الانتماء

, الخميس، 2 أكتوبر 2008


الانتماء
عندما تذكر هذه الكلمة نجد انها تمر مرور الكلمات الرنانة الاخرى مثل الوطنية وحب الوطن والتضحية وهكذا
وكلما مرت هذه الكلمات بهذه الطريقة بحيث لا نقف امامها وندرك معانيها
لابد ان نشعر داخل انفسنا اننا نمضى فى طريق غير ممهد وكما يقولون تربة غير صالحة للزراعة
اولى درجات الانتماء هى بالتاكيد
انتماء الانسان لنفسه اولا
من خلال سعيه ان يكون الافضل فى كل مراحل حياته سواء كانت شخصية او عامة
ولن يأتى هذا الانتماء الا بتنمية حب النجاح وتذوق طعمه وادرك ان النجاح طريق الانسان الى التواصل مع غيره
ثانى درجات الانتماء
هو الانتماء الى وطنه الصغير عائلته وطريقة نظرته اليهم بروح الود والاخاء والحرص ومن خلال هذا الانتماء
يبرز حب الجماعة والاهداف المشتركة وتقل فرص الانانية وتنمو روح المشاركة
ثالث انواع الانتماء هو الانتماء الى المجتمع الصغير وهو المدرسة والجامعة للطالب والوظيفة والعمل الى من تخطى تلك السنون
وهنا تبرز نوعية مختلفة من الانتماء تكون فيه المصلحة العليا والانجاز العملى الذى يسعد ويشارك فيه الكثيرون فكم كانت تلك اللحظات السعيدة حين يفتخر الشخص انه لينتمى الى مدرسة كذا او جامعة كذا
او شركة كذا ويدافع عنها ولا يقبل عنها اى حديث الا الحديث البناء
اما الانتماء الرابع
فهو الى ذلك الوطن الذى من ارضه وترابه تغذينا وكبرنا ومن ماءه ارتوى ظمأنا ومن اجله تعبت الكلمات فى وصف حبة
انظروا الى حب الرسول (صلى الله علية وسلم) لمكة وهو القائل حب الوطن من الايمان
والمثير للدهشة انه عندما تتعالى صيحات الانتماء والحب للوطن تاءتى معاول الهدم من انفسنا وينشط دور ابليس فى فصل الانسان عن كيانه وترتفع الكلمات هو الوطن عملنا ايه وتتكرر السلسلة اللى كلنا نسمعها
بدون الانتماء لهذا الوطن ستجد كل مظاهر العربدة من هدم وتلوث كل ما يبنى
الانتماء الاغلى والانفس والارقى
هو الانتماء الى الدين وهو معنى سامى الكل يعرفه
فى الكلمات الاتية اعيد نشر موضوع كتبته بعنوان العلم ووجدته ملائم لما كتبت
ولتكن دعوة للبدء فى حياه جديده بمعانى سامية بدل معيشية اللهو والبحث عن مال يفنى والوقوع فى خلافات كلامية لا طائل منها سواء تعميق روح الانا


الوان علمك يا بلادى
كلها بتنادى
وتقولى ابدا ما تنسانى
لون علمك يا بلادى
ابيض زاى قلبى
احمر زاى دمى
اسود علشان عيونى
عمرى ما انساكى يا بلادى
لانك عايشه فى وجدانى
لو فتحتى عقلى
هاتكونى عنوانى
لو فتحتى عينى
اشوف بيكى كيانى
الوان علمك يا بلادى
مش بس رمز ليا
وكلام على لسانى
لما باشوف علمك مرفوع
قلبى بيهتف ويقول
هى دى بلادى
وارفع جفون عينى
علشان اشوفك بعين تانى
علمك رمزك عشقك لونك
رسمك صوتك قلبك
لسه بينادى
ويقول ابدا ماتنسانى
ممكن اكون قاسيه عليك
بس افتكر انى كلى ليك
خلينى دايما فى بالك
وعلمى هو اللى امامك
اكيد هاتعود ليا
وانا اكيد هاكون هناك
لإنى عارفه عنوانى
خلى علمى معاك
وانت عمرك ما تنسانى
لون علمك يا بلادى
هو لونى هو شكلى هو ملامحى
هو اصلى هو حياتى
هرفع علمك دايما
وهايكون معايا سلاح
فى اى وقت ليكى متاح
دينى قال كده
حب وطنى ايمانى
ارفع علمك يا بلادى
وانا وراكى هانادى
مصر هى بلادى

