عُض نفسك

, الأحد، 7 فبراير 2010


المشهد الاول


دخلت من على باب الشقة لاقيت ام العيال مقابلانى

هو انت فين طول النهار وسيب ليا عيالك دول مش تقوم بمسئولياتك شوية

قولت حاضر من عيونى وكيانى

قالت اه اه ابدء بقى وقول كلمتين لزوم الاستهلاك المحلى

قلت يا ستى نخليهم مستوردين علشان خاطر عيون ام زجزج وبيج بيج

العيال ماسكين فى بعض طول النهار انا زهقت


المشهد التانى

ايه يا زجزج وانت يا بيج بيج حد يزعل ماما ست الكل نور عيونا كلنا

قال زجزج مهو يا بابا بيج بيج عمل حملة مضادة

قولت ايه ايه حملة مضادة اعوذ بالله

ليه يا بيج بيج تعمل حملة مضادة وتزعل اخوك خليها حملة قومية

قام زجزج قال يا بابا الموضوع جد

المشهد الثالت

يابابا انا عملت نشاط اجتماعى فى المدرسة وعملت مجلة تحت عنوان نظف نفسك

قولت الله الله الله هو ده الكلام احنا فعلا نسينا النظافة وطريقة التنظيف كمان

علشان كده نتعرض لهجوم من الامراض الوحشة

صح يابابا

لكن بيج بيج عمل حملة مضادة وقال ليا انه هايعمل مجلة بعنوان عض نفسك

يرضيك كده يا بابا

امممممممممممممم مجلة عض نفسك صعبة اووووووى دى يا بيج بيج

شوفت يا بابا كده بيج بيج هايهد اللى بعمله

قولت طب ايه وجهة نظرك يا بيج بيج فى مجلة عض نفسك

قال يا بابا هو لو سئلنى كنت قولت ليه

قلت فعلا لما نريد الاستعلام عن شيىء محيرنا نسئل وبلاش نجتهد

ايه بقى وجهة نظرك

قال عُض نفسك دى كناية يا بابا عن لوم النفس وتاءنيب ضميرها

يعنى لما نتعرض للمرض ويكون نتيجة تقصير منا يبقى نعض نفسنا

ولما نرمى مثلا قشر موز واحنا نتكعبل فيه يبقى نعض نفسنا

قوووووووووولت ماشاء الله ايه الفكر الجميل ده يا واد

زجزج قال

بس ده يا بابا هايخلى الناس يقرؤا مجلة بيج بيج

قولت مش شرط يا زجزج فيه ناس بتحب الاسلوب الكلاسيكى او المعتاد فى النصح

وناس تحب الاكشن وكده

يبقى الفريقين كل واحد يختار اللى يريح فكره


المشهد الثالث


تعرفوا يا اولاد

كنت زمان امضغ لبان وشافنى واحد زميلى وقال ايه اللى بتعمله ده مش عيب عليك كده

وانت كبير تمضغ لبان وتبقى شبه الستات

كده انت متشبه بهم و ربنا هايكون غضبان عليك

وده اسلوب مش كويس

وانا طول الوقت ده ساكت

وبعدين قولت

خلصت كلامك قال هو الكلام هايخلص مادام فيه ناس زيك

قولت يا صديقى

قبل ان تجهد نفسك فى الحيرة واطلاق الشتائم

اسئلنى وانا اعرفك ليه

الدكتور قال لما تحس بحبة حموضة فى معدتك امضغ لبانه هاتقلل شوية من نسبة الحموضة

وبعدين تتحسن

ده السبب

قالى مش تقول

قولت ومش تسئل

علشان كده يا زجزج اسئل اخوك بهدوء واعرف وجهة نظرة واحترمها يمكن يكون عنده فكره

او وجهة نظر مش واضحة بدل ما نتخانق ونتضايق ماما حبنا الكبير

المشهد الرابع


ايه ايه ده انت لميت العيال وعملت حزب بدل ما تيدى كل واحد على دماغة من الدوشة اللى عملينها طول النهار

سئلتها طب كانت الدوشة دى سببها ايه

قالت معرفش يا مدلعهم

قاااااااااام زجزج وبيج بيج فى نفس واحد

اسئلى تعرفى ياااااااااااااااااااااااااااا ماما

المشهد الاخير

عض نفسك

جبااااااااااااااااااااااار الواد ده ابن مين ؟




بعد ان تقرء اول مرة اقرء مرة كمان

صدقنى مش هاتندم

وبعدين ان كان هناك درجة من عشرة

اعطى درجة يا استاذ وليك دعوة هدية اسبوعية





67 Response to "عُض نفسك"

نـــــور Says:

:))

مين زجزج وبيج بيج دول ياابو على
ايه اسامى الكفار دى حرام عليك ده دلع ولا توبيخ للعيال؟ ههههههه

