, الخميس، 5 يونيو، 2008


لكل عاشق وطن

وانا وطنى حدوتة بشر
جواه شجر وبيوت

وشجرى طير في السما عالى من غير حدود

لكل عاشق وطن
وانا وطنى انسانى
لو زلزلتنى المحن
ما يضيعش عنوانى
لو قلمي مرة انقصف
باكتب واعيد تانى

لكل عاشق وطن
وانا وطنى كلمة حق
عارف طريق سكتى
وامتى اقول ايوة
وامتى اقولها لأ ..
لكل عاشق وطن

وانا عشقى فاق الحد
رغم الهموم و الشجن
هزرع طريقى بالورد
لكل عاشق وطن

وانا وطنى حر طليق
جواه موجود حلمى
وانا حلمى حلم جميل
انى يكون ليا وطن
اكون فيه انسان
على جبهته علامة الغفران
ونهايه قصته رؤية الرحمن

لكل عاشق وطن

وانا وطنى حدوتة بشر

1 Response to " "

د / مروة ابو العينين Says:

وعلشان كدا تستاهل تكون مصرى ,وصدقنى أغلب أهل البلد دى ميستاهلوهاش