الحياء

, الاثنين، 6 أكتوبر 2008


إن لكل دين خُلقًا، وخُلُقُ الإسلام الحياء

إذا لم تخـش عـاقبة الليـالي --- ولم تستحِ فاصنع ما تشاءُ

يعيش المرء ما استحيا بخير --- ويبقى العود ما بقي اللحاءُ

إذا لـم تَخْــشَ عاقبـة اللَّـيـالي -- ولـم تَسْتَحْ فـاصنـعْ ما تـشاءُ

فـلا والله ما في الْعَيْشِ خيــرٌ-- ولا الدنيا إذا ذهـب الحيـاءُ


ان لله وانا إليه راجعوان
مائة شاب يحاصرون 5 فتيات فى واحد من اشهر شورارع المحروسة جامعة الدول العربيه ويا ليته على مسمى الاسم جامعة الدول ولكن الان اسمه جامعة البغاء و مرتع التحرش
شباب لم يدرك قيمة واحدة من القيم التى تتغنى بها كل يوم وسائل الاعلام او حتى الخطباء والدعاه
شباب وضع امام عينه العبث و اللامبالاه بكل غالى ونفيس لم يدرك قيمة النار ولا حتى الجنة
حالة من التبلد الحسى والمعنوى
ادرك فقط اللهو والسهر والعربدة وعيشة المقاهى والرقص فى الديسكو
اما عن بنات حواء
فحدث ولا حرج
ملابس ترش على الاجسام مثل دوكو السيارات ودهاناتها
تبختر فى المشى واعجاب بالذات لا مثيل له
بجاحة فى الاعين واستنماء للنظرات لا ترى لها شبيه
ولمااااااااااااااااااااا حدث ذلك
-- لم يدرك الجميع انه كما تدين تدان
-- حياء نزع من الجميع
-- غياب الحزم فى تطيبق اى قانون
-- الفراغ وعدم وجود برامج للاستفادة منه
-- ثقافة كيف نفرح
-- حقك وحقى ( الكل يدوس على الجميع )
-- ووووووووووووووووووووووو
الحل ايه؟
معرووووووووووووووووووووووف للجميع


يا صاحب الروضة نعتذر
لن نكون هناك
عند حوضك لا تنتظر
فالليل هنا ظلام دامس
قبور تمشى على الارض
ويعبث بها كل عابث
يا صاحب الروضة نعتذر
لن نكون هناك
فالحب والهيام شغل الافهام
وشكل الحبيب والفيديو كليب
ونوم القهاوى وسهر الليالى
ووقوف النواصى والبحث عن المعاصى
هو الهدف والنصيب
يا صاحب الروضة
لا تبكى علينا
فقطرات دمعك
ليست الان غالية علينا
لم تعد تفهمها اعيننا
لا تكن حزينا
مسلوب الضحكات
وتمسك بيدك
ساق عرش الرحمن
طالبا" الرحمات
وتذرف الدمع وتقيم الصلوات
وتقول امتى امتى
يا صاحب الروضة لا تنتظر هناك
فنحن فى زمن الراقصات
نأخذ منهم العبر
وهم لنا علامات
وتناحر شيوخا" فى الفضيائيات
وحكام" فقدوا معنى الكلمات
وشباب هناك فى الكباريهات
يا صاحب الروضة لا تتنظر هناك
يكفيك من كان معك
وبعض ممن عرفوا بعدك
عرفوا النور فكان عنوانا
واتخذوا الدين طريقا وبرهانا
ونزعوا الوهن واعلنوا الفرقانا
قام فيهم الفاروق
وقال احلى الكلمات واصدق العبارات
وضع الدستور ورفع الرايات
قاااااااااااااااااااااااااااااااال
كنا اذلة
فأعزنا الله بالاسلام
فاءذا ابتغينا العزة فى غيره
اذلنننننننننننننا الله
يا صاحب الروضة
لا تنتظر هناك
فنحن الان الأذلاء


52 Response to "الحياء"

soulmate Says:

البوست ده من اجمل ما قرات عجبنى اوى الشعر وعجبنى جدا انك تقول ان الحياء ما بقاش موجود حسيت ان فى حد بيشوف بعين تانيه ما هياش مشكله اولاد معندهومش اخلاق وبس بقت مشكله بنات مش حاسه ان ده عيب وحارم كل الى بيقولوه دى حريه شخصيه يا جماعه كل واحد فاهم الحريه الشخصيه غلط وكل واحد بيطبقها على مزاجه ربنا يهدينا ويهديهم بس كل ما بشوف ده بفتكر علامات القيامه الى ظهرت كلها والى فيها الماسك على دينه كالقابض على جمره من نار يا رب يهدينا ويثبتنا على دينا الدين الحق جميل الشعر بجد بحييك على اسلوبك

غير معرف Says:

فاطمة وعائشة وأسماء $$ ضرب بهن المثل فى الحياء

جزيت خيراً على موضوعك
وتقبل الله منا ومنكم

رئيس التحرير Says:

اليوم يوم النصر
قرأت لك تعليق قديم ..تأملته من جديد كما طلبت..نأملت ..وتألمت ..ولم أجد حلا ..قرأت وعانيت ..مشيت ووقعت ..ولم اجد حلا..غير العوده للعزبه ..

أمل حمدي Says:

يا صاحب الروضة

اللهم صلي وسلم عليك

ابو علي

انا كمان لاحظت ظاهرة خطيرة في بعض المدونات وهي الخروج عن سياق الحياء
وبدأت انزعج ربنا يهديهم

هل هذه ايضا حرية ؟ لااعلم

البوست هايل وكلامك كالعادة اكثر من رائع

دمت بخير

كـــيــــــــارا Says:

يااااااااااااه

حاجه مش بقت موجوده

ونادره الوجود

اذا لم تستحي افعل ماشئت

ودول بقي الحاجات دي عادي مش في حرام ولا اي شي
ربنا يهدينا ويصلح حالنا

شمس النهار Says:

صاحب الروضه مننا يتبره
الموضوع غريب مين اللي لم الميه دول همه كانوا مع بعض
والاواحد فيهم عنده دم مش هقول دين
تسلم علي الشعر الجميل ده

موناليزا Says:

انا لله وانا اليه راجعون
من لاحياء فيه لاخير فيه
واذا كان هذا حال الشباب فماذا ننتظر من الغد
اللهم لاتؤاخذنا بمافعل السفهاء منا
*****************
ممكن تشيل تاكيد الكلمة حين ارسال التعليق

SHAPE YOUR LIFE (ABOALI) Says:

الى مشمشه
اشكرك لك مرورك وكلماتك المعبرة عن المعنى
ربنا يهدى

SHAPE YOUR LIFE (ABOALI) Says:

الى القعقاع
من يتشابه مع من
المقارنه ليس فى المكان المناسب

تحياتى

SHAPE YOUR LIFE (ABOALI) Says:

الى رئيس التحرير
العزبه افضل برضوا من جامعة الدول

SHAPE YOUR LIFE (ABOALI) Says:

الى ماما امولة
حقا زمن العجائب
ولكن الخير فى وفى امتى الى يوم يبعثون
اشكر لك مرورك وكلماتك العطرة
تحياتى لك ولاسرتك الكريمة

SHAPE YOUR LIFE (ABOALI) Says:

الى كيارا
تقبل الله دعائك وحمانا وراعانا
نحن الضعفاء

SHAPE YOUR LIFE (ABOALI) Says:

الى شمس النهار
اللى جمع الشباب الغرائز المكبوده
والحلوى العارية
والذبابه تجمع ذباب
تحياتى

SHAPE YOUR LIFE (ABOALI) Says:

الى موناليزا
للموناليزا ضحكات
نتمنى ان نراها فى موضعها

مهرة سالم Says:

السلام عليكم....
هذه اول زياره لي لمدونتك ....
ان هذا البوست من اجمل ما قرأت في المدونات...
بالفعل ماذا سنقول ..
لرسول صلى الله عليه وسلم....
.......
مع خالص احترامي

mahasen saber Says:

ابوعلى ...ااقولك الاول ما زمان كانت الستات فى مصر بتمشى بلبس اغلبه كاشف وده فى الستينات والسبيعينات مسمعناش عن تحرش فى الفترات دى ليه..
اعتقد العيب مش فى البس ولاا الستاتيعنى قصدى مش ده اليى نحلل عليه الفاجعه دى الموضوع اكبر من كده
دلوقتى عندنا مصيبتين اولا انتشار مظهر الدين واساسياته لا يعنى تلاقى الشاب ملتحى ومبيعملش بالحيه والتزامها والوقار اليى المفروض يتشح بيه وتلاقى الست متحجبه او منقبه وسلوكها واخلاقياتها تستحى من حجابها
انا بقول الكلام ده وانا محجبه على فكره انا مش بهاجم الا ان الدين يتلبس مظهر بس يعنى مين مسلم ميحطنش فى قناعته ان الحياء شعبه من شعب الايمان
وان الرسول الكريم كان بيقف احتراما لسيدنا عثمان لان من حيائه كانت الملايكه بتستحى منه...
فرجل الدين والمتلقى يركزواربنا يكرمهم على اخلاقيات الدين وانها الاساس والسبيل للجنه يعنى اذا كان اماطة الاذى عن الطريق صدقه تخيل بقه
لوعملنا بكده الطريق هينضف وكلنا هندخل الجنه...
اما المصيبه التانيه والكبيره ان فيه حاجتين مش هنقول الامن لان الضباط اتحولوا للتحقيق بس مش هينفع اخوف الناس بالضابط عشا يتعلموا الادب يعنى المفروض يلتزموابيه من غير ما شئ يدفعهم لكده
اما بقه الصدمه احنابقينا مده شباب مصر بقه كده ده سببه ايه بقه قلة وانعدام الدين
ولاا قلة الادب وانعدام التربيه
ولاا الظروف الاقتصاديه والوضع الاقتصادى والبطاله المسوله عن كده بس انا مش شايفه الدنيا سوده كده ولاا يمكن عشان مش ولد الله اعلم
انا اتكلمت كتير بس يمكن مش مجمعه شويه من ايه مش عارفه من الصدمه الله اعلم او يمكن عايزه انام برضه الله اعلم
انا اكيد ليا راجعه تانى
ارجو مكنش طولت ...

Mona Shereif Says:

اللهم ارزقنا الحياء

"يا صاحب الروضة نعتذر
لن نكون هناك
عند حوضك لا تنتظر"

صلى الله عليه وسلم
بجد صعبة اوى
ربنا يبارك فيك على موضوعك ده بجد
ودام لنا ابداع قلمك
كلامه سهل وبسيط بس جواه معانى كتير اوى

مخنوق كيك Says:

يا نهار ابيض .. مئة ولد علي خمس بنات ؟؟ يا بختهم يعني كل واحد نصيبه اربع بنات .. يا ولاد الايه

يا ريتني كنت معاهم ... يا ريتني كنت معاهم

المهم نتكلم جد شويه

للاسف الحكايه دي حصلت لغياب الوعي الاسري والثقافي وللاسف الاخلاقي .. دي ليست نتيجة غريبة للتدريج الذي يحدث من هبوط في مستوي التعليم والاخلاق والدين .

اصبح الدين في عقل البعض انه حرية . وافعل ما شئت . ومحدش ليه دعوة بحد .. الثقافة اصبحت في الارض وليس هناك رقابه .. فالرقابه اصبحت خطأ .. واصبح الخطا هو الصحيح

انقلبت موازين الحياه والمجتمع اصبح راسا علي عقب .. الزمن يقوده الي الوراء الي زمن تحريم البغاء .
وسائل الاعلام الان والافكار المختزلة والبائته اصبحت تسيطر علي عقول الشباب وطموحاتهم في تقليد الغرب للاسف

واختم كلامي ببيت رائع يقول

في زمن الرده والبهتان .. افعل ما شئت ولا تخجل فالكل مباح يا فنان

فزمان الرده نعرفه .. زمن المعصية بلا نكران

اشكرك علي موضوعك والف خساره علي حال المجتمع الان

د/ رامي شهاب الدين Says:

التوبيك ده ممتاز جدا ..وكذلك المدونة كلها والتى قمت بجولة سريعة فيها

طبعا الاشعار مش هقف قدامها كتير لأن أقل شئ ممكن يتقال عنها إنها تحفة وفى الصميم

أما بالنسبة للحياء إللى إنعدم فده بسبب تدنى الأخلاق ونقص الوعى والتربية الدينية السليمة ، فلا إيمان لدى هؤلاء الشباب ، فنحن كما نعلم أن الحياء من الإيمان