وشوشة فى ودنك

بدون الانتماء سنرى تلك القوة التدمرية للاطفال حاليا

بدون الانتماء سنرى تلك الطيور المهاجرة تحمل اكفانها بين ايديها

بدون الانتماء سنرى حالة اللامبالاة التى سادت

بدون الانتماء سنرى حالات التنبلة الفكرية والحياتية هى الاعمق

بدون الانتماء قل ولا تخف نحن عفا علينا الزمان

ان لم تنتمى فأفعل ما شئت


38 Response to "الانتماء"

غير معرف Says:

بارك الله فيك
موضوع الإنتماء دا فى غاية الأهمية
وقد استفدت منه كثيراً
حفظك الله ورعاك

FreeKiller Says:

امممممممممممم

موضوع الانتماء للوطن ده صعب حبتين
اه الواحد بيفخر انه مصري و الكلام ده كله

بس هنعمل ايه بقى
!!!!!!!!!!

SHAPE YOUR LIFE (ABOALI) Says:

الى القعقاع
اتفق انهم مهم والاهم العمل على تطبيقه

SHAPE YOUR LIFE (ABOALI) Says:

الى فرى كلير

يااااااااااااااااااااه
معقولة الانتماء للوطن صعب
انا لله وانا اليه راجعوان

FreeKiller Says:

يعني هتنتمي للبلد و انت مش مرتاح فيها
طيب ازاي
طبعا اول ما تيجي اي فرصه عشان تطفش منها هتتطفش

كل واحد بيدور على راحته

و لما تكون جاي بشهاده ممتازة من برا
و عاوز تشتغل هنا
و تلاقي كل حاجه ضدك و انت مش عارف تصلح حاجه زي مكنت عاوز تعمل

هتعمل ايه
مش هتطفش برا البلد

هننتمي ازاي بقى؟؟؟

أمل حمدي Says:

الوان علمك يا بلادى
كلها بتنادى
وتقولى ابدا ما تنسانى
لون علمك يا بلادى
ابيض زاى قلبى
احمر زاى دمى
اسود علشان عيونى
عمرى ما انساكى يا بلادى
لانك عايشه فى وجدانى
لو فتحتى عقلى
هاتكونى عنوانى
لو فتحتى عينى
اشوف بيكى كيانى
الوان علمك يا بلادى
مش بس رمز ليا
وكلام على لسانى
لما باشوف علمك مرفوع
قلبى بيهتف ويقول
هى دى بلادى
وارفع جفون عينى
علشان اشوفك بعين تانى
علمك رمزك عشقك لونك
رسمك صوتك قلبك
لسه بينادى
ويقول ابدا ماتنسانى
ممكن اكون قاسيه عليك
بس افتكر انى كلى ليك
خلينى دايما فى بالك
وعلمى هو اللى امامك
اكيد هاتعود ليا
وانا اكيد هاكون هناك
لإنى عارفه عنوانى
خلى علمى معاك
وانت عمرك ما تنسانى
لون علمك يا بلادى
هو لونى هو شكلى هو ملامحى
هو اصلى هو حياتى
هرفع علمك دايما
وهايكون معايا سلاح
فى اى وقت ليكى متاح
دينى قال كده
حب وطنى ايمانى
ارفع علمك يا بلادى
وانا وراكى هانادى
مصر هى بلادى

الله عليك يا ابو علي
ربنا يبارك فيك
تسمحلي يا ابو علي
ان اسطر ابياتك بمدونتي
جميل جدا موضوع الانتماء
الانتماء اصل وجذور
من غيره الريح تنزعنا
وتشتتنا
تسلم ايدك