شوف ياسيدى اولا ماشاء الله تفكير اولادك الاتنين جميل ربنا يخليهملك
بس على فكره احنا فعلا مفتقدين لحتة اننا نسمع قبل مانتكلم دى
كلنا كده او معظمنا
بنتسحب من لساننا ونقوم نازلين على دماغ اللى قدامنا زى ماصاحبك عمل من غير مانديله حقه فى الدفاع
وتقول ايه بقى فى ناس من غير ما تسأل ولا حتى تكلف خاطرها انها تنصح فى شكل توبيخ وتروح من وراك تتكلم وهى معتبراك مخطئ وهى اساسا ماسمعتكش ولو كانت سمعتك يمكن كانت دافعت عنك كمان

ملحوظه: لا بس حضرتك بتعرف تثبت ام العيال جامد بتاكل عقلها بكلمتين من الاخر:) والله لو كل رجاله مصر بتعمل كده مع مداماتها ماكان حد اتطلق اصلنا هبل والله وبيتضحك علينا بكلمتين :)

على الهامش
اسفه ياابو على على انى مكنتش بعلق عندك بس انا بتابعك اول باول من الريدر وكان عندى حالة زهق نادر لما كنت بكتب كومنت عند اى حد
على اى حال مدونتك من المدونات اللى لازم الواحد يشهدلها بالاحترام
وياريت ماتزعلش ادينى رجعت اقرفك بتعليقى اهو :)

نـــــور Says:

نسيت اسألك ياابو على
مين البونبونايه اللى فى الكرتونه دى
ياخراشى عالجمال لو ده حد تعرفه بوسهولى الله يكرمك :$

راء Says:

:)

ماشاء الله ايه التفكير الخرافي ده..بس كده هنعض نفسنا كتير اوي ..

عجبني اوي الاسلوب بتاع حضرتك..الحوار والهدوء ده في معظم الاحيان بنفتقده عشان كده التواصل بينقطع احيانا

عسولين زجزج وبيج بيج دول مع اني اموت واعرف ده دلع ولا نيك نيم ^_^

تحياتي

romansy Says:

اهلا اهلا عمى ابو العيال
اخبار التثبيت ايه انا هتعلم منك يا ابو على يا غالى
اولا تفكير جميل اننا نحترم وجهه نظر الاخرين ودا لو موجود فينا اننا نحترم الراى والراى الاخر هتختلف تركيبه الشعب المصرى نهائى هيتولد فينا بيج وزجزج كتير فى بلادنا بس بيسئالوا مش بيستنتجوا
هيبقى فينا تانى طه حسين والعقاد وناس كتير نتشرف بيهم
بس دلوقتى لاسف كل واحد فاكر بس انه هو صح
وزى ما بيقولوا المركب اللى فيها ريسين بتغرق

انا اديلك 8 من عشره يا ابو على
على اقناعك للعيال
و20 على 10 لتثبيت ام العيال

سواحة Says:

اممممممممممممممممم
مابحبش ادى درجات
بس حاضر انت الى طالب

7و نص من 10

ماشى مفيش زعل :-))
انا كنت حديلك 8 بس اتغظت انك خلتنى اقراه ثانى :-)) ما انا فهمته من اول مرة و ثانى مرة مااضفتش اى جديد
مفترض اننا مش حنلقط المعنى ليه ؟
و لا انا ملقطتش الى انت قاصدة من القراءة الثانية ؟؟؟ امممممم

بص ياسيدى الفاضل
انا من بلا فخر صنف غتيت من البش
يا أسال يا اسكت
و لاحظت ان اغلب الناس بتتضايق من السؤال بتعتبره حاجات كثيرة غير السؤال و العادة الرد الاولى بيبقى هجومى على اساسا انك مش بتسال انت بتتريق او بتنتقد ولما يفهموا انه سؤال يبقى انت غبى و مفهمتش يبقى ياما حيضيع وقته و امره لله و يجاوب و ياما يطنشك :-)))))
اى والله

المهم
:-))) طلبت التعليق ارغى بقى براحتى و اسال كمان :-))))
طيب (هو اقتراح:-) اكثر ) ليه زجزج و بيج بيج ميعملوش مع بعض جريدة عض نفسك ثم نظفها
يعنى يظهروا العيوب ثم طريقة الحل
زى الاخبار لعلى ومصطفى امين
و ممكن يشتهروا و بعدين يتامموا :-)))

قلم رصاص Says:

بجد ماشاء الله على التفكير الرائع دا
ربنا يحفظهم يارب

وفعلا فكرة عُض نفسك جميلة جدا

ولازم نسأل قبل ما نحكم دي حقيقه لابد من الالتفات ليها

وقريبه من نفس فكرة الأية الكريمة اللي جاء فيها ولا تقربوا الصلاه .. زي ما احنا عارفين انها كلمة حق يراد بها باطل..
لكن لو كملنا الأيه للأخر سيظهر الحق ويزهق الباطل ..

