عجب فى زمن اللا عجب

, الأربعاء، 17 يونيو 2009



المتابع لسلسلة الامراض التى اظهرت اسنانها لنا


وتنوعت فى شراستها وعنفوانها


يجب ان يتعجب فعلا


فعندما نتكلم عن حالات انفلونزا طيور ثم انفلونزا خنازير ثم يطل علينا من بعيد الطاعون


لابد لنا فعلا ان نصاب بالذهول


الكثير رأى المشهد انه ابتلاء وغضب من الله


ولكن المتأمل لتلك الامراض سيرى علاقة واضحة بينها


وهى ضعف الاهتمام بالنظافة سواء اكانت داخلية او خارجية


واستعمال كل ما يزيل رائحتها بالمعطرات بدل من ازالة المصدر


ولك ان تتعجب وانت ترى اهل شارع من الشوراع يلقون بالقمامة فى قطعة ارض فضاء قريبة منهم


او يلقونها فى اقرب منزل قريب منهم خلسة ظانيين ان الخالق ليس بصير


وهاهى وسائل الاعلام تهلل لاءهمية النظافة ودورها المهم فى التقليل من التعرض لأخطار تلك الامراض


ويااااااااااااااه سبحان الله


من توجه اليهم تلك الرسالة المسلمين


فعلا الرسالة مؤلمة


الدين الذى حث عل الطهارة ولم يترك فيها شاربة ولا هائمة الا ذكره

ا

يُذكر اهل هذا الدين بالنظافة وتهوية المنازل والبيوت


الدين الذى حث على الجار السابع


فعلا عجب فى عجب


تخيلوا لو حدث التقاء بين مريض مصاب باءنفلونزا الطيور ومريض مصاب بأنفلونزا الخنازير ومريض مصاب



بالطاعون


تخيلوا هذا الالتقاء سنقول بالتأكيد انه لقاء السحاب او لقاء العمالقة


ولكنى اقوووووووول هذا لقاء الاهمال والقذارة والغرق فى المستنقعات


حتى اصبح من يفعل المعاصى يتلذذ بها ويقف على النواصى ويقول انا عاصى


هنااااااااااااااااااااااا وبعد كل ما قرئتموه


جاء تدخل السماء وظهرت تلك الامراض لتكون جرس انذار لنا قائلة تعالوا نعود وفى ذلك قمة الحكمة الالهية


فالطهارة نور والنظافة عنوان للرقى


نحتاج فى هوجة النداءت بالنظافة


ان ننظف انفسنا من الداخل ايضا لنسمو بتلك الروح الطاهرة وذلك الجسد المكرم


هيا ننظف انفسنا


النظيف يرفع ايده



معلش علشان انا لابس نضارة مش شاااااااااااااااااااايف حتى نفسى


ومش عجبى




23 Response to "عجب فى زمن اللا عجب"

إيمان Says:

جميل قوى

المسمين اللى مفروض انهم بيتطهروا خمس مرات يوميا
وبيستحموا مرتين فى الاسبوع على الاقل
بنكلمهم عن النضافه بجد مش لاقيه تعليق
ومش عجبى

أمل حمدي Says:

اللهم عافنا مماابتلى به غيرنا

لا تعجب يا ابو علي

انتشار الأوبئة من علامات الساعة

اللهم خفف عنا وارحمنا وقنا شر الفتن ما ظهر منها وما بطن اللهم امين

غير معرف Says:

انت مثلا كاتب كدة عشان أنا استحمى يعنى أو انضف المدونة

أنسااااااااااااااااااااااا


بص بقى...هو بعيدا عنى طبعا...النضافة دى أكيد حاجة أنا بعتبرها انها فرض واجب على كل إنسان و الله لو كل واحد اهتم بالنضافة مش بس مش حيبقى فى امراض ده حتى الصبح حيبقى الواحد قاعد مرتاح فى المواصلات مش من أول اليوم كدة يصتبح على روايح زى الفل تقرفه بقيت يومه و كمان طريق المحور (اخره كدة) عليه ريحة أعوذ بالله بجد بفضل سدة نفسى لحد ما نعديه
فعلا عيب اوى إن امة محمد هى اللى يتقالها ياريت تخدى بالك من النضافة

dalia Says:

أبو على الفنان

للاسف ظهرت أول حالة من الطاعون في الاسكندرية وتنتقل من القوارض والناموس والبراغيث كما سمعت من محرر ملف الصحة ربنا يستر علينا
اتفق معك في حكاية النظافة احنا شعب لا نهتم بهذا الامر حتى الطبقات الغنية أصبحوا في حالة يرثى لها يعني بكون مثلا في فنادق 5 و 7 نجوم وتلاقي الواحد منهم بيلقى المناديل على الارض ويستخسر يروح لاقرب باسكت
انا نفسى الكل يهتم بموضوع مزيل رائحة العرق لانه فعلا ضرورى في الصيف وعدم استخدامه يؤذى الاخرين مشكلةالصيف انه حاجه صعبة عندنا حيث الامراض والنظافة خير علاج بالنسبة لانفلونزا الطيور والخنازير كما اكد ذلك أطباء الطب البيطري
شكرا على التذكرة

ياسر سليم Says:

شفتنى لما رفعت ايدي ؟

ربنا يستر فعلاً وما يحصلش لقاء العمالقة اللى حضرتك بتقول عليه .. لأن ده ممكن بنتج لنا مرض جديد يبقى اسمه انفلونزا الطيوزير

موناليزا Says:

مهما يكون فيه اعلانات دى طبيعة وتربية اتنشأوا عليها الغالبية
يعنى النضيف لو قعد فين برضه هيكون نضيف والعكس صحيح طبعاً

EMMY BABY Says:

ههههههههههههههههههههههههههههه مش بقلك انت بتقرى افكارى لسة كنت بكلم ماما انهاردة ان حتى الناس اللى بتحاول تحمى نفسها مش مدركة وعلى وعى كافى

يعنى حصل موقف قدامى فى المترو انهاردة

ام ملبسة ابنها كمامة وجلافزات وهى مش لابسة على اساس انها مينفعشى تاخد العدوى وتنقلهاله وبعدين الولد زهق من الجلافز وقلعه راخ اخوه واخده وحطه فى بقه ونفخه زى البلونة يعنى ياربى هو مليان ميكروبات وبلاوى وهو يحطوا فى بقه وينفخه واقعد بقى يحط صوابع الجلافز فى بقه

كنت هجنن منهم بصراحة

والله فعلا اللى بيحصلنا دلوقتى ده بسبب عدم وعينا وجهلنا بالشىء يعنى مفروض معروف ان فى وباء يكون فى تحصين اكتر من كدة مش فالحين غير يقفوا فى المطارات واللى يشكوا فيه بس هو اللى بيكشفوا عليه ده على اساس بقى ان مفيش حاجة اسمها فترة حضانة وانه ممكن يحمل الميكروب ويدخل بيه وينشره وده فعلا اللى حصل ومجرد ما هتصاب حالة الحالات هتتوالى

بجد ربنا يستر علينا ويعفينا فعلا

تحياتى

ايمى

mohamed ghalia Says:

حبيب قلبى
خلصت إمتحانات ورجعتلك تانى
ياريت فعلا نرجع لفطرتنا النقية
ربنا يصلح حالنا
دمت بكل الود

hager Says:

مفكرتش في لقاء العمالقه ده قبل كده
بس هوه هيبقي كارثه :|
ربنا يعافينا ويعفو عنا

MaNoOoSh Says:

اهو للاسف بقى موضوع النظافة دة
لا يلام فيه سوي الافراد نفسهم

يعني اكوام القمامة مش بتزيد من نفسها
ما اكيد الناس هي اللي بتزودها


امة محمد محتاجة تتعلم دينها من الاول وجديد يا ابو علي


ولو متعلمتش يبقى عليه العوض


بس برررررررررررردو مش هيأس

SHAPE YOUR LIFE (ABOALI) Says:

الى ايمان

الناس بتنسى يا ايمان وبتفتكر ده من المكملات وانه مش شيىء اساسى

مع ان النظافة عنوان لكل شىء حلو

اشكرك يا ريحانة المدونات

SHAPE YOUR LIFE (ABOALI) Says:

الى ماما امولة الفاضلة

انتشار الاوبئة نعم من علامات الساعات
ولكن انتشار عدم النظافة والاهمال ليس منها

نحتاج الى البحث فى داخلنا من جديد

اشكرك على تعليقك الفاهم

SHAPE YOUR LIFE (ABOALI) Says:

الى انا ودماغى

يااااااااااااعينى عليكى يا فاهمة قصدى

انا عاوز اطهر البلوجر علشان الرايحة خلاص

اما عن المحور احنا فعلا حصلنا تحور
وبقينا تنابلة وكل واحد يرمى اللى عاوزة فى الشارع
علشان فقدنا القيم والصح والغلط

ومش عارفين ان كل ده بيرجع لينا فى صورة امراض و روايح

ربنا يعين


اشكرك يا دماغ عالية

SHAPE YOUR LIFE (ABOALI) Says:

الى داليا الاصيلة

والله يا داليا معاكى حق

نسينا الدين وكل تعاليمه
فتوالت علينا الامراض تهاجم ابداننا


ربنا ينجى

اشكرك على الرقى والفهم

SHAPE YOUR LIFE (ABOALI) Says:

الى ياسر سليم

يااااااااااااااا مسهل
دعواتك علشان مايحصلش والا بقى انت فاهم

اشكرك

SHAPE YOUR LIFE (ABOALI) Says:

الى موناليزا

لازم حبة تفاؤل برضوا

طالما تدقى على الباب
سوف يفتح لك فى يوم من الايام

علينا ان نبدء نحن ونكون قدوة

اشكرك على قلمك المستنير

SHAPE YOUR LIFE (ABOALI) Says:

الى ايمى الصافية

الناس يا ايمى بتطبق شعارات فقط وشكليات
الصح هو الرقى بموضوع النظافة شكلا و موضوعا

يبدء هذا الكلام بالحرص على نظام صحى داخل البيوت بعدم ترك الفضلات فترة كبيرة للتخلص منها والتخلص من الكراكيب التى تملاء منازلنا وتهوية المنازل والاعتماد على التهوية الطبيعة وليست الصناعية
مع التخلص من طلائات الاظافر والحرص على تاقليمها بصفة دورية
ده بس جزء بسيط داخل البيت حتى نعتاد على رائحة طيبة وياءتى دور الشارع ونظافته ودور القلب ودور النفس وهكذا


اشكرك بالتاءكيد
ويسعدنى التواصل معك دائما

SHAPE YOUR LIFE (ABOALI) Says:

الى محمد الغالى

رجعت طيب القلب مرتاح البال يا جميل

ومرحبا بك فى بيتك

لك كل التحية

SHAPE YOUR LIFE (ABOALI) Says:

الى هاجر

لقاء السحاب والعمالقة ممكن حدوثه لو فضلنا نهمل ولا نتوانى فى تحويل بلدنا لمستنقع من اللامبالاه

ربنا يعافى الجميع

اشكرك

SHAPE YOUR LIFE (ABOALI) Says:

الى مانوش

هى كلها منظومة واحدة يا مانوش
فرد ثم فرد ثم فرد يبقوا جماعة

وانتى تلاحظى انى بقى عندنا انانية مفرطة
ولا نراعى شعور الغير وبنفكر فى نفسنا بس

ولكن هناك دائما امل
مادمنا نطرق الابواب

اسعد دائما برءؤية تعليقك يا مانوش

شموسة Says:

بوست جميل جدا يا أبو علي
بحييك عليه
بجد ربنا يستر علينا
الله المستعان

هو أنا ممكن أرفع إيدي؟؟

كلمات من نور Says:

لمست وتر حساس يا أبو علي

تعالى شوف اسكندريتنا الجميلة بقت عامله ازاي

زبالة زبالة في كل مكان واسمحلي في كلمة زباله اصلها مينفعش يتقال عليها قمامة

وياريتها في اكياس مقفوله بإحكام

يعني أنا مثلا باحط القمامة في كيس جوا كيس و باحط مخلفات الحمام في كيس لوحده وباحط الزجاجات الفارغه في كارتونه هي والجرايد اقول يمكن اللي يعدي يحترم شوية الباسكيت النظيفه ويسيب زبالتنا في حالها...واقف في الشباك كل يوم بعد الفجر اتفرج عالخضرة وجمالها والهوا العليل وتمر عربات المياه تغسل الشارع وتخليه فل وفجأة اشم رائحة ربي يجيرك منها واضرب بعيني ألاقي شاب ماشي بعربية من اللي بتتجر بالايدي دي وواقف عن الباسكيت بتاعتنا وهاتك يا تقطيع في الاكياس يجمع من هنا زجاجه ومن هنا كتاب ومن هنا لقمة ..اه والله لقمة ياكلها من وسط بامبرز وقاذورات لا وصف لها ...ويلم حاجاته ويمشي ويسيب الاكياس مفتوحة وواقعه عالارض وفي دقايق يتبدل الحال ......الفقر والجوع خلوا الناس تعمل كده والا إيه؟؟؟

أم بتول Says:

شعار المسلم " النظلفة من الايمان " زمان جدا يعنى مش عارفة بالضبط كام سنة ولا عصر مين من الحكام بس أيام السقا كان بيتعرف البيت المسلم من كثرة استهلاك المياة ، علشان معروف للجميع المسلم قد أيه حريص على نظافته و طهارته ، و نظافة بيته ، و أنه لابد أن يغتسل يوميا و يتوضأ للخمس صلاوات ، يعنى الوباء دة جه علشان يفكرنا أننا لازم ننضف ومن جوانا قبل مظهرنا قدام الناس ، ربنا يعافينا يارب .