SHAPE YOUR LIFE (ABOALI) Says:

الى فرى كلير
لو كل واحد اتعرض لموضوع يخصه
وممكن يكون اناس فى بلده السبب فى عدم حدوثه هذا لا يعطى فرصة او ذريعة لعدم الانتماء
بل فى رايى دافع لينا لل نتماء اكثر للحفاظ على كيانك لان معنى كلامك انى
على راى الاعلان
نعمل وقفة مصريه
ونهاجر منها كلنا
ونسيب الفرصه لمن خطط لهذا ان ينجح
ويفعل ويعربد كما يشاء

SHAPE YOUR LIFE (ABOALI) Says:

الى ماما امولة
كل ما ينفع ينشر بلا حدود
وبلا استئذان
لك منى كل التحية

FreeKiller Says:

هنعمل ايه يعني
هنغير الكون

Lola Says:

والمثير للدهشة انه عندما تتعالى صيحات الانتماء والحب للوطن تاءتى معاول الهدم من انفسنا وينشط دور ابليس فى فصل الانسان عن كيانه وترتفع الكلمات هو الوطن عملنا ايه.

تسدق الكلام اللى انت كاتبه دا هو بالضبط اللى كان شاغل تفكيرى الفتره اللى فاتت.اصى مشتركة فى منتدى مصرى وبشوف فيه حاجات غريبه فعلا.ناس معندهاش ذره انتماء للبلد ولا حب. رغم كل ظروف مصر الصعبه مقدرش اعرف ازاى حد ميحسش بغنتماء ليها..امال ينتمى لمين ؟؟
تسلم ايدك اللى كتبت الكلام دا.كل سنه وانت طيب.
لولا

engy Says:

موضوع رائع بجد
بس لما يكون فى ناس بتبعدك عن وطنك وتكرهك فيه بكل الطرق بيبقى صعب
لكن عندا فى الجميع لازم نتمسك به
كل سنه وانت طيب

كـــيــــــــارا Says:

ان لم تنتمى فأفعل ما شئت

جاااااااااااااااااااااااااااامد وفي الجون ياابوعلي الله

الانتماء للوطن وللدين

الله علييييك بجد

ندا منير Says:

طبعا شئ جميل قوى فكرة موضوعك دى
فكرة محدش اتكلم عليها قبل كدة
وما شاء الله عليك
كاتبها باسلوب رائع ووضحت فعلا معنى الانتماء وخطواته عشان يبقى عندنا انتماء
وياريت فعلا يكون عندنا انتماء لوطنا ولمجتمعنا ولشغلنا ولكليتنا ولكل حاجة
بس دلوقتى بقى نادر قوى لما حد يبقى عنده انتماء لحاجة
ودا يمكن عشان الظروف اللى بنمر بيها

SHAPE YOUR LIFE (ABOALI) Says:

الى لولا
والله احنا محتاجين دفعة كبيرة فى تنمية الانتماء
والا سنرى يوما اناس يتاجرون بكل ذرة فى الوطن

تحياتى

SHAPE YOUR LIFE (ABOALI) Says:

الى انجى
انتى صح عند" فى الجميع وتفويت الفرصة
نحن نحب وننتمى لهذا الوطن

اشكرك

SHAPE YOUR LIFE (ABOALI) Says:

الى كيارا
جاااااااااااااااااااااااااامد فى الانتماء
غليظ فىىىىىىىىىىىىى الحب
عااااااااااااااشق للتغير
صاااااااااااااااااابر على صناع الوهن
ثائر على لا ينتمى

تصدقى عبااااااااااااارات قويه

محتاجين شحن
احسن التفريغ شغاااااااااااااااال


تحياتى

SHAPE YOUR LIFE (ABOALI) Says:

الى ندا منير
من الجميل ان نتتمى الى اى شيىء
والاجمل ان نفرق بين اشخاص يحكمون الوطن
والوطن ذاته

