صديق الانسان (اعادة نشر)

, الجمعة، 17 أبريل 2009


بمناسبة انى كنت مسافر للارياف فى موطنى الاصلى الشرقيه



استفزنى من جديد صورة ابوقردان لذا اعيد نشر بوست سابق



بعنوان صديق الانسان





لما كنا صغيرين فى المدرسه كان فى درس بيحكى عن ابو قردان



وكان دائما العبارة المصاحبة لذكر اسمه انه صديق الفلاح والفلاح دائما يحبه



ويتمنى وجوده وكان السبب انه يساعده على تنقية الارض المزروعة



من بعض الطفيليات واشهرها الدود



لما كنا بنسافر الارياف كنا دائما بنشوف ابو قردان



منظره جميل رشيق انيق وكان فعلا يؤدى عمله وتشعر انه سعيد



ودرات ايام كبرنا وسافرنا الارياف



وبلهفة الاطفال عاوزين نشوف ابوقردان



بس المرة دى ابوقردان كان غضبان عدده قليل واختفى عن العين



وانتشر الدود



طيب ليه اختفى ابوقردان



الارض لم تتغير الزرع لم يتغير الدود لم يتغير



بس ابوقردان اكيد لاحظ ان الفلاح تغير



ذلك الانسان اللى كان بيتمنى حضوره ويكون فى شرف استقباله



لم يعد يهمه الامرابوقردان كمان استصعب المهمة



كان مهمته انه ياكل الدود من الارض



اصبح عليه الان انه ياكل الدود كمان فى اللى بيزرع الارض



اه فعلامحتاجين حد ياكل الدود اللى فينا



لم نر حيوان حقد على حيوان



او حيوان كرة حيوان



او حيوان حسد حيوان



او حيوان اعتدى على زوجة حيوان



او حيوان عاكس زوجة حيوان



او او او



بس وجدنا كل دة فى الانسان



عاوزين من جديد كل واحد يربى ابوقردا ن



بس المرة دى لنفسه



علشان ياكل الطفيليات اللى انتشرت



عاوزين لينا صديق زاى ابوقردان بس المرة دى نقول صديق الانسان





ابوقردان ارجع تانى



احنا محتاجين



متزعلش مننا

مهما بدلتنا السنين



لو دورت اكيد هتلاقى

ناس طيبين



بس هى عسرات

بتخلينا وحشين



ارجع خليك معانا



يمكن الدود كتر شويه



بس احنا لسه مكرمين



خرج منا ادم وموسى وعيسى



ومحمد(ص)سيد النبين



بس احنا وسط الزحام





بننسى ونكون قاسين



بس المهم



انك ترجع تانى



واحنا مستانيين
ملخص البوست للى مستعجل
محتاجين نبدء حملة نظافة لاءنفسنا
ولا ايه

28 Response to "صديق الانسان (اعادة نشر)"

أمل حمدي Says:

اول تعليق اهو

ها اقرأ وارجعلك

أمل حمدي Says:

الله يا ابو علي

على المعنى الجميل

فعلا الحيوانات دلوقتي بقت ارقى من بعض صنوف البشر

ربنا المستعان

بصراحة تدوينة جميلة جدا وعجباني قوي

تسلم ايدك يا ابو علي

جلال كمال الجربانى Says:

السلام عليكم ورحمه الله وبركاته

نعم أخى فنحن فى حاجه لصديق للأنسان يخلصنا من ديدان الفساد والرشوه والمحسوبيه ونهب أصول الوطن التى إستشرت
وتكاد أن تأكل الأخضر فينا واليابس
تدوينه جميله وبتقول وفيها إبداع

ودمت فى أمان الله وحفظه

MaNoOoSh Says:

يظهر ان كل الكائنات الحلوة زعلت من الانسان من كتر ما هو عمال بيزيد فى طغيانه وجبروته على كل اللى أضعف منه

YARA Says:

فعلا حاجات كتير قوى اتغيرت عن زمان ,حتى الاحاسيس نفسها اتغيرت والناس معدتش ذى الاول علشان كده كان لازم تكون دى النتيجه ان ابو قردان يبعد ويقل عدده ويستصعب المهمه لانه حس ذى ما انت بتقول ان الفلاح لم يعد صديقه الذى يرحب به ويقدر اهميته وقيمته ....بس يا ابو على احنا بعدنا كتير عن حاجات اهم لم نعد نقدر اهميتها مع انها الاساس وسبيل السعاده لدى الانسان واللى ممكن بالفعل يكون محتاجهاعلشان يموت الدود اللى جواه واكيد الحاجات دى هى الرجوع بقلوبنا وبكل مل نملك لخالقنا باخلاص ونقدر قيمه ما حولنا وما وهبنا الله من نعم استبدلناها بما يضرنا فاستغنى الفلاح عن ابو قردان وذهب للمبيدات وغيرها واستغنى الانسان عن قيمه واخلاقه وسعى وراء نفسه وشهواته وهواه وضاع وقته وعمره فى التمنى انه يرجع تانى ويتغير وقاعد مستنى ابو قردان وفاكر انه هيرجع كده من نفسه من غير مجهود منه.....بس على العموم لانى حسه اصلا انى بكتب موضوع انشاء مش تعليق
بجد يا ابو على لسه فيه امل لان انا حسه انى بدات الاقى ناس كويسين كتير وعندهم اراده حقيقيه ورغبه فى ان هم يتغيروا ويغيروا اللى حواليهم
وانت فعلا من الناس دول
بشكرك على مواضيعك ودعواتك لينا فى الامتحانات بقى متنسيناش وتروح الشرقيه..
مع انك حتى لو رحتها احنا هناك
وراااك وراااااااك
سلالالالالالالام

الازهرى Says:

مش كل الفلاحين لكن للاسف الاغلبية
ربنا يهديهم

تعرف انى اول مرة اعرف ان موطنك الاصلى الشرقية
ويا ترى سبب التهجير كان ايه ؟

موناليزا Says:

حملة واحدة بس ! قول حملات لتطهير انفسنا من جميع الشوائب

شمس النهار Says:

هو ايه الموضوع البلوجر كله شراقوه والا ايهمافيش اتراك والا صعايده

aidy Says:

جمييل يا ابو على

بجد موضوع جميل

ياريت نقدر نربى ابوقردان فى نفسنا ياكل عيوبنا ومساوئنا

تحياتى ليك على الموضوع اللى بجد عجبنى جدا

SHAPE YOUR LIFE (ABOALI) Says:

الى ماما امولة الرائعة

مبسوط انى التدوينه عجبتك
ومتفق اننا كلنا محتاجين ابوقردان ماشى معانا
حتى لو لمدة شهر


تحياتى لك الراقيه

SHAPE YOUR LIFE (ABOALI) Says:

الى واحد من العمال

صح محتاجين كتيرررررررررررررر من الاصدقاء على كده

ربنا يهدى الجميع واشكرك

SHAPE YOUR LIFE (ABOALI) Says:

الى مانوش

بس لسه فى خير كتير ان شاء الله

التفاءول مطلوب

اشكرك

SHAPE YOUR LIFE (ABOALI) Says:

الى يارا

يااااااااااااااه يا يارا
تعليق فى الجووووووووووون وعجبنى
الامل دائما راياته مرفوعة لمن اراد ان يهتدى
ورايات الدين هى الامل
الدين هو امل الحياه


تحياتى لك يا راقيه
ودعواتك لينا كلنا

SHAPE YOUR LIFE (ABOALI) Says:

الى الازهرى

ههههههههههههههههه
اللى خلانى اهاجر سيادة الرئيس المبجل المحترم المبارك

وشكلك كده متوصى عليك الايام دى
خلى بالك


تحياتى

SHAPE YOUR LIFE (ABOALI) Says:

الى موناليزا

هههههههههههههههه

حملات ياااااااا شيخة
طب نبدء بالحملة الاولى
طهااااااااااااارة اللسان

وكفايه عليا انا الحملة دى وانا راضى

انتى راضيه

منتظر الرد

SHAPE YOUR LIFE (ABOALI) Says:

الى شمس النهار

نعمل الى بس يا حاجة

ماهو المصريين اصلهم شرقاوى
والباقى مشكوك فيه
ههههههههههههههه

خلى بالك بقى

SHAPE YOUR LIFE (ABOALI) Says:

الى ايدى

مبسووووووووووط انى التدوينه عجبتك ووصل المعنى

و ابو قردان
لو دققتى فى شكله تقولى ياااااااااااه على العظمه والقدرة لخالق
وربنا وضع لينا ابوقردان اللى ياكل فينا الددود

التوووووووووووووووووبه

هل انتى معايا فى الراى ده

ولا

منتظر رايك


تحياتى

جنّي Says:

السلام عليكم

جميلة المعاني يا ابو علي .. لكن هل يكفي للبعض ابو قردان ليخلصهم من ادرانهم ومما لوثوا به انفسهم كالحزب الوطني الفاسد فهؤلاء لا يحتاجون ابو قردان دول محتاجين مية نار ..

احساس طفلة محبة للرومانسية بس واقعية Says:

عاوزين من جديد كل واحد يربى ابوقردان

بس المرة دى لنفسه

علشان ياكل الطفيليات اللى انتشرت

واللهى عندك حق
المعنى اللى اتكلمت فية جميل
وياريت ننقة نفسنا عشان ننقى مجتمعنا بعدها

شكرا ليك

MaNoOoSh Says:

ابو على
يسعدنى التواصل معك.. وان شاء الله متابعة لموضوعاتك الجميلة.

إيمان Says:

اه يا ابو على
فين ابو قردان وام قردان
وعيلة قردان طيب اى حد من ريحة قردان
يارب ارحمنا برحمتك
وعافينا واعفو عنا فى الدنيا والاخرة
بجد كل مرة اقرأ البوست يعجبنى جدا
تسلم ايدك

د/ رامي شهاب الدين Says:

دعوة جميلة أوى يا أبو على

فعلا محتاجين حاجة زى دى ، والمفروض إن كل واحد يبدأ بنفسه أولا

موضوع رائع ويستحق إعادة النشر فعلا

دمت بكل الود .. تحياتى

SHAPE YOUR LIFE (ABOALI) Says:

الى جنى

ياااااااااعينى عليك لما تكون واضح وصريح
حاسب على نفسك من الحزب واوعى ميا النار تطرتطش عليك يا صاحبى

تحياتى

SHAPE YOUR LIFE (ABOALI) Says:

الى احساس طفلة محبة للرومانسية بس واقعية

فعلا معاكى حق
يلا مع بعض نفتح محلات ابو قردان لتنظيف بنى الانسان

فكرة كده
فكرى وقولى رايك
انا منتظر

SHAPE YOUR LIFE (ABOALI) Says:

الى مانوش

دايما يسعدنى التواصل
فنحن كلنا واحد
انسااااااااااااان
تحياتى لك

SHAPE YOUR LIFE (ABOALI) Says:

الى ايمان

يااااااااااااارب
معاكى وبدعى
ربنا ينقينا ويستخدمنا

تحياتى لك
ودايما مش عارف ليه لما اشوف تعليقك ابتسم
يمكن علشان انتى ام عمر

جاييييييييييييييز

تحياتى

SHAPE YOUR LIFE (ABOALI) Says:

الى دكتور رامى

فينك يا دكتور والله واحشنى
اشكرك على تواجدك هنا
وحرمنا ليه من موضوعاتك الراقيه


تحياتى

موناليزا Says:

اللسان لوحده محتاج حملات:)
هو بالساهل كدة
ده هياخد وقت كتير فى كل حملة وفين وفين لما النتيجة هنظهر
وعموما انا راضية طبعا المهم نبدأ سريعاً