الفروالة اكلت السكر

, الثلاثاء، 16 فبراير، 2010



يا سلام يا سلام دخل عليا الواد زجزج وانا متلبس

والحقيقة كنت مكسوف وفى غاية الحرج الادبى

وانا اغتصب يوسف افندى وانتزع ملابسه

واجرده من تلك الثياب التى يتحلى بها ذات اللون البرتقالى

ثم تبدء اناملى فى معانقة تلك الفصوص ذات الجمال المبهر

وتحتضن اناملى الفص تلو الفص

متأملة ذلك الرونق فى اكتساء ذلك الفص بشعيرات والياف

تحمى ما بداخل الفص سبحان سبحان

ويسيل اللعاب منتظرا" فى لهفة اكمال عملية الاغتصاب فى مشهد تقشعر له المعدة

المهم عشان ماتقولوش عملية اغراء

الواد زجزج شاف المشهد بحذافيره

واذ به يقول ماكنتش برتقالة يوسف افندى يا بابا

ولا انت بتغظنى يعنى وتستميل مشاعرى فى الاكل

تعرف يا بابا

ان فعلا اول واحد ادخل النوع ده من البرتقال فى مصر هو يوسف بيه افندى

واتحرف بقى الاسم الى اليوسفى او يوستفندى

قلت ماشى يا عم متشكرين على المعلومة الجامدة

قال علشان تعرف بس ان يا بابا كل لما نقرء نتعلم ونفهم والمخ ده يشبع

ماهو يا بابا المخ والعقل غذاه القراءة والمعرفة

قولت يا سلام يا مثقف انت

المهم كنت عاوزة حاجة منى قال

يا بابا الموضوع اللى هاكلمك فيه ده بالغ الاهمية

واحتمال نكون مجلس هضم غذائى لبحثه

قولت اوعى يا واد تكون بتقصد طريقتى فى اكل البرتقالة

انت عارف ابوك لازم يشوف حكمة ربنا فى خلقة ويشكره ويتاءمل كده

قال متخفش يا بابا سرك فى قلب عم يوسف

قولت يوسف مين قال يوسف افندى

قلت اه اه اطمئنيت يا بنى (عيال سبحان سبحان)

ايه بقى الموضوع قال

بص يا بابا ماما اشترت فروالة

اكلت الفروالة لقتيها ماسخة جدا تصور مع انها المفروض العكس

المهم يا بابا وضعت عليها السكر

وكانت المفاءجاة بقى يا بابا المذهلة

قلت ايه خضتنى يا واد

قاااااااااااااال يا بابا منظر لا تتخيله الفروالة اللى كنا فاكرين كلنا انها على خلق كريم

يا بنى وقعت قلبى قووووووووول

الفروالة يا بابا اكلت السكر

اوووووووووووووووووووووووووه اكلت السكر الفراولة ماتقولش

صدقنى يا بابا فى فمتو ثانية زاى ماقال العالم احمد زويل اكلت السكر

قلت مهو ده شيىء طبيعى قال تؤتؤ

ده معناه انى الفروالة حسة بالذنب اللى عملته

علشان كده بتكفر عنه قلت بلاش فلسفة بقى يا زجزج

قال صدقنى الفروالة المفروض تكون مسكرة

بس نتيجة انها كانت جعانة اكلت السكر

قلت اممممممممممممممممم

وانت تفسيرك ايه لكده

قال يا بابا انا اللى باسالك ليه الفروالة بقت ماسخة كده

يا زجزج بتقلب عليا مشاعرى اللى بتوجعنى

بص يا زجرج الارض هى الارض اللى كانت اللى بتطلع الفروالة المسكرة زمان

وكان الطعم تحفة ورائع

بس لما استعجلنا طرح الفروالة وبقى فيه تهافت فى البيع بسرعة

حدث اضطراب فى الزراعة و واضفنا الى الارض اشياء تسرع جمع الفروالة

علشان كده نضجت على سرعة ومش فى وقتها فكان طعمها ماسخ

لكن اللى بياخد وقته وبيكون فيه كد وتعب ومجهود

وبخطوات منتظمة بهدف بتكون نتيجته

اتقان وتاءثيره رائع

علشان كده يا زجزج

لا تستعجل الحصول على النتيجة فى حياتك

وعيش حياتك بخطوات ونظام وهدف مهما كان حال اللى حواليك كفاية رضا ربنا عليك

وده بدل الفلهوة والتسرع المنتشر

علشان يكون ليك طعم وكيان فى حياتك يا بنى

بدل ماتطلع انت كمان ماااااااااااااااااااسخ

وتاكلك الامراض

قال يا بابا انت تستحق تصفيق حاااااااااد

وانا قولت وانت تستحق انى اكلك

يا بابا يا بابا انا مش يوسف انا زجزج ابنك

استنى استنى يا واد

بسم الله الرحمن الرحيم

امممممممممممممممممممممممممممممممموه (دى بوسة وش بيغمز)

