حر النفوس

, الأحد، 19 يوليو، 2009


تمر بنا بعض اللحظات نحتاج فيها ان نصرخ او نقفل علينا الابواب ونبعد قليلا


ويبدء الشعور فى التنامى


عندما يكون الفارق كبير بين ما نحياه وبين ما نحلم به


من منا لم يفكر ان يستيقظ فيرى تحول فى سلوكيات بعض منا


من منا لم يفكر ان يصحو فيرى ان الناس احترمت اشارات المرور


من منا لم يفكر ان يرى عودة الهدوء والتأنى واتقان ما نعمل


من منا لم يفكر ان يفتح عينه فيرى اننا نعامل بعض كاءنسان


من منا ؟


تلك الامواج المتلاحقة من الاختلاف بين ما نحياه وبين ما نحلم به ونفكر به


هى التى ادت الى التناقض فى حياتنا وسرعة ذهاب همة البعض


فانجرف بسرعة وانضم الى طابور عنوانه هو انا هاصلح الكون


ويظهر سلوك السلبية و اللامبالاه سريعا


وتبدء سلسلة التوهان النفسى


وقد لاحظت ذلك فى سلوك بعض من يقوم بالتدوين


فتراه يوما تنطلق عناقيد الفرح من بين اناملة


ثم ما تلبث ان تهب عليه رياح التغير ويقول لنفسه انها اوهام واحلام المدينة الفاضلة التى يحياها


علاج كل هذا


بسيط ولا يحتاج منا الى قراءة كتب الفلسفة ورؤية الطالع فى الصحف


ان ما يسميه علماء النفس الثبات الانفعالى هو يقينا ما يسمى التوزان فى ملكات النفس


فنحن مجموعة من الملكات كل منها تطالب بحقها فحين تطغو ملكة على اخرى


يحدث التضارب بينها


لذا وجود التناسق بين ملكاتنا مطلوب


اول الحلول لهذا التناسق


معرفة ان لكل منا دور فى تشكيل تلك الحياه التى نحياه


ادرك اننا لابد ان نتعرض لتحديات وبعض التناقضات فى الحياه وتلك اختبارات لنا


اشباع ملكات اروحنا بالنظر الى مايسرها


يقول الرسول صلى الله عليه وسلم


ثلاثه يرحن البصر الماء والخضرة والوجه الحسن


فلما لا نقف ونريح ابصارنا ونتحرر من تلك الشحنات التى اصابت البعض بالشلل


واليأس


فاصبح كل منا يحمل بوق يقول فيه مافيش فايدة ويقول اللى جاى زاى اللى راح



وبكرة زاى النهاردة وغيرها من الدعوات التى تحبط النفوس





دعوة منى للتحرر من الشحنات


رد عليا واحد


هى حر خلقه


وبلاش كلام من زمن فات


قولت استحلفك بالله ان تبتسم


فسبحان من له الملك والسموات


يرفع اقوام فوق اقوام


وله الرفعة والدوام


هو من خلق ويعرف ضعف النفوس


وقرر ان لا نحمل الا ما طاقة لنا به


فلا تحمل نفسك انت ما لا يطاق


واعرف ان بعد العسر يسرا"


عجبا " الم تقرء تلك الكلمات


وتذكر مقولة الاجداد


من وجد الله فماذا فقد


ومن فقد الله فماذا وجد


الا تدعوك كلماتى للتحرر من الشحنات


فتبسم لى ضاحكا"


معذرة "


سأذهب الى االحمام


وافتح صنور الماء


واضع راسى تحته


واقول لنفسى


الجو حر صحيح


ولكن اليس من الممكن ان يكون الحر من الشحنات


وان الاوان ان اكون مغناطيس


التقط الايجابيات واتنافر مع السلبيات


فتبسمت انا ضاحكا


ما احلاها فطرة رات الصدق وعرفت النقاء


لذا اختارنا الله الخلفاء

38 Response to "حر النفوس"

yara Says:

قد نشعر فى بعض الاحيان فعلا بالاحباط والياس لما نراه حولنا من تصرفات وسلبيات فى هذا الزمن الملىء بالعجائب والتناقضات.
قد نتوه احيانا ونشعر بضياع معالم احلامنا وامالنا وان ظروف الحياه جاءت لتجبر شريط امنياتك على التوقف بل الرجوع لنقطه مجهوله لا نعلمها..

