سمنة العقول

, الجمعة، 15 أبريل 2011





فعلا البوست ده لما الواحد يقرأه يفطش على روحه

كما يقولون من الضحك المنوع الاسكال والمعانى

فى صباح يوم الخميش استيقظت على صوت ام العيال

تقول فى صوت روحانى يحمل دانة مدفع لدبابة تى 62

استقيظ لكى تذهب بالعيال الى حديقة الحيوادات

وامام ذلك الحصار من قبائل بدو الناتو

هاهم الاولاد زج زج و بج بج و دم الغزال فى حديقة الحيوات

والغريب انى عندما اقترب من اى حيوان

اشعر بالكهربة النفسية ويرق قلبى و اكاد ابكى

ولكنى اقول عيب عليك خلى العيال تتمتع

واحاول ان اجعل العيال يعطون الفيل مما اعطاهم الله وفاض به

وأقول لاحد ابنائى هيا اطعم الفيل يا حبيبى

فينظر لى شذرا وكأنه يقول لى فيش ايه ابو فلافيل

ولا اخفى عليكم سرا

الفيل كأنه لم يذق طعم المياه التى تغسل بدون منذ قرن على الاقل

او لعله منذ فلول الحزب الكرسى

وننتقل الى الدب لعله يكون احسن حالة

ويأتى حارس الدب ليقول خلى العيال تطعم الدب يا بيه

فقلت والله ممكن الدب احسن حال من الفيل وشكله مناسب

واذ بحارس الدب يعطى ابنى عصى

فى نهايتها تمرة او بلحة كما فى باقى اللغات

ويقوم الدب بأكلها فى نهم شديد

كأنه عانى من ازمة البيتزا اثناء الثورة

واكاد اخفى وجهى عن احد ابنائى

الذى نمى عنده بعض القدر من الادراك والفهم

فيقول لى

هو يا بابا الدب يأكل بلح او تمر

ولم اجد حروف الهجاء تساعدنى

فقلت هو الواقع بيقول انه يأكل لحم

ولكن فى بعض الاحيان ونتيجة الظروف يتكيف على الواقع

وعموما البلح مفيد ومغذى يا بجبج

ومن الدب الى البجع

ولابد ان نقول ان المقترب من البجع

يجب ان يقول سبحان الله من هذا البياض الرائع

وتلك الاناقة

ويقول دم الغزال الذى صمت دام 30 ساعة زمنية

اريد يا ابى ان اطعم البجع

فنذهب الى حارس البجع

فيعطينا عدد واحد سمكة حجم 3 مللى لاطعامها الى البجع

وتتقطر دموع دم الغزال

السمكة لم تكفى 20 بجعة تعانى من الجوع

فاشترى له سمكة اخرى فتسقط السمكة من يد دم الغزال

وهو يتمنى ان تتوالد اثناء السقوط

وكأنى بالسمكة تقول يا جدع حرام عليكوا

هى دى منظر بحيرة ترمونى فيها

وقالت لى ام العيال انت هاتعقد العيال بمنظرك ده

افتح نفسهم شوية وتعالى نشوف الاسد

واستمعت وانصعت لها وذهبنا الى بيت الاسد والسباع

وراينا من بعيد الحراس يحلمون اللحوم ويلقونها الى الاسود

والاسود تبدو كأنها تحورت الى قطط ولكن كبيرة الحجم

وتكاد الدموع تفر منها وتقول

شايف يا بيه ربع كيلو لحمة مناسب لخمسة اسود

وياتى صوت الناصح زج زج

ويقول هو احنا بنشوفها دول يحمدوا ربنا

ونردد جميعا اغنية

يا عينى يا عينى يا عينى على الاسد

ووسط حالة الاحتقان التى كانت من زيارة حديقة الحيوانات

تذكرت ان تلك الحيوانات

كانت مثل الشعب

تأخذ الفتات ولا تعامل اى معاملة حيوانية مناسبة
ودائما تعيش داخل كردون واسوار الفقر

وكل من خارج الحديقة من اصحاب السيارات الفارهة
اذا ارادوا التنزة يوما فأنهم يمرون من حولها

