صوصو صوصو

, الخميس، 10 ديسمبر 2009


هناك صور تمر علينا نحتار فى وصفها فهناك من الاساس من يقول ان


الصورة صورة ليس فيها مدلول بل و تظهر علامات التعجب عليه


قائلا لما نقف امام تلك الصورة من الاساس


وينكر على غيره التفاعل معها


الصورة التى امامكم تظهر فى بساطة كتكوت يقف امام البيضة


ترى لو تخيلنا حديث يدور الان ماذا سيكون


هل سيكون بتلك الطريقه مثلا


اقف امامك وقلبى مملؤ بالامل


كنت فيكى ها هنا وطريقى ساصنعه بالعمل


سأكد واجتهد لاكون ديكا" فصحيا"


يرسم ويزرع بلا كلل


ام نتخيل حديث اخر


لما خرجت منك



كنت فى داخلك مطمئن مرتاح البال



لما العذاب لما سوء العمل



كنت هناك فيكى ملك والكل حولى خدم


ها انا خرجت منكى حيث دنيا الملل


وهناك حديث اخر


الله عليكى كنتى نعمة الحضن نعم السكن


جئت اليكى اشكركى فأنتى والله كل الوطن


وهناك من سيقول حديث مختلف


يا عم بلا بيضة بلا كتكوت


شكلك فاضى وبتكاكى


معلش روح روح


شبعنا حكايات فرخة وكتكوت


روح لماما تفتح ليك كتاب الحواديت


هناك ديك بيأذن وفرخة بتقول توت توت



كل ده وغيره حديث ينبع من خلا ل صورة تمر علينا وعلى غيرنا


لكل منا احساسه


منا من تفاعل ومنا من مشى فى طريقه


تلك هى الحياه فى ابسط معانيها


نكمل بعض ونتلاحم


لابد من وجود كل الاراء وكل المشاهد


ولكن ما ينقصنا ان ندرك اننا طريقنا واحد


فلما لا نقابل جميع الاراء ببسمة وهدوء فهناك راى صائب وهناك الاصوب


فمن حصل على الدكتوراه فى العلوم يقولون له حصلت على دكتوراه فى فلسفة العلوم


افتح قلبك لدقائق من الوعى وتبسم

17 Response to "صوصو صوصو"

yara Says:

الكتكوت ده بيفكرنى بنفسى والبيضه دى بقى هى الكليه اللى انا كنت فيها مرتااحه وفاكره انى تعبانه ومعرفتش التعب والحيره غير بعد مخرجت منها ومش عارفه ابدا منين فى ظروف الحياه دى اللى احنا عايشينها .....بس انا لما بقف بجانب الكليه وانظر ليها ذى الكتكوت ده كده مش بحمل ليها غير كل شكر وتقدير وذكريات رائعه بتدينى امل جديد انى لازم اتعب علشان اوصل للى انا عايزاه(وربنا معانا بقى)
بس كتكوت شكله عسوووول خالص يا مصراوى وشكله كده بيكلم حد جوه البيضه ...
يلا سلام بقى خير الكلام ما قل ودل .

موناليزا Says:

أول ما شفت الصورة تخيلت الكتكوت بيكلم أخوه اللى جوه البيضة وبيقوله أنا مستنيك تطلع بقى عشان نلعب سوا:)

كلمات من نور Says:

ازيك يا أبو علي

أنا لما شفت الصورة افتكرت القصص بتاعة زمان بتاعة دار المعارف : كتكت المدهش ...القصص دي أنا قريتها و جيبتها لأولادي الكبار و الصغار و كمان لبنت أختي العيد اللي فات..يجعل ربي أيامك كلها أعياد ..بس لما فكرت أعلق عالصورة افتكرت جدتي لما كانت تزعل تقوم قايل : جبتيني ليه يامه؟ أقولها يا سلام بعدما شفتي أولاد أحفادك بتقولي كده؟ داه انتي كده عايزة تنسفي 4 أجيال يا تيته...ههههههههه رحم الله موتانا أجمعين.

