هو مقاس برميلك كام؟

, الأحد، 8 مارس 2009


لو تخلينا عقولنا لوجدنا انها تأخذ شكل البرميل ولكن متعدد الاشكال

ف لو كان البرميل له فتحتان

الاولى فى جانبه من اعلى والاخرى فى جانبه من اسفل

لوجدنا ان هذا البرميل يعبر عن عقولنا وانفسنا تمام التعبير

فمن خلال الفتحة العليا تدخل كل المداخلات سواء اكانت

مشاعر كلمات اشكال الوان وووووووو غيرها من المداخلات

وعندما تدخل هذه المدخلات الى البرميل

طبقا الى طوله وحجمه و الاعتناء به تتشكل وتندمج

الى ان تخرج مخرجات من الفتحة السفلى


هنا كان ولابد ان نستشعر اننا مطالبين بزيادة المعرفه والمداخلات التى تدخل من خلال الفتحة العلويه


لأننا لو اغلقنا الفتحة العلوية واكتفينا بما نحن فيه بدون تفاعل مع الاخرين ومع ما يحدث فى عالمنا


سينضب ما فى البرميل


وستحدث الفجوة بين الداخل والخارج ويكون العنوان هو التقوقع والحسرة على مافات


ومقولة يا عم انت استاذ الفهم والرجل الكبارا كبر كبر

طيب ليه الكلام ده بيطرح نفسه حاليا"


لأن الان حدثت الفجوه بين الاجيال واغلق الجميع فتحات الاستماع الى من هو دونه او اكبر منه


وظهرت العقول القوالب التى تجلس الليل مع النهار تبكى على الزمن الجميل وعلى ما فات وانتوا فين وهما فين


ثم يتسرب اليأس يحمل راياته ويعلن سرقة التفاؤل والامل


الحياه قائمة على التواصل و اعادة تشكيل الاهواء


يلا بينا نفكر ونشكل البرميل





فكرت اكون برميل


رد عقلى


وقال


عيب عليك يا مسكين


بعد العمر ده كله


تفكر تكون برميل


قولت احسن ما انت


ملبسنى سلطانية


وبتقول عليا سيد العاقلين


وعجبىىىىى

46 Response to "هو مقاس برميلك كام؟"

غير معرف Says:

ياسلام الواحد مش مصدق نفسه يا ولاد بقيت بكون اول تعليق ةعند ابو على

الحمد لله

ربنا يستر ومش يتنشر التانى
المهم
عجبنى قوى اخر كلمتين يا ابو على قلت احسن منت ملبسنى سلطانيه وبتقول عليه سيد العاقلين.
فعلا كلنا لازم يكون عندنا ثقه اولا بقدراتنا ورغبه فى تطويرها وده اكيد مش هييجى غير من خلال التواصل الفكرى والمعرفى مع كل من حولنا مهما كانوا
فكل منا يستطيع ان يؤثر بذاته وبقدراته التى وهبها الله له.

تحياتى ليك يا ابو على يا متطور وكل سنه وانت طيب
واختم كلامى بالصلاه على رسول الله صلى الله عليه وسلم
اللهم ارزقنا حسن اتباعه
والسلام عليكم ورحمه الله وبركاته

جنّي Says:

السلام علكيم

كيف حالك يا سيدي ؟ لعلك بخير ..

شفت مين بقى اللي عفريت ..

اللي يفكر بهذا الشكل البرميلي عفريت بجد ..

الفكرة جميلة قوي .. وليس المهم ان يكون الفرد برميل ولكن الشاطر من يعرف كيف يفتح البرميل ومن أين ومتى ..

تحيتي

EMMY BABY Says:

امممممممممممممممممممممم ممكن اقلك ان لو زودنا المدخلات واكثرنا التفاعل مع الناس تيجى بطريقة عكسية لانك للاسف هتقع فى ناس كتير يغيروا جواك حاجات تخلى المخرجات عندك تبدأ تبوظ

لانهم بدأوا يغيروا تفكير ومحتوى البرميل ساعات بيكون للاحسن وساعات للاسوأ

لو تلاحظ ان اللى بيبكوا على الزمن الجميل ده لانهم اتصدموا بالواقع اللى اتغير فيه الناس عن زمااان

بجد والله يا ابوووعلى موضعاتك بتصحى حاجات كتير اوى جوانا

تحياتى

ايمى

EMMY BABY Says:

انا مواااااافقة جداااااااا تكون اخويا الصغير النونو

ههههههههههههههه دانا هعذبك واقلك يا نونو اشرب اللبن وكل مصاصة


لا بجد والله روحك جميلة اوى فعلا بروحك دى اوافق تكون اخويا الصغير

لكن بعقلك وتفكيرك وحكمك على الامور موافقشى الا انك تكون اخ كبير

dodda Says:

برميل!!!!