ارجو مكونش فشلت في التشبيه

موضوع رئاع أستاذنا الفاضل

تقبل مروري وتقديري لشخصكم الجميل

Cute Kitty **sookra Says:

اولا وقبل اى شىء
انا مدينه لحضرتك باعتذار لان لما كنت فى اللقاء بتاع دكتور ستيته وقالوا ابوعلى بصراحه افتكرتك ابوعلى اللى بالعربى دا وبصيتلك بقرف كدا وموش رضيت اهوب ناحيتك خالص
لكن بعدها وبعد ما روحت بيتنا وسمعت عند الناس عن ابوعلى الانجليزى قلت يبقى لازم اقدم اعتذارى

ثانيا بجد بجد ربنا يحرسلك اولادك دول ماشاءالله عليهم وطبعا ابن الوز عوام
وحلوه فكره عض نفسك كدا بقى هنروح لدكتور كل يوم بسبب العض دا لاننا فى حياتنا غلط كتير
بجد تحياتى لحضرتك وللولاد
ربنا يباركلك فيهم يارب
اما عن الدرجه وطبعا عشان اخد الهديه
هنديك 9 من عشره عشان كان لازم تصالح امهم قبل ماتتناقش معاهم
مساك شيكولاته

أحمد الصعيدي Says:

كدة متهيألي ممكن بعد فترة نكون مصاصين دماء

ربنا يخليلك اولادك

أمل حمدي Says:

أسلوبك يا ابو علي في توصيل المعلومة

أسلوب تربوي بحت تجذب القاريء وتجعله

يقتنع تمام الاقتناع

العض دائما ينتج عن الندم

الندم على التسرع وعدم مراجعة الأمور جيدا وعدم تقدير العواقب جيدا

طرح مميز لعقل مميز لانسان مميز

دمت بكل الخير

كلمات من نور Says:

نشاط موحي بالخير للأبناء ....نظف نفسك وعض نفسك فكرتني بعبد السلام النابلسي لما قال في فيلم ما : كل واحد يضرب اللي جنبه قلم ..وجه من نصيبه كف الشاويش عطية وقال : إيد دي ولا خف جمل ...احنا محتاجين فعلا لليقظة و التذكرة دائما كي نعود إلى الحق...تحياتي

ستيتة Says:

الله الله الله
مش هو ده برضه المعنى بتاع إلتمس لأخيك عذر
وخاصة لو كان أخيك مش اي اخ
ده اسمه زج زج :)

اسلوب نضف نفسك اسلوب الأغلبية في حل مشكلة
لكن اسلوب زج زج هو ده الإبداع

بوست رائع وانتقاص درجة واحدة منه سواء في اسلوبه او المعنى اللي وراه يبقى حرام

عشرة على عشرة

انا قايمة اعض نفسي بقى :)

غير معرف Says:

حلو اوووى عض نفسك فكرة جديدة برده و وجهة نظر

فعلا فى ناس اى حاجة تجيب لها تسبب من عندها بقول عليهم ناس بتفهم لوحدها
ههههههههه

ربنا يخليهم لك

الشعب لابد له من حكومه تشكمه Says:

عض نفسك,,
ايه الكلمه الروعه دى والله حلوه اوىىىىىىىىىىىىىىىى بجد,

انا عاوزه اطلب ايد بيج بيج مش دا صاحب فكره عض نفسك,
انا توسمت فيه فارس احلامى باين على تفكيره:)

غير معرف Says:

هههههههههههه

انا بيعجبني التعامل الهادي والحوار مع الولاد ده

انا طبعا احب احيي ام زجزج وبجبج .... لأنهم باين كده عليهم اشقيا

عموما أنا ادي درجه عشره من عشره .... وعشرين من عشره لمخ العيال دي :)

يا ريت نتعلم نسأل ونتناقش ونعرف وجهه نظر الاخر قبل ما نتخانق معاه ... لانه غالبا هيطلع متفق معانا

تحياتي

محمد فؤاد (صاحب عمود النور) Says:

الله ماشاء الله
دائما متميز يا ابو على
احب جداا الاسلوب دا من عرض المشكله او بمعنى اصح بحب الاسقاط وخصوصا لما تبقى قصة مشوقه رغم بساطتها والاسلزب جميل

10/10

احستنت يا استاذ

موناليزا Says:

جميل فعلا
وجهات نظر تحترم جدا ومتفقة معاها أيضا
والدرجة هتكون9 على 10
والدرجة مخصومة من الأم:)

Baskouta Says:

بوست رائع
دي اول مرة ليا هنا
بجد البوست تحفة وعجبني جدا
الحوار بينك وبينهم
وتستاهل عليه 10\10
وهم 100\100 لانهم بيفكروا كدة
ما شاء الله

تحياتي البسكوتية الصباحية

فراشة Says:

انا بجد فى قمة سعادتى انى اتشرفت بزيارة حضرتك ومدونتك الرئعة دى
الموضوع حلو جدا وطريقة توصيل المعلومة شيق قوى
وكلنا بنقع فى هذا الخطأ
بجد بحيى حضرتك على الموضوع
واكيد بعد كده حسأل الاول قبل مااتعصب
اما عن الدرجة اللى احب احطها
حتبقى 10 من 10
تحياتى لحضرتك
وبإذن الله تتكرر الزيارة

MaNoOoSh Says:

لفتني العنوان جدا جدا
لاني بصراحة بحب العض جدا


اكتر شىء لفت انتباهي
ان بابا لسة بيسمع لزجزج وبيج بيج
ويعرف هم بيتخانقو ليه
وكمان عجبني تثبيت مامتهم


بالنسبة لفلسفة العض
بأيدها جدا بس مش لازم تبقى عضة جامدة قوي يعني
ممكن نعض نفسنا عضة خفيفة علشان نبعد عن الغلط اللى عضينا نفسنا بسببه

10/10 يا ابو على
والسمع أكيد أكيد بداية التفاهم وعلشان كده ربنا خلقلنا ودنين

yara Says:

يا سلااااام يا ابو زجزج
ابدعت والله فى حوار نتمنى ان يوجد بالفعل داخل بيوتنا مثله..بدايه من الدبلوماسيه الراقيه والتثبيت فى التعامل مع المدام ...الى الاستماع الى الابناء باهتمام وتشجيعهم ...الى ابداء النصيحه فى صوره جميله مع ضرب امثله .....الى انك بتاخد كل واحد فى البيت على قد عقله ....الى انك فى الاخر بتقوى العيال على امهم الغلبانه وهى اللى طلعت غلطانه يا عينى بس اهى اتعلمت درس برضوا ..

والله يا ابو على حوااااااااار لذيذ وراائع ومفيد جدا وفعلا لالالالالالالالالالالازم نسال لنعرف قانون مهم جدااااااااااا لابد ان يتواجد فى حياتنا وهذا سيولد بيننا القرب اكثر والثقه والتفاعل والنقاش واكيد نتيجه لكل ذلك تقدم ورقى فى كل شىء.

عشره على عشره يا باشا مفيش كلام.

SHAPE YOUR LIFE (ABOALI) Says:

الى نور

تؤتؤ مين مين
نور تحتل الصدراة ياااااااااااه
جميل ان تبدء صفحة التعليقات بنور
شيىء يدعو للتفاؤل بالفعل
اسعدنى مرورك يا نور ورايك المحترم ههههههههه
زجزج وبيج بيج دول نماذج وطنية فى المجتمع المحلى المعنوى ولالالالالالالالايه
بدون استخدام المهارات فى تمرير بعض الاوقات الصعبة هانتعب ونقف عند كل مشكلة وده هدف من اهداف البوست

اتمنى مدوامة زيارتك لانك بالفعل اعتبرك من اصحاب تلك المدونة
كم كنت اعشقك كتاباتك مع مدونة غروب مع عايزة اطلق واناس كثيرة وكيارا وكان فيه تفاعل رائع بيننا

المهم
انك بخير وحياتك ان شاء الله كلها خير

ومن عيونى الواد اللى فى الصندوق ده هدية ديلفرى حالا تكون تحت امرك

منورانى يا نور

SHAPE YOUR LIFE (ABOALI) Says:

الى just smile
يا اهلا يا فندم
عجبنى اعجابك بالبوست واللى يخاف من العض يروح ولا ايه
فعلا الوقت الحالى العض فيه كتير
بس بايدينا نغير ان شاء الله

زجزج وبجبج اناس يعيشون فى سلام مع النفس
ومجرد بسمة نضعها فى حياتنا من خلال اسمائهم

اسعدنى مرورك من هنا يا انسان

SHAPE YOUR LIFE (ABOALI) Says:

الى رومنسى

يا قهلا يا قهلا بالناس اللى وحشانا
وحشنى يا رومنسى والله

صح كلامك يا رومانسى النقاش والاستماع الى راى الاخر ومحاولة الوصول الى نتيجة تتوافق مع كل من الطرفين او حتى الصحيح نقتنع بيه مهم

فن التثبيت ده منوفى الا صل يا معلم

ولالالالالالالالالاايه
تقديرى يا انسان

SHAPE YOUR LIFE (ABOALI) Says:

الى wanda
تعليق مميز يا واندا وعجبنى ليه بقى
بصى يا ستى مادام بقى اتكلمنا نبقى نرغى بقى

اولا الناس دايما مابتحبش اللى يسئل كتير بشكل مباشر
نعمل احنا بقى ايه نسرسب منهم الكلام بس بطريق غير مباشر يعنى ناخد اللى احنا عاوزينه بس بالذوووووووووق

ثانيا

مضايقة الناس وطناشهم
فيه جزء كبير علينا لاءن البعض بيفتكر ده تطفل
طب حله ايه
حله اننا اولا نسمع ليه الاول ونجره فى الكلام حبة حبة وكمان يحصل زاى حوار
يعنى الطرفين يتكلموا بس واحد منهم بيحكى والتانى بقى فاهم كويس هو بيوجه الكلام فين

على العموم
نعمل بنصحيتك ونبدء نفكر فى مستقبل زجزج وبجبج وممكن انتى تبقى امينة التنظيم ولالالالالالالالالالالالاايه

مشرفانى فى اول ظهور لك وان شاء الله دايما
وسعدت جدا بالرغى المفيد

SHAPE YOUR LIFE (ABOALI) Says:

الى قلم رصاص

لم يفشل التشبية يا استاذنا يا غالى
فعلا فى محله

والسؤال قبل الحكم ضرورى خصوصا فى ظل العشوائية التى نحيا فيها حاليا

اسعدنى ظهور ذلك القلم فى صورة شخصكم الكريم هنا

SHAPE YOUR LIFE (ABOALI) Says:

الى سكره

امممممممممممممم وانا اقول انى الوش المسكر بتاعى راح فين (وش بيغمز)
على العموم ربنا يجعل كل الخير ان شاء الله

سعيد بتعليقك السكر واتمنى ان يستمر التواجد لانى كده المدونة هاتتعود على الحاجات السكر الجميلة دى

وعندك حق هانروح للدكاترة كتيييييييييير
بس عزاءنا الوحيد اننا هانشوف عض كتييير فى اجسادنا فننتبه الى اعمالنا

اسعدنى وجود السكر فى المدونة وكل السعادة لك ان شاء الله

فشكووول Says:

ازيك يا ابو على
هما العيال يا اخويا بقى اخر لماضه والواحد ما بقاش يسلك فيهم خالص ..
تحياتى

SHAPE YOUR LIFE (ABOALI) Says:

الى احمد الصعيدى

هههههههههههههه
مصاصين دمااااااااااء فعلا فكرة رائعة
بس هانجيب الدم منين ههههههههههه

اسعدنى مرورك الذكى

SHAPE YOUR LIFE (ABOALI) Says:

الى الفاضلة امل حمدى

كلنا انسان يا انسانة نستفيد من بعض ونعطى الحياه كى تعطينا ونتفائل كى نعيش

زرع الله على وجهك البشر والقبول ان شاء الله يا انسانة


تقديرى

SHAPE YOUR LIFE (ABOALI) Says:

الى كلمات من نور

هههههههههههههه
عبد السلام النابلسى
برىء يا بيه والله برىء

فعلا نشاط حركى حمرى جمرى
كل الود لك ولك عظيم الاجر على بشاشتك ونقاءك
بالفعل اسعد بوجوك كلمات النور هنا


مشرفانى يا انسانة

SHAPE YOUR LIFE (ABOALI) Says:

الى دكتورة ستيته

يا قهلا يا قهلا بالناس اللى وحشانا والله والله مفتقد ذلك الوجه الجميل الذى سعدت به فى اللقاء

يلا بقى دنيااااااااااااا

زج زج وبج بج خلى بالك بقى هايعملوا تجربة معملية عظمى وشكلهم كده عيال شكل

وبتوع مشاكل الكترونية وخايف على على الاكترون منهم
هههههههههه

تقديرى لشخصكم الكريم

SHAPE YOUR LIFE (ABOALI) Says:

الى star in the sky

فعلا عض نفسك حتى تصبح عضاض
هههههههههه

وفيه ناس فعلا بتفهم والفهم عالى عالى
ربنا يهدى الكل

ربنا يوفقك الى كل خير ونشوفك نجمه فى الارض
ولالالالالالالاايه

مشرفانى يا فندم فى اول ظهور للنجوم هنا

SHAPE YOUR LIFE (ABOALI) Says:

الى الشعب عاوز حكومة وشعب يشكمه

فييييييييييييييييينك يا فندم
معقول كده غايبة ليه عن الظهور الاعلانى

بيج بيج ده بالحجز يا فندم والطلب عليه
فى زيادة

الحقى بقى واكتبى استمارة بسرعة
العنوان معروف عضة اتنين بلوك العض حى العضاضين

تحياتى يا انسانة

SHAPE YOUR LIFE (ABOALI) Says:

الى فتاه من الصعيد

فعلا محتاجين حبة ناقش فى اتجاهين هايحل مشاكل كتيرة كما قولتى

وكل شيىء بالهدوء وبدون انفعالات بيحل حاجات كتيرة جدا علينا

اسعدنى تعليقك وفهمك الراقى

SHAPE YOUR LIFE (ABOALI) Says:

الى عمود نور
كيفك يا انسان يا راقى

فعلا بساطة الكلمات ودقة انتقائها
تعطى المعنى بسهولة
وانت يا انسان تفعل ذلك بشكل مميز
وكلنا نتعلم فى الحياه

خالص التقدير لك

SHAPE YOUR LIFE (ABOALI) Says:

الى موناليزا
فعلا وجهات النظر تحترم
والاصح هى التى نعمل بها بدون غضاضه فى النفس

وياترى يا موناليزا هانعض كتير ولا قليل

ههههههههه

منوارنى يا فندم بوجودك الفعال

SHAPE YOUR LIFE (ABOALI) Says:

الى بسكوتة

يا هلا يا هلا بالناس اللى تجوع

يا سلام على البسكويت ده وخصوصا المحلى بالشكولاته رهيب يا بسكوتة
وكمان وانا بعلق على تعليقك الواحد جعان وكان نفسه ياكل الاسم
هههههههههه

