انا عاوز كمامة ماليش دعوة

, الأحد، 27 ديسمبر 2009






الله الله على الشعب الاصيل

انفلونزا الخنازير دى جامدة والله الناس اتجهت الى وضع كمامات

ومسكات على الفم وتحس كده فعلا بالخوف والرعب من العدوى

سبحان الله

وانا شايف الناس بهذا الهلح تذكرت تلك الكمامة بالخير والله

وقولت بغض النظر عن انفلونزا الخنازير

احنا محتاجين الكمامات دى على طول

مش عارف ليه فكرت فى كمية الانزلاقات

اللى حصلت من هذا الفم خلال السنوات الماضية

كمية من الكلام الرخيص يتردد

كمية من الكلام المنافى للاخلاق دون معرفة اين وضع

كمية من الهرتلة والصداع لمجرد الكلام

( 80 مليون مطرب ومطربة)

كم من المرات سيىء استخدام هذا الفم


واحنا على اعتاب وبدء اعوام جديدة اتمنى


وضع حملة بالفعل مع انفسنا

نبدء فيها من الان بوضع كمامة شفافة نحن الذين نشعر بها

وظيفة تلك الكمامة عمل فلترة لما سوف ينطق به هذا الفم

فربما تساهم دفعات النبت الطيب من الكلام

فى تنقية ذلك الفم من الانفلونزا التى يعانى منها اولا

دعونا نتكلم ولكن من خلال مسام

ولتكن المسام كمامة ولتكن الكمامة هى عودة

عودة للكلمة الطيبة الى حظيرة انفسنا

ولتطبيق ذلك نفكر بس قبل ننطق ونصنف الكلمة دى ايه طيبة ولا ؟

اللى هايعلق يقول هبدء والا....... بلاش خلينى طيب استنى يا سياف






صلى عليك الله يا احمدا

فى النار هناك قوم

حصائد الالسنة لهم مرصادا

وفى القراءن اقرء وتعجب

كلمة طيبة اصلها ثابت

والفرع فى السماء يتباهى

يا من كنت لبشاشة الوجة طالبا"

يا من كنت تحبث عن السعادة عنوانا

افشى السلام بين ربوع نفسك

تجد الله لك وهابا

حب الناس وبالاخيار انت انسانا

ولسوف تنعم يقينا" بالقرب من الرحمنا


ومش عجبى




ا



30 Response to "انا عاوز كمامة ماليش دعوة"

Unknown Says:

السلام عليكم ورحمة الله وبركاتة
صدقت والله فيما قلت
نحن ما نحتاج كمامة بقدر ما اصبحنا نحتاج الى فلتر ومقص رقيب ينتزع من جملنا الكلمات التى قد تهوى بنا الى الجحيم
كثير منا يستعمل البذئات او انه يتفوه بما يغضب الله
وكما ذكرت مطربين ومطربات العرى والالفاظ البذئة ولا حول ولا قوة الا بالله

yara Says:

والله يا ابو على صدقت فعلا لاننا فى اشد الحاجه الى كمامه فى هذه الاوقات وستحمينا من الامراض بكافه انواعها ونوع الكمامه الذى ذكرتها اهم لانها ستحمينا وتنقذنا من امراض القلوب وسفاهه العقول التى وصلنا لها نتيجه لاننا لم نعد ندرك ان السنتنا هى التى تاخذنا اما الى دار النعيم او الى الحجيم.
بس تفتكر يا ابو على اشترى كمامه علشان انفلونزا الخنازيرولا الناس هتضحك عليه؟

انت صحيح اشتريت ولا لا؟

أمل حمدي Says:

ومش عجبي أنا كمان

أنا نفسي كل واحد يهذب نفسه ويصلح من عيوبه ويسيب الناس في حالها

وبلاش حد يقيم حد ربنا هو اللي مطلع على القلوب

استشرى في عالم النت وباء غريب

وأظن أنها عدوة اسمها اانفلونزا اللسان المسحوب

احسن حاجة اننا نلبس كمامة ربنا يكفينا شرهم يارب

ولا ايه يا ابو على يا غالي

ولا بلاش غالي لاحسن يفتكروا حاجة هههههههههههه

شر البلية مايضحك

برضو غالي سلام

شمس النهار Says:

لو كل واحد حط رقابه علي كلامه
ورعي ربنا وضميره
وحط في دماغه انه هيتحاسب علي كل كلمه بيقولها