انا ركبت لعقلى كارت ميمورى..عشان يكفينى


اركب للبرميل ايه؟؟؟
:0)

أمل حمدي Says:

مقاس برميلك كام

مقاس مخك كام

مقاس جزمتك كام

بما ان ليس لنا برميل ينقاس ولا مخ له مقاس
اكيد ابو علي بيقصد الجزمة وطبعا الجزمة بعد ما انضرب بيها بوش مبقتش كلمة عيب لما نتداولها في كلامنا

هل انت تقصد ان المخ المنغلق على نفسه ؟

ام المخ المصدي ؟

ام المخ المكبر يا عم الحج ؟

الثلاثة شبه بعض كلهم براميل ياعتبار تشبيهك

اما الفجوة بين الاجيال انا اعتقد انها بتختلف من مجتمع لمجتمع

وبتتفاوت حسب البيئات

واكيد في نقطة للتلاقي في خط النص لاننزل قوي لهم ولا يطلعوا لنا

وعلى فكرة مش عقلنا اللي ملبسنا السلطانية

أنا طولت كفاية كدا

سلام يا بو علي يا ابو الافكار

SHAPE YOUR LIFE (ABOALI) Says:

الى يارا
دايما من الاوائل يا يارا
ربنا يجعلك دايما كده ان شاء الله
بس مش فى المدونات بس
فى كل خير ان شاء الله

صح معاكى حق التواصل مع الغير له ثمرة كبيرة جدا
وهى الخبرة والقدرة على الحكم على الامور


لك منى كل التحية على ذلك الفكر الذى احترمه واقدره

SHAPE YOUR LIFE (ABOALI) Says:

الى جنى

ههههههههه
ماشى يا سسيدى خلينا نعفرت المدونات انت وانا
وكله بثوابه
اتفق معك فى رايك
ولكن ده مش جاى بدون الخبرة والتفاعل مع الغير


اشكرك تعليقك المميز

SHAPE YOUR LIFE (ABOALI) Says:

الى ايمى بيبى

هو ده فعلا اللى انا بحذر منه يا ايمى

اننا نخاف انى غيرنا يبقى ليهم اليد الطولى
وهم اللى يغيروا فينا
علشان كده اهمية انى لما المدخلات تتدخل
تجد البروسيسور النشط اللى يعرف يحلل
وينتج مخرجات صح


اما من يبكى على الزمن الجميل
اذا كان يبكى بدون ان يبدء فى اعادته من جديد ويعرف كيف
فتلك هى المشكلة
فالتواصل هو الذى يربط الاجزاء ببعضها


اشكرك بجد يا ايمى
ليكى طلة احبها وسريرة محبة لكل خير اشعر بها بين ثنايا حروف كلماتك
اعانك الخالق فى كل خير

SHAPE YOUR LIFE (ABOALI) Says:

الى ايمى مرة ثانية

الله عليكى يا ايمى
رد بليغ فعلا
عجبنى

فكرنى بواحد بيقولى حلو القميص ده
فيه منه رجالى (فاهمة )
قولت ليه
لاء ده اخر واحد
ههههههههههه

ولا ايه


انا مستنى المصاصة والشكولاته علشان بحبها
وياريت كابتشينو

تحياتى

SHAPE YOUR LIFE (ABOALI) Says:

الى دودا

هو ده محتاج سؤال يا دودا

عالطول
موتور 4 حصان تركبيه على البرميل

ولالالالالالا ليكى راى تانى


تحياتى

SHAPE YOUR LIFE (ABOALI) Says:

الى ماما اموله الغاليه

ههههههههههههه
البراميل انواع يا ست الكل
وخلى بالك انى فيه برميل ميا
وبرميل بترول وبرميل طرشى

طبعا المعنى اللى اقصده كل اللى ذكرتيه
ولسه كمان شويه


اقصدك بقى مين ملبسنا السلطانية

مايكونش اللى بالى بالك

طيب علشان انا طولت انا كمان


تحياتى الراقيه

Dr.m Says:

السلام عليكم

زياره اولى لمدونتك ولن تكون الاخيره باذن الله
تشبيه جميل وطبعا لابد ان يحتوي البرميل على مصفاه لما يدخل فيه وهي العقل والحكمه فالتواصل مطلوب والتاثر به لابد ان يحكمه العقل

تحياتي لك ولتدوينتك الرائعه
سلام

mohamed ghalia Says:

ده البميل زاد بيه الحال
الشاطر الى يجمع المعرفة دى
نحن من نبحث عن المعرفة المعرفة لا تبحث عن أحد

عاشقه الرومانسيه Says:

ايه ياابو على مالك؟
برميل وسلطانيه وكلام غريب
المعنى المره دى مكلكع شويه صح؟
ولا انا اللى غبيه؟

مهندس / على درويش Says:

السلام عليكم

تصدق الكلامات دي جميله ومعبره تعبير تام عن الفجوة بين الأجيال
وتراكم الأفكار القديمه وعدم دخول الجديد يجعل ما بداخل البرميل لا يتافعل وذاك لسد الفجوة العلويه وعدم التفاعل مع الحاضر
تلك هي الفجوة بين الأجيال صعب أن تمحوها لأن كما قلت لكل فرد برميله الخاص به والمشكل حسب عقليته

سد تلك الفجوه العلويه يجعله ينظر إلي الحاضر على انه حاضر بلا مستقبل ويجعله يتذكر أيامه القديمه الجميله ويقارنها بالحاضر ليقنع نفسه بأن الحاضر ما هو إلا ضياع
ليقنع نفسه بعد المقارنه أن زمانه القديم أفضل بكثير من الزمن الذي يعيشه الأن




تقبل مروري

princess Says:

طب كويس ان فيه برميل فيه ناس اساسا معندهاش حاجة خالص ههههه

سمكه واحده Says:

كل سنه وانت بخير وجميع الاهل يا ابو علي
صلي علي النبي عليه افضل الصلاه والسلام
اللهم ارزقنا حب رسول الله

EMMY BABY Says:

ابووووووووووو على

ازيك

مش عارفة رجلى دايما بتاخدنى على مدونتك اه والله

هههههههههههه جيت اغلس عليك وامشى

عندك اعتراض ولا حاجة لا سمح الله يعنى ؟؟؟؟؟؟؟؟

على فكرة انت احلى حاجة فيك متحبش الحال المايل :D

كفاية لوك لوك بقى وامشى

سلام يا انكل

ضــى القمــر Says:

ابو على

موضوع غريب جدااا .. وتشابه غريب ما اعتقد ان حد انتبه ليه ..
لكن التشبيه انت بنيته على اسس سليمه فعلا ..
وبحد الموضوع عجبنى جداا بكل ما فيه .
من اسلوب فى الكتابه لطريقه عرض ولأسلوب تفكير طبعا .
عن جد احييك يا اخى .
وكذلك ابياتك الرائعه .
سلم لنا ما يخطه قلمك دوما .
تحيتى واحترامى دوما لشخصك .

موناليزا Says:

فعلا موضوع اختلاف الاجيال انتشر بفظاعة
وكل جيل مش راضى يقبل فكر لا الجيل اللى قبله ولا اللى بعده وكأن ثقافتنا وقفت عند حد معين وتم غلق البرميل تماما بلا اى فتحات

إيمان Says:

يا سلام على أحلى كلام
بجد تحياتى على التشبيه الرائع
والصوره الأروع
برميل حواليه قرود بتتنطط ماشاء الله
ربنا يهدى كل الأجيال
الهاجع والناجع والنايم على صرصور ودنه
كل التقدير لقلمك الذكى

SHAPE YOUR LIFE (ABOALI) Says:

الى dr.m
فعلا" علقت فاءوجزت فاءصبت

لك التحية والمدونه مدونتك

SHAPE YOUR LIFE (ABOALI) Says:

الى محمد الغاليا

فعلا نحن نحبث عن المعرفة
ولكن مع شوية مهارات فى توصيل المعرفه

نبقى تمام خالص مالص

اشكرك يا من يبحث مثلى

SHAPE YOUR LIFE (ABOALI) Says:

الى عاشقة الرومانسية

ليه بس يا احلى عاشق
المعنى مكلكع ليه

بصى انا اقصد اننا لازم يكون لينا دايما معرفة مستمرة ولا تنقطع
ولا نستكبر على زيادتها

حتى لا نفقد التواصل بين الاجيال
وكل واحد يمشى بدماغه

بس

ها
سهل ولا

يااااااااا ذكى يا ذكى

SHAPE YOUR LIFE (ABOALI) Says:

الى مهندس درويش

يااااااااااه
اشكرك فعلا هذا ما اقصده

ويااااااااارب يجد فى انفسنا صدى


تحياتى الراقيه

SHAPE YOUR LIFE (ABOALI) Says:

الى برنسيس

ههههههههههههه
طيب نعمله ليهم سهلة

ولا ايه

هو المقاس كام

SHAPE YOUR LIFE (ABOALI) Says:

الى الازهرى

ياااااااااااااااااه
ليه كده الخيانة يا ازهرى
هما دول بتوع الازهرى

طيب
انا مقاسى 44 وساعات 45


اعيط يعنى

SHAPE YOUR LIFE (ABOALI) Says:

الى سمكة

ست الحلوين
كل سنة وانتى سمكة كبييييييييييييييرة
علشان انا جعان

ربنا يبارك ليكى فى صحتك وعافيتك

دعاء امى



تحياتى

SHAPE YOUR LIFE (ABOALI) Says:

الى ايمى

اونكل مرة واحده

اه
انتى رجعتى عن الاتفاق بقى

ماشى يا ستو


والله ليكى طله حلوه

على المدونه

ودايما اسعد بمرورك من هنا

SHAPE YOUR LIFE (ABOALI) Says:

الى ضى القمر
التميز ياءتى ممن يقرء
لذا تاءتى المعانى لتعبر
اسئل الله ان نعمل

تحياتى الراقيه

SHAPE YOUR LIFE (ABOALI) Says:

الى موناليزا

عندك حق الموضوع مهم فعلا
والكل بيكبر دماغه والمفاتيح فى جيبه


اشكرك على حضورك وفهمك الراقى

SHAPE YOUR LIFE (ABOALI) Says:

الى ايمان
كل التقدير
لمن فهم معانى الكلمات واستوعبها

اشكرك

أحساس لسه حى ...أنا مش موافق Says:

عزيزى

مش كل البراميل ليها فتحتين

فى براميل بفتحه واحده وبتحافظ على اى شئ داخلها

واكيد مش كل الالوان زى بعض

ولا كل البراميل نفس الحجم

تحياتى

سلاام

غروب Says:

الله عليك يا ابو على هو ده الكلام

بس عايزه بجد اقول حاجه

انا حاسه ان الاجيال القديمه شويه هى اللى سدت فتحه المدخلات

علشان كده مش بيسمعوا الجديد مننا واى شئ جديد لينا بيبقي بالنسبه ليهم غلط لمجرد ان الشئ مدخلش برميلهم قبل كده

لسه كاتبه من كام يوم موضوع على منتداى اسمه اباء وابناء

واتكلمات عن الفجوه اللى حاصله لكن من وجهه نظر مختلفه وما باااااااااااااالك بالصدام اللى حصل خصوصا وان المنتدى في الاباء والابناء معا

بجد مش عارفه سعه برميلي كام؟

وياترى الاجيال اللى قبلنا سعه برميلها هتساع افكارنا؟؟؟؟؟؟؟؟؟؟؟

موضوع جميل كالعاده يا ابو على

وافكارك جميله جداااااااااااااااا

تسلم

صوت من مصر Says:

انا مقاس برميلى كبيييييييييييييير يعنى مقاس الكاب الى ساعات بلبسه على راسى لما اكون فقران مش لاقى اشترى جل او كريم

غير معرف Says:

صحيح كلامك
فكرتنى بمقوله
من الغباء ان تعتق انك اذكى من الاخرين
منى
مدونه احاسيس

مفكر Says:

السلام عليكم::

موضوع في السليم،،،

بس التشبيه غريب شوية،،،

تقبل مروري

SHAPE YOUR LIFE (ABOALI) Says:

الى احساسه لسه حى
هو ده اللى نحذر منه
مش المطلوب اننا نحافظ على اللى فى البراميل

المطلوب اننا يبقى عندنا معرفه متجدده ومنوعه حتى نتلاقى مع الغير ونغير ونستقبل


اشكرك على المرور والتعليق

SHAPE YOUR LIFE (ABOALI) Says:

الى غروب

ليكى وحشه يا جميل
التواصل بين الاجيال ده تحدى كبير اووووووووى

بس سهل تحقيقه لو قربنا لبعض
وعرفنا ان الكبير بيعمل كده من دافع المصلحه
خصوصا ان معظم الاباء لم يكن عندهم ذلك التتطور التقنى
اللى احنا بنتمتع بيه

علشان كده فى فجوه معرفيه
علشان هما لا يعرفوا شيىء عن تاءثير تلك المعرفه المعدله



تحياتى ودايما فى بسمه
بس ليا عتاب على الوان المدونه عندك
وكمان انك الغيتى بوستك الجميل عن الرحله

دايما يا غروب لا تتاءثرى بغيرك
وانتى التى تؤثرى

ولا ايه
معلش بقى اخوك الصغنن

SHAPE YOUR LIFE (ABOALI) Says:

الى صوت من مصر

هههههههههههه
الكاب علشان يدارى عيوب البرميل
ولالالالالالالالالالالالا ايه يا مان

SHAPE YOUR LIFE (ABOALI) Says:

الى منى والاحاسيس

فعلا
بس اللى اقصده اننا لازم نكون معرفه متجدده وتتعدل طبعا للواقع مع الحفاظ على الثوابت

شرفتينى برايك

SHAPE YOUR LIFE (ABOALI) Says:

الى مفكر

اكيد التشبيه غريب
علشان اول مرة نسمعه

بس ماقولتش مقاس برميلك كام؟

تحياتى

mahasen saber Says:

يعنى افهم ان الناس براميل وبتخبط فى بعض

SHAPE YOUR LIFE (ABOALI) Says:

الى الاخت محاسن

هههههههههه
هى البراميل اللى غلطانه اكيد