جداريه

, الأحد، 26 أكتوبر، 2008





كلمة جداريه تتعلق بالفن التشكيلى تعنى رسم وحفر على شكل ممكن يكون ارض او صوره او خريطه


اعجبتنى هذه الكلمة ورنين حروفها لذا قولت






جداريـــــــــــــــــــــــــــــــــــــــــه


ارسمها لبلدى


واحفرها فى قلبى


ابدء بالقاهـــــــــــــــــــــــــــرة


واسئل نفسى تحب تروح فين


الازهر ولا الحسين


رمسيس ولا التحرير


مصر الجديدة ولا عابدين


اه يا قاهرة فيكى ملايين


فى الجيــــــــــــــــــــــزة


اقف وابص


هرم واثار


متحف ومعمار


فى الفيـــــــــــــــــــــــــوم


اقف كتير


سواقى بتدور


وبحيرات


ياما عليها تقول


فى بنى سويــــــــــــــــــــــف


سلامنا للواسطى


كل حاجة فيها


ليها اسطى


من هرم ميدوم


اقف وسلم

فى المنيـــــــــــــــــــــــــــا
العروسه ملوى


الاهل والاصحاب


الحب والاحباب


فى اسيـــــــــــــــــــــوط


اتكلم واعيش


هنسمع كتير


عن القراقيش

وكفايه ناصر56


فى اســـــــــــــــــــــوان

الجمال ظهر وبان
قبر الاغاخان


و معابد فيله وابو سمبل
كمـــــــــــــــــــــــــان



والسد العالى يا جمال

فى سوهـــــــــــــــــــــاج



قول احلى كلام



طيبة وعزة ونظام



فى قنـــــــــــــــــــــــــــا

لازم ندعى ربنا

يــــــــــــــــــــــــارب
قنا عذاب النار


فى الاقصـــــــــــــــــــــــــر



الفراعنه هناك
و
وادى الملوك والملكات



اتكلم يا تاريخ



عن الاجداد



فى الوادى الجديـــــــــــــــــد



اكيد فيه كلام جديد



عن باريس وسيوه والواحات



عن الراحة والهدوء
و
كل الخيرات



فى الشرقيـــــــــــــــــــــه



قول واتكلم



عن الكرم



اوعى تتكلم



طيبة واخلاق



شرقاووووووووى



ايوووووووووووا



تبقى مصراوى اكيد



فى الدقهليــــــــــــــــــــه



تعظيم سلام



صناعة ودواجن



و روز كمان



وسلام مربع للمنصورة



ومش محتاجين نزين الصورة



فى الغربيـــــــــــــــــــــــــه



تتجمع العيله



عينى عليكى يا محلة



ويا حمصك يا طنطا



فى كفر الشيــــــــــــــــــــــخ



افتكر بلطيم



والرجالة الاُصلة الطيبين



فى المنوفيــــــــــــــــــــــه



نقف شويه محتارين



نقول ايه يا منوفيه



بس لازم ليكى



نرفع الشعار



فى القليوبيــــــــــــــــــــــه



بورصة و قناطر خيرية



فى الاسماعيليـــــــــــــــــــــــة




شوف القناه



و سمسمية الاسماعيلية



فى السويــــــــــــــــــــــس



قف باحترام



ارفع راسك



يا جندى يا هُمام



فى بورسعيــــــــــــــــــد



كون سعيد



اهل النصر



هما بورسعيد



فى سينــــــــــــــــا



شمال وجنوب



ناس غالية



وارض للغاليين



فى البحر الاحمـــــــــــــــــــر



شوف نعمة الرحمن



بحر وهوا



تمتع يا انسان



فى الغردقــــــــــــــــــــة



كلمة وكلام



الله الله فى قدرة الرحمن



فى شرم الشيـــــــــــــــــــــخ



خليج نعمة يقول كتير



والمينا واهل البلد الطيبن



فى الاسكندريـــــــــــــــــــــة



من محمد كُريم



الى قايتباى والمكتبة



وستانلى والمعمورة



الهوا الاصيل



البحر والغدير



فى مرسى مطـــــــــــــــــروح



اه اه منك يا عجيبة



شوف ملامحك فى الاوبيض



اه منك يا غرام



فى روميل وكليوباترا



سبحان من خلق وصور



فيكى يا مطروح




فى حلـــــــــــــــوان




كل الحلوين




رٌكن وعيون





فى مصـــــــــــــــــــــــــــــــــــــر
يــــــــــــــــــــــــــــــــــــــــا
انسااااااااااااااااان