وختاما أسأل الله الهداية لكل شباب المسلمين

دمتم بكل خير ..تحياتى إلى شخصكم الكريم

غير معرف Says:

لييييييييييييه يا ابو على النظرة دى.اكيد طبعا كلنا بيجيلنا اوقات بنحس فيها بضياع الاخلاق فى مجتمعنا ونشعر اننا نريد ان نكتب عن هذا وقلوبنا مليئه بالحزن ولكن هذا لا يدفعنا ابدا لان نفقد الامل فى انفسنا ونصف نفسنا بالاذلاء لاننا قوم اعزنا الله باننا امه المصطفى وان شاء الله نراه على الحوض وهو سعيد بنا وادعو الله ان يهدى كل من هو بعيد عن الطريق الصحيح.تفااااااااااااااائل يا ابو على مازلنا خير امه ان شاء الله بس ذى مافيه الحلو فيه الوحش.ومتروحش جامعه الدول العربيه كتير وريح نفسك.وشكرا لموضوعك وعرضك الجميل
.

SHAPE YOUR LIFE (ABOALI) Says:

الى M.K
اشكر لك كلماتك
وفكر معى عن بعض كلمات نقولها

تحياتى

SHAPE YOUR LIFE (ABOALI) Says:

الى الاخت محاسن
كلمات معبره فعلا عن كوكتيل مرعب نعانى منها الان
فى اعتقادى عدم الشعور بالامان
شعور بدء ينمو فينا
زمان كان زمن السلطانين الناس الرايقين
كل شيىء بمزاج
حتى من كانت تعمل فى البغاء كان ليها رخصة من الصحة فكان لكل واحد مقصد معروف ان اراد البغاء فالباب مفتوح
ده ساعد فى قلة التحرش
اللى موجود حاليا فجوة وهوة سحيقة بين
الدين وتطبيقه
كما تعلمين الرسول صلى الله عليه وسلم يقول
لن نأسر الناس الا بأخلاقنا
اى كل شخص ممكن تجعليه عندك عبد من الاخلاق
البعد عن الدين سيدتى ليس هو الاصل فيما حدث
ولكن حدث الانفصال الاخير فى عمق الفهم

اننا نسينا كلمة اننا (انسان)
تاءتى معنا اشياء بالفطرة
عندما اكل ادم وحواء من الشجرة
وظهرت العورات
اخذا يبحثا عن الورق لكى يتورا عن بعضهما
تلك حكمة بالغة لمن يفهم
لم يكن هناك دين او حتى مواثيق للاخلاق

انت لم تتوطيلى فى كلماتك
وانما فكرت بصوت عالى ولكنه كان مذبذب
من الصدمة وكان تحت عنوان
ايه اللى بيحصل ده
وسببه ايه

كل ده مش سبب من اسباب القنوت والياءس وان الدنيا سودا
بل العكس هذا اجراس لعل وعسى ناءخذ الحذر ونحيى خلق كريم يسمى الحياء


تحياتى لك
ولسعة صدرك فى اطالتى

SHAPE YOUR LIFE (ABOALI) Says:

الى SOMETIMES
حان الوقت لنفكر بعض الوقت فيما نحن مقبلين عليه
تحياتى على كلماتك الرقيقة
لقد وصفت ما فى قلبى

SHAPE YOUR LIFE (ABOALI) Says:

الى مخنوق كيك

في زمن الرده والبهتان .. افعل ما شئت ولا تخجل فالكل مباح يا فنان

فزمان الرده نعرفه .. زمن المعصية بلا نكران

عندك حق
فعلا عبرا عن واقع
اشكرك

SHAPE YOUR LIFE (ABOALI) Says:

الى دكتور رامى شهاب الدين


لكم نحتاج الى شهب وليس شهاب واحد
اسعدنى مرورك و تحليلك المميز

SHAPE YOUR LIFE (ABOALI) Says:

الى يارا
عندما يكون هناك زووم على حدث معين
هذا الزوم جرس انذار حتى نقوق من الغفوة
ولم تكن هناك دعوة الى عدم التفاؤل
بقدر ما كان وصف لحالة اخشى ان تستمر
وينزع منا ما يستر ما نجرحه بالليل
ويصبح كل شيىء مباح