اشكرك

dalia Says:

المهم من رأي عدم التغني بالانتماء فقط لكن تطبيقه أهم فعلى مستوى الوطن لا يمكن ان يدعي أحد انه يحب بلده وهو يلقى بالقاذورات من نافذة سيارته أو يغفل عن قرائه تاريخها أو لا يشارك في انتخاباتها أو يفضل السفر بالخارج وهو لم يزور أماكنها هذا هو رأيي في الانتماء

SHAPE YOUR LIFE (ABOALI) Says:

الى داليا
سلوك البعض ليس له علاقة بالانتماء للوطن
هناك خلط واضح
لاننا دايما عاوزين الانتماء يترجم الى افعال
وهذا ما نطلبه
ولكن لا ينبغى ان يجعلنا سلوك البعض ان يبعدنا عن الانتماء للوطن
وكمان كل حاجة ليها دور
ممكن قصيدة تستفزك وترفع معدل انتمائك
ممكن شخص
ممكن موقف
بس الاساس انى حب الوطن والانتماء اليه
فطرة غير قابلة للمزايده


اشكرك لزيارة مدونتى واتمنى تكرارها

غير معرف Says:

الأخ ابو على تخيه طيبه وكل عام وانت بخير
سررنا بالمرور بمدونتك ويهمنا ان تشارك معنا فى اول برنامج أذاعى عن النت والمدونات فى الشرق الأوسط ويذاع من اذاعة مصر الرئيسيه-وذلك بزيارة مدونة البرنامج والأجابه على ما نطرحه من اسئله-يهمنا رايك ومقترجاتك ...ونرحب بك ايضا فى موفعنا
الموقع
http://dear.to/cairo
المدونه
http://netonradio.blogspot.com

mahasen saber Says:

وفوق ده كله الانتماء للمبادى والقيم يعنى احس بالقيمه وانتمى ليها قلبا وقالبا مش عند اول شوية هوا اميل ..
يعنى اوضح كلامى..
لو انا خدت مسالة الامانه والتزامى بالصدق ومحافظتى على الامانه وانها وكل الاخلاقيات مسالة مبدا وانتماء كانها الاسم الخماسى ليا ..
اعتقد حالنا هيتحسن..ده شئ
الشئ والشق التانى..الانتماء للوطن ياابو على عمرك ما هتلاقى فى الدنيا شعب بينتمى لوطنه وملتصق حبه بقلبه زى الشعب ده وعارف الدليل على كده ان البلد دى مشمديه الكتير لولادها من حيث فرص عمل او توفير مستوى حياه ادميه ليهم اه ارتفاع الاسعار والغلاء بقا سائد فى العالم بس برضه مصر بتقسا شويه كتير على ولادها وبالرغم من كده بنحبها لاخر ذره فى ترابها ووقت ما بتقول اى بتلاقى ولادها كلهمبارين بيها حتى اليى سابوها ومهاجروا...
اما انتماء الدين فده الشئ اليى بيخلى الانسان تحت اى ضغط او ظروف لسه محتفظ بعقله ولسه محافظ على حياته لان التمسك بالدين بيمد الانسان بطاقه روحانيه عجيبه بتديله قوه وصلابه عجيبه على مواصلة الحياه..
يعنى يتضرب ويقول الحمد لله يتقتل ويقول خير هاخد منزلة الشهدا يتسرق وتتلطش احلامه من ايديه ويقول احمدك يا رب تخفيف ذنوب...
موضوعك حلو قوى قوى قوى ولو فتحنا سيرة الانتماء مش ههنتهى بس فيه شئ نفسى فيه قوى يا ابو على
تخيل نفسى ابنى يحس بانتماء ناحيتى وانى دنياته واخرته وانه لما يكبر يفتكر انى كان ليا عمر فنيته تحت رجليه عشان احافظ عليه..
اه الامومه والام مش بتحتاج مقابل من اولادها ...بس من النهارده الصبح شفت راجل شحط امه المفروض تعبت فى تربيته لقيته بيشخط فيها كانها عيل صغير
وبيعاملها بمنتهى الجفاء والغطرسه
انا معرفهمش بس اليى اعرفه انها ست ربت ولادها من دمها زى ما سمعت فازاى تبقا المعامله دى جزائها...
مش ده برده اسمه عدمانتماء على شوية عقوق على قلة ادب
ولاا انا بيتهيالى..
طولت ورخمت ومش عارفه انا حودت غلط فى الموضوع ولاا ايه بس ده احساسى بالكلمه والمساله دى...
عذرا ابو على على الازعاج...

