الذوق يا ذوق

, الخميس، 9 يوليو، 2009


ماشى فى الشارع


الحر كان شديد


قولت تحت اى عمارة


الحر هايقل ومش هايزيد


مشيت


قولت سبحان الله


هو فى مطرة فى عز الحر


بصيت لفوق


لقيت تكيف ورا تكيف


اجتمعوا وقالوا احنا بنبرد حر الصيف


بس يا عينى انت بره يا خفيف


قولت ولزومها ايه التريقة


منك ليه يا ظريف


مش كفاية عرقكوا بينقط علينا


وانتوا فاكرين نفسكوا بعيد عن حر الصيف


ضحك التكيف


لو بردنا الجو مش عاجبين


اه علينا شغالين وتعبانين


وبنلف كمان شمال ويمين


ومن حبة نقط ميا


جاى تشكى وتقول ياللى فوق ساكنين


اه منكوا يا بنى ادمين


قولت العيب مش عليكوا


العيب على الذوق اللى مبركبش ليكوا خراطيم


ابتسم التكيف وقال


انتوا اللى صنعتونا ياخفيف


شوف بقى فى نفسك


صنعة الرحمن فيك


خلاك انسان


وكمان حاجب فوق عينيك


حارس ليك من اى عرق سخيف


وتحت شجرة ممكن تنام


مافيش يوم تقول ليك حرام


قولت يااااااااااااااااااااااه


تكيف ولمض كمان


ماشى يا عم وصلت


بس برضوا باقول اللى ركبك


نفسه يذوق الذوق


علشان تبقى ذوق


ياااااااااااااا تكيف




وعجبى


38 Response to "الذوق يا ذوق"

yara Says:

ايه ده يا ابو على؟؟؟؟؟؟؟؟
واضح يا عينى انك بتعانى من التكييف فى فرع الشركه الجديد

معلش معلش
لازم تدفع ضريبه التجديد يا متجدد
وبعدين بصراحه عنده حق مش كفايه عليه اللى بيعمله.

على العموم ابقى البس كاب اشمعنا احنا الجولوجيين يعنى بنستحمل.

والله احنا لينا الجنه يا جدعان.
سلام
وياااارب تكون بخير

انا ودماغي Says:

ياااااااااااااه
ده انت و التكيف شايلين و معبين يا راجل

ما تسيبوا ينقط على الاقل طراوة للواحد و هو ماشى فى الشارع و أهى نضافة برده :p

ABOALI Says:

الى يارا

لالالالالالالالالالالالا
انتى فهمتى البوست بشكل مش واضح

انا قصدى اسئل فين ذوقيات الناس فى تركيب التكيف
وبعدين تفضل تنزل ميا على الناس فى الشارع


الذوق يااااااااااااااااا ذوق


والجيولوجى يحرق فى النار اولا حتى يتتطهر ثم يتحدد مصيره

وهو معروف يعنى


سلامى وتحياتى

ABOALI Says:

الى انا ودماغى

اه قولتليى انتى بتبقى مزوغة فين

يا تريكى بتكونى تحت اى تكيف

ما انتى محرومة من الميا

اه يا غلبانة
ااه اه


يا بنتى خلى بالك من نفسك

اتبرع ولو بنقطة ميا

تعاطفك لوحده مش كفاية

امضاء
انا ودماغى

mohamed ghalia Says:

هههههههههههه
معلش يا أبوعلى استحمل بقى التكييف ههههههههههههه

MaNoOoSh Says:

فعلا فعلا
اكتر ما يستفزني فى المشي تحت ظل البيوت او العمارات
لما الاقى نقط التكييف اللي زي الدبش بتنقط على دماغ الواحد وتبوظ هدومه

والخرطوم مش هيكلفهم حاجة يعني وياسلام لو يزرعوا شجراية صغنونة فى المكان اللي الخرطوم بينزل فيه المية
شوف ساعتها الشوارع هتبقى انضف ازاى
واهى الناس اللي جوة التكييف تتكيف
والناس اللي برا التكييف تتنفس

ماما أمولة Says:

معلش يا ابو علي ناس معندهاش ذوق مش بتراعي الناس اللي نفسها في حتة ظل
تبقى هي متكيفة في بيوتها وغرقين الناس
ياما قسيت زيك
تسلم ايدك يا ابو علي

ماما أمولة Says:
أزال المؤلف هذا التعليق.
موناليزا Says:

هى هتيجى على دى
امال تقول ايه فى اللى بيرموا القمامة من الشباك ومن غير حتى ما يبصوا!!