30 Response to "الفروالة اكلت السكر"

غير معرف Says:

انا اول تعليق مش ممكن

Wanda Says:

:-)))))))))))))

بص انا كان فى بالى ابلغ عنك شرطة الموالح :-)))
بس لاقيتك اكلت زجزج فى الاخر قولت بلاش
كفاية عليه :-))) ام زجزج
اصلك مسبتلهاش نايب :-)))

بص بقى موضوع يوسف افندى
تعرف انه جاى من الصين فى الاصل
زى اغلب حياتنا حاليا :-)))

المهم
فرولة
تصدق فى هنا بنت عمها فرولة صغنونة معتقدش اكلتها بس بحق و حقيق طعم و لون و رائحة:-)) بتطلع شيطانى هنا فى الغابات
رهيبة يم يم يم
بس مع ذلك متقدرش تكثر منها :-))بس تخليك تقول على ايه فرولة ثانية ماسخة

من بلد الفراولة باحييك
تعرف انها علشان تطلع بحق لازم صبر
تزرعها و تراعيها و لما تستوى تلحق تلمها قبل ما المطر يسقطها على الارض و يبوظها (و لمتها موجعة للظهر و لازم تعرف تنقى مش كله يتلم و مش كله يتساب)
و لان عمرها قصير (بدون مقويات :-) او صوبات)
بتعود الناس هنا انهم يوزعوها على جيرانهم و حبايبهم و يبيعوها بقروش
و الى ملحقوش يتصرفوا فيه يعملوا منه العصير المركز، المربى و يحفظوه لحد موسمه السنة الجاية
علشان كده لما الجو يقلب عليهم و يموت براعمها بدرى بدرى بيزعلوا عليها و بيقدروها قوى

يعنى لما ليها معاد و بتطلع فيه و بطبيعتها و براحتها و متأثرة بالعوامل الجوية و بالى حواليها
بتبقى احلى منها مفيش
فاكهة حاسة بينا و عايشة معانا
و بتهنينا :-))

بالهناء و الشفاء
حتاكل قلقاس امتى ؟؟

غير معرف Says:

عندك حق طعم الفاكهه اتغير اووووووى
بسبب السماد وسرعت طرح المحصول
انا لسه واكله فروله شكلها روعه ولونها وحجمها حلو اوى
بس
طعمها غير يع يع يع
مش فروله اصل

Baskouta Says:

You are really talented in narrating the amazing dialogues between you and your sons
I loved this one
I agree with zegzeg
each time I eat strawberry, it eats sugar so I finally called them intimate friends.
No strawberry without sugar.
Sweet regards to you and zegzeg
Baskouta

Little Kitty Says:

وايه فى حياتنا موش بقى ماسخ
تعرف احنا ممكن نرجع لحياتنا اللى فاتت تانى ولا لا
انا عاوزه ارجع لعصر الحريم
ههههههههههه
والفراوله تجيلى على طبق ومن غير سكر الاقيها طعمها اصلا سكر
زى كل مره اقولك بتتكلم عن حياتنا فى حواراتك مع اولادك بطريقه حلوه بجد
ربنا يحرسهملك

ستيته حسب الله الحمش Says:

اه من الإستعجال
تستعجل البنت الصغيرة وتقلد الكبار فتفقد البراءة وتفقد معها الطفولة التي لا تعود مرة اخرى
وافتقادها للطفولة يجعلها غير سوية بشكل كامل

الولد يجري على الحمام ويقفل الباب من جوه ويجيب مكنة حلاقة ابوه ويقعد يقلده
ولما تطلع دقنه نتحايل عليه علشان المنظر العار اللي بيبقى فيه
طيب يابني ما تاخد حياتك على مهلك
كل اللي نفسك فيه ها تحصله
عيش ايامك كل يوم بيوم

بس ولو
كلنا اتقال لنا
وكلنا قلنا
ولازال التسرع
مخلينا كلنا ملناش طعم ومحتاجين سكر


