معنى ومعانى

, الخميس، 9 أكتوبر 2008



الى من يشعر بألم
الى من يشعر بالحزن
الى من يشعر بالهم
الى من يشعر بالضيق
الى من يشعر النقص
الى من يشعر بالعجز
الى من يشعر بالأنا
الى من يشعر بالخلود
الى الى ...............
اليكم وإلى نفسى اولا
تلك القصة
متمثلة فى الفيديو فى اعلى البوست
اضغط على السهم

لمن لم يظهر عندهم الفيديو

هذا هو نص القصة

كان عند امرأه صينية مسنة إنائين كبيرين

تنقل بهما الماء وتحملهما مربوطين بعمود خشبى على كتفيها

وكان احد الإنائين به شرخ والاناء الاخر بحالة تامة

ولا ينقص منه شئ من الماء

وفى كل مرة كان الاناء يصل الى نهاية المطاف من النهر

الى المنزل وبه نصف كمية الماء

فقط ولمدة سنتين كاملتين

كان هذا يحدث مع السيدة الصينية

حيث كانت تصل منزلها بإناء واحد مملوء ونصف الاخر

وبالطبع كان الإناء السليم مزهوا بعمله الكامل

وكان الاناء المشروخ محتقرا لنفسه لعدم قدرته وعجزه عن اتمام ما هو متوقع منه

وفى يوم من الايام وبعد سنتين من المرارة والاحساس بالفشل

تكلم الاناء المشروخ مع السيدة الصينية"

انا خجل من نفسى جدا لانى عاجز

ولدى شرخ يسرب الماء على الطريق للمنزل

"فابتسمت المرأه الصينية وقالت"

الم تلاحظ الزهور التى على جانب الطريق من ناحيتك

وليست على الجانب الاخر

"انا اعلم تماما عن الماء الذى يفقد منك

ولهذا الغرض غرست البذور على طول الطريق من جهتك

حتى ترويها فى طريق عودتك للمنزل

ولمدة سنتين متواصلين قطفت من هذه الزهور الجميلة

لازين بها منزلى

مالم تكن انت بما انت فيه

ما كان لى ان اجد هذا الجمال يزين منزلى

كل منا لديه ضعفه

ولكن شروخاتنا وضعفاتنا تضع حياتنا معا بطريقة عجيبة ومثيرة

يجب علينا جميعا انت نتقبل بعضنا البعض على ما نحن فيه

وللنظر لما هو حسن لدينا

لكل احبائى الذين يشعرون بالعجز او النقص

اتمنى لكم يوما عظيما واشتموا الزهور التى بجانبكم من الطريق

ارسل هذه الرسالة الى كل اصدقائك

والله يعلم من هو فى احتياج لها

33 Response to "معنى ومعانى"

Sweet Violet Says:

يااااااااااااه احمدك يارب

نولت اول تعليق من وقت مارجعت

هاشوفها وراجعه

بحجز بس

أمل حمدي Says:

نعم يجب ان نتقبل النقص في غيرنا لاننا يوجد فينا نوعا اخر من النقص يلاحظه غيرنا فينا
سبحانه

ابو علي معنى ومعاني رائعة في هذا المثل الصيني

تقديري

ندا منير Says:

انا مش عارفة ادخل على حاجة
ولا عارفة اقرا حاجة
بليز وضحلى اكتر اعمل ايه

SHAPE YOUR LIFE (ABOALI) Says:

الى ندا منير
تحياتى واشكرك لتشريفى

فقط اضغطى على السهم فى الفيديو اعلى البوست او الكلام مثلما تشغلى اى فيديو على الكمبيوتر والفيديو هايشتغل لوحده

مخنوق كيك Says:

بجد تسلم ايدك فعلا حكمة ناطقة ومبهرة وصادقة

ودا يخليني اقول باعلي صوتي ان مفيش حاجة اسمها عجز في القدرات . وانما العجز الحقيقي في الفكر وعدم الاستفادة من ضعفك وتوظيفه في مكانه الصح

الرسامين العظام لما بيرسمو اللوحة بتبصلها بتحس انها مقلوبة . وواحد معوق هو اللي رسمها . لكن في الحقيقة هي اعمق احساس الواحد ممكن يشوفه .