وفى ايداهم كانز دايت حتى يقللوا من سمنة الاجسام

ولا يدروكون ان السمنة كانت سمنة العقول

ولابد يوما ان تثور الحيوانات على واقعها

ومن كان يمر حولها ويشاهدها
بالتأكيد سيكون جسمه يعانى من الوهن والضعف

نتيجة تخمة العقول والاجساد

وهذا ما حدث فى ثورة 25 يناير

*******************

لذا بناء على طلب العائلة الموقرة

ادعوا لميلونية ثورية
من على صفحات الفيس بق والمدونات
لتحرير حديقة الحيوادات

حتى لا نستيقظ يوما على صوت اسد يبدو انه اسد

ولكنه اصبح فأر متوحش لم يعد اى من بنى البشر يخيفه

فلم يعد يملك ما يخاف عليه

ونداء اخر الى انفسنا وعائلاتنا

دعونا نتواصل مع بعض ونتحاور ونتصافح

حاملين كل معانى الرحمة والمودة

حتى لا نتصارع ونصبح حديقة حيوان عائلية مصغرة

وفى الختام

ياريت نسمع اغنية

يا قلبى يا طرواه
يا عاشق المرور

مريت على طرة

وكان فرض انك تزور

تاخد من هناك العبرة

وتصلى وتقرا الفاتحة

على اموات احياء

نسيوا اهم معنى

اننا طينة واحدة

والحياه فانية

وصك المرور

انك تكون

انسان

7 Response to "سمنة العقول"

نـــــور Says:

:)

ازيك
كنت على بالى اوى النهارده واستغربت انك بطلت تسأل عنى

عامل ايه ياابو على
ماتتصورش اد ايه بفرح لما بشوف اسمك عندى

متشكره على الاحساس الحلو اللى بترسمه كومنتاتك على وشى :)

لــــ زهــــــراء ــــولا Says:

جميلة ياابو علي ... هي الثورة اثرت كمان ع الحيوانات ولا ايه ههههههه
كان بيجلهم دليفري دلوقتي يا دوب سمكة و3 ملي مش سم وبلحة هاهاهاهااااااااااا

بوست دمه خفيف ولغة الضاد محتاجة منك شوية تظبيط

لولا

لــــ زهــــــراء ــــولا Says:

ابو على
----------
سمنة العقول !!! ياترى يا هل ترى هو لسه فيه عقووووول او اصبحت عجووووووول ؟؟
وياترى هى عقول او لسه امخاخ يعنى جمع مخ مع الاعتذار لللغه العربيه لو كان الجمع خطأ :d
عجبنى اوى الفسحه بتاعة حديقة الحيوان وياااااااااااريت كنت عزمتنى مع العيال عشان بصراحه نفسى اروح الحديقه واتفرج على الحيوانات واطمن على حالهم لانى باسمع كلام كتير عليهم وكمان انت مش اتكلمت عن الزرافه لييييييييييييه دى حبيبة قلبى رقبتها طويله كده وحاجه شيك اوى جدا اوى خالص :))

عجبتنى تلك الجمله " تذكرت ان تلك الحيوانات كانت مثل الشعب "

ياااااااااااااااااااااااااااااااااه فعلا الحيوانات كانت مثل الشعب هناك تشابه كبيييييييير , وكثير هى الاسقاطات التى قراتها بين السطور وتلك الكلمات التى قراتها عن الدب الذى يأكل البلح او التمر و.... و.......

معظم البشر يهتمون بأشكال اجسادهم لازم يكون جسمه متناسق ولكن القليل منهم من يهتم بشكل عقله والكثير ايضا يظل فى الحياه يحيا بمخ ولا يحوله الى عقل ولا يكلف نفسه عناء اى مجهود لكى يقوم بالمحافظه على عقله الذى خلقه له الله سبحانه وتعالى ,
لن اتحدث عما حدث فى ثورة يناير ولن اتحدث عن السياسه من قريب او من بعيد خلينا فى حالنا الشرطه بدأت تنزل والمدونه بتاعتك مش عارفين مين بيقرا فيها والواحد احتمال يقول كلمه كده او كده فجاه يلاقى نفسه فى القفص او فى طره او يمكن فى القناطر ....
اضم صوتى الى صوتك الحيوانات محتاجه فعلا ثوره للتحرير عشان تحس بقيمتها وترجع تانى لمكانتها والناس تقدر تروح تتفرج عليها بدل ما نروح نتفرج على اماكن اخرى ونقطع تذاكر كمان وناخد سودانى وموز وكانز ومش دايت :-p
اما الدعوه الى العائله اسمح لى انى اقول ان خلاص مش بقى فى عيله تتجمع غير فى رمضان على الطعام فقط وتقريبا كل واحد عايش فى مع نفسه ولنفسه وانتهيت الروابط العائليه واصبح هذا هو حال معظم الاسر فى المجتمعات العربيه وهذه احدى التقاليد التى نحاول ان ناخذها من الغرب وقد تناسينا ما وصانا به رسولنا الكريم وما قاله رب العز فى القران الكريم وما ورد على لسان الرسول صلى الله عليه وسلم من احاديث قدسيه ,
دعوه الى جمعة العائله نتقارب من بعضنا اكثر نسمع الى بعض ونهتم ببعض ونحاول ان نطبطب ونحنو على بعضنا البعض ......
اما هؤلاء البشر الذين يعيشون فى طره لا اجد لهم تفسير سوى " نسوا الله فانساهم انفسهم "
تفتكر يا ابوعلى ان الناس اللى فى طره يعرفوا معنى كلمة الانسانيه او معنى انسان او فاهمين اننا كلنا من طينه واحده هما فاكرين انهم من حاجه تانيه غير باقى البشر احنا من طين الارض ويجوز هما من طين كوكب اخر