EMMY BABY Says:

ابو على

هههههههههههههههههههههه الذوق انعدم خلاص فعلا

التكييفات اللى فى كليتنا بتنقط علينا مية برضه مفيش فايدة

ميعرفوش ان انا عايزة اقعد :)


ناس معندهاش دم ههههههههه

بس شكلك بتعانى فعلا يا ابو على

تحياتى

ايمى

سندس وأمل Says:

وعجبى..:)

معدش فيه زوق ربنا يرحمنا

أمل

ABOALI Says:

الى محمد الغاليه

كيف حالك يا جميل


نستحمل علشان عيونك
مادام صدرت الاءوامر يا كيبير


تحياتى الراقيه

ABOALI Says:

ا لى مانوش

يا عاقل انت يا عاقل

صح الكلام والله

بس لما نعرف اننا بنى ادمين مع بعض وكلنا لازم يكون فيه ذوق فى تعاملاتنا


تحياتى يا باشا

ABOALI Says:

الى ماما امولة الفاضلة

فعلا يا غالى عندك حق والذوق ذوق

يااااااااااا ذوق

ABOALI Says:

الى موناليزا

هاقول لا اله الا الله محمد رسول الله


والدين معاملات مش مظاهر

ولالالالالالالالالالالالالا ايه

ABOALI Says:

الى ايمى

ايييييييييييييييييييييييييه يا ايمى ايه

بس مختلف معاكى انى الذوق انعدم

مال احنا بنعمل ايه

ياااااااااباشا هدف البوستات والحوارات والاجتماعات وغيرها

انها تؤثر فينا ونبدء نكون نواة لكل شيىء طيب

علشان نبنى عيلة بعد كده صالحة


وياباشا لما الميا تنقط عليكى من التكيف

هاتكون تربة صالحة لبعض الكائنات والفلاية تشتغل

فخلى غيرك يعيش

ههههههههههههههه


ولالالالالالالالالالالالالالالالالالالالالا ايه

منور يا باشا

تخدى فيال ريلاكساشين فور هيومان

ولا

ABOALI Says:

الى سندس و امل

نحن من نصنع الذوق

لذا فلا مجال للقول ان الذوق انعدم

ولكن لما نركب تكيف بعد كده يا امل

تبقى تخلى بالك تركبى خرطوم ليه

صح يا امل ولالالالالالالالالالا ايه

yara Says:

مين مين؟؟؟؟؟؟؟؟؟
الجيولوجى ماله يا كيمياء؟
يتحرق حتى يتطهر ؟؟؟؟؟؟
دع على اساس ان احنا ايه يعنى
بص بقى يا ابو على شكلنا كده هنخسر بعض وعيب لما تغلط فى الجيولوجيين وانا واحده منهم
ابقى خلى الكيمياء بمحاليلها تنفعك


يلا

عجبا لك ايها الكميائى ان تقول هذا على ام العلوم واقيمها.
ربنا يسامحك ويغفرك يا عم.

aidy Says:

المشكلة دى فعلا بعانى منها

لما بنزل الصبح اى مكان وامشي عشان الشمس تحت اى عمارة على الرصيف

الاقى التكيفيات بتسلم عليا فى كل خطوة

:D

موضوع جميل كالعادة

بشكر حضرتك اوى على كلماتك عندى فى البوست اللى فات

انا بقيت احسن الحمد لله

كيــــــــــــارا Says:

هههههههههههههههههههههههههه

ماهي تراوه برده حتي التكيف بيناكف

آفشنا حرامي Says:

ندعوك للزيارة

لامر هام

باعتبار اننا اسرة واحدة

EMMY BABY Says:

ابو على

وش متنرفززززززززززززززز جداااااااااا

شكلك بتخبط فى الحلل كدة

شمس النهار Says:

ازيك
بصراحه
التكيفات سبب ارتفاع درجة الحراره اصلا
من الهواء السخن اللي بيطلع منها
بس بجد الكلام جميل ومضحك
ربنا يكرمك

الازهرى Says:

طيب وليه بس تقطيع الارزاق
والناس اللى رزقها من تركيب وبيعهم يبقى يعملوا ايه ؟

روح يا شيخ ربنا يكرمك
وبعد كده بطل تبص لفوق
تتعب

ryry Says:

موضوعك جميل يابوعلي 0 الجار دلوقتي لا يراعي حق جاره عايزه يراعي حق المار جنب داره 0 بس كمان العيب مش علي المركباتي العيب علي صاحب التكييف والبيت نفسه0 ظلمت العامل يابو علي0

جنّي Says:

السلام عليكم

كيف حالك اخونا الكريم لعلك بخير والحمد لله ..