أمل حمدي Says:

اخي ابو علي

بعد التحية

لك واجب بمدونتي اتمنى ان تقبله

وتقوم بحله

سلام

Desert cat Says:

جميعنا نملك الانتماء للوطن ولكن طالما هناك من يحبطك دائما ويسعى لتحطيم كل احلامك وطموحك بكل قوته فمن الطبيعى يتلاشى شيئ فشيئ
تحياتى

SHAPE YOUR LIFE (ABOALI) Says:

الى الاخت محاسن
صدقا لم اجد كلمات لتعلق على تعلقيك
ولم اجد حروف تصف تقديرى لشخصك الكريم متمثلا فى قلمك
ان ماذكريته سيدتى هو ما يسمى البعد الثالث فى التفكير lateral thinking وهو التفكير الذى لا يتوقعة صاحب القلم ذاته
ولكم ابكتيى قلبى عندما ذكرتى عن عدم انتماء الابن لاءمه والابتعاد عن كل القيم والمبادىء الاساسية
اسمحى سيدتى ان احكى لك قصة
رجل كبير توفيت زوجته واراد ان يتزوج
وكان قد انجب من زوجته الاولى ابن بالغ
ووقع اختياره على زوجة ولكنها كانت سئية السمعة
وعندما علم الابن ان اباه سيتزوج
قال ان تزوجها سوف اقتله
ونوى بالفعل الاب ان يتزوج
وتربص له الابن فى احدى الطرق ليقتله
فأبلغ اهل القرية الاب بذلك وقالوا له لاتمشى من هذا الطريق
فقال لهم ان اول طريق سيمشى فيه هو ذلك الطريق
وفعلا التقى الاب بالاءبن ورفع الابن العصا ليقتل ابيه ولكنه لم يكاد يرفعها
حتى انكب على ارجل ابيه يقبلها ويحتضن ابيه
فقال له يا ولدى لما اخبرونى انك ستقتلنى
لم اصدق لاءنك اذا فعلت وقتلتنى
عرفت انك لست ابنى من صلبى ولست انت الذى ربيتك وسهرت عليك فى مرضك وصحتك
انت الان ابنى الذى ربيته
ومن اجلك يا ولدى سأصرف النظر عن زواجى
هم ربوا واثمرت تربيتهم
قفى جانب ابنك واحتضينه وقربيه اليك اكثر واكثر استعينى بالله على هداه
وفسرى له مايحدث فى الحياه من متانقضات
فتربى له الشخصية المتوازنه التى تتكيف مع الحياه
احييك مرة ثانية لاءضافتك البعد الثالث للانتماء
وادعوكى لقراءة موضوع كتبته فى المدونه قديم تحت عنوان فى الشر يكن الخير
تدبرى المعنى
ولك خالص شكرى

SHAPE YOUR LIFE (ABOALI) Says:

الى ماما امولة
اشكر لك الواجب
ونستعين بالله عليه

SHAPE YOUR LIFE (ABOALI) Says:

الى قطة الصحراء
الانتماء اساس
ليس له علاقة بمن يحبط او لا يحبط
احبى وطنك وانتمى ونفذى هذا الانتماء
ستجدى نتيجة ذلك امامك

تحياتى

الاسطى Says:

موضوعك جمييل أوى و اجمل ما فيه الشعر اللى فى آخره دا عجبنى موت .. شكلى هابقى زبون دائم عندك ...
على فكرة كنت عايز أوقكل إن فى إحصائية قريت عنها قريب بتقول إن المصريين هم أعلى شعوب العالم فى الشعور بالإنتماء للوطن ... شوف بقى على الرغم من كلللل اللى بنشوفه دا بردو لسه بنحب البلد ..
بذمتك مش احنا شعب غريب ..؟

غير معرف Says:

على فكرة البوست ده رائع
بس أنا جاية عشان أسلم عليك
لأنى حسيكوا فترة كدة


فى آمان الله

بس إن شاء الله إن شاء الله لما أرجع حتكون أول واحد فى المفضلين عندى
و ياريت تقراه بوستى الجديد لأنى بجد محتاجة حد يدعيلى

mahasen saber Says:

الاخ العزيز الصديق ابو على...
كل ما بقرا رد منك على تعليق من تعليقاتى بحس بسعاده غامره اه والله غامره لانك بتقول كلام يسعد اة حد يسعد الطوبه نفسها فما بالك ببشر زى حالاتى...
واكتر ما بيسعدنى انك بتشوف الجانب الاخر فى كلامى وبتوصل للمعنى اليى فى اعماقى ...
وردك اصلا وكلماتى بصراحه بخلاف السعاده اليى بيسببهالى بيحسسونى انى لسه مفقدش القدره على التفكير والتحليل فده شئ مبشر جدا
..اما بخصوص عبدالرحمن فانا مش مستنيه منه مقابل انا بس اتكلمت عن مخاوفى من اليى بشوفه حاليا..
انما انا ماشيه معاه الدنيا خطوه بخطوه وكتف بكتف ومصاحباه وبصدعه بكلامى كمان لدرجة انه بيوصل لمرحلة ماما اسكتى بقه...
ولما تيجى الحظه الحاسمه ويكبر هسيبه يمشى ويلف ويشاهد ويستمتع بالدنيا من حواليه وان شاء الله هيرجع لحضنى ويلف لفته ويستمتع استمتاعه ويرجع تانى لحضنى ولو املى خاب هرضى وهدعيله وهتمناله كل خير..
فعبدالرحمن فوق الافعال وفوق الكلام ده حاجه ملهاش وصف بس بحبها لانها انا وبخاف عليها ومنها لانها انا برضه...
دوشتك ها اكيد هتقولى محاسن اسكتى بقه...
بس الكلام معاك ممتع لانه بيخاطب العقل والروح وبيسمو بالفكر
شاكره ليك قوى اهتمامك بالرد عليا ولهتمامك باعلامى بالرد على التعليق
فعلا كرم الاخلاق والذوق
نعمه...ربنا يديمها عليك..

نـــــور Says:

ازيك يابو على
كعادتى هحب ارخم فى التعليق وافصص الموضوع على مزاجى:)
وهيا لنيدأ ....

انتماء الانسان لنفسه اولا
تصدق اوقات كتير بجد بحس ان فى ناس كتييييييير معندهاش انتماء لنفسها واكتر النماذج دى الشباب الضايع الل بلا هويه ولا هدف يمكن بيكون شاي فى الضياع ده حريه شخصيه انما هى بجد زى ماحضرتك قلت عدم انتماء لانفسهم وده هو الضياع بعينه

ثانى درجات الانتماء
هو الانتماء الى وطنه الصغير
وده احيانا بقى يابو على بيبقى عيب فى الشخصيه لما تكون انطوائيه واحيانا بيكون عيب فى اللى حواليه انهم مش قادرين يستوعبوه وبالتالى بينفر منهم

ثالث انواع الانتماء هو الانتماء الى المجتمع الصغير
وده زى اللى قبله فى رأيى:)


اما اخر انواع الانتماء وهو للوطن
وده اعتقد نوع من الاحساس بالمسؤليه وكمان تسلسل منطقى للانواع اللى قبله
وكمان على فكره هى يمكن فطره ربنا خلقنا عليها حب والوطن انما كمان و شئ مكتسب من الطبيعه
تحياتى جدا الموضوع هايل
وهل من مجيب؟؟؟؟؟؟!!!!!!

