قوس قزح

, الأحد، 19 أكتوبر، 2008



احيانا نتوه من بعض فى الحياه
ونبحث عن من نشكو اليهم بعض المنا
او يشاركونا فى الافكار او نأخذ منهم النصحية بصدق
هولاء هم الاصدقاء هم روح الحياه
دائما نذكر لأنفسنا ان عددهم قليل
وهكذا ...
واحيانا نفقد الروية ونقول ان الاصدقاء انقرضوا
وتحسبا لهذا الوقت الذى نذكر فيه هذا الكلام
كان الرحمن الرحيم الخالق المدبر
يعلم ما سوف يجيش فى الصدور
فوضع لنا الاصدقاء
دون ان نشعر بيهم
إلا عندما ننظر للحياه بأفق رحب متسع
نكون فيه متأملين لطبيعة هذه الحياه
فى الفيديو فى اعلى قد تكون هناك اجابة للبعض
بأن الاصدقاء لم ينقرضوا وهم كثيرون
ولكن نريد ان نراهم بقلوبنا بدل اعيننا
ومن المؤكد اننا نحتاج فى بعض الاحيان ان نجدد الرؤية من جديد
لما فى ذلك من راحة نشعر بها تعطينا وقود لحياتنا
فإذا افتقدنا الاصدقاء فهناك اصدقاء خلقوا من اجلنا
فقط اضغط على السهم مرتين ليعمل الفيديو

28 Response to "قوس قزح"

EMMY BABY Says:

بجد الصداقة دى نعمة كبيرة اوى فى حياتنا

بجد والله ممكن تكون سبب فى تغيير مسار حياة شخص

بس برضه من السهل ان تضحى صديق ولكن من الصعب ان تجد الصديق الذى يستحق التضحية

بس تفتكر يا ابوعلى ممكن شخص يجمع معظم الوان قوس قزح كلها

الفيديو بجد جميل جدا

فيديوهاتك دايما بتفكرنى بالتنمية البشرية

تحياتى

ايمى

ماما أمولة Says:

ازيك يا ابو علي

فيديو رائع بس نادر المضمون

لايوجد قوس قزح في هذا الزمان

اكيد هانلاقي لون واقع او عدة الوان

فالكمال لله وحده

تسلم ايدك على هذه السلسلة الرائعة

من المعاني النبيلة

دمت بكل الخير يا ابو على

ABOALI Says:

الى ايمى
اشكرك بشدة وعنف وصدق على تعليقك
وكمان حلوه التنمية البشرية دى
وكمان عنوان المدونه شكل حياتك
فى ترابط منهم
طبعا قوس قزح ده مش مقصود بيهم اصدقائنا من الانس فى الحياه

قوس قزح ده خلقه ربنا لينا
علشان لو مافيش عندنا اصدقاء
نفكر انى النجمة صديق
واللون الابيض صديق متمثل مثلا فى المراه
وهكذا

واحنا طبعا نتمنى ان كل الاصدقاء قوس قزح

تحياتى

ABOALI Says:

الى ماما اموله

تحياتى لك ولاسرتك الكريمة ورقى وسمو قلمك متمثل فى شخصك الكريم
واحيى المتابعة

بخصوص الاصدقاء هم روح الحياه كما ذكرت
بس اللى فى الفيديو دول ربنا جعلهم لينا طوال الوقت
نشكو ونحب فيهم وهم بالوان الربيع وقوس قزح
يعنى فى ساعة الضيق انظر الى صديقك الوافى وهو السماء حيث رحابة الافق والصفاء وهكذا

المعنى الذى قصدته
مهما انقرض الاصدقاء
هناك اصدقاء لا نشعر بهم

تحياتى

hager Says:

الفديو راائع جداا
و خلاني اعد افكر مين في صحابي كل لون لقيت الحمد لله ان ليا اصحاب بكل الالوان وبجد دي نعمه كبيره اوووي
شكراا لان فكرتني بنعمه الصداقه ودي نعمه غاليه اوووووي
وميرسي علي الفديو

الازهرى Says:

صديقى العزيز

كلماتك مست شيئا فى نفسى وتحجرت بسببه الدموع فى عينى

بالفعل لا يحس نعمة الاصدقاء والحاجة اليهم الا من عاش وحيدا فحرم منهم
تحياتى وخالص مودتى

خديجة محسن "لؤلؤة الاسلام" Says:

حقا الصداقة دى تعمة كبيرة اوى

جزاك الله خيرا
على هذا البوست

و تحياتى

د/ رامي شهاب الدين Says:

أول مرة أعرف إن الصداقة ألوان كدة

بس تفتكر يا أبو على هل لسة فيه صداقة حقيقة منزهة عن المصالح فى الزمن ده؟؟؟؟


بالنسبة للموضوع فكلماته رقيقة حالمة ، تحسسك إن الدنيا لسة بخير ، ويارب يكون الواقع ككلماتك

دمت بكل الود .. تحياتى

موناليزا Says:

كلمات جميلة شدتنى لرؤية الفيديو
ولكن للاسف لايظهر عندى شئ
واضح انه المفروض يكون عندى برنامج معين للتشغيل
فياريت بقى تقوللى مختصر الفيديو كانى أراه ولك منى خالص الشكر

كـــيــــــــارا Says:

شكرا يارب انك منحتني هولاء الاصدقاء

بالفعل الاصدقاء نعمه

وانا بحمد ربنا انه رزقني بصديقه فيها كل الصفات دي

ربنا مايحرمنا من بعض :)

mahasen saber Says:

الصداقه هيا شريان من شرايين الحياه اليى بتمدنا بالقوه الازمه لمواجهة صعابها ...
وقوة ومتانة الصداقه فى ان كلا من الاصدقاء يكون مرايه للتانى لا يجامله ولا يتجمل لاجله يكون الصدق والصدق هو اساس المعرفه وهو السبب والدافع فى استمرارها
......
بس انا مش عارفه قوس قزح والوانه دايما بالنسبه ليا حلم بعيد ليه...

ABOALI Says:

الى هاجر
الاصدقاء الوان فعلا
وهذا نعمة من الخالق
بس سيبك انتى
انتى اى لون
فكرى وقولى

ABOALI Says:

الى الازهرى

لن نفقد ابدا الاصدقاء
فقد نحتاج رؤية مختلفة لرؤيتهم
ونكون لهم كما نتمنى يكونوا لنا كما نتمنى

واعتبرنى صديق يا سيدى

اشكر كلماتك المعبرة

ABOALI Says:

الى د\ رامى
الدنيا لسه بخير لا تقلق
المصطفى يقول الخير فى وفى امتى الى يوم يبعثون
بس هما رغاوى البحر اللى عاملة المشكلة

تحياتى على ارائك المميزة

ABOALI Says:

الى كيارا
فعلا الاصدقاء نعمة
انتى بقى فيكى كام لون من دول
يلالالالالالالالالالالالالالالا فكر يا جميل وجاوب
وفى مصاصااااااااااااااه كبيرة

تحياتى

ABOALI Says:

الى موناليزا
حاولى تشوفى البرنامج
لاءن مواضعيى القادمة فيديوهات

تمهيدا لعمل الفليم الكبير
ههههههه

اشكرك دايما على المتابعة

ABOALI Says:

الى الاخت محاسن

الالوان موجودة
وقوس قزح موجود بس بيظهر فى لحظات الصفاء مع النفس
لما تتعادل الشخصية الداخليه مع الشخصية المظهريه التى يراها الناس
ستشعرى بكل هذا الصفاء

مع انى يا شيخة شيفك ونعم الصديق
وفيكى قوس قزح جميل

تحياتى

yara Says:

الصديق مراه لصديقه مهما كان لونه ارى ان الصديق الحق هو الذى تجتمع فيه كل الالوان فاذا احتاجه صديقه فى اى وقت يجده امامه باللون الذى قد يفيده ويساعده .لكن فى الحقيقه احيانا حب الاصدقاء قد لا يتوقف على الالوان فلديه صديقتى المقربه قد تكون فقدت الوان كثيره من لون قزح ولكنى اشعر ان حبى لها غريزى كحبى لابى وامى واخواتى مثلا .فقط لانى اشعر معها بالدفء والراحه والاطمئنان وادعو الله ان يديم هذه الصداقه الطيبه ونظل هكذا ولا تفرقنا الظروف وتبعدنا الايام.وطبعا الفيديو رائع وجمبل ومعبر عن كل معنى من معانى الصداقه...... شكرا ليك يا ابو على على موضوعاتك الدائمه التميز والتالق ياباشا.

