غصن اغصان

, الجمعة، 30 أبريل 2010


قالتلى دور على غصنك

انت اكيد ليك اغصان

دلتنى من بعيد على بستان دليل

وانا ماشى لقيت شجر اشجار

من بعيد شافنى غصن الموز

قال تعالى يا حبيب الروح

خذ منى غصن سميه غصن اللين

امشى بيه بين الناس تملأ حياتك احساس

قرب منى غصن الزيتون

قال خد منى غصن

بالسلام كن تكون عايش

فى الوسط غصن الرمان

اه عليه سبحان سبحان

قال خذ منى غصن الايمان

شوف منى تنظيم الكيان

لمحت اغصان النخل شموخ واقف

قال خد غصنى يكون ليك حارس

عطاء عطاء من غير همز تنابز

وفرحت وللفرح اغصان تفاح

قال خذ غصنى تكون منير زاهر

تسرى فى دمائك حياه روح ارواح

تعيش بالاصرار حماس مكنون نابض

تزرع وبالغرس تكون حاصد

الله عليك راكع ساجد

من بين العيون ظهر اغصان تين

خد غصنى وعيش بالصبر صبرى

فى تأمل اغصان عنب عناب

هندسة معمارية سبحان خلاق

خد غصنى واتعلم

من عنقودى الدنيا مراحل

حبه حبه اكون عنقود ساكن

وقفت محتار لقيت غصن عليا بينادى

انا البرتقال غصن اغصان عصير شفا شفاء

خد غصنى وكون مفيد هادى

اعصر نفسك الجنة بتنادى

مانجو مانجو ليه تبعد عن اغصان المانجو

غصنى نوع انواع

خد غصنى و اعرف العنوان ظاهر عيان

انى الخلق شعوب قبائل

مع الكل احسن التعامل


خرجت من البستان

عازف معزوف فى السما ناظر

نجمة قمر شمس

احنا ليك ضياء خدم جاهز

انكسرت عينى شوفت الارض

قالت اوعى فى يوم تكون عاجز

خد منى الثبات واليقين باسم

ده انت منى وليا تكون راجع

قالتلى روحت فين ؟

قُلت الدرس مفهوم فهمان

عرفت انى غصن اغصان

ولما ابعد هانسى انى انسان

وان نسيت هارجع

ادخل البستان

اكون ريحان كائن

23 Response to "غصن اغصان"

Kiara Says:

اول تعلييييييييق

Kiara Says:

عرفت انى غصن اغصان

ولما ابعد هانسى انى انسان

وان نسيت هارجع

ادخل البستان

اكون ريحان كائن

الله ياابوعلي دايما كدا بوستاتك بتوصل رساله ومغزي كبير لكل القراء

كلمات من نور Says:

قُلت الدرس مفهوم فهمان
عرفت انى غصن اغصان
ولما ابعد هانسى انى انسان
وان نسيت هارجع
ادخل البستان
اكون ريحان كائن
*********************

الله عليك يا إنسان ....دايما بتعلمنا وتخلينا نحس بآدمية نسيناها من زمان ...ربي يجعلك دايما في معية الحنان المنان

لــــ زهــــــراء ــــولا Says:

ابو على

الفكره تحفه بجد
ياريت كل واحد فينا ياخد
من كل غصن ما يفيده بس ياترى فى حد بيسمع وفى حد بيفهم
عارف لو نسينا ده مؤشر كويس اننا اتعلمنا ونسينا بعد كده
الخوف بجد بجد اننا نكون مش فهمنا الدرس فى وقته

ما شاء الله كل مره باتعلم من هنا دروس فى الحياه
عارف نفسى اكون نخله واخد منها اغصان لانها بتكون عاليه اوى واللى يحدفها بطوبه هى بقى تحدف له اطيب ثمار فيها
نفسى كمان اكون غصن زيتون انشر السلام بين الناس اللى بتقطع بعضها على اتفه الاسباب

الله عليك ربنا يحفظك ومن تالق الى تالق
دمت مبدع متالق
دمت لنا استاذ نتعلم منك وفى مدرستك

زهراء

yara Says:

انها ايات الله فى الكون ..لذلك يدعونا ديننا القيم الى التامل فيما حولنا والا يوجد بيننا من ينظر نظرات عابره بدون ان ياخذ حكمه يستنفع بها ...فانت بتاملك هذا جعلتنى اشعر ان كل شىء فى الكون ينطق ولكن بلغه وباسلوب مختلف ..كل مخلوق يريد ان يوصل للانسان رساله وكانه يقول له لقد كرمك الله علينا جميعا فلا تجعلنا افضل منك فى اشياء كنت انت الملزم الاول بها سواء من اللين او النظام او العطاء او او او الى اخر تلك الصفات ..موضوعك هذا جعلنى ادرك قيمه العقل ومعنى التامل فهى كلمات لم تاتى الا من عقل واع وقلب شفاف يشعر بقلبه ويعى بعقله ما حوله ويسعى ليستحق تكريم الله له ..ولكن ليتنا نلتزم ونتعظ حتى يباهى الله بنا يوم القيامه فنحن خلفاؤه فى الارض .