اشكرك على كلماتك التى اسعدتنى لانها تذكرنى بوجود الامل المستمر

غروب Says:

هاى ابو على

ازيك

والله عندك حق

ان لم تستحى فافعل ما شئت

ربنا يهدى الجميع

احساس لسه حى Says:

عزيزى
كل سنه وانت طيب وعيد سعيد

طبعا عرفت مدونتك من عند قطة وعجبنى ردك عليها ونقدك الجميل ليها

معلش بقه انا علقت على الموضوع زيك بس انا تعليقاتى مش بتقدر تحطها لانها بتوجعها اوى

وانت هتنتقل بيك من مرحلة العصبيه لمرحلة المنع قريب

لما تديها على دماغها هى بتخاف من اللى بيهدد ارائها وبيوضح كذبها

انا عملت بوست على الموضوع التحرش الجنسى ده واكيد مش بنعفى الشباب اللى بيعملوا كده من خطاهم وقليت ادبهم

بس اكيد البنت عامل مساعد لللى بيحصل ده ومن عوامل كتير ظهرت فى المجتمع

والكبت بيولد الانفجار

وشعبنا مكبوت اوى

وشبابنا بقه عندوا استهتار بكل واى شئ

تحياتى
سلام

قلب شاعره Says:

الله بجد موضوع جميل .. محتاجين نكون عندنا حياء وفى فرق طبعا من الحياء والخجل .. وفعلا الحياء شعبه من شعب الايمان ...
موضوعك جميل ومفيد بجد ومدونتك جميله وبتسعدنى زيارتك جدا لمدونتى ...

mahasen saber Says:

فعلا ابو على انا كان لسانى حالى
بيقول ايه اليى بيحصل ده من الربكه اليى بنشوفها والمفاهيم اليى بتطبق غلط والمعايير اليى بنقيس بيها الامور
وانا اليى بشكرك على سعة صدرك لاطالتى وكلامى المذبذب الكتير...

Desert cat Says:

جميع الاديان تنادى بمكارم الاخلاق
فحاشا لله ان يكون رسول من رب العالمين لم يحث عليها
ولكن انعدام القليم وقلب المعايير اباح للذئاب قطع الطريق
بالمناسبة كانوا 3 بنات مش 5
:)
معلشى بقى استحملنى اموت لو مش خربشت

الميكروباص Says:

أول زياره لبيتك الالكتروني وان شاء الله لن تكون الاخيره
....
جميل الشعر الموجود في الأول- تسلم ايدك
....
بالنسبة لما حدث في العيد
بس الموضوع أخد أكبر من حجمه
انت عارف ان الخرو في الاعياد اصلا بهدله لأن الناس كلها من مختلف الاوساط بتكون في الشوارع الشهيره في القاهره
ودائما ما يحدث احتكاكات
الامر لم يكن بما تخيله البعض
وده لأن حاليا المعاكسات في طريقها إلى الانقراض
والسبب في كده هو سهولة وصول الشاب للفتاه عبر الانترنت والموبايل والكاميرات و البهدله اللي موجوده نتيجة للتقدم في التكنولوجيا
ما حدث في العيد قام به مجموعه من العيال- وباقي الناس وقفت تتفرج
لكن النساء انتهزن الفرصه واشتكوا من موضوع المعاكسات ده وأنه كتر جدا في كل مكان
والحقيقه ان الواحده فيهم بيكون لها الفخر- من داخلها- انها تعرضت للمعاكسه
اوعى تكون فاكر انها بتكون متضايقه- بالعكس- دي بتكون في منتهى السعاده
وبتروح كمان تحكي لأصحابها وتقول " فيه واحد حيوان فضل ماشي ورايا طول السكه- ومش سايبني في حالي- حاجه تقرف" !!!!!
المهم ان حتى لو فيه تحرش
الكل مشترك في الجريمة
والبنات أولهم
يروحوا يلبسوا اللي على مزاجهم وبعدها يشتكوا من المعاكسات
أجد البنت بطنها عريانه في الشارع وسرتها باينه امام الناس وتقول لك أن المعاكسات عيب
ودي الازدواجيه اللي بنعيشها في مجتمعنا

معلش وجعت دماغك

جايلك تاني

سلام دلوقت

شموسة Says:

من حياء المسلم ان يغض بصره عن الحرام، وعن كل منظر مؤذ ، مما يقتضي غض البصر ..
ومن الحياء أن تلتزم الفتاة المسلمة في ملابسها بالحجاب ، فلا تظهر من جسدها ما حرمه الله ، وهي تجعل الحياء عنواناً لها وسلوكاً يدل علي طهرها وعفتها،،

ودائماً تقول:.
زينتى دوماً حيائي .. وإحتشامي رأس مالي

وقد قال رسول الله صلي الله عليه وسلم: (الحياء والإيمان قُرَنَاء جميعًا، فإذا رُفِعَ أحدهما رُفِعَ الآخر).