ملحوسة على جنب: الفراولة الحالية مش هي الشتلة المصرية الأصلية ذات الرائحة والطعم الرائعين
ولكنها نتيجة لهندسة وراثية
وتضاعف عدد الكروموسومات "يعني بدل 2 ن خلوها 4ن او 8 ن"
ده لا يضر مطلقا بصحتنا
ولكن حول الفراولة لخيار
وحول الفلفل البلدي الجميل بتاعنا ابو قشرة رقيقة لفلفل صوب تخين وثقيل الوزن والدم

بيقولوا لك يا سيدي علشان يزودوا كمية المحاصيل ووزنها والشعوب لا تجوع

طب سيبوا فراولتنا وازرعوا الخيار وصدروه لأفريقيا
عااااااااااااااااااااااااا

EMMY BABY Says:

ههههههههههههههه انا هبلغ عن اساءة هذه المدونة واخليهم يقفولها بس هه

بس بينى وبينك مقدرشى لانى مش هلاقى حد يقول كلام حلوووو كدة وطعمه جميل زى الفراولة بعد لما كلت السكر


زجزج ده لمض اوووووووى هههههههههه بيفكرنى بواحدة اعرفها

البوست ناقش 4 حاجات مهمة :

اولا :اننا نتأمل فى كل حاجة حوالينا بكل تفاصيلها ونقول سبحان الله الذى ابدع هذا وخلقه ويسره لينا

ثانيا :التسرع والعجلة اخرتها ندامة ومعظمنا دلوقتى مبقاش عنده صبر لاى حاجة

ثالثا :التلوث والفساد فى الارض خلى كل حاجة حوالينا بقت مصدر تعبنا ومرضنا والامراض انتشرت اوووووى

رابعا:ان مداعبة الاطفال ومناقشتهم مهمة اوووووووى فى تشكيل شخصيتهم

ابدعت ياعم الحاج

تحياتى

ايمى

القدر و انا Says:

يا سلام على ادارة الديالوج الواقعى بفن وخفة دم
بجد احييك عليها

اما نصيحتك دى
(علشان كده يا زجزج
لا تستعجل الحصول على النتيجة فى حياتك
وعيش حياتك بخطوات ونظام وهدف مهما كان حال اللى حواليك كفاية رضا ربنا عليك
وده بدل الفلهوة والتسرع المنتشر
علشان يكون ليك طعم وكيان فى حياتك يا بنى
بدل ماتطلع انت كمان ماااااااااااااااااااسخ )

مش محتاجة غير الدعاء لكل اولادنا علشان يعملوا بيها

مليكة الطهر Says:

السلام عليكم ورحمة الله وبركاته

جئتُ سريعاً

كى أقرأ حوار طفولى عاقل جدا

ما كنت أدرى أن سآتى سريعا

أولا حفظ الله لك أولادك وأقرّ عينك بهم


ثانياً هعلق هنا بلعاميه وأمرى لله
بس

طب حضرتك مش كنت تسيب فص ولا حتة فرولايه

الفاره اللى جايه بيها تعبت من اللف على المدونات لغاية لما وصلت ب خلاص
أصلها فاره تبع الهندسه الإلكترونيه
ملهاش ف الهندسه الوراثيه
المهم

أنا كنت فاكره زجزج هيقول إن فى يوسفيايه متفروله ولا حاجه
على أساس أنه هيكبر وهيبقى أكبر مُهجن

يعنى يوسفى متفرول وبطيخ شمام مش مدمن حضرتك متهجن يعنى شمام بطيخى كده يعنى


دخلت أنا فى التهجين كله هندسه

بس فعلا صدقت مفيش أحسن من الهندسه الربانى الحاجه تطلع ف معادها حتى الواحد يبقى متشوق للحاجه مش كل يوم ف السوق

اللى يعيش ياما يشوف


مرورى فى المره السابقه لا يحمل أى نداءات خفيه...أو كما فهمتها أنا صدقاً لا يحمل

تقبل مرورى أخونا الكريم

وفقكم الله

أحمد الصعيدي Says:

ههههههههههه


ربنا يخليهولك وتشوفه عالم في رضا ربنا ان شاء الله


زمان كنا نقول

اليوسفي احلي ولا البرتقال
يقولوا الفراولة

دلوقتي الدنيا كلها بقت ماسخة

ربنا يلطف بينا

موضوعك جميل


السلام عليكم ورحمة الله

رحله البحث Says:

صدق صعب عليا اليوسف افندى
حرام عليك يا اخى
اما الفراوله فدى فراوله دايت
عشان متاخنش
تحياتى

yara Says:

هههههههههههههههههه
والله زجزج ابنك ده يستحق بوسه فعلا وكيس شيبسى كمان (على حسابى يا سيدى)
بس لما قرات كده البوست يا ابو على وتشبيهاتك حسيت ان الفراوله دى على الاقل افضل مننا لانها كانت متعطشه لاصلها الحلو والجميل علشان كده بمجرد قرب السكر منها التهمته انما احنا يا عينى علينا ...احيانا اشعر ان البعض ينفر من الطريق السليم واصل فطرته الطيبه والجميله ونفسه متعلقه وتسعى لارضاء الشهوات اكثر من اى شىء اخر ...واذا بعث الله له الخير وقربه منه يحتار ويتردد هل يقبل عليه ام لا ..هل سيجد سعادته فى هذا الطريق ام ان سعادته قاصره على اللهو والغفله وعدم مواجهه الحقائق...فعلا صدق من قال غريبه الناس غريبه الدنيا ديه ...نفسى نكون ذى الفرولايه الجميله دى اول منشوف حاجه جميله نلتهمها ونجرى عليها لانها اصلنا .لكن واضح ان فى ناس بقت بتستمتع بالحياه الماااااسخه فى كل شىء.
بس زجزج ده شكله امور والله وطول ما انت وراه (ربنا يستر بقى)هيبقى احسن طبعااا يا ابو على متفهمنيش غلط

يلا بقى سلالالالالالالام وفى انتظار ابداع جديد ومداولات رائعه بين الاسره الكريمه.

فتاه من الصعيد Says:

ههههههههه

ده ابن حضرتك اللي زي السكر ... ماشاء الله

حقيقي التسرع يجعلنا بلا طعم ولا معنى لحياتنا

تحياتي

شاب فقرى Says:

الله
التأمل
أعظم فايدة للعقل البشرى من وجهة نظرى

ربنا يخلى لك زجزج

وهوا كمان يقدر يتأمل ويفهم الحياة صح ويستفيد من خلق ربنا

فكرتنى بحاجات كتير أوى فى البوست دا

بجد تسلم إيدك

هات حته بقى :D
شاب فقرى

بيطرية ومش بايدى Says:

يالهوش
لالالالالا
وفين الرقابة من ده كله
لالا انا هابلغ عنك السيد المسئوم صفوت الشريف

ربنا يبارك لك فى زجزج
ويكترلك من يوسف افندى لحد مايزهق الادراج بتاعة الثلاجة ويقوموا بمظاهرة احتكاكا على هذا الاحتلال الدائم

واكيد من موقعى هذا
باشكر شاب فقرى لانه هو اللى دلنى على هذه المدونة

دمت بود

SHAPE YOUR LIFE (ABOALI) Says:

الى غير معروف

مببببببببروك اول تعليق
كسبت دعوة هدية

SHAPE YOUR LIFE (ABOALI) Says:

الى وندا

ايه يا واندا السسبنس الجميل ده

معجب وانا اقرء تعليقك
وتبتشرحى انى ازاى الطعم الحلو للفراوله محتاج صبر وطول بال
وهو ده هدف البوست نترتب الاولويات ونبدء مرحلة بذل الجهد

وان كان على شرطة الموالح
مش هاروح فيها لوحدى
وهابلغ عن الشركا ولالالالالالالالالالالاايه

السجن محتاج ولازم نساعده

مشرفانى يا انسانة

SHAPE YOUR LIFE (ABOALI) Says:

الى غير معرف

فعلا طعمها يع يع يع يع
بس مننا مننا مننا
ولالالالالالالالالالالالالالالاايه

مشرفانى فى اول تعليق وتالت تعليق

SHAPE YOUR LIFE (ABOALI) Says:

الى بسكوتة

ياعينى يا عينى ولحد امتا يا بسكوتة نسكت على الفروالة تعمل كده
لو فضلنا كده البسكويت هايجيب سكر منين
وزجزج يكبر ازاى

لازم نفكر يا انسانة ازاى الفروالة تبقى سكر
علشااااااااااان كلنانعيش

ولالالالالالالالالالاايه

بقولك ايه
معاااااااااااكى بسكوتة

SHAPE YOUR LIFE (ABOALI) Says:

الى little kitty

كلنا فعلا بنفكر نرجع زاى زمان وقت الفطرة السليمة النقية

بس زاى ماقولت الارض هى الارض

محتاجين بس جهد وكلنا يبقى ليه دور فى اعادة الفطرة
وساعتها هانكون حلوين والحياه سكر يا انسان يا سكر