شمس النهار Says:

ربنا خلق الناس اشكال والوان مش بس في الجلد
كمان في الشكل والطباع
ولازم ناخد الناس علي علاتهم
ونصاحب اللي نقدر نتوافق معاهم
ونتعايش معهم
ويكون في راحه نفسيه في التعامل معهم
لآن الاصدقاء رحمه لبعض

ABOALI Says:

الى يارا
اشكر لك كلماتك الدقيقة و رؤيتك الثاقبة
وبالفعل جزء كبير من كلامك صحيح
ولكن ماقصدته فى الفيديو هم الاصدقاء الذين لانراهم الا فى الافاق عندما تتضيق الدينا


دومتى بكل محبة

ABOALI Says:

الى شمس النهار
كلام صحيح كلام مظبوط
مقدرش
اقول حاجة عنه
ولالالالالاايه

شهرزاد Says:

موضوع جميل
ولكن هل تعتقد ان هناك صداقة حقيقة في هذا الزمن؟؟ وهل إن وقع صديقك في امتحان حقيقي لصداقتك له سينجح؟؟

تحياتي لك

ABOALI Says:

الى شهرزاد
اسعدنى مرورك وكلماتك المعبرة
وليه امتحان يوضع فيه الاصدقاء
كلنا فينا كل الالوان
بس ساعات الثقة وعدم وجود الرغبة فى النمو والرقى فى الحياه
ساعات يكون العائق اننا نكون اصدقاء بجد
بس لسه الامل موجود

دنيتى الجميله Says:

السلام عليكم
على فكره انا عجبتنى جدا فكرةالفيديوهات اللى فى المدونه
هادفه وحلوه انا شفت بعضها مش كلها
بس عجبتنى الفكره وحسيت انها مؤثره جدا فى فهم المقصود من البوستات

Sometimes Says:

تمام
عارف لما خلصت الكلية ملقتش حواليا اصحاب
كنت متضايقه اوى اننا كنا زمايل مش اصحاب وكان كله علشان المصلحه
فضلت على اعتقادى ده لمدة سنة تقريبا
لغايه ما لقيت واحده صاحبتى كلمتنى وكانت متضايقه ومحتاجه تتكلم معايا

جميل تصنيفك للاصحاب بجد
وفكرة الفيديو اللى بتعمله تحفه ربنا يبارك فيك ويجزيك الخير يارب
وكمان عجبانى الرسومات اوى
ههههههههههههههههههههههههه
انا هجرب ارسم كده

الحياة مش فارقة معايا Says:

للأسف عمري ما حسيت بالصداقة مش عارف لية بالرغم ان في ناس بتقرب مني كتير بس انا بحاول ابعد حاجة غريبة
دايما بحب الوحدة واني افكر لوحدي
تفتكر لاني مش صادق مع نفسي عشان كدة مش لاقي اصدقاء .....ولا اية ...مش عارف
سيبك مش فارقة انا خلاص اتعودت علي كدة هي فعلا حاجة تخنق بس عادي.


بشكرك يا ابو علي مدونتك ودايما في مزيد من التقدم

ABOALI Says:

الى دنيتى الجميلة
اشكرك كلامك المعبر الجميل
والاجل هو اسم مدونتك دنيتى الجميلة

تحياتى

ABOALI Says:

الى SOMETIMES
ايه الكلام الجميل ده
فعلا لما يتوافق الفيديو مع الكلام يكون الموضوع معبر
يلا بقى ارسمى كويس وورينى الرسومات
تحياتى