ولكنى ارى انه كما قلت توهان نفسى وهذا التعبير حقا رائع لان توهان النفس لفظ قد يدل على البعد وضعف البصيره ...لقد بعدنا عن ما يريح هذه النفس ....عن النور الذى يملا القلب بالبهجه والامل.....عن الشريعه والاحكام والاخذ بالاسباب الذى يضمن لنا نهضه ورقى قد يفوق احلامنا....

بعدنا حقا عن الطريق الذى نعرف يقينا ان نهايته السعاده.......فعجبا لنا
نحتاج وقفه مع النفس ورجوع لله عز وجل لعل الله يخرجنا مما نحن فيه.
شكرا بجد يا ابو على على موضوعاتك والتى احيانا لا اجد كلمات تكفى لتعبر عن مدى تاثرى بها.

dalia Says:

اول الحلول لهذا التناسق
معرفة ان لكل منا دور فى تشكيل تلك الحياه التى نحياه

أهلا يا أبو على
انا بتفق معاك في ان كل شخص له وظيفة ربنا يسرها له والمطلوب ان يتقن عمله ويثق في نفسه ويعلم ان الكسل سيقف له بالمرصاد من ناحية والاغراءات من ناحية أخرى واكيد الحزن أكبر اداة لهدم اى انسان ولكن لابد من الدموع الدموع التى تقوي الانسان لا التى تهدمه شكرا يا أبو علي على سؤالك معلش مقصرة معاك بس الشغل واخذ كل وقتي
شكرا على البوست الجميل

جحا المصرى Says:

ما احلاها من دعوة
موافق

mohamed ghalia Says:

أبوووووووووووووعلى
حبيب هارتى
وحشنى
مسمعتنيش صوتك يعنى
هههههههههههههههههههههه
معاك حق
بس فين هو الوجه الحسن يا أبوعلى
هناخد هدنة
دمت بكل الود

MaNoOoSh Says:

هو ضيق يا ابو على فى النفوس مخليها مش شايفة بردو غير الضيق

ساعات الانسان بيكون عنده القدرة على التفاؤل والتقاط الموجات الايجابية من امور الدنيا
بس الناس بتصر وتعمل كل اللى فى مقدرتها علشان تكعبله وتخليه سلبي زيهم

بس ادينا بنحاول نقوم لما بنتكعبل علشان نعرف نمشي تاني كويس ونفضل على أملنا ان بكره احسن واجمل وهييجي بكل خير ان شاء الله طول ما احنا بنتقى الله

والناس اللي بتكعبلنا هنقف وهنكمل مشي ونسيبهم واقفين مكانهم

ماما أمولة Says:

ما أجمل دعوتك الى التحرر من حر النفوس

اللهم قنا شر أنفسنا

سلمت يداك يا ابو على

ABOALI Says:

الى يارا
مبروك اول تعليق
كسبتى مروحة ورق

تعليق مميز كعادتك
فعلا توهان النفس هو جزء من تقصيرنا فى البحث والتعلم و حيود عن الطريق الصحيح رغم وضوحه

اتفق معك اننا نحتاج الى وقفة بعدها بدايه

علشان نتخلص من حر انفسنا قبل حر الشمس

دايما بترفعى معنوياتى يا يارا
ربنا يكتر من امثالك

المرة الجاية هاتكسبى مروحة بس حجرية
لزوم العرق الزيادة


تحياتى

ABOALI Says:

الى داليا المشغولة

كيف حالك يا فندم
مقدرين مسؤلياتك الاعلامية
ودور الصحافة فى رقى المجتمع والحقيقة دورها ظاهر ومؤثر