شكلك زعلان مني معلش اعذرني وسامحني ..

جميلة الكلمات المعبرة عن غيظك من قلة الذوق ..
ونعمل ايه بقي ناس تتكيف وناس تتبل ..وانا لما اركب مكيف ان شاء الله ها اعمل له توصيلة لتصريف المياه وساعتها ممكن تقف براحتك تحت منه ..جدعنة مني .. ولا يهمك ..

ABOALI Says:

الى يارا
يا ام قلب طيب وابيض مثل الزبادى

ماهو لما الجيولوجى يتحمص فى النار

هايطلع كل الكلام الحلو ده

واطمئنى بعملية اكسدة يعقبها اختزال

هايكون عال العال


يا منور انت

ABOALI Says:

الى ايدى

صح الكلام يا ايدى كلنا نعانى
وعاوزين نصحح بعض ذوقيتنا اللى تقربنا من بعضنا و نظهر بيها اننا خايفين على بعض

ام عن سؤالى
ده واجب

ولالالالالالالالالالالالالالا ايه

صحيح هو الشجر فين بالظبط فى حلوان ؟

ABOALI Says:

الى كيارا

شوفتى يا كيارا حتى التكيف بقى لمض


بس يا ترى اتعلم منين
مايكونش بقى بيقرء المدونات


ربنا على القوى

ABOALI Says:

الى افشنا حرامى


يا ريت تفشوا الحرامى االكبير اللى سرق حاجات كتير اكتر من كلمات المدونات


كلام سياسى والحدق يفهم

ABOALI Says:

الى ايمى


معقولة اخبط فى الحلل وانا باكل فيها

لالالالالالالالالالالالالالالالالا يا ايمى

حالتك بقت صعبة خالص

لازم عمل كونسلتوا وكشف دقيق


منور يا عسل
بس مش عارف لون العسل ايه

ABOALI Says:

الى الحاجة شمس

الشموس اشرقت فى بلاد الافرنجة

دعواتك هناك

وكلام صح التكيفات هى السبب فى ارتفاع درجة الحرارة مع المطابخ طبعا


اشكرك

ABOALI Says:

الى الازهرى

ما انا لما بصيت لفوق كنت فاكر فى حاجة كده ولا كده بتنادى وتقول يا حلو تعالى اكلك وعشاءك عندنا

لكن التكيف دقق النظر وقال

انت تعرف الازهرى اللى عايش فى الذكريات
قولت اه بس من بعيد

فى لمحة بصر لقيت الميا بتنهمر
وقال هو ده جزاءك

قولت ربى اغفر وارحم انك الاعز الاكرم


مشرفنى يا باشا

ABOALI Says:

الى ريرى

يا باشا منور ومشرف بيتك وعساك تكون بخير

والامور عال العال

العامل ينصح المالك وان صمم بلاش يركب لاءنها اصول مهنة وخلق

ولالالالالالالالالالالالالالالالا ايه

ABOALI Says:

الى جنى

معقولة ازعل من الجن
لالالالالالالالالالالالالالالا

ده حتى الزعل وحش
جارى العمل على فك الاشتباك

ويجعله عامر يا عامر


اشكرك

من غير عنـــوان Says:

صحيح ليه الناس مش واخده بالها من إنها تصرف مياة التكييف بطريقه محترمه


أمنياتي

ممكن تجاوب عندي
يهمني رأيك

ABOALI Says:

الى من غير عنوان

الناس مش واخداه بالها
لاءنها فاكرة انه شيىء عادى

والكلام فيه من غير عنوان

ولالالالالالالا ايه


تحياتى الراقية

كلمات من نور Says:

أيوه أيوه ويا سلام لو حاطين خرطوم قصير ينزل الميه في البلكونه والميه تغسل البلكونه وتنزل زبط وهباب على غسيلي
وتقول مهما تقول ...لا حياة لمن تنادي

عايز ريال مصري والا سعودي والا شوف اللي العمله اللي انت عايزها

أنا أخري ربع جنيه مخروم

أو زي بعضه افتح كيس الدنانير ( الجنيهات المصري اللي ممكن بتاع السوبرماركت يبعتلك باقي خمسين جنيهات جنيهات وبقينا نمشي بكيس من الدنانير


موضوع في الجووون يا أبو علي