مشرفانى جدااااااااااا

SHAPE YOUR LIFE (ABOALI) Says:

الى الدكتورة ستيته

اه منه الاستعجال يا دكتوره
حتى الاطباء فى الكشف استغلوا الكلمة

اللى مستعجل يدفع سبحان الله

حتى الاستعجال ليه تمن

وده سبب حالة فوضى وسربعة

اكيد الشعب محتاج ياءكل اكل متهجن
بس الشعب لازم يعرف انى الجهد محتاج صحة مش محتاج صحة مهجنة

واه منها الفروالة

يا دكتورة تعليقك يضيف حكمة الى البوست
ربنا يجعلك من المقربين فى الصالحات ان شاء الله

SHAPE YOUR LIFE (ABOALI) Says:

الى ستو ايمى

جمييييييييييييل التحليل ده يا ايمى

سبحان الله
لو كل واحد قرء وحلل مثل تحلليك ده هانختلف ونبقى جااااااااامدين قووووووووى

ماتشوفى كده عملية النسخ منك تنفع ولا لاء
والمصروفات عليا
هههههههههههه

بصى احنا نعمل مظاهرة تحت عنوان
عااااااااوزين فراولة بسكر
وتكونى انتى قائدة التشكيل

ولالالالالالالالالالالاايه

منورة يا انسانة

SHAPE YOUR LIFE (ABOALI) Says:

الى القدر وانا

كلنا نقدر نعمل مع اولادنا الكثير
لو فتحنا ليهم باب الفكر وبدءنا نطور من فكرنا معاهم
وده محتاج صبر عليهم وكمان احنا لازم نتعلم كويس ونبتدى احنا نغير

الفروالة هاتبقى بسكر لما تشوف ناس سكر يا انسانة يا سكر

اشكرك على حضورك ها هنا

SHAPE YOUR LIFE (ABOALI) Says:

الى مليكة الطهر
يا مرحبا يا مرحبا فى ثانى ظهور ها هنا

بجد اسعدتنى فهمك الراقى
وتعبير الهندسة الربانى ده جمييييييييل جدا
وراقى
ومفتقدينه فى حياتنا
وعلشان خاطرك يوسف ا فندى بنفسه ياءتى الى حضرتك يا فندم

وياااااااارب ربنا ينور دربك بكل خير

مشرفاااااااااانى

SHAPE YOUR LIFE (ABOALI) Says:

الى احمد الصعيدى
طب يلا يا احمد اتبرع علشان نعيد السكر
ولا دخول المدونة ببلاش
ههههههههه

فى حفظ الله دايما يا انسان

SHAPE YOUR LIFE (ABOALI) Says:

الى رحلة البحث

ههههههههههه
حلوه فرالة دايت دى
ماهو لو كانت دايت ماكنتش اكلت السكر يا سكر

مشرفنى فى اول ظهور

SHAPE YOUR LIFE (ABOALI) Says:

الى يارا

يااااااااااااااه بعد رائع جدا عملتى عليه ززوم يا يارا
تعطش الفراولة للسكر وسعادتها بوجوده
واحنا بقى عكسها
بنشتكى ونشتكى
مع انى الفطرة الصحيحة هى الاصل
بس تقريبا هو عناد النفس هو اللى متربع فينا بيؤجل قررات الرجوع الى تلك الفطرة
المهم
النق بتاعك على الواد زجزج هايجيب الواد لورا خفى شوية الوووووووووواد غلبان هو وابووووووووه

اسعد بوجودك هنا عن جد

SHAPE YOUR LIFE (ABOALI) Says:

الى فتاه من الصعيد

فعلا التسرع مصيبة كبرى لو استمررنا فيها

سنحمل الكثير من الكلكه الحسية والمعنوية

ربنااااااااااااا معانا


اسعدنى تعليقك

SHAPE YOUR LIFE (ABOALI) Says:

الى شاب فقرى

انت طلعت مش فقرى يا انسان
اطمئن بقى انت لسه بخير

ههههههههههههههه

وجودك اسعدنى

SHAPE YOUR LIFE (ABOALI) Says:

الى بيطرية غصب عنها

ههههههههههههه
يا عم الكلام الكبير ده
جعلتى البسمة تزورنى حين قراءت تعليقك
وليكى يا ستى دعوتين هدية

ربنا يبارك لك فى عمرك ويجعلك من الصالحات
ويقربك منه وتكونى فى فردوس الجنات

مشررررررررفانى يا انسانة