هذا الكون مدرسه كبيره كل مخلوق فيها استاذ ومدرس يعطى درسا لبنى البشر وكانهم مسخرين حتى لمساعدتنا فى اتمام رسالتنا على الارض وفى الحياه فياليتنا ندرك هذه القيمه والنعمه ونتعلم من هذه الدروس .


اشكرك يا ابو على لانك تجعلنا ندرك الاشياء بمنظور اكثر عمقا واكثر جمالا .

جنّي Says:

السلام عليكم

كيفك يا ابو علي يا جميل ...

بحثت خلال البوست عن غصن معوج ولم اجد لأن العين الجميلة ترى الوجود جميلا ولا ترى القبح الا العين القبيحة ..

اهنئك على روحك وعينك الجميلة ..

تحيتي

sony2000 Says:

قالتلى دور على غصنك

انت اكيد ليك اغصان
بجد احلي حته
عجبتني موت
حستها جدااااااااااااااا:)

آخر العنقود Says:

فكرة رائعة
وصياغة أروع

فعلا ياريت ندور على الاغصان
وناخد اجمل مافي البستان
ولانأخذ من الورود غير عبيرها :)

دمت بكل الخير والود

romansy Says:

ابو على يا غالى انت بتجيب الكلام الحلو دا منين تصدق انا لما ادخل عندك بحس انى فى جنه فيه فعلا حاجات جميله قوى حوالينا سبحان الله التامل شئ مطلوب علشان نعرف قدره ربنا على خلق الاشياء
ربنا يسعدنا يارب دايما

غير معرف Says:

من كل شجره غصن مفيد

اتمنى الا نقطع خطأ غصن من شجره شريره ..

تحياتي

ستيتة Says:

ابو علي باشا
من امبارح عاوزة اعلق على البوست
بس جوايا طاقات سلبية
دائما افضل ان احتفظ بها لنفسي ولا اشيعها في الجو
حزينة جدا يا ابو علي على المخطط اللي احنا ماشيين عليه بالسنتي
نخسر بلد في الشرق وبعدها بشهر بلد في الغرب لما بقينا كلنا اغصان غير متناسقة
وكأن اصلنا ليس واحد
مع ان الجنايني حلف ان اصلنا واحد
ربنا يكرمك وتحياتي على تشكيلة الأغصان والفاكهة الحلوة

الازهرى Says:

بين الأشجار فى غابة الحياة نعيش وننطلق
ربما نتعثر فى اشجار تنبت الثمر المفيد
وربما تصدمنا أغصان شجرة ناتئة عن مكانها
وربما تهضمنا نباتات آكلة للحوم

وتستمر الغابة
فالحياة لا تنتظر أحدا

تحياتى وخالص مودتى

SHAPE YOUR LIFE (ABOALI) Says:

الى كيارا
يا فندم منور ونقائك تفاعل فى المدونة مع الكلمات والحروف

فكان البريق وكان الماس وده شيىء ماءلوف



تقديرى لوجودك ها هنا

SHAPE YOUR LIFE (ABOALI) Says:

الى كلمات من نور

الله على القلوب النقية التى تقرء ومع قراءتها تطلق معانى ترتاح لها القلوب

مشكورة سيدتى على الحضور الدائم

SHAPE YOUR LIFE (ABOALI) Says:

الى زهراء

ولما لا سيدتى امامك الفرصة لتزرعى بستان بالنخيل
فنحن تعلمنا ان الحياه ليس بها مستحيل
مادام هناك اصرار ونية صالحة من الشخص

وقالوا

ان سلامة القلب
صدق الاهتمام
وضوح الهدف

هم قاطرات النجاح

وماشاء الله عليكى ارى انك تملكين فلا تتراجعين عن غرس نخلك


تقديرى

SHAPE YOUR LIFE (ABOALI) Says:

الى يارا

هذا الكون مدرسه كبيره كل مخلوق فيها استاذ ومدرس يعطى درسا لبنى البشر وكانهم مسخرين حتى لمساعدتنا فى اتمام رسالتنا على الارض وفى الحياه فياليتنا ندرك هذه القيمه والنعمه ونتعلم من هذه الدروس .


