يويو (اعادة نشر)

, الأربعاء، 22 أبريل 2009


مرة تانية معذرة" انشر بوست قديم لى

ولكنه لازال يحمل ما نعانيه الان من حالة اللاواعى

وان كان ابلييس قد فتح فى هذا البوست شركة السفريات

فاءنه قد اطلق مجموعة من الشركات تحت عنوان

شركة تتعب ليه فى الدينا

شركة بالفن نبنى الحياه

شركة بلاش وجع دماغ الانتخه اهم دماغ

شركة يلا نحب فى حديقة الازهر

شركة مافيش فايده

ووووو



ابليس قرر يفتح مجموعة شركات


قال الاول نعمل شركة سفريات


نادوا واحد واحد على المسافرين



المسافر الاول

يدخل يرتدى الجلابيه فــــــــــلاح


يعنى ايه قيمة الارض عندك؟ (ابليس يسأل)


الارض لو عطشانه كفاية انى نانسى عجرم معانا


جميل انت هاتسافر بسرعة(ابليس )


المسافر الثانى


يدخل يرتدى بدلة (استاذ جامعى)


يعنى ايه وطن؟ (ابليس يسأل)


وطن


اه وطن (ابليس)


مصر الجديدة هى وطنى وملعبى


خذوا سينا


خذوا طابا


بس خلوا نادى الشمس والنبى


هههههههههههههههههههه

(ابليس يضحك)


انت حبيبى ونور عينى


انت مسافر على طول


المسافر الثالث


شــــــــــــاب


يعنى ايه انتماء فى نظرك ؟(ابليس )


ايه ايه انتماء


اه يعنى اقصدك اهلاوى ولا زملكاوى


انت روح الروح انت مسافر مسافر (ابليس يرد)


المسافر الرابع

طالب


يعنى ايه تربيه وتعليم؟ (ابليس)


تربيه تربيه يعنى مربيه


اقصدك ابقى داده يعنى


طب التعليم ؟


يا بيه العلم فى الراس واللى يفكر يحتاس


صح صح انت كدة معلم(ابليس)


وهتساااااااااااااااافر


المسافر الخامس شابة ترتدى ارق الثياب


تكشف عن مواهبها


يعنى ايه حياء واخلاق؟


هههههههه بلاش كسوف بقى


عاوز تدفع كاااااااااااااام


انتى كفايه علياااااااااااانتى اول المسافرين


ابليس فى الخلفيه النهاردة كفايه مقابلات


انا سعيد سعيد


عندى اطمئنان كامل نجاح مضمون لمجموعة الشركات


ابليس يخرج من باب الشركة


انى برىء مما يفعلوووووون






عينى عليك يا انسان


عرفت طريق الهجران


تسيب شيطانك فرحان


يضحك عليك ويقهقه وانت سعيد كمان


لو انت ناسى افكرك


هناك سجد ليك


بأمر من خلق


وانت سجدت سجود الطائعين


هناك قال انا من نار وانت من طين


بس لأنك معاك صك التكريم


كنت الخليفة الى يوم الدين


عينى عليك يا انسان


طريقك مليان غفران


بس انت اجرى


وقرب من الرحمن


هو هناك مستنى


ونبيك عند الحوض كمان


عينى عليك يا انسان


30 Response to "يويو (اعادة نشر)"

احساس طفلة محبة للرومانسية بس واقعية Says:

احساس جديد وافكار جديدة بلاقيها فى اسلوبك وكلماتك

هدفك بيكون واضل ومختفى فى نفس الوقت

كل واحد اصبح عجبة عقلة بالشكل دا
وكل العقول اللى بالشكل دا تؤدى لنهاية محتومة

بس يبقى السؤال الناس دى هتفوق حتى لو قرت كلام زى دا او على الاقل هتحس حجم الجرم اللى بيعملوة

اختلف المعانى وتاهت الافكار للاسف
ياريت تعيد نشر كل المدونة عشان اللى متابعش زمان زى كدا يلحق يعلق برضو

شكرا ليك
تقبل مرورى

mohamed ghalia Says:

ياريت فعلا نقرب من ربنا
دايما مواضيعك روعة تسلم إيدك

صمت الحنين Says:

بجد بوست رااااااااااااائع

وتعبيرات وتشبيهات جميله

عينى عليك يا انسان

طريقك مليان غفران

بس انت اجرى

وقرب من الرحمن

هو هناك مستنى

ونبيك عند الحوض كمان

عينى عليك يا انسان

كلمات رااائعه

جزاك الله خيراا

كلمات من نور Says:

سبحان من قال في الحديث القدسي:
ومن أتاني ماشيا أتيته مهرولا

شوف بقى لما حضرتك تقول :

بس انت اجرى

وقرب من الرحمن

هو هناك مستنى


يعني لو جريت لربنا سبحانه وتعالى

كيف سيأتينا الله عندها؟

الكمال لله وحده و نحن نضع التشبيهات ولا نعلم عن الله سوى ما تعلمناه وعرفناه
ولكن حقا التشبيهات تخلينا نقول يا الله شوقا إلى لقياه

ربي يكرمك ويجازيك الخير كله

MaNoOoSh Says:

والله انا سعيدة فعلا انك اعدت نشر الموضوع دة
ولكن لا نلومن الا انفسنا فى خضوعنا لاغراء ابليس
لما ننسى الاخرة وننسى الخير ومنفكرش غير فى السعادة اللحظية.. لازم نخسر كتييييييييييييييييير
وربنا يبارك فى البقية اللى لسة بتتقى الله ويثبتها على ايمانها

ghorBty Says:

جزاك الله خيرا ..

كتير بتقول الشيطان الشيطان وربنا عز وجل قالنا

( إن كيد الشيطان كان ضعيفا)

و

(إنه ليس له سلطان على الذين آمنوا وعلى ربهم يتوكلون إنما سلطانه على الذين يتولونه والذين هم به مشركون )

يعني احنا نستعين بالله وربنا هيبعد ازاه عنا لانه اصلا ضعيف ...

ربنا يثبتنا علي طاعته ..

بارك الله فيك .. اسلوب جديد في العرض .. ربنا ينفع بك اللهم اامين

blue-wave Says:

الله عليك بجد
مبدع فعلا
وكلامك فى الصميم كالعادة
بس كلامك بيوجع اوى يابو على

الازهرى Says:

يعنى ايه كلمة وطن
صراحة مش فاكر حاليا
المهم
للاسف مع الصفات المطلوبة لم يدرج اسمى بكشوف المسافرين ورجعت اجر اذيال الخيبة
ولكن ربما تكون هناك فرصة اخرى المرة القادمة
المهم الا نفقد الامل وان نثابر فى سبيل الهدف

***************************
تشكف عن مواهبها
تكشف

aidy Says:

بصراحة موضوع حضرتك حلو اوى

طريقة حضرتك الساخرة فى تحليل الاحداث جميلة جدااااااااااا

بس لو الناس تقدر تحلل الاحداث بنفس الطريقة وتفهم وتعى هتتغير هذه الشركات

تحياتى

موناليزا Says:

اللهم انك سلطت علينا بذنوبنا عدوا يرانا هو وقبيله من حيث لانراه اللهم ايسه منا كما ايسته من رحمتك وباعد بينه وبيننا كما باعدت بينه وبين جنتك اللهم امين

بوست موجع حقا
قد تجد رأيى فى هذه الروابط
http://monaliza110.blogspot.com/2008/02/blog-post_13.html
====
http://monaliza110.blogspot.com/2008/02/blog-post_4310.html

dalia Says:

أبو علي الفنان
ازيك كالعادة موضعاتك القديمة والجدية فيها شيئ مفيد وجذاب حقيقي يا أبو على لو كل واحد خذ باله من بعض افعاله سيجد ان الشيطان له فيها نصيب ، اعوذ بالله من الشيطان الرجيم

SHAPE YOUR LIFE (ABOALI) Says:

الى احساس طفلة رومانسية وواقعية

الكلمة تصنع الكثير وكما يؤثر فينا وفيكى الكلام فاءنه سيؤثر يوما

والايام دول

يسعدنى تقبلك لمواضعيى على الرغم خلوها من الرومانسية

اشكرك

SHAPE YOUR LIFE (ABOALI) Says:

الى محمد الغاليه

ياااااااااريت يا محمد نقرب من ربنا

يسعدنى تواجدك
وفى مقدمة مشجعى المدونه

SHAPE YOUR LIFE (ABOALI) Says:

الى صمت الحنين

حلو اووووووووى الاسم ده
وفيه الكثير مما نعانيه
فنحن نريد ان نغير
ولكن نخير فى صمت
ونلتحف ذلك الصمت بالود