دى طبعا مش تريقة اوى تفهمينى صح

منورة ودايما ليكى رؤية ثاقبة

ومسئلة الدموع دى يعنى عليها كلام

لاءنى فى بصل دلوقتى بيخلى الدموع جاهزة
وفيه دموع ديلفرى


حسبى بقى احسن اطرطش عليكى من الدموع التى انسابت

لك تحية خاصة معطرة بالرياحين

ABOALI Says:

الى جحا المصرى


ياباشا منورانى فى اول زيارة
والفولت زاد فى المدونة وخايف على اللمبات

تصدق بالله

قول لا اله الا الله

انا كمان باتفق
ماتيجى ننفذ بقى


تحياتى وتقديرى

ABOALI Says:

الى محمد الغالى

مرحب بيك يا غالى وعساك مروق الانانى
ودايما بتقول كلام على لسانى


النتيجة بانت ولا لاء

اعترف و اقر


الوجة الحسن معروف يا بنى

البس نضارة يا محمد وشوف كويس

انا مين ؟


منورانى

ABOALI Says:

الى مانوش

احد الغائبين والمستهدفين فى الصيف

رايك معتبر يا معتبر

فعلا لينا القدرة على التقاط الايجابيات
بس الهمة ساعات مخوخة شوية ومحتاجين شحن

سيبكى انتى ما فيش احلى من قول

اللهم يسر الامور فاءنك انت الرحمن الغفور


دايما لك طلة احبها

ABOALI Says:

الى ماما امولة الفاضلة

صح ا لكلام شرور النفس كثيرة والسيطرة عليها محتاجة عربية اطفاء مجهزة

يلا نجهز عربية المطافى بتاعتنا بدرى بدرى

معاااااااااااااااااااااايا
ولا فيه عربية خصوصى



سلامى لاجمل امانى

موناليزا Says:

مهما يتسرب غاز اليأس الى نفوسنا ندرك بفطرتنا انه حتما سيزول حتى نستطيع استنشاق هواء الامل من جديد ومن ثم نستطيع الحياة

الازهرى Says:

فلنبتسم
شعارى فى الحياة

الكثير منا يحلو له جلد الذات ونقد الاخرين دون ان يحاول ولو للحظة أن يبدأ فى التغيير بنفسه
متناسيا أن المجتمع فى النهاية هو مجموعة من الأفراد

**************************
ثلاثه يريحن البصر الماء والخضرة والوجه الحسن

يرحن

تحياتى دوما

شمس النهار Says:

ازيك
بوست جميل جدا
وخصوصا موضوع المرور ده انا نفسي اغمض وافتح الاقي الناس بتسوق زي البني ادمين
ويعطوا الطريق حقه

عارفه اني مقصره
بس الوقت والله مش مساعد وبحاول لما الظروف تسمح اني اتابع
:)

احساس طفلة محبة للرومانسية بس واقعية Says:

تضارب المشاعر
التمنى وعالم الاحلام
اصبحوا واقع نعيشة يوميا
كويس انك فكرت فى الابتسامة فى الاستراحة من تلك الشحنات
هناك اخرون قد تعايشوا مع الواقع والامانى لا يحاولون ان ينفضو عنهم هذة الشحنات

ممكن اسمى اللى قلت علية تفاؤل وحب للحياة بيخليك ايجابى فى كل شئ فى تفكيرك
مستعد لتخطى اى ازمة او تضارب
اكثر هدوء وحب للحياة

ياريت بس كلنا نكون كدا
او نحاول من وقت للتانى
شكرا ليك
تقبل مرورى

EMMY BABY Says:

هههههههههههه هو انا مفروض مضحكشى بس انا بضحك على الكومنت اللى رديت فيها على محمد غالية ههههههههههههههههههههههههههه بجد ضحكنى اوى

هو لو لبس النظارة هيجرى يا ابو على P:

EMMY BABY Says:

نيجى بقى للبوست الجمييييييييييييييييييييييييييييييييييييييييييييييييل بتاعك يا ابو على