لؤلؤة الاسلام Says:

فعلا الحيا حاجة جميلة جدا
و شكرا لك على الموضوع

و جزاك الله خيرا
و تحيتى
و تقبل مرورى
تعلقى

الازهرى Says:

صديقى العزيز

يا صاحب الروضة انا قادمون فانتظر
الليل قد بلغ الدجى وبعده ياتى السحر
قليلا قليلا فسيذهب الليل وننتصر
فقد قلت والقول حق لا شك فيه ولو نذر
الخير فى وفى امتى الى اليوم المنتظر
الباطل يوم ثم يأتى الحق فيزوى وينحسر

يا صاحب الروضة انا قادمون فانتظر



لم اعرف بما حدث الا اليوم فقط وان كنت سمعت كلمات متفرقة لم افهمها لانشغالى بالعديد من الامور

تحياتى والحق لا بد فى النهاية منتصر

محمد الدخاخنى Says:

أسأل الله ان يأتى علينا زمانا يحكم فيه بكتابه ويهدى اهل معصيته ويعز فيه اهل طاعته.... وقال رسول الله صلى الله عليه وسلم:(لو لم تأمرون بالمعروف وتنهون عن المنكر فانتظروا حتى يعمكم الله بعفاب) او كما قال

اللهم اهدنا وعافنا واسترنا

SHAPE YOUR LIFE (ABOALI) Says:

الى ساسو
حقيقى ربنا يهدى الجميع
لحب الجميع ولاءجل الجميع
تحياتى

SHAPE YOUR LIFE (ABOALI) Says:

الى احساسه لسه حى
احنا كل اللى محتاجينه مش كتير والله
اسمك بس كفايه
احساس لسه حى

اشكرك واحييى فيك قلمك

SHAPE YOUR LIFE (ABOALI) Says:

الى قلب شاعرة
احنا محتاجين قلوب شعراء
علشان نفهم ونعى
اشكر لك كلماتك الجميلة

SHAPE YOUR LIFE (ABOALI) Says:

الى كلام على بلاطه

وانتم فى كل خير
خلى بالك على البلاطة علشان السيراميك نازل

SHAPE YOUR LIFE (ABOALI) Says:

الى الاخت محاسن ام عبدة
المدونة مدونتك
كلماتك وتسطيرك لاءى حرف فيها لهو زينه لها
اصنعى من الحروف كلمات ومن الكلمات عبارات ومن العبارات بلاغات
وبعدين نروح القسم نتفاهم
هههههههه
تحياتى

SHAPE YOUR LIFE (ABOALI) Says:

الى قطة الصحراء
جميلة الخربشه
خلى بالك من الواو
احسن هيفا تزعل
تحياتى

SHAPE YOUR LIFE (ABOALI) Says:

الى لورانس العرب
تعرف لما يكون الموضوع مش منتشر ولم يعلن عنه نطمئن
بس واضح انه فيه تفاخر بيه لدى الشباب
باءنه عاكس كذا وكذا
والله المستعان
بس احنا فى مشكلة
تحياتى

SHAPE YOUR LIFE (ABOALI) Says:

الى شموسه
قليلة هم من يدركون
نحن نعانى من عدم الادراك
انها الحرية التى مضغت فاءصبحت مثل اللبان لها الوان

تحياتى

SHAPE YOUR LIFE (ABOALI) Says:

الى لؤلؤة الاسلام
كلام ذو معنى والحديث عنه ذو شجون

اشكر مرورك العطر

SHAPE YOUR LIFE (ABOALI) Says:

الى الازهرى


يا صاحب الروضة انا قادمون فانتظر
الليل قد بلغ الدجى وبعده ياتى السحر
قليلا قليلا فسيذهب الليل وننتصر
فقد قلت والقول حق لا شك فيه ولو نذر
الخير فى وفى امتى الى اليوم المنتظر
الباطل يوم ثم يأتى الحق فيزوى وينحسر

يا صاحب الروضة انا قادمون فانتظر



نعم ينتظر القليل
وهم الاستسناء
(وثلة من الاخرين)

اشكر كلماتك ومرورك العطر

SHAPE YOUR LIFE (ABOALI) Says:

الى محمد الدخاخنى

هل نحن دخان ؟
نحتاج اجابة

تحياتى

Sweet Violet Says:

اولا بقى ازيك و كل سنه وانت طيب متأخر بس طبعا انت عرفت ظروفى عشان كدا ماكنتش متابعه الى فات

نيجى بقى فى البوست

موضوع الحياء للأسف بقى موضه قديمه ايوة هاقول موضه لان اى حاجه خاصه بالقيم و الاخلاق و الدين كمان بقت موضه زى الحجاب والنقاب والاسدال و الدقون واللبس للشباب ...الخ

للأسف حاجات كتير ادفنت تحت مسمى الحريه

سواء بنت او ولد دا حتى الناس الكبار اللى هما قدوة لينا اكتر ناس بيخربوا الاخلاق

رجاله كبار و الله بشوفهم بيعكسوا بنات اد اولادهم اى نعم البنت ممكن تكون ملفته لكن برضه المفروض يحترم سنه على الاقل دا بدل ماينصحها يعكسها.. و طبعا الشباب لما يلاقى كدا ماهو لازم يعمل زيه

ستات كبار مش محترمه سنها و بتعمل ولا كانها بنت العشرين طيب ماهى البنت لما تلاقى كدا بتقلد برضه

و فى الاخر هما ابهات وامهات يعنى هما اساس التربيه يبقى هانلوم الشباب ازاى


ربنا يهدى الجميع و يرحمنا من زمن اتقلبت فيه كل المعانى

SHAPE YOUR LIFE (ABOALI) Says:

الى ضد التيار
فعلا كنتى عكس التيار
علشان كده النور قل ولا ايه
فى اساسيات فى الحياه
فطرة بتكون موجوده فينا
ساعات تقل
نقوم نزود التيار
يعنى نعيد الشحن من جديد
وكمان مش عازوين نقول انها موضة
علشان نفضل نحسن
لاءن الموضه بتنتهى بنهايه سنتها
المهم
نتكلم فى الموضه ان كانت موضه مادام
الموضة جميله

اما الناس الكبيرة
اعذريهم ماهو ما شوفوش الحلويات دى على ايامهم
اصلو كانوا بيلفوها فى ورق
دلوقتى الورق غالى
ولا ايه

بس سيبكى انتى
انتى النهارة متكهربه

احمد على نصار Says:

طريق الضلال فتح الاشارة وللأسف الكل عبر من غير مايسأل الطريق ده رايح اللي بيحصل في الشارع من البنات شئ لايذكر بالنسبة للاماكن المغلقة لو حالفك الحظ وتواجدت في منطقة كمارينا ستكتشف بعينك اننا انتقلنا الي بلاد الفرنجة مع اننا في مصر وارجع واقولك كله من قاسم امين /كانو في بيوت مغلقة عارفين معني ودلوقت العيب بقي عادي والمش عادي انك تنتقد

بنت الاسلام Says:

نعم

ولكن من السبب الذي اضاع الشباب وهمش تفكيرهم ليصبح كل مايجول بخاطرهم بدلا من تنمية موهبة بدلا من قراءة كتاب بدلا من اختراع او اكتشاف ان يكون كل مافيي راسه ايذا بنات من الذي افسد عقول البنات ليعل كل همهم وهدفهم في الحياة ان يتنافسوا لا علي منصب علمي ولا اجتهاد ادبي ولكن علي موضة واحدث الموديلات اخي الفاضل اعلام فاسد وبطالة ليس لفها بداية من نهاية وفقر واشباح عنوسة وشباب غير قادر علي تحمل تكاليف زواج
فما المتوقع؟؟

نحن امام منظومة فساد متكاملة لانستطيع بها القاء اللوم علي طرف دون الاخر

لاننا لن نصل لحل

تحياتي