SHAPE YOUR LIFE: التين الشوكى

التين الشوكى

, الخميس، 11 سبتمبر 2008

التين الشوكى
كلنا نعرفه مر علينا واكلناه ومن لم يأكله رأه بألتاكيد
من اكله تذوق طعم جميل لذيذ
وتمنى ان يأكل المزيد
اما من رأه فقد خاف منه ومن شوكه
هى دى الحياه
لو ادركنا معانيها

عبارة عن تين شوكى
منكم دلوقتى اللى هايضحك ومنكم هايقول ايه الكلام ده ومنكم هايقول يعم ايه الفلسفة دى ومنكم...
طيب لما نقابل اى انسان مش ساعات بنحكم عليه ظاهريا انه مش مقبول ونقول علشان مظهره
يمكن علشان شكله يمكن علشان متجهم وعبوس يمكن ويمكن
ويصير عندنا تفكيران
إما البعد

وهو طريق سهل علشان هو ده الهروب اللى اتعودنا عليه من صغرنا

(ابعد عن الشر وغنى له)
اما التفكير الثانى
هو الالتحام والاقتراب (وعسى ان تكرهوا شيىء وهو خير لكم)
احنا بالفعل عاوزين نقرب من التين مهما بلغ شوكه علشان ندرك احلى واطعم ما فينا
ممكن الشوك ده يكون فى نفسك ومنعك من كل خير ليك
ممكن يكون فى اللى حواليك انت شايف انهم شوك
بس هم عاوزين كل الموده ليك
وممكن وممكن وممكن....

شوك زرعته بيدى
وشرب ميا وكبر
خفت منه
وجريت بعيد
وتمينت انه ما كبر
يا ترى هافضل اجرى
ولا فى طريق تانى
يا ترى اسئل نفسى
هو فيه ورد من غير شوك
ولا انا اللى انانى
ياااااااااااااااارب
اكون تين
عليه شوك كتير
بس مش لبنى انسانى
شوك يطهرنى
من عالم التوهانى
ياااااااااااااااااااارب
اكون تين شوكى
لذنوبى
لكن جوه قلبى
انزع شوكى
اصلى انا تين شوكى

يااااااااابو حلاوة يااااااااتين

وعجبى

12 Response to "التين الشوكى"

انى احبكم فى الله Says:: الحقيقه انا من مش من الاراء دى كلها انا مش شايفه انها فلسفه او هضحك انا هاقو لان ده فكر وعلى فكرة المدونه جميله والموضوع جميل وفكرة ان تشبه الحياه بالتين الشوكى فاحييك عليها ففعلا الحياه ذى التين الشوكى اشكرك على الموضوع وتقبل مرورى وتحياتى; 11 سبتمبر 2008 في 5:36 ص
لؤلؤة الاسلام Says:: ما شاء الله
مدونة رائعة اخى ما شاء الله

و انا بجد اول مرة اشوفها بس الواضح ان هى مدونة من زمااااان
و تحياااااااتى
رمضان
كريم; 11 سبتمبر 2008 في 10:05 ص
شمس النهار Says:: بس التين الشوكي اللي بيكله مش هو اللي بيقشره البياع هواللي بيقشره والناس بتاكله علي الجاهز
والورد الجميل له شوك ايضا وعبد الوهاب بيقول
علشان الشوك اللي في الورد بحب الورد
اعتقد ان مافيش حلاوه من غير نار
ولازم الانسان يتعب عشان يحس بقيمة الحاجه اللي تعب فيها
واللي بيجي بالساهل بيروح بالساهل
وشكرا علي المدونه الجميله دي; 11 سبتمبر 2008 في 12:40 م
أمل حمدي Says:: كما يقولون اريد ان ارفع لك القبعة
فكرة رائعة وبداية مشوقة لابراز الغرض الذي تريد
ماشاء الله
اللهم اجعلنا شوكا لاعداء الاسلام
بلسما للمسلمين
اللهم امين
تقديري وشكري لاخي ابو علي; 11 سبتمبر 2008 في 4:14 م
Lola Says:: ى دى الحياه
لو ادركنا معانيها
عبارة عن تين شوكى

