العيد عيدنا

, الأربعاء، 24 سبتمبر، 2008


اتت عجوز على رسول الله( صلى الله عليه وسلم )
وقالت يا رسول الله انى عجوز ولا استطيع ان اذهب الى بيتى
فقال لأحد اصحابه احملها على ابن بعير(جمل – حصان-...)
فقالت يا رسول الله انى امراءة عجوز لن يستطيع ابن البعير ان يحملنى فوزنى ثقيل
فضحك وابتسم( صلى الله عليه وسلم)
وقال
يا امة الله ما من بعير الا ابن بعير



يا محمد
ا
يكفينى فخرا وتيها
انك كنت فينا رسولَ
اتى يوم الفرح
تعالوا نفرح
فقدوتنا
علا البشر وجهه
وتبسسسسسم
هل هلال العيد
يا صايم افرح
الريان مستنى
يا مصلى
هلل وكبر
يا ساجد
اخشع وسبح
ده يوم فرحك
افرح

فرحة الغفران
والعفو عما سلف و كان
الله اكبر عليك
والجنة بتنادى عليك
قوم وافرح
اليوم يوم عيدك
هلل وكبر
بعد رمضان
ذنوبك بقت ذكرى
وعشت عيشة الاخرة
هل الهلال الله اكبر
العاطى امر وقرر
نور وهدى وسرور
عليك يا انسان
تعبت هناك
وكنت للفجر
سهران ما تنام
طمعان فى رحمته
وروحك تحت قدرته
الله اكبر
كبر وهلل
اليوم يوم فرحتك
استلم فيه جايزتك
المنادى بينادى
مكافاءت رمضان
تعالى يا انسان
شوف رحمة الرحمن
افرح كده
وخليك لربك
كمان وكمان
قراءنك هناك
واقف معاك
ارفع ايدك
افرح وكبر
الله اكبر
اوعى تنسىَ ربك تانى
عيب عليك يا انسانى
تكون عبد رمضانى
بشر ونور
خليك مسرور
ربك غفور

الله اكبر
الله اكبر
الله اكبر
لا اله الا الله
الله اكبر الله اكبر
ولله الحمد

53 Response to "العيد عيدنا"

ضد التيار Says:

كلماتك جميله قوى

و يارب فعلا نكون فى الايام العاديه زى مابنكون فى رمضان

رغم انى مافهمتش خليكى بعيد فى تعليقك

بس حبيت اقولك كل سنه وانت طيب

ABOALI Says:

الى ضد التيار
اشكرك وربنا يتقبل
انا كنت امزح معاكى على اسمك بس ضد التيار على اساس الكهربا يعنى
تحياتى

ضد التيار Says:

ضد التيار يكهرب؟؟؟!!!

امال اللى مع التيار يحصله ايه؟؟؟!!!

دا اللى ضد التيار هو اللى الكهربا مش هتوصله

ولا ايه ؟؟؟

اعتذر و بشددددده على فهمى السلحفا دا (وش مكثووووف جدااا)

و برضه كل سنه وانت طيب

كيارا Says:

كوووول سنه وانت طيب ياابو علي

كلامك جميل بالفعل :)

mahasen saber Says:

صلى الله عليه وسلم..
صلى الله عليه وسلم
صلى الله عليه وسلم..والله العظيم دا الشخص اليى كل حته فيا ومن جوايا بتقول ياه ياه بحبه حب..
فعلا خير البريه
وفعلا لما كان الصحابه الكرام يقولوا ..بأبى انتا وامى يا رسول الله..
فعلا ده شعور ورد فعل اى حد يعرفه ما بالك لو حبه..
عارف يا ابو على كان فيه كلمه لجورج برنارد شو الكاتب الايرلندى بيقول عن سيدنا محمد
..لو وجد محمد فى العالم الان لاستطاع بحكمته ان ينهى كل الصراعات وان ينشر السلام على كل العالم.
الجمله دى قالها برنارد شو وقت الحرب العالميه التانيه على ما اعتقد وبرنارد شو عقله وكتابته ومكانته فى الغرب لها قيمتها وثقلها
فنقول اللهم صلى على سيدنا وحبيبنا ونبينا محمد...
واللهم اعز الاسلام والمسلمين كما اعززت البشريه بيه
الله يكرمك على القصيده الجميله دى ربنا يكرمك ويسعدك زى ما اسعدتنى..

engy Says:

بجد قصيده رائعه
وان شاء الله ربنا يغفر للمؤمنين جميعا
ويارب نفضل طول حياتنا زى مابنكون فى رمضان
ربنا معانا وكل سنه وانت طيب

ندا منير Says:

كان نفسى قوى الرسول صلى الله عليه وسلم يكون عايش لحد دلوقتى
بجد كانت مصر هتبقى حالها احسن من كدة بكتير قوى
وكل سنة وانت طيب مقدما

ABOALI Says:

الى كيارا
كل سنه وانتى
رائعة زاى ما انتى
تحياتى لك انتى

ABOALI Says:

الى الاخت محاسن(عايزة اتطلق و)
الرائعة المعبرة الجميلة الناضرة
تحياتى
لك كل الود والترحاب
لك دور كبير فى هذا البوست
فانتى من اشارتى الى كتابة حاجة علشان العيد
قولت وايه المانع
فقلت لماذا صحيح لا نفرح
ولا يوجد قدوة غير سيد الخلق
هو النور المضىء
اشكرك على تواجدك
مش عايز اقولك
انى بحس فيكى كمية مشاعر وحنان دفينة
اتمنى ان تفوح رائحتها دائما

كل سنة وانت فى اجمل حال من عام الى عام

ABOALI Says:

الى انجى
امين يارب
نكون دايما فل وياسمين وريحان
اشكرك على كلامك المهندم المعبر

ABOALI Says:

الى ندا منير
نحن فى اختبار ارجو ان ننجح فيه
حتى نكون احبائه كما قال
حين كان يتكلم مع اصحابه عن اناس امنوا به ولم يروه

تقبلى تهئنتى بالعيد

mahasen saber Says:

الأخ الكريم ابو على ...
ايه الكلام الجميل اليى بتقوله عنى ده ربنا يكرمك ويسعدك
ويكتبهولك ثواب عن كلمه طيبه بتقولها لاختك المسلمه...
بس على فكره بقه ...
انا مش هعرف اكلم حد بعد كده داانا
مش هعرف اكلم نفسى..
عيد سعيد وجزاك الله كل خير..على السرور اليى ادخلته لقلبى
ربنا يسعدك فى كل من تحب..

شمس النهار Says:

ياريت فعلا ياجماعه تكون كل السنه رمضان
الكلام جميل
وان شاء الله ربنا يتقبل منك ومنا جميعا
وكل سنه وانت بتكتب شعر جميل

حـــــ الــجــنــة ـــــور Says:

السلام عليكم
لا إله إلا الله سيدنا محمد رسول الله
تقبل الله دعائك أخي الفاضل وأكيد الجنه للصالحين العابدين الله
اللهم إعتق رقابنا من النار
وسعيده بمروري لمدونتك
كل لحضه ونحن إلى الله أقرب
وعيد سعيد للجميع
لا إله إلا الله سيدنا محمد رسول الله

انا ودماغي Says:

كل سنة و أنت بالف خير و صحة
و كلامك جميل أوى أوى اوى
و ياريت بجد تبقى الناس بتتعامل مع كل شهور السنة زى ما بتتعامل مع رمضان بجد حنختلف اوى

blue-wave Says:

عيب تكون عبد رمضانى
الله
عجبتنى اوى دى

الازهرى Says:

صديقى العزيز

شكرا لجمال الكلمات وكل سنة وانت طيب

اتمنى بالفعل لو كانت السنة كلها رمضان
ولكن هل نحن نعرف معنى رمضان
اشك بذلك خاصة مع كمية الاسراف وزيادة التكاليف وتعدد الملهيات بطريقة غير منطقية

سلام

لولا Says:

حلوه اوى يا ابو على
الحكايه من البدايه وكلام الرسول صلى الله عليه وسلم رائع.
كل سنه وحضرتك بالف خير وعيد سعيد على الجميع.
لولا

Beram ElMasry Says:

سيدتى . سيدى
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم

ABOALI Says:

الى الاخت محاسن
من لم يشكر الناس لا يشكره الله
ان كان ما قولته فيكى
فالله يبارك ويزيد من محبته ليكى
وان كان ليس فيكى
فادعو الله ان يكون فيكى

اشكرك

ABOALI Says:

الى شمس النهار
رمضان شهر التقوى
تعرفنا عليها وتذوقنا مافيها من حلاوة وجمال
فمن تخلى عنها احتمال انه مش انسان
كل عام وانتى فى افضل حال
تحياتى

ABOALI Says:

الى حور الجنة
اللهم تقبل دعاء
شكرا لمرورك

ABOALI Says:

الى انا ودماغى
شوية مجهود نعدى الحدود
ونقرب من الموجود
ادعى بس انتى ومعاكى دماغك
اكيد هاتعرفى سر الوجود

اشكرك على كلامك المضىء

ABOALI Says:

الى الموجة الزرقا
عيب عليك تكون رمضانى
صح لازم تعجبك
لانها على الوجيعة
اللهم مازينا بزينة رمضان طوال العام

اشكر مرورك العطر يا شاعر الوجدان

ABOALI Says:

الى الازهرى
كن حسن الظن بالله
ولعل وعسى
من كان يقول ان الفاروق سيكون هذا العملاق الذى نتمنى ان يكون موجود بين ظهيرينا


ادعو والرب موجود
اشكرك على كلامك الجميل

ABOALI Says:

الى لولا
النهر المتجدد دائما
دومتى بالخير دائما
وزينة العقل دائما
وروعة الانثى دائما
واناقة المعانى دائما


اشكرك

ABOALI Says:

الى بيرم واخواته
عيد سعيد عليك كلها حس ومعنى وامانى ليك
تحياتى

Sometimes Says:

بعد رمضان
ذنوبك بقت ذكرى
---------------

اوعى تنسىَ ربك تانى
عيب عليك يا انسانى
تكون عبد رمضان
-----------------

مفيش كلمة ولا دعوة تقدر توفى وتعبر عن احساسى
غير جزاك الله خير
ربنا يبارك فيك
يارب عيد سعيد عليك يارب

شموسة Says:

العيد فرحة ...