وجودك هنا اسعدنى

SHAPE YOUR LIFE (ABOALI) Says:

الى كلمات من نور

اتفقك ان هناك كلمات من نور وكلمات اخرى قبور

رايك سديد ويدل على فهم واقعى للحياه


تحياتى

SHAPE YOUR LIFE (ABOALI) Says:

الى مانوش

وانا اسعد انه حقق الهدف منه
وهو التذكير باءن هناك من يحركنا مثل اليويو

وده طبعا لا يرضيكى ولا ايه


تحياتى لك العطرة

SHAPE YOUR LIFE (ABOALI) Says:

الى غربتى

يا ترى متى نخرج من الغربة

مع ان الطريق سهل وواضح


يسعدنى تواجدك هنا

SHAPE YOUR LIFE (ABOALI) Says:

الى بلو ويف

معقوله الكلام يوجع مع دكتور تخدير

ياااااااااااااراجل اتقى الله

دا انت تسيطر على الوجع كله يا رومانسى

ولالالالالالالالالالالالاايه


تحياتى لك

SHAPE YOUR LIFE (ABOALI) Says:

الى الازهرى

مختفى فين يا ازهرى

على العموم الاختفاء حماك من السفر
بس خلى بالك لسه فى شركات اخرى

منورنى دايما
واسعد بتعليقك

SHAPE YOUR LIFE (ABOALI) Says:

الى ايدى

مبسوط جدا ان الهدف وصل
واننا نستطيع التغير بسهولة

والشركات دى كلها تفلس

اشكرك لفهمك الذى يحترم

SHAPE YOUR LIFE (ABOALI) Says:

الى موناليزا

البوست ليس موجع
وانما جرس من اجراس الانذار
لعل وعسى
نعرف مع من نتحالف

واشكرك على المتابعه
وسوف اقرء اللينك ان شاء الله


تحياتى العطرة

SHAPE YOUR LIFE (ABOALI) Says:

الى داليا الاصيلة
فينك يا داليا

المفيد هو ما تسطره حروف كلماتك
بلا شك

ارجو ان تكونى فى خير حال
ان شاء الله

MaNoOoSh Says:

اممممممممممممممممم
يمكن مش عايزة اصدق اننا ضعيفى الارادة كبشر لدرجة فقدان كل المبادىء الحلوة واننا نبقى يويو فى ايد الشر...
هقولك على حاجة.. انا مؤمنة ان الشيطان يقدر يقعد يوزلنا بالشر وينخر فى دماغنا.. بس عندى يقين ان الانسان يقدر يخلى ارادته أقوى من رغباته (الرغبات اللى عاقبتها مش كويسة طبعا)
ويمكن الارادة دى محتاجة ايمان قوى وشوية أمل وفوقان سريع من الغلط لو وقعنا فيه.
وهى الدنيا ايه غير شوية حاجات فوق بعضيها
ههههههههههههههههه

Lady E Says:

احنا فعلا عندنا كذا عدو الشيطان والنفس الأمارة بالسوء

وغالبا نصائحهم بتكون زي السم في العسل

ظاهرها الرحمة وباطنها العذاب

ربنا يرحمنا ويثبتنا

شموسة Says:

بتفاجأ بكل جديد دايما عندك يا أبو علي ..
سلمت يدااااااااك
تحياتى

Unknown Says:

بجد مدونة خفيفة ورائعة ومسلية
أهنيك عليها ويارب تقبلني قارئ لها وزبون مستديم

وأدعوك لزيارة مدونتي

ويبقى التواصل

SHAPE YOUR LIFE (ABOALI) Says:

الى مانوش
ههههههههههههه
حاجات ومحتاجاااااااااات كمان

ياااااا باشا منور المدونه والله

SHAPE YOUR LIFE (ABOALI) Says:

الى ليدى ايه

هووووووووووو الكلام جاب نتيجة ولا ايه

ايوووووووه كده
ناس متجيش الا بالقلم

ههههههههههههه

متفق معاكى يا كبيره

SHAPE YOUR LIFE (ABOALI) Says:

الى شموسه

ودايما بتفأجينى بوجودك هناااااااااااا

ولالالالالالالالالالاايه

SHAPE YOUR LIFE (ABOALI) Says:

الى معتز شاهين

يشرفنى وجودك وان شاء الله نتواصل

تحياتى