تقول ان البعض قد يقول انك تفلسف الأشياء..ولكنك فقط تعكس حقيقتها.
تتعمق فيها..تغوص فى بحورها..ترى فيها اكثر من مجرد قشور خارجيه.
انت تحس كثيرا ما حولك بعمق..تفهمه..تحاول ان يفهمك..دائما تحاول. هذا اجمل ما فيك .
نعم افهم ما تعنيه عندما تصف الحياه انها تين شوكى. ليس مجرد اسم ولكنه عمق ومعنى. تعرف يقولون عنى ايضا نى احب الفلسفه..يقولونها بسخريه..فابتسم لهم بشفقه! الفلسفة عمق لا يفهمه من يصر على الطفو فوق الأشياء..الؤلؤ لا يطفو على سطح البحر ولكنه يحتاج لغواصين.
اثرثر كثيرا اظننى ..واظننى سنكون اصدقاء حتما.فهل تتقبل صداقه القدامة من مدونه اخرى فى الشارع المقابل؟
لولا; 11 سبتمبر 2008 في 5:51 م
marmar Says:: بلوج جميل جدا

احييك عليه بجد

وبالنسبه للبوست

فعلا الحياه زى التين الشوكى بس الفرق ان التين الشوكى الرجل للى بيبعه بيطه فى ميه علشان مش يشوكه
بــــــــــــــس
الدنيا مهما طيت عليه اى حاجه لازم تشوكك وتعورك علشن تسيب فيك اثر تفتكرها بيه وتتعلم منه

شكرا ليك; 11 سبتمبر 2008 في 6:30 م
Hossam Says:: hello
what such a nice blog
ur blog is pretty awesome
وموضوعك رائع وتشبيه ملائم
اتمنى نكون اصدقاء
سلام; 11 سبتمبر 2008 في 9:02 م
غير معرف Says:: ياه انتا ربطة بين شوك النبات وشوك البشر بطريقه جميله وفعلا صددقت ساعات الشوك اليى جوانا بيمنعنا من خير كتير...احييك على البوست الرائع ده وعلى فكره مدونتك فيها سمو فكرى وروح عاليه قوى وده واضح لليى مبيشوفش زى حالاتى ....
رمضان كريم وبوست من اروع ما يكون..; 12 سبتمبر 2008 في 1:48 ص
SHAPE YOUR LIFE (ABOALI) Says:: شكرا لكل من زار موضوع الشوك التينى
وترك تعليق او لم يترك العبرة
من عرف فأوعى ولكم تحياتى
ولكنى اخص
بالذكر اختى لولا
على تعليقها ويزيدنى تشريفا قبولك انتى صداقتى; 12 سبتمبر 2008 في 6:37 ص
hager Says:: ياريتنا فعلاا نكون تين شوكي
البوست جميل جداا مشكور عليه
بس علي فكره انا مبحبش التين الشوكي :))
تقبل مروري; 12 سبتمبر 2008 في 8:38 ص
رئيس التحرير Says:: نعم هي كذلك ..
لكن هناك اشياء كثيره غير التين الشوكي.
ممكن تكون كتاب مفتوح مثلا ..او مجله كله موضوعات ..ولا نقرأ فيها المواضيع الجيده ...الحلاوه في الدنيا حلاوه صانعها
والشوك فيها شوكنا احنا ..يارب اكون واضح ..تقبل تحياتي; 12 سبتمبر 2008 في 4:47 م
مخنوق كيك Says:: فعلا موضوع يمس حقيقة مجتمع بل طبيعة بشرية وهي كيفية التفرقة بين الصالح والطالح .. الحياه عموما متغطية بعباءات وعبارات زائفة منا من يفهمها وهو من يكتسب الخبره وكيفية التعامل مع الاخرين . وكما يقول المثل الشهير " الخبره هي المشط الذي يعطيه اياك الحياه بعدما تشيب راسك " . الحياه عموما عباره عن اشخاص بداخلهم اسرار كبيرة . ويجب لكي تعرف الشخص اكثر واكثر . يجب ان تقترب منه اكثر واكثر . وهذا ينطبق علي كل الاشياء . فلكي تحكم عليها يجب ان تتذوقها بطريقة او باخري .. ولكنك في النهاية ستتذوقها; 15 سبتمبر 2008 في 7:41 م