جمال

, الجمعة، 12 سبتمبر، 2008


يااااااااااااااااااا جمال
صدقنى معجب بيك
ونفسى ادخل جواك
واشوف كل الحلو اللى فيك
ياااااااا سلام
لو سبت فى يوم الحرس
ونزلت بين الناس
تسمع صوت انسان انخرس
وتلف فى شوراعنا
مش هاقولك
اى شارع تروح
روح طريق مشهور
اسمه طريق الكورنيش
ليه النور كحل وليل
نفسى بس فى يوم تسيب الحرس
وتلف وتبص فى وشوشنا
وشوف بعينك ايه اللى حصل
ليه بتمر علينا
محن ومحن
والكأبة
بقت عنوان الوطن
هواحنا مش بنى ادمين
ولا احنا مش زيك بنحب الوطن
بسمع كلام منك
والله ما احلى وما اروع
بس يا خسارة
اللى بينفذوا الكلام
ضميريهم شويه تعبان
محتاجين زيارة منك
وضميريهم يبقى تمام
اه لوفى يوم تسيب الحرس
صدقنى مافيش حد فينا
مؤذى ولا حتى يقدر يكلمك
بس احنا يا جمال
عاوزين حد يكون بينا
جايز احنا واحشين
والكوبايه عندنا نصها فاضى دايما
طيب يا سيدى فهمنا
علمنا نشوف بعينك
يمكن احنا
قولالات الأدب
صدقنى ولو سمحت
اقولك يا صاحبى
انا معجب بيك
ونفسى فى يوم تسيب الحرس
لسه يا جمال فيه يوم عسير
خايف على نفسى منه
وكمان عليك زيه
لانك مهما كان
انساااااااان

17 Response to "جمال"

انا ودماغي Says:

حلو الكلام أوى
أنا برضه بحب كلامه بس مش بحترمه لأنه لو مسكنا حيبهدلنا بجد و ممكن نتمنى فى عهده الأيام اللى أحنا فيها دى برضه
أكيد كلنا نفسنا يعمل اللى قلته بس هو مش حيعمله و للآسف هو لما بيتكلم بيعرف يقنع بس مبيحولش و مبفكرش ينفذ




تقبل مرورى و كل سنة و انت طيب

engy Says:

حلوه اوى بس مش قادره اتخيلها بس لازلت مش عايزاه يكون الرئيس لانه من فئه الناس الذين يقولون ما لا يفعلون
يعنى مجرد كلام و اعتقد شبعنا كلام
محتاجين زيارة منك
هى عامه متعتبرش شغلته
عامه اللهم حاسبنا برحمتك وليس بعدلك

رئيس التحرير Says:

ابوعلي انت كنت رائع فى العزبه ...لفيت فيها وعجبتك ؟نعم ...هي عزبه ابوك وولدك ...ولكن عزبتى انا فين ؟
عزبتك انت سبتها له..وجاي تلابط..
أديهاله ...اسيبها له واروح فين ؟
راح يجي ورايا و يطفشني ...اسيبها له ؟

enjy Says:

تصدق بالله..... انا معجبة بشخصيته جدا والله......الراجل دة كان لاااااازم يبقى مهم حتى لو مكنش اسمه جمال مبارك عقله جبار اى نعم هو جبار علينا بس بردو مخه فظيع

ماما أمولة Says:

عجبتني الفكرة يا ابو علي

وكل شيئ ممكن

احنا بشر وهو كمان

وقلوبنا بيد الرحمن

تقديري

مش لاقية اسم Says:

السلام عليكم ورحة الله وبركاتة

ماشاء الله على الالقاء والتعبيرات

هو حجتين يا اما ظالم ومفترى وجبار وربنا بنتقم

يا اما طيب وبيخاف من الى خلقة

بس فى الوضع بتاعنا اعتقد الاولى

لك جزيا الشكر على تشريفك مدونتى

كل سنة وانت طيب

ربنا يستر علينا من ناسسسسسسسس

حسبنا الله ونعم الوكيل

أكون او لا أكون Says:

السلام عليكم ورحمة الله وبركاته...
مدونتك صااااافيه جداً يا أبو علي... وراااايقه... ومساااالمه جداً... أدام الله عليك الهدوء والسلام يارب...
قرأت لك أكثر من بوست... وكلها رائعه بكل معنى الكلمه... تحمل رساله وهدف نبيل...
اسلوبك سلس... يدخل القلب بسرعه من غير استأذان... بجد ...


أما بوست جمال... الله يهديه...ماقدرش اقول عنه غير الله يهديه...


وربنا يغير حال مصر الحبيبه للافضل إن شاء الله... ونبقى نسمع أخبار حلوه ... بجد أنا متفائله... وكلي أمل... إن شاء الله الحال حيتغير في كل أنحاء الوطن العربي...
وربنا معنا جميعا يارب...

ABOALI Says:

الى انا ودماغى
اشكرك بس محتاجين حبة تفأول
يمكن

ABOALI Says:
أزال المؤلف هذا التعليق.
ABOALI Says:

الى رئيس التحرير
لازم نحاول يا عم معاهم براضو يمكن يكون فيه امل
تحياتى

ABOALI Says:

الى ماما امولة
ست الكل ربنا يهدى الجميع
احنا ورائهم ندعوا
شكرا لتشريفك

ABOALI Says:

الى اكون اولا اكون
اشكرك على كلامك الجميل
كفايه الم كفايه حزن
تحياتى

هانى علوان Says:

معبره جدا يا ابو والى .. فنان
يسعدنى لو اصبحنا اصدقاء

شموسة Says:

كلمات رائغة يا ايو علي كالعاده ..

بس تفتكر كل حاجة بنحلم بيها او حتى بنتمناها ممكن نشوفها في الواقع؟؟

الحكاية دى بقيت صعبه شوية خصوصا الفترة دى ...

تحياتي لك....

ضى القمر Says:

للأسف طلبك أو ندائك مش هيتنفذ يا ابوعلى .

لكن ندائك أصاب الوتر الحساس .. لكن تنفيذه من رابع المستحيلات بجد

ابو على

بحييك بشده على البوست الجميل والمعبر .
سلم قلمك الراقى يا اخى
تحيتى لك

ABOALI Says:

الى شموسة
تعودت منك احساسك بنبض الكلمات
فى الحقيقة يا شموسة كلنا نريد ان نتفأل لعلى وعسى
اكرر تقديرى لك

ABOALI Says:

الى ضى القمر
من اسمك ضى القمر مع ان القمر يظهر ليلا
وتلك حكمة من الله ان ننظر دائما للحياه وقت الشدائد بنظرة نور فى وقت الظلمات
يمكن يا ضى نرى تغير للافضل ان شاء الله

تحياتى لك