ياااااااااا جمال تلك الكلمات التى نثرتيها هنا يا يارا
وكم كان مذاقها متنامى متصاعد
ومن فعلا يقدم الشكر هو انا

تقديرى للفكر المحترم

SHAPE YOUR LIFE (ABOALI) Says:

الى جنى

من قرء وقلبه صافى هو من ادرك المعانى سيدى

لم تقرء انت المعوج فكان لك القلب الذى ارشدك الى المستقيم

ربنا يهب لنا الاستقامة

تقديرى لوجودك وتشريفك

SHAPE YOUR LIFE (ABOALI) Says:

الى سونى

وماذا بعد الاحساس يا سونى

هل بحثتى عن اغصان نفسك واعادتى تهذبيها

اتمنى


خالص تقديرى

SHAPE YOUR LIFE (ABOALI) Says:

الى اخر العنود

وليه نطرح كلمة ليه

نبدء نشوف الاغصان ونكتبها كمان
كده نكون بدءنا
ونبتدى نطبق و نروى اغصنانا


تقديرى لحضورك وتشريفك

SHAPE YOUR LIFE (ABOALI) Says:

الى رومانسى

كيفك يا انسان

جنة الدنيا الزوجة الصالحة ربنا يهبها لك ان شاء الله ويقربك منها

والبستان هو الحياه المقترنة مع الاخلاق والمبادىء فهى تلك الاغصان التى يرتكز عليها الجذع وهو جسدنا


تقديرى لما كتبت يا انسان

SHAPE YOUR LIFE (ABOALI) Says:

الى فتاه من الصعيد

لييييييييييه يعنى ماوراناش صعايدة ولا ايه

حاسب على نفسك يا انسان انت رمز الامان


تقديرى للحضور الدائم

SHAPE YOUR LIFE (ABOALI) Says:

الى دكتور ستيته

اتابع سيدتى واعرف مرارة ذلك الاحساس
الذى يجرنا الى الخلف ويعمق فينا احاسيس الاحباط والانهزام

ولكن يا سيدتى انظرى من بعيد لحال البشر
نحتاج ان نكون تلك الكلمة بمعناها

لان الفاقد للقيم والمبادىء لا تبكى عليه الارض بل تتمنى ان تتبلعه
اذا وجدتى سيدتى اناس حولك يحترمون كيانك ويقدرونك
وقلوبهم امتئلت جهد و كانت كلماتهم كلها رونق فى تعمير ذلك الكون
يعنى يا سيدتى
يتكلمون كلام مووزن

هولاء سيدتى هم بنى البشر الحقيقين
وهم اسس اى مجتمع ناجح

حالة التشتت التى نحن فيها والحزن
نتيجة اننا نبيع الكلام ولا نطبقه
واصبحت الحرفة هى الاقوال وليس الافعال

عندما ترى بيعينك عمال يعتصمون امام اعين العالم كله
ولديهم رغبة اكيدة فى العمل
ويعتصمون امام مبنى برلمان الامة
ولا يتحرك ساكنا اى عضو ولا حتى من يدعون انهم نواب الشعب
اليس هذا هو الحزن بعينه
بل وتتجلى امام عيناكى وتترقرق الدموع
ان عليه العوض

الوصول الى تلك النقطة
معناه تحلل قيم مجتمع ومبادئه
والخروج من الشرنقة هو نور الالتزام بالمبادىء


سيدتى اتبسمى وكونى على ثقة ان الخير ات
ولكن اصنعى من حضرتك نسخ تدعو وتنمى وتغرس ولا تحتل مقاعد الناقدين فقط
ولكن العاملين يد بيد لنصلح معا"


تقديرى العميق سيدتى

SHAPE YOUR LIFE (ABOALI) Says:

الى الازهرى

لست من المؤيدين يا ازهرى للفظ غابة

حينما نطلقها على الحياه

الحياه كائن والغابة كائن يضم كائنات
والانسان كائن

لكل منا فواصل عالمه ومكنون معانيه

الوصول الى التكامل والاحساس اننا كون له مفرادته واستخدام تلك المفرادت كلها للارتقاء
هو النجاح بعينه

لذا اذا انطلقت الى البستان اقطف منه ما يزيد انوارك
فاءنت لديك الاساس


تقديرى لك يا انسان