والله يا جدو انت خدت الحلول من على لسانى كدة غش بقى

هو المفروض نحلم بس بلاش الاحلام تخلينا ننسى الواقع اللى احنا عايشينه يعنى بلاش احلام وردية لان مفيش دنيا مفهاش مشاكل ولا سلبيات
يعنى المفروض لما نيجى نحلم نحلم بحاجة هنقدر نحقهها وكل لما نحققها نكبر الحلم ونفضل نكبر لحد ما الحلم اللى حلمناه زمان هنلاقيه بقى حقيقة دلوقتى ومش هتحصل صدمة

وكمان من رأيى الشخصى ان الانسان هو وحده اللى فى ايده يغير يعنى اكيد مش هتصحى تلاقى الناس كلها حواليك مبتسمة الا لو كنت انت مصدر ابتسامة ليهم وسند ليهم وقت حزنهم وتفريج كروبهم

طبعا من ابداع لابداع يا ابو على

بس عجبتنى الصورة جداااااااا ههههههههه صورة فريدة من نوعها بجد راجل اخر روقان بصراحة اللى مدلدل رجله فى حمام سباحة المخ ده

تحياتى

ايمى

شهد الكلمات Says:

كلام جميل كلام معقول ماقدرش اقول حاجة عنه

كالعادة طبعا اسلوب جميل

بحب دايما تحليك لاي حاجة بتكتبها

تسلم ايدك موضوع جميل

و معلش علي الغياب

تحياتي

انا ودماغي Says:

جميييييييييييل بوست تحفة بجد و الله يا ابوعلى مش عارفة اقولك إيه عليه..بصراحة انا لما شفت العنوان كنت فكرة انك حتتكلم عن الجو الحر اللى احنا عايشين فيه :)

بس فعلا الواحد مننا المفروض يكون طاقة إيجابية و يكون زى ما قلت مغناطيس و لو كل واحد قدر انه يغير 2 او 3 معاه يبقى نجح فعلا ..ياريت كل واحد فينا يعتبر نفسه شحنة إيجابية متحركة..بجد حنتغير

منى Says:

ساعات بقول السعاده سهله اوى بس ناخد القرار والحوالين يعطونا فرصه وبما انهم مش دايما هيعطوها لنا
فلنقتنصها بانفسنا وساعتها جايز هما كمان يفرحوا معانا

سمكه واحده Says:

فعلا
الماء والخضره والوجه الحسن
صدقت
فعلا يا ابو علي احنا محتجين شويه تفأول
ومحتجين فعلا
نشم شويه هوي نضيف يمكن!
موضوع مهم جدا
وعلي رأي
عمنا كلنا الاستاذ الجليل الكبير
عادل امام
عشان نعلي نعلي نعلي
لازم نتاطي نتاطي نتاطي
(وش مطلع لسانه )
لا بجد دعوه جميله لامل والتغير والتفاول
اخبراتك ايه
اذيك وعامل ايه
تحياتي

ghorBty Says:

السلامـ عليكمـ

قد نصرخ ..ونتالم ..ونتوه احيانا ..لكن ليس للياس مكان في قلوبنا (أنا نهر الأمل الجاري الذي لاينحسر .. لمـ أحرك مقلة اليأس ولمـ أنظر بطرف منكسر) ..

وربما لو نظرنا بنظرة ثاقبه للامور لوجدنا ان العيب كامن فينا وربما تهنا لاننا بعدنا عن الطريق قليلا ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا)) فلو صدقنا مع انفسنا والزمناها الطاعه والعمل الصالح سنجد (من عمل صالحا من ذكر أو أنثى و هو مؤمن فلنحييه حياة طيبة) فالحياة الطيبه هي هدوء النفس وهذا ما يرجوه كل واحد منا ..