هذه القصة رائعة بمعني الكلمة واثبت بالفعل ان كل واحد مننا ليه دور في الحياه . سواء بضعفك او بقوتك

فكل منا قوي بما سيفعله

ودا يخليني اذكر الحكمة بتاعتي دائما اللي انا عملت موضوع ليها وهي

" ليس ما يحدث لك هو ما يحدد مقدار سعادتك . ولكن سعادتك هي كيف تفكر فيما سيحدث لك "

اول مرة اطلع من جنوني وارد بمنتهي العقلانية

Sweet Violet Says:

يجب علينا جميعا ان نتقبل بعضنا البعض على مانحن فيه و للنظر لما هو حسن لدينا

فعلا كل واحد لازم يتقبل نفسه والاخر و يشوف الحلو مش الوحش عشان نقدر نصنع السعاده بإيدينا

بجد قصه رائعه اشكرك عليها

Mona Shereif Says:

بجد جميلة اوى اوى اوى اوى
ربنا يبارك فيك
وبعد اذنك انا هاخد كلماتها عندى

mahasen saber Says:

الله عليك وعلى القصه الجميله دى وعلى
حكم الصينيين البالغه...
انتا لو كتبت بتكتب موضوعات واشعار من اروع ما يكون..
ولو حطيت فيديو او موضوع فى المدونه برضه بتحط موضوع من اروع ما يكون
اختياراتك فى كل شئ موفقه ورائعه وعاليه وراقيه جدا جدا
اعتقد ومتأكده من روعة شخصيتك...

ندا منير Says:

هو كان عندى مشكلة فى النت امبارح عشان كدة مكنش فى حاجة ظاهرة
المهم
انا اتفرجت على الفيديو دلوقتى
وبجد رائع وجميل قوى
ويدينا ايحاء باننا لازم نبقى صبوريين ونتحمل كل شئ
ويبقى عندنا امل
اشكرك جدا على الفيديو الرائع دا

نـــــور Says:

ايه ده بقىىىىىىىىىىى؟؟
لا يابو على انا هطق خلاص
الفيديو عند معايبا ومش راضى يشتغل ابدااااااااااااااا
ماليش دعوه بقى
عايزة اعرف الفيديو ده فيه ايه هه:(

Lola Says:

ابو على
هذا الفديو يحمل كم من المعانى الإنسانيه
بشكل خياااااااااااالى فعلا.
وصلنى على بريد العمل ولا تتخيل مقدار ما اثر بى.
اختيار رائع جدا وطبعا معانى عميقه للنقص والعطاء والتفكير ..وتقبل الآخر.

لولا

SHAPE YOUR LIFE (ABOALI) Says:

الى حبيبة
تحياتى
انا مايهونش عليا
دوسى انتى على السهم مرة او اتنين
واستنى شويه
وان لم يشتغل
الاخت SOMETIMES نقلت محتوى الفيديو فى مدونتها
يعنى امامك حلين
تحياتى

موناليزا Says:

للاسف لم يظهر عندى

SHAPE YOUR LIFE (ABOALI) Says:

الى ضد التيار
مبروك اول تعليق
ويارب يكون الفولت عالى

SHAPE YOUR LIFE (ABOALI) Says:

ست الكل ماما امولة
فعلا معنى ومعانى جميلة
يا ريت نعرف اننا فى بوتقة واحده

اشكر لك يا سيدتى كلماتك ومرورك

SHAPE YOUR LIFE (ABOALI) Says:

الى مخنوق كيك
لكم اعجبنى هذا الرأى المميز
واسعدنى ذلك الفهم الناضج لهذه القصة
وارجو ان تكون فى عقولنا وامام اعيننا
لانها تحل لنا اشكاليات كثيرة

مرة تانيه
اشكرك لك تعليقك المميز
واللى انت قولته برضوا جنون لا تقلق
على حياتك

SHAPE YOUR LIFE (ABOALI) Says:

الى ضد التيار
فعلا معاكى حق تقبل الاخر ووجود اكثر من نقطة للالتقاء هدف رائع ايضا من القصة
اشكرك على مرورك
سيبك انتى مافيش احلى من الكهربا

SHAPE YOUR LIFE (ABOALI) Says:

الى SOMETIME
الاجمل من قرء واهتم
رعاكى الله وحفظك
كل الوقت مش بعض الوقت

تحياتى الى محمد

SHAPE YOUR LIFE (ABOALI) Says:

الى الاخت محاسن
وسع للشراقوه وكرمهم اللى ظهر فى تعليقهم
وسع لحواء المصرية اجمل واطعم و ارهف واحب قلب فى الدنيا
ادم عليكى الله القلب المضىء الطاهر
وزينكى بكل خلق حسن

ههههههههه مع انى انا حسن ابو على

اشكرك لك مرورك العطر

SHAPE YOUR LIFE (ABOALI) Says:

الى ندا منير
فعلا الصبر شيمة من الشيمات المطلوبه
ورايك صائب وفى محله
كل التحية ليكى
والحمد لله النت عرف طريق الاصلاح

تحياتى لك

SHAPE YOUR LIFE (ABOALI) Says:

الى حبيبه
الا انتى يا جميل
من اجلك وضعت نص القصة
بجانب اختى SOMETIME التى وضعته ايضا
اسعدنى تشريفك
وانتظر تعليقك

SHAPE YOUR LIFE (ABOALI) Says:

الى لولا
فعلا معكى حق
كفايه منظر الازهار على حافتى الطريق
ده لوحده باعث على التفاؤل والبسمة
شفتى اننا ممكن نطلع معانى كتيرة ازاى

اشكرك على كلامك الجميل الناطق

شمس النهار Says:

القصه جميله محتجنها اليومين دول فعلا
كل انسان فيه عيوب ممكن تتحول الي مزايا
شفت الدوره الاولومبيه الاخيره شفت متحدي الاعاقه عملوا ايه وجابوا ميدليات قد ايه
وطبعا القصود هنا العيب الخلقي وليس عيب الاخلاق
لآن الاخير ده مالوش مزايا اصلا

EMMY BABY Says:

بجد فعلا قصة جميلة بكل معانيها

انا شفتها فى مدونة سام تايمز وهى فعلا كانت ذاكرة انها نقلتها منك

بجد تحياتى لعرضك القصة


تحياتى

ايمى

غير معرف Says:

بجد لو كل واحد فينا شاف نفسه زى ما الست شافت الإناء
كان حالنا أتغير كتييييييييييير

د/ رامي شهاب الدين Says:

جميلة القصة أوى يا أبوعلى .. بس أنا شفتها من منظور إضافى كمان

فى كتاب دع القلق وأبدأ الحياة لديل كارنيجى كان فيه فصل كامل بيتكلم عن تحويل السالب لموجب أو بمعنى اصح تحويل عوامل الفشل لعوامل نجاح

وإستشهد الكاتب فى النقطة دى بقصة مشابهة جدا ، حكى إن فيه مزارع أمريكى إشترى قطعة ارض بغرض زراعتها ، لكنه ماكانشى شافها ، السمسار بتاعه إللى هو قريبه فى نفس الوقت دبسه فيها عشان يطلع بعمولة وخلاص

وبعد مابقت ملكه خلاص راح شافها فكانت المفاجأة إنها أرض قاحلة لاتنفع للزراعة ، مش كدة وبس ، ده إكتشف إنها مليانة حيات سامة ، طبعا الراجل حزن على النصباية إللى راح ضحيتها ، وبعدين سأل نفسه طب ما احاول أستفيد من الأرض دى

وبعد تفكير طويييل ، نفذ الراجل خطة هداه عقله إليها ، بالخطة دى جاب تمن الأرض عشر مرات فى أول سنة بس ، وإللى عمله كان الأتى