آخر العنقود Says:

حلوة قووووى الفكرة دى وصياغتها كمان
انا كمان الصور بيكون ليها مدلول قوى عندي
وبقعد دايما اتخيل فى الصورة واعمل حوارات
:)
تسلم الايادي :)

mohamed ghalia Says:

صوصو صوصو
معاك حق الحديث ده مستمر دايما

بيعجبنى اوى تفكرك فى الأشياء

blue-wave Says:

هههههههههههه
يخرب بيت دماغك دى يابنى:))

SHAPE YOUR LIFE (ABOALI) Says:

الى يارا
يا سلام يا انسان
ايه الرومانيسة الراقية دى
لو كل شخص حب كليته ومكان عمله وصمم انه يكون انسان ناضج فكريا ويبدء فى اخذ مكانه فى الحياه
كنا عشنا عشية السعادة
فعلا الكتكوت كان بيكلم حد جوه البيضة
كان بيقولها روحى منك لله
ههههههههههه


تحياتى

SHAPE YOUR LIFE (ABOALI) Says:

الى موناليزا
هههههههههههههههه
اطلع يا واد اطلع
ههههههههه

طب تحبى الواد يطلع مسلوق ولا اومليت

منورة يا انسانه

SHAPE YOUR LIFE (ABOALI) Says:

الى كلمات من نور

يا عينى يا عينى
ليه جبتينى يا ماما
هههههههههههههه
كلنا ذلك الشخص
اهم شيىء اننا نوقن اننا لنا رسالة فى الارض
والارض هى البيضة اللى منها خرجنا وفيها سنعود

ازرعى كويس بقى
ماااااااااااااشى ولا بالعصايا بعد كده
منورانى يا انسانه يا اصيلة

SHAPE YOUR LIFE (ABOALI) Says:

الى اخر العنقود

فعلا ليها عندك مدلول كبير وانا لحظت ده فى مدونتك الراقية
وده معناه احساس عالى ربنا يديمه عليك ويجعله فى خدمتك
اللهم امين

قوووووووووووووولى امييييييييييييين بلاش بخل يا اخر العنقود

SHAPE YOUR LIFE (ABOALI) Says:

الى محمد الغاليه

يا غالى انت يا غالى
نفكر فى الاشياء وما تحوية الاشياء
احناااااااااا ورانا شغل يا معلم

مش زاى نااااااااااااااااس
ههههههههههههه

تحياتى

SHAPE YOUR LIFE (ABOALI) Says:

الى بلو ويف

ليييييييييييييييييييه كده تعلب فى انزيمات حياتك يا دكترة
انا ممكن اسلط عليك كام فيرس كده وتجرى تدور على مطهر تلاقى فى وشك البتادين
تبص كده ليه وتقوووووووووووول
كفاية حرام حرام كفايه يا معلمين

منووووووووووووووورر والله

ضحكات الحياة Says:

أبو علي

بجد البوست حلو و فكرته و صياغته حلوة و فكرته مختلفة بس جامده

بس تعرف شكل الكتكوت
زي اللي بيفتكر ذكرياته القديمة و ايامه اللي فاتت لما كان جوه البيضه احساس مختلف لما تبقي بعيد عن مكان عشت فترة طويلة من حياتك فيه

بجد يا أبو علي عاشت ايديك يا مان

مهندس / على درويش Says:

حوار جديد وهو أول ما خطر في بالي

يقووول الكتكوت
أنا اهه واقف مستني تنكسر البيضه وتشرخ وتطلع تلعب معابا ما احنا هنكون زي بعض كتكيت ياله قووك يا كتكوت وخليك شجاع وكسر الحواجز اللي حواليك

ياله بسرعه انا واقف هنا مستنيك




تحياتي

SHAPE YOUR LIFE (ABOALI) Says:

الى ضحكات الحياه

عجبنى تذكر للذكريات وتلك الاحاسيس التى نشعر بها حين تصفو انفسنا

اشكرك وسعيد بتلك الضحكات

SHAPE YOUR LIFE (ABOALI) Says:

الى مهندس على درويش

يا عينى هو ده الكلام والتجديد
محتاجين كلنا فعلا لوقت من الاوقات الوليف الذى نلعب معه نعيش معه ونمرح معه

اسعدنى تعليقك و اسعدنى زيارتك يا راقى

د / مروة ابو العينين Says:

عارف ياأبو على الكتكوت _اللى واقف حزين ومنكمش وموطى دماغه وكأنه بيقول للبيضه خبينى _ أنا سمعته يقولها ايه:

بيقول لها مبقتش قادر خلاص تعبت . وأنا جواكى كنتى عالم صغير صحيح بس على أدى ولما كبر حجمى شويه عليكى قمت أوام أكسر فيكى علشان أخرج منك لدنيا أوسع.
أنا آسف، حقك عليا بس رجعينى جواكى تانى وراضى بدنيتى الصغيرة. كنت فاكر هلاقى بره زى جوه دنيا براح على اللى فيها رغم ضيقها،فيها سلام وهدوء وأمان _بالمناسبة أنا نسيت معنى الأمان والدفا من يوم ماسبتك_
شايفه ضعفى ارحمى ضعفى واحمينى من دنيا انتى تعرفيها كويس زى منا عرفتها خلاص.