:::

وفي قولك (وقد لاحظت ذلك فى سلوك بعض من يقوم بالتدوين
فتراه يوما تنطلق عناقيد الفرح من بين اناملة
ثم ما تلبث ان تهب عليه رياح التغير ويقول لنفسه انها اوهام واحلام المدينة الفاضلة التى يحياها)

ربما اكون واحده مما قصدتهمـ فهذا يحدث معي بين الحين والاخر وقد تكون حالات عابره نعبر عنها بالكلمات فالانسان منا لا يعيش حياته في حزن دائم ولا فرح دائم ولكنها خلقت هكذا الايام دول والدهر قلب فمن يدعي الحزن دائما فهو كاذب ومن يدعي الفرح دائما فهو كاذب ايضا .. لا انكر ذلك ولم اندم علي حزن عبرت عنه او فرح عبرت عنه بل كلاهما حاله دفعتي للكتابه واخراج ما لدي وقد يلوم البعض وكن يكفي انني شعرت بعد كتابتها بالراحه ..

:

وعن الحديث الذي كتبته هل هو بالفعل حديث ؟؟ اول مرة اقراه ..

:

جزاك الله خيرا استاذ ابو علي .. لن اجامل ولكن ساقولها صدقا مواضيعك دائما في قمة الروعه والجمال عذرا لتقصيرنا تجاهها ..

غربتي ..

ياسمينا Says:

كثيرامانتمنى ان نغير شيئا ما بداخلنا ولكننا نعجز عن التغيير معلقين بانها عادة عندنا لانستطيع التخلص منها وانا واحدة من اؤلئك ارتاح حقا عند النظر الى الماء او الخضره وخاصة عندما اكون غاضبه فكثيره هى عيوبى التى احاول التخلص منها وعندما افشل اجلس وحيدة انعى فشلى فى اصلاح نفسى ولكننى اقول لكل من يحاول اصلاح عيب ما يعانى منه لا تياس وحاول مرات اخرى فعندما يكون الانسان حقا راغبا ف التغير فان الله عز وجل يمنحه اياه ولابد ان تكون ثقتنا بالله وقدراته ليس لها حدودفسبحانه وتعالى لا يخزل احدا قط

EMMY BABY Says:

رحت فين يا ابووعلى

هو انا اجى انت تمشى

طب امشى انا ولا ايه

ABOALI Says:

الى موناليزا

رائع ما ذكرتيه يا حاجة موناليزا

من زمان لم اقرء لك كلمات يكون الامل عنوانا لهذه الكلمات

فعلا لابد من استنشقاق حبوب الامل
بس كمان مع حبوب الشجاعة والعزيمة

ولالالالالالالالالالا ايه

ابتسمى

ABOALI Says:

الى الازهرى

فلنبتسم
شعار مميز وهادف
فلنبتسم ونعمل

شعار مميز وهادف وعملى


احييك على الشعار وهيا نرفعه

وتم عمل اللازم فى يريحن
يارب ريحنا


خالص تقديرى

ABOALI Says:

الى الحاجة شمس

منورانى والله
مسئلة المرور دى شكلها مسئلة ذات ابعاد
رباعية او خماسية

ولو الواحد لم يخالف يظن انه غير سوى

ربنا يرحمنا

بس ليكى اكيد وحشة كبيييييييييييرة


تحياتى الرائعة

ABOALI Says:

الى احساس طفلة واقعية كلها رومانسية

لا نستطيع العيش دائما فى الواقعية
ولا نستطيع العيش دائما فى الرومانسية

بس نستطيع ان نجعل حياتنا مثال جيد للتناسق بين الاثنين ومافيش مانع من حبة تحديات دنيوية واختبارات سماوية

بس الايجابية هى طريق للبسمة والسعادة


تحياتى وخالص شكرى لتعليقك المميز

والسؤال لك
اين انت

ABOALI Says:

الى ايمى الجوهرة


اوعى تخدعك الجوهرة يعنى وتفهمينى صح

انا اقصد السراميك اصلى منه انواع يا فندم هههههههههههههههههه

بجد وحشاااااااانا جدا يا ايمى

عذرا كنت فى المنصورة فى فرح صديق


نيجى للتعليق


بجد انتى بتسعدينى يا ستو انك معايا على الخط
وشكلك كده هايبقى ليكى مستقبل جوهرى

الواقع والطموح والخيال والاحلام

كلها مظاهر حياتية مطلوبة علشان نغذى كل ملكات النفس

وكلها امور لا تدعو للقلق

بس الغريب انها تجرف البعض احيانا فى طريق حالم لو كان رومانسى شوية
فيصطدم باسوار الواقعية فيحدث له ياءس