اول ظهور لك هنا جاء مع عض نفسك
واسمك يوحى لى باءن اكل تعليقك

ربنا يهب لك الخير والسعادة ان شاء الله

منورانى يا فندم

SHAPE YOUR LIFE (ABOALI) Says:

الى فراشه

الله الله
تعليقك كان محلق فعلا ك الفراشة ذات الالوان الموحية بكل التفاؤل

اعجبنى وجودك هنا بالفعل ورايك
وان شاء الله تكرر الزيارة فى عضضات اخرى

اسعدنى تشريفك

SHAPE YOUR LIFE (ABOALI) Says:

الى مااااااااانوش
فينك يا منوش مختقية وزعلان والله
اتمنى تكونى بخير

وجميل انك بتحبى العض خلى بالك على نفسك بقى
هانعض فين تااااااااااانى

ومتفق معاكى جدا فى اهمية النقاش والاستماع للغير

ونعض يا ستى عضة خفيفة علشان خاطرك
وعلشان خاطر مانوش بس

بجد وحشنا ذلك الوجه البرىء المضيىء بكل البشر

تحياتى يا فندم

SHAPE YOUR LIFE (ABOALI) Says:

الى يارا

فعلا يا يارا كلامك كله فى محله
وشكلك كده العض شغاااااااااال عندك
وده يعطى لك التفكير السليم لتحسين النفس ومعرفة الطريق الصحيح

واكيد طبعا امهم غلبانة وضعفانة وطيوبة

اه اه من تحيز نون النسوة
طب عضى نفسك كده
وانتى تغيرى رايك

ولالالالالالالالالالالالالالالالايه
يسعدنى وجودك وتاءلقك الراقى

SHAPE YOUR LIFE (ABOALI) Says:

الى الاستاذ فشكول

فعلا العيال عندهم نشاط زائد
واحنا عندنا عصبية زائدة
لذا فى فجوة رهيبة حاليا"


ااسعدنى وجودك بجد يا استاذنا

نـــــور Says:

:)

بخير انا والحمد لله
ومتشكره لاحترامك لرأيى وتقديرك ليا وربنا يجعلنى عند حسن ظنك وظن اى حد كويس فيا

طريقه تعاملك صح وجميله وواجب احترامها ياابو على

والترابط اللى كان موجود فى وقت من الاوقات بين فئه من المدونين اعتقد اختفت بمرور سنه فى اختفائى من التدوين الا من بوستات اللهم كانت بتظهر على فترات بعيده تصل لشهور
انا دلوقت بفتقده وحاسه ان اصحابى كلهم اختفوا او معظمهم :(

ابقى اسال عليا بقى لانك انت اللى باقى من ريحة الغاليين :)

hend mossallam Says:

بجد يا اونكل حلوو مووت اسلوب القصه
حضرتك تاخد 1000000 من 10 :] :]

Soul.o0o.Whisper Says:

هههههههههههههه

الضحكة دى على زجزج و بيج بيج

والله الاتنين دول دمااااااااااغ

بس بيج بيج دا عجبتنى دماغه اوى ، لما زجزج هيطق منه و عامله له هليله ..

و دا سااااااااااااكت
دماغ دماغ يعنى

و قال ايه زجزج فى الاخر طالع بيعمل كل دا عشان كدا اسلوب أخوه هيغطى عليه

تمام زى ما قلنا
كل واحد خايف التانى ياخد اللى فى ايده
فى حين لو بصينا هنلاقى ان كل واحد بياخد نصيبه و محدش بيمنع رزق حد

المشكلة بئا ان تكون السلطة الاعلى هى كمان فى وادى تانى خاااااالص
و عاوزة تريح دماغها و بسسسسس

بس جميل ان الريس ظبط التظابيط :) و أكل الجو خااااالص

يا مسهل يارب
عقبال ما ريس ييجى يظبط الجو عندنا احنا كمان

تسلم ايدك

Soul.o0o.Whisper Says:

هههههههههههههه

الضحكة دى على زجزج و بيج بيج

والله الاتنين دول دمااااااااااغ

بس بيج بيج دا عجبتنى دماغه اوى ، لما زجزج هيطق منه و عامله له هليله ..

و دا سااااااااااااكت
دماغ دماغ يعنى

و قال ايه زجزج فى الاخر طالع بيعمل كل دا عشان كدا اسلوب أخوه هيغطى عليه

تمام زى ما قلنا
كل واحد خايف التانى ياخد اللى فى ايده
فى حين لو بصينا هنلاقى ان كل واحد بياخد نصيبه و محدش بيمنع رزق حد

المشكلة بئا ان تكون السلطة الاعلى هى كمان فى وادى تانى خاااااالص
و عاوزة تريح دماغها و بسسسسس

بس جميل ان الريس ظبط التظابيط :) و أكل الجو خااااالص

يا مسهل يارب
عقبال ما ريس ييجى يظبط الجو عندنا احنا كمان

تسلم ايدك

Soul.o0o.Whisper Says:

و كمان التعليق اتبعت مرتين !!!