وان اي كلمه هيقولها علي حد

او عيب بيها علي حد

هتترد له بالتمام والكمال

كانت الدنيا بقت جميله

سلام

mohamed ghalia Says:

ههههههههه
لا شكرا ياعمنا مش عايز انا
بقولك نجيب واحد نخمس فيها سوا هههههههههههههه

وردشان smilyrose Says:

السلام عليكم

كيفك اخى ابوعلى

اتعلم انك جئت على موضوع يشغلنى


وكنت احاول ان اطرحه

ولكن اخى قام بالمطلوب

ياريت فعلا نتقى الله فى كل افعالنا

وناخذ اعتبار من يتاذى منا

ولا نؤذى احدا

وقبل ان نتسبب فى الم انسان برئ

نضع انفسنا مكانه

ونرى ماذا سيكون حالنا

ان نراقب كل فعل او حرف

وعندما نصل لذلك

قد يرفع الله مغطه وغضبه عنا

لان الله لا يغير ما بقوم حتى يغيرو ما

بانفسهم

دمت اخى

سمكه واحده Says:

فل اوي يا ابو علي
وانا من هنا بحييك اوي اوي
وبقول انا هبدا اهو بوضعها
كل سنه وانت بخير
وان شاء الله سنه سعيده عليك وعلينا كلنا
خطوه حلوه اوي
ياريت كلنا نبدا مع بعض
ها
1
2
3
ايه ده هنهزر بقي ولا ايه
كله مع بعضه
(:
تحياتي
طرح مميز كالعاده

MaNoOoSh Says:

انا كمان عاوزة كمامة تمنع الكلام الوحش يخرج من لساني
بس معلش بقى
نفسي كمان في لسان زي المبرد اخد بيه حقى من الناس اللى معندهاش دم

وللا ايه

Lady E Says:

الله

عجبتني جدا الفكرة
بجد
كتير بننسى او بنتناسى ان كلامنا هنتحاسب عليه

SHAPE YOUR LIFE (ABOALI) Says:

الى نهر الحب

صح يا سيدتى الفلترة مطلوبة ونحتاج اليها الان
ربنا يجعلنا من المقربين اليه

اشكرك على تواجدك

SHAPE YOUR LIFE (ABOALI) Says:

الى يارا

فعلا يا يارا كمامات الفم ستحمينا من الامراض الداخليه

صدقتى فعلا ومعك كل الحق
بس يا ستى انا لسه لم اشترى كمامة الانفلونزا

يمكن نجرب فيكى الاول

SHAPE YOUR LIFE (ABOALI) Says:

الى ماما امولة الفاضلة

صح يا ست الحبايب

دعى الكلام تعوى والقافلة ستسير رغما عنهم

وانتى برضوا غاليه عندى يلا بقى بالعند فهيم يا غالى انت بالقوووووووى

ها وبعدين

SHAPE YOUR LIFE (ABOALI) Says:

الى شمس النهار

فعلا معك كل الحق
ان الرجل يلقى بالكلمة فتهوى به فى قاع جنهم سبعين خريفا او عاما

ونحن لا نقدر ذلك

ولكن دعى الشمس تضىء وتضىء فحرارتها تتطهر القلوب المريضة


لك كل ا لتحية

SHAPE YOUR LIFE (ABOALI) Says:

الى محمد الغاليه

ههههههههههههه نخمس معى المنافية

اتق الله يا رجل

المنافية عاوزين سد الحنك
ههههههههه


منوارنى

SHAPE YOUR LIFE (ABOALI) Says:

الى وردشان

رائعة فى تعليقك يا ورد

يارب يهبك الله كل الخير

وكما قولتى ساعات كتيرة نرمى الكلام
ويخبط وخلاص
وساعات يصيب اغلى ناس عندنا

يااااااااارب اجعلنا من اصحاب الكلام الطيب

حضورك هنا يسعدنى

SHAPE YOUR LIFE (ABOALI) Says:

الى سموكة

هههههههههههههه
والله والله انتى سكر ورائعة وانسانة راقية

يييييييييييلا نبدء سوا سوا

هااااااااا

صفر
صفر ونص
صفر وحته
صفر وحتة سمكة
هيييييييييييييييييييييه


منور يا انسان

SHAPE YOUR LIFE (ABOALI) Says:

الى منوووووووووووووووووووش

يااااااااااا هلا يا هلا

منور ودايما ان شاء الله

ولا يهمك يا باشا نضع كمامة بمبرد احتياطى

وحتة موس تحت الكمامة لزوم ولاد الاية

ولالالالالالالالالالالاايه


منوارنى

SHAPE YOUR LIFE (ABOALI) Says:

الى ليدى

صح كلامك سااااااااااعات كتير بننسى

بس احنا فى الداخل طيبين بس بنتشكل بدون لازمة مع الناس الوحشين

ياااااااااا فندم منورنى

كلمات من نور Says:

كمامة على أفواهنا و نظارة تحجب الرؤية عن عيوننا و شمع لوضعه بالأذن التي نسمع بها ....محتاجين التلاته دول في زماننا هذا يا أبو علي .تبقى كويس ولسانك حصانك تلاقي الناس بتسمعك كلام تاخد بيه ذنوب من حيث لا تعلم ...تكون ماشي في أمان الله تلاقي مناظر تؤذي عينك وتوقعك في ذنوب برضه من حيث لا تدري ...الواحد بقى من كتر الكلام داه شبه ملازمة لداري ..ومش عجبي ولا عجبك بل عجبا لقوم الإسلام ملتهم

blue-wave Says:

الله عليك يابو على:))
كمامتك عندى ماتقلقش
كل سنه وانت بالف خير

yara Says:

جميله جدا يا ابو على المقوله اللى انت كاتبها فوق دى.
فعلا بليغه جدا

اشكرك اشكرك لكتابتها.

(Joudy) Says:

السلام عليكم ورحمة الله وبركاته

فى أول زيارة سعيدة للغاية بالكلام الجميل ده عندك حق محتاجين أكتر من الكمامة فرامل علشان نبقى عارفين امتى نتكلم وامتى نفرمل وأى كلمة تخرج وأى كلمة ممنوع خروجها وكمان نعرف معنى المقولة اللى بتقول لكل مقام مقال وكمان الكلمة اللى بننطقها هى اللى بترسم صورة لينا يا بالايجاب يا بسلب

والأولى إننا نضع فى الاعتبار إنى أكثر ما يوقع فى نار جهنم هو ما ينطق به اللسان

تقبل مرورى ويارب أكون ضيفة خفيفة على مدونتك

دمت بكل الخير والسعادة

حياتى نغم Says:

السلام عليكم ورحمة الله وبركاته

جزاك الله عنا خيراً ..

طريقة مبتكرة وطيبه لتحقيق الكلمة الطيبة وحفظ اللسان رزقنا الله وإياكم الثبات .

طوبه فضه وطوبه دهب Says:

فعلا لسانك حصانك والشعب المصرى كله الحصنه عنده من غير لجام جامحه مالهاش حد يقصها قصدى يحجمها يمكن الكمامه تحل شويه من بلاوى الالسنه تسلم ايدك حلو اوى الموضوع

SHAPE YOUR LIFE (ABOALI) Says:

الى كلمات من نور

عجبى فعلا
ياااااااا انسانه من نور

اشكرك

SHAPE YOUR LIFE (ABOALI) Says:

الى بلو ويف

ليه كده يا مان
على راى محمد الغاليه هانخمس فيها ولا ايه

ههههههههههه


ماتقلش الدفع بالفيزا

SHAPE YOUR LIFE (ABOALI) Says:

الى يارا

الاجمل من شعر بها واستقرت فى قلبه وارد ان يعمل بها

وانت انت اكيد ستكونين لانك شعرتى بها

SHAPE YOUR LIFE (ABOALI) Says:

الى جودى

فعلا والله يا جودى محتاجين فرامل

وتكون فى عربية كده احدث موديل
يعنى عقل يعنى

علشان نشعر احنا بنقول ايه

وتشريفك يسعدنى

SHAPE YOUR LIFE (ABOALI) Says:

الى حياتى نغم

صح محتاجين طرق مبتكرة للتعامل مع نفسنا

يا ترى هاتطبقى ولا

ايه يا نغم

SHAPE YOUR LIFE (ABOALI) Says:

الى طوبة من ذهب وطوبه من فضة

صح يا انسانه
الشعب محتاج كماااااامات

يلا نبدء الحملة ولالالالالالالالالالالالا الدهب غالى

حضورك هاهنا اسعدنى