اه اه يا ضوااااااااااااااااااااااااافرى
, الأحد، 26 يوليو 2009
زرت حديقة الحيوان لتانى مرة
اجازة بقى والصيف يحب الروقان
وقفت امام الفيل
يا سلام عليه شكله كده عملاق وكبير
جه فى بالى سؤال ؟
قولت اسئل ومالوا
مهو الكبير كبير
ازاى بتقص ضوافرك يا فيل؟
ابتسم كده وعينه لمعت
بتسئلنى ازى بقص ضوافرى
هى اسمها اظافرك يا انسان يا فاهم وفهيم
ضحكت ولمعت اسنانى
مابقاش الا انت يا تخين
قال لم لسانك يا ابن البنى ادمين
ده انا خدمت امثالك
وياما شلت بلاوى منكوا وان كنت ناسى
افكرك يا متعلم يا ابو مخ سليم
قولت كمان فيل نوير
اه علينا
انا خايف تحكمونا
ونشتغل ليكوا ونشيل الطين
ابتسم و انفرجت انيابه
و قال لموا انتوا بس نفسكوا
بدل مانتوا مبتعترين
من غير خطة و سيستم
قولت فيل وحكيم ولغات
رفع عينه وقال شوف بنفسك
الصور فوووووووووووووووق
ازى باقص ضوافرى
ومين اللى خدم مين
علشان تعرف مين هما المتعلمين
بصيت لفوق وقولت امين
وعجبى
اول تعليق هيييييه