غير معرف Says:

كويس وجميل تكرار كتابتك لموضوع الانتماء والوطنيه والاعتزاز بانفسنا وهويتنا وهكذا لاننا محتاجين فعلا لمن يذكرنا بهذه المعانى الرائعه وانا اعتقد ان كثير من الشباب الذين يستهينون بهذه المعانى انهم لا يدركون ان هذا الشعور عريزه بداخلهم لا يشعرون بها الا فى اوقات معينه لكنها فعلا بداخلهم وهم غير مدركين اما بقى اللى بالفعل فقدوا هذا المعنى لازم يتوقفوا لانهم بذلك فقدوا جزء كبير من انسانيتهم لازم كلنا نعتز بانفسنا وباسرتنا وبجامعتنا وبقسم الجيولوجيا وطبعا وطنا وشكرا ليك يا ابو على كتييييييييييييييير.

غير معرف Says:

انا فرحانة ان اول موضوع اعلق علية هو الانتماء
الكلمة بجد بتهز الوجدان والاحاسيس بمعناها العميق
تعرف لو كل واحد حس بجد بمعناة وعمل بيه هننجح لان الانتماء معناة الحب والعطاء واكيد لما نذكر نفسينا ع طول بالانتماء للوطن اكيد البلد دي هتتغير
وزي ما شيرين بتقول :/ ما شربتش من نيلها طب جربت تغنيلها.معلش الواحد رايق حبتين بس مش مشكله كله انتماء يا ابو على .ويحيا قسم الجيولوجياااااااااااا

مخنوق كيك Says:

يا سلام عليك وعلي كلامك الموووووووووز

لو سالتك انت مصري .. تقولي ايييييييييه ؟؟ ايوه مصري ابن مصري وابن مصر الله عليه

ملوك الجدعنة ودي حاجة في دمهم .. وبس

طبعا بما اني شربت من مية مصر .. قصدي من النيل فلازم اغنيلها واقولها

" عشان بحبك يا مصر لازم اشوف الويل "
"انا لو كنت راجل جدع كنت ردمت النيل "

توك توك

SHAPE YOUR LIFE (ABOALI) Says:

الى الاسطى
يا اسطى ربنا يزيد الغرباء ماداموا
يعرفون الانتماء
اشكرك على مرورك وتعليقك المثمر

SHAPE YOUR LIFE (ABOALI) Says:

الى انا ودماغى
احلى دماغ وفرفشة
ويارب على طول مفرفشة
وايدى المصرين كلها
مرفوعه لطلب الدعاء

تحياتى

SHAPE YOUR LIFE (ABOALI) Says:

الى حبيبه
نكتب الى الاحبه
لعلى وعسى
نكون منهم
وننتمى اليهم

اشكر لك تحليلك المميز
ودائما منورة يا حتة سكرة

SHAPE YOUR LIFE (ABOALI) Says:

الى يارا
لو علموا ما فيكى يا يارا من الانتماء
لجعلوكى علما ورايه له
انتى فعلا قلب محب لكل ما هو صدق
وفى احدى المرات تمنيت ان اكون مثل قلبك
اسعدنى مرورك وكلماتك التى اعرف انك
على يقين منها وراسخة رسوخ الصخور الناريه فى الكواكب الدائرية



تحياتى الى الجيولوجيا

SHAPE YOUR LIFE (ABOALI) Says:

الى سلمى
تؤام الانتماء
كلماتك تحمل معانى الصفاء
وقلبك دائما فى نماء
لك منى زهرة ورياحين
تتعطرى بعطرها فى كل الميادين
ووجهك عليه دائما نضارة السماء
ورفعك الله فى الدينا وفى يوم الدين


اشكر لك مرورك الاول واتمنى ان لا يكون الاخير

وتحياتى الى عبد الجليل