قول يا ما تقول



ارسم وعبر يا فنان



كفايه عليكى يا بلـــــــــــــــــــــدى



انك منورة فى القـــــــــــــــــــراءن



وده تكريم الرحـــــــمـــــــــــــــــــن



وبعده نهايه الكلام



ونقول ســــــــــــــــــــــــــــــــلام


46 Response to "جداريه"

اقصوصه Says:

جداريه جميله:)

لا شيء يعادل حب الوطن:)

mahasen saber Says:

دى جداريه شعريه فى حب الوطن ...
عجبنى استعراضك لكل شئ مميز لمحافظه ومكان ما
.......
دايما مبدع يا ابو على ودايما ورا كلماتك اشياء اكبر واعمق
...

DR.HAMAS Says:

حب الوطن من الإيمان

بس ايه بقى اللى بتقوله على المنوفية ده ؟؟؟؟



كدة هنزعل !!!


هههههههه


ربنا يكرمك يا فندم


و النبى نفسه كان يحن إلى بلده


و يقول لمكة ( و الله إنك أحب بلاد الله إلى و لولا أن اهلك أخرجونى منك ما خرجت )


د.حماس

mohamed ghalia Says:

الله على الدارية الشعرية
دى ملحمة فى حب الوطن
أيوه كده عايزين ناس متفائلة بالوطن
ربنا يسعدك زى ما اسعدتنا
وكويس انك منستش المنوفيه كنت هزعل قوى
ى المنوفيــــــــــــــــــــــه

نقف شويه محتارين

نقول ايه يا منوفيه

بس لازم ليكى

نرفع الشعار
أيوه كده لازم نرفع الشعار
تحياتى وإعجابى أخى العزيز

رندا Says:

فكرتنى ياصديقى بكلماتك الرائع صلاح جاهين
على اسم مصر
التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء
...................

بلدنا مااروعها بكل مافيها
بلدنا فى قلبنا مهما حدث ليها

وطول مافيها قلوب بتهمس باسمها وتحبها
هتكون بهية منورة عروسة فى زفة وعريسها شاب بيحبها

تسلم على البوست الجميل

تحياتى وتقديرى لحضرتك

رندا

A.SAMIR Says:

فى الشرقيـــــــــــــــــــــه



قول واتكلم



عن الكرم



اوعى تتكلم



طيبة واخلاق



شرقاووووووووى



ايوووووووووووا



تبقى مصراوى اكيد
****************************
احلى حاجة في القصيدة
تحيز بقى

yara Says:

على فكرة يا ابو على انت مخدووووووووووووووووووع, الحمص غشوه يا عم ده انا حتى معنتش بحبه والشراقوة لا كرم ولا حاجه منا مجربه وعارفه, داااااااايما انا اللى بعزم العيال وبردوا مش عجبهم . اشاعااااااااات يا عم عنهم . بس على العموم كلها مصر بلدنا اللى محفورة فى قلوبنا وبيجرى حب ارضها وناسها الطيبين فى دمنا.وفعلا لو لم اكن مصريا لوددت ان اكون مصريا وليست لارتحت نفسبااااا يا مصراوووووووى .ولا ايه؟بحييك على موضوعك الرائع وعلى عرضك المميزوسلالالالالالالالالالامى للجيزه والاهرامات.

salma Says:

تحياتي يا ابو علي فعلا الشرقية اهل الكرم والطيبة طبعا سيبك من اللي بيقولوا عننا
انا اعرف ان ماعدش في طنطا حلويات خلاص افتقروا واهلها كمان بيقولوا الحمص غشوه..........يعني كل معالمها ضاعت يعني عليكي يا طنطا. راحت عليك يا زمن.
بس كلمة اخيرة البلد دي بلدي وبعتز بكل شبر فيها حتي لو اية .
سلاااااااااااامي لك وشكرا علي الموضوع

شمس النهار Says:

جميله جدا
احلا مافيها انك ذكرت انها مذكوره في القرآن

فركـشاوي نـاوي Says:

بسم الله أول الكلام
والحمد لله ...علي كل حال.
أخوكم ...فركشاوي ...ناوي.
يصحابكم ..ويقضي معاكم بعض الوقت ..
ممكن تستقبلوه ؟ و تساعدوه