إكتشف إن الحيات دى بتتغذى على نوع معين من الأعشاب السامة ، فزرعه بكثرة فى الارض وبدأ يربى الحيات دى ، أما مكسبة فكان من إستخلاص سمومها وإرساله إلى معامل طبية لإستخلاص الترياق المضاد للدغة تلك الحيات ، وكذلك فانه كان يصدر لحوم تلك الحيات إلى بعض من الدول الأسيوية التى تاكل هذه اللحوم بعد تعليبها ، وطبعا كان بيبيع جلود الحيات دى ، وما أغلاها طبعا ..وأخيرا تعاقدت معه بعض شركات السياحة لجلب زوار إلى مزرعته لرؤية أول مزرعة للحيات السامة من نوعها فى العالم ، وده طبعا كان مقابل مبلغ مش قليل بيحصل عليه من شركات السياحة

شفتوا الراجل عمل إيه؟ الست العجوزة عملت كدة برده ، إستغلت الماء المتساقط لتروى به زهور غرستها، وبكده أمكنها إستغلال الماء المتساقط للحصول على زهور تزين بها بيتها

شكرا لهذا الموضوع الجميل ..تحياتى

SHAPE YOUR LIFE (ABOALI) Says:

الى شمس النهار
فعلا القصة جميلة تتطلق دعوة للتعايش
كما انى ارى انها لكل شيىء وليس العيب العجز فقط
لاننا لسنا على نفس المعيار الاخلاقى
فمن كان صادق عليه ان يعرف ان هناك كذاب وله دوره فى الحياه والاحتراف فى الحياه ان تاءخذ انت بيديه ليتعلم منك الصدق وهكذا لبعضى الاخلاق

اشكر مرورك الكريم

SHAPE YOUR LIFE (ABOALI) Says:

الى ايمى ببيبى

تحياتى لك
ودائما تمتعينى برايك

SHAPE YOUR LIFE (ABOALI) Says:

الى انا ودماغى
فعلا كان تغير الحال
وكنا سعدنا براحة البال دنيا واخره
تحياتى لك يا دماغى

SHAPE YOUR LIFE (ABOALI) Says:

الى دكتور رامى
جميلة جداااااااااااا القصة اللى انت عرضتها
فعلا
الانسان يقهر المستحيل لو فكر وتعلم وسئل وهولاء هم ثالوث النجاح

اشكر اضافتك الرائعة
وفى انتظار المزيد
تحياتى

dalia Says:

رسالتك وصلت وبها قدر كبير من الحكمة فاحيانا الانسان يظن نفسه بلا قيمة يعني يقعد مع نفسه ويقول انا عملت ايه في حياتي مفيد للناس ولو كان متشائم شويه بيقول انا مليش لازمه بس في الحقيقة انا تعلمت درس صغير اوي في الحياه ان مفيش انسان خلق في هذه الحياة الا وربنا عارف ان له فايده هذه دعوة منا أن نفكر بتفاؤل حول دورنا في الحياة لعلنا ان نصير مثل الاناء المشروخ ننجح في ان نسقى الورود في كل مكان لماذا لا نبدأ من خلال حملة عيش وملح لنعالج مشكلة التسرب من التعليم؟

SHAPE YOUR LIFE (ABOALI) Says:

الى داليا
جميل منك الايجابية والتفاعل
وحاسس فيكى بصدق حبك لهذا الوطن
مشكلة تسرب التعليم
دى مشكلة فيها كل اشكال التحدى
وممكن تتحل بالتعاون المثمر بين كل الفئات
ومش شرط اننا لما نحلها نفكر انى كل واحد لازم خريج جامعة
التعلم طريقك الى الجنة
ممكن يكون عنوان جذاب
وانا معاكى انه لابد من التفاعل مع كل مشاكلنا وحلها

اشكرك على مرورك العطر

بنت الاسلام Says:

ما اجمل هذه القصة التي نظرت للانسان نظرة بشرية وليست نظرة ملائكية نظرة النقص البشري وليست نظرة الكمال الالهي نعم علينا ان نتقبل الاخر رغم مابه من عيوب لاننا ايضا بنا عيوب تذكرت المثل القائل

ياعين اذا رايتي في الناس عيب فكلنا عيوب وللناس اعين

تحياتي