لن اخفيك سرا انى ضحكت كتيييييييييييير على الكلمات اللى مكتوبه بالمقلوب :))
عجبتنى صورة القذافى وهو بيجرى فى المعلب وياترى الناس عملت له جروب على الفيس ههههههههههه

كالعاده متالق فى الكتايه وما تحتويه ما بين السطور والكلمات له معانى عميقه واكثر من رائعه

زهـــراء

SHAPE YOUR LIFE (ABOALI) Says:

الى نور

جميل ان تضع اناس فى فكرك وبالك وكيانك وروحك دون ان تراهم
وتضع كل اكاليل الاعزاز له وتدعو له بسعادة الوجدان وانفراج الاحوال وسلاسة الطريق

ربنا يا نور يهبك كل صالح ويقربك مما تحبى ويتمناه قلبك

كل التقدير لانسان قدير

SHAPE YOUR LIFE (ABOALI) Says:

الى لولا

هههههههههههههه
بوست خفيف الفراشة مثل الاسد المرعب والتمساح المستئنش

لغة الضاد المرة دى كان مقصود انها تتعارك لكى تتاءلف يوما ما

كل التقدير
لانسان جميل

SHAPE YOUR LIFE (ABOALI) Says:

الى زهراء

هههههههههههههههههه
العجول سعرها ارتفع يا صاحبى وهى اللى بتبنى الاجسام خلى بالك

المخ حلو برضوا
وفيه اغنية قديمة كنت باسمعها من قرنين كده بتقول فى المطلع الاول

مخ مخ مخمخنى
مخ مخ سمعنى وودعنى
مخ مخ انت الالم ووجعى
مخ مخ بلاش فراخ صدقنى
مخ مخ
والتكلمة فى الاغنية بعد قرنين ان شاء الله

يؤسفنى ان اقول ان الزرافة حاليا فى بورتو طره
ولكن مع تغير اسمها الى احمد نظيف بيه

والحديقة خالية من الزرافة
ووووووووووووواء ووووووووواء


فعلا كنا مثل الحيوانات مع حفظ كل مراتب التكريم ولكن اقتربنا منهم بالفعل فى المعاملة وانسحاب العقل منا


مبسوط انك انضممتى لحملة خلى بالك من حيواناتك

وان شاء الله نجاهد حتى تاءخذ حقوقها كاملة



اما عن تجمع العيلة
يقينا سندرك الان قبل فوات الاوان انه ان الاوان لكى نصل الارحام لانها سبب رئيسى فى جلب الرزق وازدياده كما قال الرسول صلى الله عليه وسلم

وان شاء الله نوقن ان الالتحام هو قوة الرائعين فى الحياه

الناس فى طره كانت كلمة الانسانية ليها مفهوم اخر عاشوا فيه واقتنعوا به غير الذى كنا نحلم به يا سيدتى

الكلمات المقلوبة
جاءت لتعكس الواقع المقلوب
وتحاول ان تسير فى تغيره

والقذافى نموذج لواقع مقلوب بالفعل


عن جد يا زهراء اشكر ربى ان منح تلك المدونة
اناس بهذا الفكر تستضيىء بهم وتتزين
ولديهم المعانى والقدرة لكى ينيروا الحياه بمصابيح يكسوها العطاء المستمر

لك كل التقدير كل الحياه كل السعادة كل البسمة كل الرحمة

واحنا الغلابة
عاوزين بس العطف والحنان
ونكون معكم فى الركاب


تقديرى

لميس Says:

العنوان لفت نظرى جدا
فعلا سمنة العقول الى تأثر على نشاطها وتمنعها من الفهم والتمييز اهم كتير من سمنة الأجساد وعلاجها أصعب كتير