم المدونة ووصف المدونة مش عارفه اغير الاسم القديم اللى كان على التصميم القديم لو دخلت على مدونتي حتلاقي اسمJapan style أنا عايزه اسم مدونتي هو اللى يبقى مكانها حاولت ادخل اعمل edit بس مفيش فايده عندك حل؟:((((

aidy Says:

انا جيت أطمن على حضرتك
انا بخير الحمد لله


ألف سلامة عليك
بس واضح ان العملية دي كانت من فترة طويلة


ياريت كلنا نقدر نفكر في كل حاجة بتحصل في حياتنا بالطريقة دي هنكتشف اد إيه احنا عندنا نعم مش حاسين حتى بوجودها



موضوع رائع كالعادة
يستحق أن يقرأ بعناية

كلمات من نور Says:
أزال المؤلف هذا التعليق.
كلمات من نور Says:

لا يا أبو علي في الواقع رديت عالطاير علشان بعيد عنك كنت لابسه رقبه ومكنتش باعرف اكتب عالكيبورد باليمين كويس ...بس جايز كمان المسكن كان عامل مزاجي عال العال فإنت حسيت بكده بس أنا بجد قريت والله
*************************

تصدق أنا زعلت من نفسي و رجعت قريت الموضوع تاني وقلت جايز فعلا أكون زي ما أبو علي بيقول .

سماح يا أبو علي المرة دي.

بس لقيت نفسي باحس نفس الأحاسيس اللي حسيتها لما قريت الموضوع أول مرة بس حسيت إني محتاجة أغير التعليق و اكتبه المرة دي بهدوء وبرقبة مش تعبانه والحمدلله على نعمة الصحة...تعرف يا أبو علي؟ أنا ساعات بيكون الآم عمودي الفقري ركباني من أول دماغي لغاية طرف أصابع أقدامي وباروح للدكتور و انت عارف بقى أطباء العمود الفقري تروح لهم الساعه 8 وتنزل الساعه 12 في خلال الكام ساعه دي بتشوف ناس تخليك تقول : ياه داه أنا صغير قوي تعبان من شوية الأوجاع دي؟ ألمال اللي شايلينه داه يا ترى حاسس بإيه غير الخجل والمهانة إنه واصل العيادة محمول على الأيدي والا الطفلة الصغيرة دي اللي متعرفش لغاية اليوم نعمة المشي على قدمين بسبب حبوب دواء أخدتها الأم وهي حامل فيها بالخطأ ..يا ترى إيه إحساس الطفلة دي والكل بيجري ويلعب حواليها والا إيه إحساس الأم وهي عارفه إنها السبب الرئيسي في شلل بنتها..الحمدلله والله داه إحنا في نعمة وربي يخلي لينا كل أحبابنا اللي بيهتموا بينا وقت تعبنا وبيشاركونا آلامنا...

SHAPE YOUR LIFE (ABOALI) Says:

الى داليا وما ادراك ما داليا

الموضوع محتاج اختيار تانى لقالب المدونة مناسب لعناوينك

ابحثى وستجدى ان شاء الله

اشكرك

SHAPE YOUR LIFE (ABOALI) Says:

الى ايدى

فيييييييييييينك يا انسانة
ليه الغيبة دى
وحشانا بجد
وان شاء الله تكونى فى اكمل سعادة

اشكرك على رايك

SHAPE YOUR LIFE (ABOALI) Says:

الى كلمات من نور

اولا شكر خاص لحضورك هاهنا مرة ثانية
ده معناه راقى انسانى منك كبير

ثانيا كل الشفاء لك ومن تحبين

يقولون اذا ابتليت فانظر الى من اكثر منك ابتلائا" فتتعلم الصبر والحكمة

واذا انعم الله عليك فانظر الى من اقل منك نعمة
فستتعلم ان الشكر واجب والكريم موجود


فعلا كما قولتى فى ذلك التعليق الرائع
نعم لا تحصى
ولكن نفوس تنسى


اشكرك من هنا حتى هناك