كل المطلوب منا ان نكون انسان يعمر الحياه مع وجود التوازن والمقدرة على حل المشاكل بمنطقية

طبعا الموضوع مش سهل
بس محتاج تمرين وتتطبيق


بس يا ستو كل يوم بتثبتى انك عندك خبرات حياتية هائلة

طبعا بحكم السن وانا مقدر يا سكر مكرر


خالص تقديرى

ABOALI Says:

الى شهد الكلمات

عندما تغيب شهد الكلمات
فكيف ستعبر الكلمات وتقول

اتمنى ان تكونى فى صحة جيدة

والشهد يعود يغرد على انغام الحروف


اسعدنى المرور

مع انى المرور فيه ازمة

ABOALI Says:

الى انا ودماغى

هيييييييييييييييييييييييه يا دماغى هيه

ان بعض الظن اثام

طب تعالى اقرئى الاول وبعدين احكمى على العنوان

اللى يعرفنى صح
يعرف انى لا اضع عناوين صريحة تصف معنى صريح

يعنى بألف وادور

علشان اتوهك شوية
لغاية لما المدونة ريحتها تتحسن شوية


بس بجد بجد بجد

انا اسعد بوجودك
وجارى تطهير المدونة

ABOALI Says:

الى منى

الله يا منى الله

فعلا اقتناص السعادة من بين براثن من يقف فى الطابور منتظر الفرج

مطلوب فى الوقت الحالى

لان ده هايغيروهم كتير

واحنا هانبقى فى طابور الناس الايجابية


تحياتى الرائعة لك

ABOALI Says:

الى سموكة

ههههههههههههههههههه

كنت باقول انك خلاص غرقتى فى البحر ورحتى مع اللى راح فى 68 ايام الكوسه والملوخية

ههههههههههه

يا باشا منور دايما

وعلى راى فهمى نظمى باشا

انما الامم التفاؤل ما بقيت فاءن ذهبت بسمتهم ذهبت حياتهم


يا باشا ليك وحشة

بس البحر اولى

الله يرحمك يا سموكة

الفاااااااااااااااتحة

ABOALI Says:

الى غربتى

تعليق رائع جدا وكلمات تفوح من رائحتها معانى الصدق والاخلاص

واتفق ان الحياه موجات تعلو وتنخفض
ولنا ملكات لابد من شحنها وعمل تناسق فيما بينها

ولكن العزوف احيانا غير مطلوب

وما كتبته ينادى بالواسطية فى التعامل مع الامور

فلا تهوين ولا تهويل

اسعد صدقا برؤية تعليقك يا غربتى

واتمنى ان تحيى حياه بدون غربة


تحياتى

ABOALI Says:

الى ياسمينا

تعليق راقى جدا يا ياسمينا

وانا اعشق الياسمين

والكثير عندما يقول لى عامل ايه

ااقول لهم

فل وريحان وياسمين

ياريت كلنا نعمل زيك كده

ويكون عندنا الرغبة فى التغير وتحسين الحال

يسعدنى مرورك فى ثانى ظهور له على الخريطة


اشكرك

ABOALI Says:

الى ايمى الماسية

هههههههههههه
قريب اقووووووووووى نقول الماظ


للمدونة اميرة بمثابة حارس لها

فاسمحى لي ان اضعك على راس من ياخذ
لقب اميرة المدونة

يعنى لسه فى قايمة المرشحات
هههههههههههههه

اسعدنى مرورك

كلمات من نور Says:

تعرف يا أبو علي أحلى ما في الدنيا هو كتاب الله عز وجل ...كلما ضاقت بي الدنيا مسكت مصحفي في أي مكان في التاكسي وفي البيت في النادي و أنا مع الأولاد وفي كل مكان كتاب الله وكلماته يملاء قلبي نورا وحبا و أملا أن كل ما هو عند الله باق وما غيره زائل..

ربي يبارك فيك