كل سنه وأنت طيب ياأبو علي

تحياتي ..

المشتاق للجنه Says:

السلام عليكم ورحمة الله وبركاته.....
- عيد مبارك عليك وعلينا وعلى الأمة الإسلامية أجمين...(أمين)
**خالص تحيـــــــاتى...

SMA Says:

السلام عليكم ورحمة الله وبركاته
كل سنة وانت طيبة بمناسبة عيد الفطر المبارك أنا كنت بأعمل سيرش سريع على البلوجات ودخلت البلوج بتاعك ولقيته ومواضيعه منسقة وجميل
وأرجو تزوري بلوجاتي بتاعي وتقولي لي رأيك عن كل بلوجة


وشكراً

خديجة محسن "لؤلؤة الاسلام" Says:

كلمات رائعة ما شاء الله
و شكرا لك على الزيارة
و كل عام و انتم بخير
و تتقبل الله منا و منكم ان شاء الله
و تحياتى
عيد سعيد

اسلام صديق Says:

قصة جميلة جدا

سعدت جدا بزيارة هذه المدونة

كل سنة وانت بخير

القعقاع Says:

كل عام وأنتم إلى الله أقرب وعلى طاعته أدوم
تقبل الله طاعتكم
عيد سعيد

Habiba Says:

كل سنه وانت طيب يابو على
وعيد سعيد يارب
ربنا مايجعلنا من عباد رمضان بس
وربنا يجعلك من الرابحين فيه
ويفرح قلبك بالعيد
عيد سعيد عليك يارب وعلى كل المسلمين
دمت بخير

قلب شاعره Says:

كل سنه وانت طيب وبالف صحه وسلامه
كلام جميل جداا ما شاء الله ويمس القلب ..ان شاء الله اكون من زائرى المدونه بس اتمنى ان اكون زائره خفيفه ...

FreeKiller Says:

المدون الزميل المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
بمقر النادي الإجتماعي بالزقازيق بشارع مدير الأمن أمام حزب الوفد
و الدعوة عامة لجميع المدونين من أي حتة ف مصر
وللمزيد من التفاصيل يرجي زيارة اللينك التاااااالي
http://goharyblog.blogspot.com/

و كل عام و انتم بخير

أبلة نظيرة Says:

كلمات رائعة ومعبرة وهادفة جدا
رسالة إلى الرمضانيين فقط ((أى من يجتهدوا فى العبادة فى هذا الشهر فقط)): إن رب رمضان هو رب الشهور الأخرى ، فاتقوا الله وأطيعون
اللهم يارب إجعلنا من عتقاء شهرك الكريم آمين يارب العالمين
دمتم بكل خير..تحياتى

ماما أمولة Says:

كل عام وانت بخير

وعيد سعيد ان شاء الله

حياتي كلها لله Says:

اسأل الله لك رزق مريم و قصر آسيا و تقوي عائشة و قلب خديجة و رفقة فاطمة و جمال يوسف و مال قارون و حكمة لقمان و ملك سليمان و صبر أيوب و عدل عمر و حياء عثمان و وجه علي ومحبة رسول الله "صلي الله عليه و سلم "و ميعاد آل ياسر .....و كل عام و أنت بخير ..
تحياتي
د/سلمي

ABOALI Says:

الى بعض الوقت
اشكرك لقضائك بعض الوقت فى مدوننتى

ABOALI Says:

الى شموسة
رفيقة ظهور مدونتى لكى منى الشكر العميق

ABOALI Says:

الى المشتاق الى الجنة
ادعى لعلك تكون مستجاب الدعوة

ABOALI Says:

الى سما
اكيد سيكون بينا لقاء

ABOALI Says:

الى خديجة
لعل الله يجعل من اسمك نصيب لك
قولى امين

ABOALI Says:

الى اسلام صيديق
وانا اسعد يا اخى

ABOALI Says:

الى القعقاع

اسمك له معنى ومعانى
عيد سعيد عليك

ABOALI Says:

الى حبيبة
كل عام وانتى اسعد و الى الله اقرب

ABOALI Says:

الى قلب الشاعر
حقيقى قلب الشاعر خفيف
بس انا غلس وعاوزة تقيل

ABOALI Says:

الى القاتل الحرة
يااااااااااا الشرقية بلدى
بس انا حاليا فى الهرم
اشكر دعوتك

ABOALI Says:

الى ابلة نظيرة
يارب نكون عباد لله

ABOALI Says:

ماما امولة
كل الود والترحاب
وتحياتى الى اسرتك الكريمة

ABOALI Says:

الى حياتى كله لله
اللهم يتقبل منك يا شيخة