ماما أمولة Says:

فى بورسعيــــــــــــــــــد




كون سعيد




اهل النصر




هما بورسعيد


مااجمل الوطن وحبه فإنه الحب الذي لايموت ولا يقهر
هو الحب الذي بيزيد في قلوبا وعمره ما يصغر

تسلم ايدك يا فنان
جدارية رائعة

ابو بدر الدين Says:

الوطن ده وطني
حب الوطن ما هو مجرد حكايـه **أو كلمة تنقال في أعـذب أسلـوب* حب الوطن إخلاص .. مبدأ وغايه *** تبصر به عيون وتنبض به قلـوب* لك يا وطنا في سما المجـد رايـه *** واسمك عليها باحرف العز مكتوب * إشمخ وحنا لـك أمـان وحمايـه *** ولك عهد منا نوفي بكل مطلـوب

dalia Says:

أبو على
رغم المصائب والمشاكل التى نجدها في بلدنا هذه الايام التي تعكر مزاج أي انسان طبيعي الا انا معاك
بلادي وان جارت على عزيزه.... وأهلى وان ضنوا علي كرام
تحياتي يا فنان جدارية بتنطق حب وانتماء واخلاص وولاء

ABOALI Says:

الى اقصوصه
فعلا لا شيىء يعادل حب الوطن
حب الوطن من الايمان
كما قال المصطفى صلى الله عليه وسلم
اشكر مرورك الجميل

ABOALI Says:

الى الاخت محاسن
احلى ما فى الوطن من ينتمى له
وهم نحن
نحن الذين نصنع الوطن
ونشكله ليكون لنا سكن وحصن
اشكر لك المتابعة وكلماتك المعبرة
التى استكثرها على انسان خلق من الطين



هو يمكن الطين خصب شويه هههههه

تحياتى

ABOALI Says:

الى دكتور حماس

الحماس للوطن مطلوب
وحببنا لحماس موجود
لانها ترفع رايات الصمود



اعمل ايه للمنوفيه
بس غصب عنى

تحياتى

ABOALI Says:

الى محمد

ماشى يا منوفيه
بس انت عارف اللى فى القلب فى القلب
ولا ايه


اشكر لك مرورك العطر وكلامك ذو رائحة الفل والياسمين

ABOALI Says:

الى رندا
صلاح جاهين
الله عليه
انسان من خلق الرحمن
ايقن ان حب الوطن ايمان


تحياتى لك واشكر لك حبك لوطنك يا عروسة الوطن

ABOALI Says:

الى سمير
ماشى يا عم الشرقاوى
مانقدرش نقول حاجة
بس الغرباوى كويس برضوا

تحياتى

ABOALI Says:

الى يارا

طيب خلى الطبق مستور
وبلاش تقولى السر اللى فى البحور
ههههههههههه
الشراقوه سيعودوا
هما بس متعطلين فى الغرب شويه
تحياتى على عطر كلماتك

ABOALI Says:

الى سلمى

طبعا" اكيد الشراقوه شراقوه مهما تغير الزمن
ولا تلتفتى الى من يحسدونهم على الكرم
ولا ايه

لك منى التحية بل كل التحية

كـــيــــــــارا Says:

عارف لو مش قلت حلوان

كنت حزحل اوي

وافضل اقول
عاااااااااااااااا


ومخمصاك

هه بس

--------

الله يابلدي ياحته من قلبي

ABOALI Says:

الى ابو بدر الدين

ايه يا عم بدر الجمال والحلاوه دى
فعلا الوطن مش مجرد كلمة فى حكايه او فى سطر من السطور

معاك يا ابو بدر


تحياتى العطرة

ABOALI Says:

الى داليا
ليس لنا الا حبها فهى الحضن والسكن
وان قست
والقسوه نحن مصدرها وهذا هو العجب

كل التوفيق لك ولقلمك المحترم المهذب

ABOALI Says:

الى كيارا
معقوله انسى حلوان وكيارا فيها
حتى كده الجداريه تبقى مش تمام


بس قوليلى ليه باشوفك فى المناسبات بس
عندى

ماسى ماسى
نوووووووووووووووو مصاصه

كـــيــــــــارا Says:

عااااااااااااااااااااااا


الا المصاصه


والله الفتره دي كنفسيه مش مظبوطه خالص

الحمد لله

ومش تقول مش في مصاصه

الا المصاصه

ABOALI Says:

الى شمس النهار
فعلا وده افضل تكريم يا شموسه

تحياتى

ABOALI Says:

الى فركشاوى

يا راجل حتى الاسم بتاعك يعنى يعنى
ناوى على الفركشة

استعنا عليك بالله

تحياتى

ABOALI Says:

الى ماما اموله

يا عينى على بورسعيد
جمال وذوق وادب سعيد
كفايه عليهم ماما اموله فيهم
صفاء ونقاء وختام ان شاء الله سعيد



تحياتى
واشكر عفاف القلم متمثلا فى شخصك الكريم

ABOALI Says:

الى كيارا
تماسكى يا كيارا
فاءنتى من تحيرى الحيارى
ولا عاوزه امارا

كـــيــــــــارا Says:

ايوان بقي عاوزه اماره

ABOALI Says:

الى كيارا
هههههههههههههههههه
هو ببلاش كده
طيب اروحة صوغيورة
(لغة كيااااااااريه)
ولا ايه

حبيبه Says:

الله عليك ياابو علي
استعراضك للمحافظات حلو اوي
عارف انا كنت مستنية اشوفك هاتقول ايه عن القليوبية
دمت مبدع يافنان

نفسي Says:

هي دي بلدنا في كل مكان جميلة .
يستحيل تلاقي بلد فيها الحاجات الحلوة دى.... الله عليكي يا بلدي مهما اروح انتي في قلبي.
يا جماعة بلدنا دي غالية علينا لازم نحافظ عليها.
مشكور يا ابو علي علي الجدارية الرائعة.

saso Says:

فى الدقهليــــــــــــــــــــه




تعظيم سلام




صناعة ودواجن




و روز كمان




وسلام مربع للمنصورة




ومش محتاجين نزين الصورة



كنت خايفه اوى تنسي المنصوره

ههههههه كنت دخلت عملت جريمه في المدونه

بجد حلوه اوى يا ابو على

تسلم ايدك


ياريت كلنا نقد رنفتكر بلدنا من وقت للتانى

ABOALI Says:

الى حبيبه
ومصر هى الحبيبه
قلوبيه ومنصوره
قاهره وشرقيه

شوفتى رفعت روحك المعنويه اهو
للقليوبيه
من غير فرختين وحبة روز


تحياتى

ABOALI Says:

الى نفسى
فعلا عمرنا مانلاقى بلد زيها
لو عرفت مرور
يوسف وعيسى هارون وموسى
لقلت هذه الارض مطهره تتطهيرا


اشكرك لك الاهتمام والكلمات الصادقه

ABOALI Says:

الى ساسو
مقدرش انسى المنصوره
وانتى تعيرنى وتبقى عيره
واقعد جنب الحيط
احتار من الحيره
روحى روحى روحى هى المنصوره


كله ده علشان جرايمك انتشرت ههههههههه

تحياتى

الازهرى Says:

صديقى العزيز

جدارية تكرنى باخت لها ولكن بالالوان قمنا بافتتاحها فى مسرح الهناجر بالاوبرا منذ فترة قصيرة
فكلاهما يصف مصر من داخلها

تحياتى
بالمناسبة فى موضوع فى مدونة الفارس الاخير يهمنى رأيك فيه

Sometimes Says:

فى الدقهليــــــــــــــــــــه
تعظيم سلام
صناعة ودواجن
و روز كمان
وسلام مربع للمنصورة
ومش محتاجين نزين الصورة
---------------------------

تمام يا فندم
:D

الحب كما ينبغى أن يكون Says:

كلمات جميلة
على فكرة أنا من محافظةالبورصة والقناطر الخيرية

Beram ElMasry Says:

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

ABOALI Says:

الى الازهرى
تحياتى لمرورك العطر
وقد قمت بالقراءه بالفعل والتعليق

ABOALI Says:

الى بعض الوقت

ياااااااسلام على التحيز
يا منصورى
ماسى ماسى
تعظيم سلام

ABOALI Says:

الى الحب كما ينبغى
شرفتنى
وتحياتى للقلبوبيه
وناسها واهلها

ABOALI Says:

الى الاخ بيرم
يا عينى على الكلمات البراقه
بس التفاؤل مطلوب
ولا ايه