ياللا حظك بئا:)

نهر الحب Says:

السلام عليكم ورحمة الله وبركاته:
أول زيارة ومش الأخيرة ان شاء الله
حقرأ مرة تانية ان شاء الله عشان أقرأمرتين وتلاتة....

خالص تقديرى واحترامى
نهر الحب

عايش... ولكن !!!! Says:

حلوه عض نفسك دى
اسلوبك رائع ماشاء الله
10/10
مستنى الدعوه :)

EMMY BABY Says:

ههههههههههههههههههههههههههههههه دانا بهرى نفسى كل يوم عض بالليل

احم احم ساداتى انساتى نمسك حتة حتة فى البوست

اولا انا مبسوطة انى عرفت اسماء ولادك اخيرا ههههههههههههه بعد عذاب اسماء اورجانيل خالص زجزج وبيج بيج يا زين مااخترت يا جدو

ثانيا انا كنت باجى عند تثبيتك للزوجة واقعد اضحك دبلوماسى بارع وعارف ان البنات تموت فى الحاجات الهايفة دى اسئلنى انا هع هع هع

ثالثا البوست ناقش كذا قضية :

*اهم حاجة ان تدخل الاب مطلوب اوى فى تربية ولاده لانه ليه دور كبير فى التربية ده على خلاف معظم الابهات دلوقتى

*قضية الاستماع اكثر من التحدث لو احنا بنطبقها كان زمانا بقينا حاجة احسن فعلا كل واحد يطلع فى التانى زى المدفع الرشاش مش صابر حتى يسمعه ولا يسيبه يقول وجهة نظره

*التسرع فى الحكم دايما هو سبب الخلافات مينفعشى نحكم على الظواهر من غير مانتعمق فيها

*مينفعشى الام تتدخل بالطريقة دى وتقول للاب اضربهم وخاصة قدام الاولاد نفسهم

*واخيرا مينفعشى الراجل ياكل لبانة هههههههههههههههههه طب هو بياكلها علشان الحموضة فى ناس بتاكلها تسلية يبقى ايه وضعهم ياانكل ابو على ؟

وطبعا بما ان البوست قصير ولذيذ وبسيط وجديد وبيناقش كل القضايا دى اذن فهو يستحق 9من عشرة ونجمة

هتقلى ليه مدتنيش العشرة هقلك علشان محجزتليش اول كومنت وكل يوم من ده نياهاهاهاهاها

تحياتى

ايمى الرغاية الشريرة

فرى Says:

المفروض تبقى ام العيال حاضره الكلام من الاول بدل ما العيال تخبط فيها كده ولو مش فاضيه ابقى ساعدها الرسول كان فى حاجه اهل بيته .

أم بتول Says:

اديك الدرجة النهائية سواء من 10أو 100 و إن كان دةى غريب على أبو على دة أولا .
ثانيا فعلا عندك حق فى اننا بنصدر أحكام على ظاهر المور دون ان نكلف نفسنا عناء اننا نفهم . فى حاجات كتير كل المطلوب مننا بس أننا ندعى نفسنا و الى قدجامنا فرصة انه يتكلم و يوضح و أننا نفهم .
سلمت يمينك { أوعى تكون أشول }

ENG./ELSAYED,PMP Says:

جميلة جدا
مكنتش قريتها .. لحد ما نزلت بوست مشابه... فجانى تعليق... احترام وجهات النظرو عض نفسك
موضوع متكامل

مدرسة يا كبير

تحياتى

10/10

Remas Says:

الله حلو اوى تعبير عض نفسك

عاجبنى موووت

ما شاء الله عليهم

ودماغ زج زج دى عجبتنى جدا

لولا ان شيما سبقتنى وخطبته كنت خطبته لبنوتى

موضوع اننا نسأل الاول علشان نعرف وجهة نظر الغير دا بجد موضوع مهم جدا جدا

والله دايما بحاول اعلم بناتى كدا

انا بئا اللى عجبنى بجد انك بتحاول تهدى مامتهم اللى بتتعب من دوشة الولاد طول الوقت

بحترم انا الرجل اللى بيقدر تعب الام مع الاولاد جدا

كان نفسي بجد اقعد مع حضرتك في لقاء الجمعة بس مش عرفت وتتعوض ان شاء الله

تحياتى ليك وعلشان خاطر زج زج وبيج بيج عشرة من عشرة

SHAPE YOUR LIFE (ABOALI) Says:

الى نور

متابعتك وردك دليل رقيك يا نور وفهمك الراقى

ادام الله عليكى فهم المتقين ولبستى ثوب الابرار ان شاء الله

احيانا نتوه فعلا فى الحياه ونفتقد بعض بنى الانسان
ولكن ارواحهم لا تزال امامنا بها ذلك البريق الذى كان يجذبنا اليهم

اسئل الله ان يجمعنا على الخير وان شاء الله تدوم بكل السعادة والامل والبسمات

ويكفى اسم نور لنتفائل


خالص تقديرى

SHAPE YOUR LIFE (ABOALI) Says:

الى am the crazy

اممممممممممم وده الدرجة دى كام بقى باليورو يا هند

ههههههههههه

ربنا يعزك ويجعلك فى مرتبة السعداء الواثقين وانا من اسعد بوجودك هنا


خالص تقديرى

SHAPE YOUR LIFE (ABOALI) Says:

الى سول

سياءتى الريس اكيد يرتب وينظم
اووووووووومال حتى كده يبقى معندوهوش نظر
ههههههههه

سعدت برايك الجميل المنمق وفعلا نحتاج ان نتعاون كعائلة واحدة نستمع لاراء بعض
ونحتوى انفسنا

لك بريق خاص
اتمنى ان يديم الله عليك كل الفهم وكل معانى الخلق القويم

اللهم امين

SHAPE YOUR LIFE (ABOALI) Says:

الى نهر الحب

شرفيتنى يا فندم فى اول ظهور لك
واتمنى دوام التواصل

وتقديرى

SHAPE YOUR LIFE (ABOALI) Says:

الى عايش ولكن

يا فندم الدعوات موصولة بكل الخير

اسئل الله ان يهبك الصلاح فى الدنيا والاخرة

اللهم امين

اسعدنى ظهورك ها هنا

SHAPE YOUR LIFE (ABOALI) Says:

الى ايمى

ياااااااااااااااه
ايمى
وحشاااااااااااااانا كتير يا ايمى
ومفتقد هذا التحليل الراقى والفكر

وعزائى الوحيد هو اننا ننتظر تلك النابغة التى ستتخرج وتكون علم من اعلام العلم فى مصر ( وش بيغمز)

تحليك يا فندم منطقى بحكم خبراتك اكيد يا ستو ولالالالالالالالالا ايه

وطبعا اثارة تلك النقاط بمجرد عض النفس
شيىء جميل
فمابالك اننا بدل العض نقطم على طول

على الاقل نخس ونبقى احسن فى الوزن

ههههههههههه

ادام الله عليكى ذلك العقل الرزين والفهم المتمكن
واتمنى رؤيتك هنا مرات ومرات

تقديرى

SHAPE YOUR LIFE (ABOALI) Says:

الى فرى

يا فندم علم وسينفذ احنا عندنا كام ست كل

نساعد يا فندم مادام قدوتنا رسولنا الكريم صلى الله عليه وسلم

اسعدنى وجودك هنا واتمنى ان اعمل بما قولتيه

لا تبخلى عليا بالدعوات باءن اكون صالحا فى دنياى واخرتى

اوعى تكون بخيل

تقديرى

SHAPE YOUR LIFE (ABOALI) Says:

الى ام بتوووووول

يا فندم حضرتك مشرفانى ولك كل الخير ان شاء الله

وفعلا احترام وجهات النظر والاستماع لبعضنا
يوفر علينا الكثير من الجهد


وانااااااااااااا اشووووووووووووول

اعمل ايه
ادعيلى بالشفا
هههههههههههههه

جزاكى الله كل خير

SHAPE YOUR LIFE (ABOALI) Says:

الى مهندس سيد

وجهات نظر عض نفسك

ياااااااااسلام على العنوان الجذاب

ويا سلام بقى لو فى وجهة كلها عضات ووجهة تانية عضة ونص
هههههههه

ادام الله التوفيق ونفعنا بما نعلم

ومشرفنى بجد يا هندسة

SHAPE YOUR LIFE (ABOALI) Says:

الى ريم

فى اول ظهور اتمنى استمرار القدوم
وزجزج وبيج بيج سعداء اكيد بهذا التشريف
مهو العض هايزيد ولالالالالالالالا ايه

ولما شيما تاخد الواد بيج بيج
الواد الغلبان اللى زاى ابوه ده مالوش نفس
ههههههههه

وان شاء الله تكونى لاسرتك خير عون وفلاح فى حياتهم وتكونى لهم بلسم ومصدر يقين وفهم ان شاء الله

وان شاء الله نلتقى كلنا من جديد قريبا

خالص تقديرى

Unknown Says:

اسلوبك حلو جدا فى التربية وتوصيل المعلومة
وكمان فى جذب قأرى البوست
بجد تحفة
ربنا يعينك

EMMY BABY Says:

وانا والله العظيم وحشانى مدونتك جدااااا وكلامك وبوستاتك ومنكاشتك وكل حاجة

وكل يوم ادخل ابص فى الريدر مش الاقى بوست جديد

ايييييييه مش هتنزل بقى بوست جديد انا محتاجة كل يومين بوست كدة

SHAPE YOUR LIFE (ABOALI) Says:

الى نهر الحب

الناس لما تشوف بعين الروح
اكيد هاتشوف كل جميل

ربنا يديم عليكى كل الحب وتكونى ممن يحيا به فى كل حياته

اللهم امين

SHAPE YOUR LIFE (ABOALI) Says:

الى ايمى

وش مكسوف
ايه الكلام الجميل ده اكيد طالع من انسان رائع كله يقين وكمان معاه ذوقيات تملاء العالم كله

انا اللى مفتقد انسان راقى زايك يا ايمى

وادم الله لك الخير والبسمة فى حياتك


تقديرى