همهمة بصوت عالى

, الاثنين، 8 يونيو 2009


لم يكن احد يتوقع ان الشخص الذى ترونه فى الصورة فى اعلى وهو يجلس بجانب اباه فى كوخ فى كنيا


ان يكون رئيس اكبر دولة على مستوى العالم ( اوباما)


وان يكون شعاره الذى اوصله الى هذا المنصب


حان وقت التغير


وتحت هذا الشعار انبرى يجمع حوله الجميع حتى اعتلى المنصب


وهاهو يرواد الجميع بمعسول الكلام محاولا" رفع شأن بلده فى جميع الاماكن


حتى يهيىء لشعبه المناخ المناسب للرقى ورفع مستوى معيشته


من خلال ازالة العقبات التى يراها انها تعيق حركة التقدم فى بلاده


دعوة التغير تلك نحن فى اشد الحاجة اليها الان


لعدة اسباب


البصيرة ذلك المنشور الذى نرى من خلاله من يحيط بنا


اصبحت تلك البصيرة الان لا ترى ان من تقابله انسان مثلها


لذا نرى بعضنا يأكل لحم الاخر ولا يتهاوان فى شل حركته واهانته


اهل الثقة واهل الكفاءة


الاعتماد الان على اهل الثقة وهم من يرضون طموحنا من حيث الطاعة سواء كنا محقين او ظالمين


حتى اصبح النفاق هو المعيار بدل من الكفاءة


ويستطيع كل منا ان يستخلص لما نحتاج الى التغير


وان يبدء فيه فورا


هناك مصابيح من نورلازالوا حولنا


قد يكونوا اباء او امهات او علماء او اشقاء او شقيقات


ان لم نبدء وفى حنو فى الاستفادة منهم حتى يساعدونا فى التغير


ستكون حياتنا القادمة صعبة



ادعوكم وادعو نفسى للتغير


واول شيىء نغيره


ان نتبسم بدل من العبوس


ان نتفائل بدل من اليأس


ان نتقن ما نعمل


ان نكون صورة لمنهج ذلك الدين الفريد


الذى نعتنقه الذى ما ترك مثقال ذرة كان فيها الخير الا وتحدث عنها وطلب السعى اليها






قالوا اتغير


قولت اتغير ليه


انا مروق الانانى


وعايش ودماغى فاضى


قالوا بس كده انت مش انسان


قولت يعنى انتوا شايفين حيوان


قالوا فيه فرق كبير


بين حامل المسك ونافخ الكير


قولت بلاش كلام انشا


وسمعونى كلمة وادع يا ناصحين


قالوا بدون نظام وعلم كمان


هاتفضل حيران


وهاتقول هو ايه اللى حصل فى الدنيا يا جدعان


وهاتشوف على جبينك تجاعيد هموم سنينك


يا صاحبى


شغل نور قلبك


يكون دليل لعقلك


حديث وقاله عظيم


اغتنم خمس قبل خمس


شبابك قبل هرمك


صحتك قبل سقمك


غناك قبل فقرك


فراغك قبل شغلك


حياتك قبل موتك


لا ينطق عن الهوى


ان هو الا وحى" يوحى


من فوق كان طريق هداك


صدقنى مهما بعدت


هو بردوا منتهاك


يلا صاحبى نكبر مع بعض


ونرفع شعار


حان وقت التغير



لقد صنعنا الكثير من الكبارى والطرقات والمولات الم يحن الوقت لصنع انسان



وعجبى

35 Response to "همهمة بصوت عالى"

إيمان Says:

ياسلاااااااااااااام يا أبو على

كلامك بجد مهم جداااا

مش بس علشان التغير بقى مهم

لكن كمان لأن الحياه فعلا مبقاش لها معنى ولا طعم متهيألى اللى أنت قلته
لو فعلا عملنا بيه فى حاجات كتييير هتتغير
مش بس فى حوالينا كمان جوانا
سلامى لمدونتك الجميله اللى بجد وحشتنى جدااا
وشكرا على سؤالك وأهتمامك

hager Says:

معاااك جداا في دعوه التغير
بس تعرف كان في واحد مصري قال نغير حصله ايه اطرد من البلد

بس انا هخليني متفائله واقول مااشي هنغير ان شااء الله
والواحد يبتدي بنفسه


شكراا علي البوست :)

شمس النهار Says:

التغيير
انت اتكلمت في المفيد جدا
بحس ساعات اننا بنخاف من التغيير

علي جميع المستويات
وفي كل حاجه
جالنا رئيس خاييفين نغيره
البيت خلاص هيقع خاييفين نغيره ونعزل

حتي في التمثيل لما ممثل بينجح في دور برضه بيخاف يغيره

هل هو خوف من المجهول هل هو خوف من الفشل
مش عارفه

كمان احنا ماعندناش موضوع صناعة الانسان دي خالص
المفروض ان الكيجي ده يدرس فيه ناس مؤهله تأهيل عالي

علي العكس
اغلب مدرسات الكيجي
عايزين اعادت تأهيل نفسي الاول وبعدين علمي

ابو علي بوستك قلب المواجع:)

aidy Says:

موضوع جميل جدااا

فعلا احنا محتاجين نتغير ونبص للدنيا بعين تانية

بس للأسف مينفعش نيجى لموظف غلبان مرتبه ميتعداش بضع مئات و عنده عشر عيال ونقوله بص للدنيا بعين تانية

لأنه حتى لو بص بعين تانية مش هيشوف حاجة

بس ينفع نقول للشباب بدل ما يضيعوا عمرهم على القهاوى وبين البطالة واليأس والمخدرات أفتكر ان الجيل الجديد يقدر يعمل اكتر من كده شوية


تحياتى على الموضوع الرائع ده

halla halla Says:

'طبعا محتاجين جدا للتغير
عايزين نكون زى اوباما كده من شخص فقير في كينيا الي رئيس اكبر دوله اقتصاديا ولكن كيف
اتقد بالعمل الدئوب ورفض الواقع والعمل بكل قوه علي تغييره
يامعين يارب
مدونتك جميله تسلم

dalia Says:

التغيير حان وقته ولكن أين هم جيوش التغيير? اتفق معك يا ابو على ان التغير يحتاج الى انسان متفائل وناجح مثل أوباما ولكن هل يتطلع كل أب وكل ام في هذه البلد ان يقدم ابن صانع للنهضة ؟ ام يتركون عوامل الهدم لتقضى على ما بقى من الانسان المصري الاصيل? ربما يكون شكل اوباما وهو يقفز على سلالم بيت الرئاسة في همة ونشاط قد اثارت حماسة الشعب المصري واعجابه ولكنها اصابتني انا بالحزن هل من المعقول ان يقتل الشباب في مصر بهذا الشكل المهين ?تعلم ان الحكمة مطلوبة ولكنها لم تعد كل شيئ في هذا العصر ياليت الحكماء يتركون السلطة ويرحموا شعوبهم من ظلهم الثقيل ويتركوا له خيارا في الاختيار نريد شبابا لا اموات يسندون من الخلف غير قادرين على الحركة حتى اعينهم خبى ضوئها وأيديهم لم تعد قادرة على التحرك وصوتهم بات متهدج خافت غير قادر على الحديث يا رب ارحمنا برحمتك وانقذنا من هذا الوضع الاليم

yara Says:

الله عليك يا ابو على بجد صحيح انا تعليقى هيبقى على السريع نظرا لانى هقوم اذاكر بس والله يا ابو على موضوعك هو اللى حمسنى لانى اقوم اذاكر بكل حب واراده وامل لانى فعلا كانت طاقتى نفذت ودى اخر ماده ومكنتش طايقه الكتاب بس اللى يقرا كلامك وميتغيرش ويقوم يذاكر يبقى فعلا والله معندوش دم
...
بجد يا ابو على دعوه رائعه من انسان راقى يبحث عن صوره الانسان فى كل من حوله.....
بجد ربنا يوفقك ويوفقنا
ايه ده؟؟؟
هو انا مش قلت تعليق على السريع
يلالالالالالالالالالا الكلام ساعات بياخد الواحد .....
المهم ادعيلنا لان عندنا بترول ومياه والبترول الماده الوحيده اللى بندرسها بالعربى وانا ارخم حاجه عندى المذاكره بالعربى
وفوق ده كله الامتحان هييجى بالانجليزى متعرفش اذاى بقى
اهو كله عبط وهبل
معلش اصلى متغاظه وبطلع غيظى فى المدونه اكيد هتستحملنى حتى لو صاحبها مش هيستحمل
يلا بقى بااااااااااااى
السلام عليكم ورحمه الله افضل

احساس طفلة محبة للرومانسية بس واقعية Says:

حلم
الكلمة السحرية هى
حلم راودنا كثيرا الى ان اكتمل وابصبح طريقا ممكن نمشى فية
حلم بيدفعنا لتحقيقة يزودنا بزاد الطريق
حلم نستمر ونشى فية مهما قابلنا من صعاب
حلم متمسكين بية مش ممكن نمعية بدمعة
حلم للاسف شافة ومسكة ولقاه حد عرف يقدرة غيرنا
حلم احنا سبناه بأيدنا وتخلينا عنه

ياريت نلاقية ونرجع نتمسك بية ونتغير
دعوة وبوست رائعين ومش جديد عليك التفاؤل يا ابو على

تقبل مرورى

سمكه واحده Says:

ياالله علي كلامك يا ابو علي
والله مش مجامله ولا كلام من ده
التغير ما احلها كلمه
يااااااااااااااريت بحجد نفسي والله
ياريت كلنا ايد واحده
بس عارف والله عندي امل برغم الصعوبات وبرغم اللي بنمر بيه
في ناس كتير حلوه البلد فيها خير وشباب زي الفل وبنات كويسه
بلدنا بخير محتاجه زقه صغير
فيها عقول واعيه ياريت بس الايمان والضمير وحب الخير والعطاء
يكتر شويه
والله مصر ام الدنيا وان شاء الله ربنا هيصلح الحال عندي امل
بجد مش عارفه اقلك ايه كلامك جميل وحلو اوي اوي
طول ما فيها ناس بتفكر البلد بخير
تحياتي يا احلي ابو علي
ربنا يبارك فيك

سمكه واحده Says:

بس بردو عارف لو تنتخبوني
بلاش اقول رئيسه للبلد دي
خليني بس وزيره ماليه
انا مش طماعه ده انا ههيص البلد سمك ببلاش
ومن افخر اواع السمك
اه زي ما بقلك كده متبصليش ومحدش يبرق ده انا هملي البلد انواع سمك متسورد
وافخم الانواع هأكل الشعب كبوريا وجمبري
بس انتخبوني انتوا بس وزيره ماليه

MaNoOoSh Says:

هم دول السر فعلا
اننا نتفائل
واننا نتقن عملنا
واننا نكون صورة مشرفة لديننا


وانا لسة عندي شوية أمل اننا نفوق كشعب ونتقدم ان شاء الله

micheal Says:

متفق معاك جدا بس بكل أسف الانسان هو اخر حاجة بنفكر دايما أننا نصنعها
:)
تحياتي

SHAPE YOUR LIFE (ABOALI) Says:

الى ايمان

حمدا لله على السلامة
ومنورة ووحشانا بجد
وان شاء الله ربنا يتم شفاك على خير حال

اهم حاجة اننا نندرك يا ايمان ان التغير مهم
ونبدء فى تحصيل اولى خطواته


ومتفق معاكى طبعا ان التغير النفسى مطلوب

اشكرك

SHAPE YOUR LIFE (ABOALI) Says:

الى هاجر

التغير مش معناه اننا نمسك ميكروفون وننادى بحى على الطغاه
التغير هو بداية السيطرة على انفسنا
التى شطحت فى كل اتجاه بدون رقيب
حتى اصبحت تظن انها لن تحاسب


التغير ليس كلمة قاصرة على احوال بلد
ولكن طريقة التعامل حتى مع المشاكل وتلك الاحوال

حتى نتفادى الاحتقان الداخلى


دايما تشرفينى برايك يا هاجر بجد
وبحس انك من الناس فعلا المخلصة
اللى عقلهم واعى جدا


اشكرك

SHAPE YOUR LIFE (ABOALI) Says:

الى الحاجة شمس
انا كلامى فى المفيد
وانتى كلامك فى المضمون
فعلا فيه حالة من القلق تحدث عندما نتكلم عن التغير ونظن له بالصورة السلبية ولا ننظر للنواحى الايجابية له
ان من يرفض التغير هو فى حد ذاته مفتقد لقيمته كاءنسان
خلق اساسا على التغير والمفاعلة مع الواقع الذى يحيا فيه


اتمنى ان ننصلح ونغير ان شاء الله

الخبرة فى الحياه اضافت اليكى الكثير
وهذا ما اشعر به فى تعليقاتك

فلك التحية

SHAPE YOUR LIFE (ABOALI) Says:

الى ايدى

ذلك الموظف يا ايدى
ان ادى عملة باءتقان هناك رب فوق العرش
يبارك فى الرزق ويقى ذلك الرجل من كل سوء
فكم من الكثيرين امتلكوا المال ولم يمتلك صحة ذلك الموظف
علينا ان نعيد النظر فى تلك المقولة
ان المال هو الحافز على التغير
فهناك بسمة ان اطلقتيها على وجهك
فى كل صباح وفى كل تعامل
فاءن القلوب ترتاح وتبدء فى التغير

التغير صناعة تحتاج الى الاصرار

والحماس

دايما لك بريق
احييك على نقاوة قلمك

SHAPE YOUR LIFE (ABOALI) Says:

الى هلا هلا

صح الكلام
وان شاء الله يحدث التغير من هلا هلا الى مرحبا مرحبا

ولا ايه رايك

منورنى فى اول زيارة مع شكرى

SHAPE YOUR LIFE (ABOALI) Says:

الى داليا الرائعة

كلامك مهم ودعواتى طبعا معاه
ولكن

التغير وان كان بعضة ياءتى مع الوقت فى تلك الناحية التى رسمتى لها لوحة رائعة
ولكن عندما ياءتى ذلك التغير الذى سيحدث بفعل الزمن بالتاءكيد
هل ستكونى مستعدة
هل سيكون لك القدرة على المحاورة
هل سيكون لك القدرة على التفاعل
هل سيكون لك تلك البسمة التى تنظر الى ان لك دور فى تلك الحياه ولن يقف اى شيىء ضده


عندما يحين التغير يا داليا
يجب ان تكونى فى مصاف من يسانده ليس بالقول ولكن بكل انسانيتك


اشكرك على فهمك الراقى جدااااااااا يا داليا يا مبهرة

SHAPE YOUR LIFE (ABOALI) Says:

الى يارا

مبسوط بكلامك وتعليقك جدا
وجعل الله لنا نصيب من الصلاح والدعوة الى الخير

وان شاء الله يفرج الله لك الحال فى الامتحانات
وتذكرى انك لك رسالة ولابد ان تكونى قدها

والمدونة مدونتك هى بيتك كما هى بيتى

نتفاعل فيه ونرتقى
وبدون تفاعلك وكلماتك ونقدك لى
لن يكون هناك تغير

ان شاء الله تكونى فى خير حال
واللى تخاف منه يكون فى مخبره كل الخير

اشكرك

SHAPE YOUR LIFE (ABOALI) Says:

الى طفلة رومانسية مفعمة بالواقعية

الحلم والتغير

لعل الحلم هو التغير
فنحن نتغير فى احلامنا
فلما لا نتغير فى واقعنا

ما دمنا نحلم فنحن قادرين على التغير

بس حبة عزيمة
وابدئى بنفسك ولكن بمهارة وحنكة


اشكرك

SHAPE YOUR LIFE (ABOALI) Says:

الى سموكة

ياااااااااااه
فرحان جدا بتعليقك يا سموكة
لاءنه فعلا طلع من وسط البحر الممتلىء بالموج العاتى
وعلى الرغم من كده حمل التفاؤل والرغبة فى التغير

عجبنى احساسك العالى اننا لازلنا بخير واحنا كده فعلا بس الجهود مش متشابكة مع بعض
وساعات الكلام لا يتعدى مراحل الكلام

بس نفسى ارتاحت لتعليقك
لاءنك بنت اتمنى ان اقابل ملايين منها فى حياتى
واذا حصل كده
ياااااااااااااااه
ياااااااااااااه
هنوصل كاس العالم
ومش بعيد ناخد حق الفينو

مرة تانية مبسوط بتعلقيك
وانى اكبر من وزيرة مالية
انتى مقامك عالى

انتى سيدة مصر الاولى
وليه لاء
خلى ده حلمك هاتكونى فعلا كده

على الاقل
سيدة مصر الجديدة


تحياتى

SHAPE YOUR LIFE (ABOALI) Says:

الى مانوش
صح يا مانوش والامل لسه موجود

حاسس وانتى بتعلقى انك كنتى زهقانة ولا حاجة
او مش فى حالتك اللى اتعودت منك عليها

اتمنى انك تكونى بخير

ابقى طمنينى

SHAPE YOUR LIFE (ABOALI) Says:

الى ميشل

ان شاء يا ميشل نغير
علشان احنا محتاجين ده واصبح ضروة قصوى

وممكن نصنع انسان
بس لو فكرنا بعقلنا وكنا عاوزين

منورانى فى اول زيارة

اشكرك

غير معرف Says:

فعلا كلنا محتاجين نتغير اوى عشان نقدر نفوق و نتصالح مع الحياة و الحياة تصالحنا...مش أوباما هو اللى حيغيرنا بس لازم كل واحد يتأمل خطابه ده و يحاول يعمل بيه و يمشى على المنهج الإسلامى ...ياريت ده يحصل


البوست حلو أوى..تحياتى عليه بجد

Kiara Says:

حان وقت التغيير

لكن تفتكر ممكن نتكاتف لبناء انسان بعد اما اصبح حطام ؟

سمكه واحده Says:

لالالا الله يكرمك
بجد ادعي ياعم ميجيش صعب ولا حاجه حرام عليك دي البت اللي حليتنا
البت ماشاء الله عليها ذكيه وشاطره جدا ربنا يوفقها يارب بس هي مرعوبه وجبانه جدا خوفها ده ذياده هو ده اللي مخوفني
ياشيخ باااااااطل ولا موش باطل العيال بس ربنا يكرمها هو احنا بنقول غش ولا حاجه
بنقول ربنا يوفقهم
ادعي يا ابو علي انا بقلك اهو
ابو علي
انت حر هغضب عليك وانا عارف سمكمك
ممكن تتحول لقرش كبير انت حر
(وش متغاظ وغضبان ومفروس وبيشد في شعره)

أمل حمدي Says:

ازيك يا ابو علي

انا لسه راجعة من السفر كنت بغير جو لاماني

التغيير أجمل شيء في الدنيا

والأجمل ان كل انسان يحاول يغير عيوبه ويقف قصادها يعاقب نفسه ويربيها للأحسن
لان مافيش انسان كامل ابدا
موضوع كبير قوي موضوع التغيير دا
هو حلقات كل حلقة موصلة للتانية لكن لازم تتوصل صح
نبدأ بأنفسنا الأول ودي أهم حلقة
سلام يا ابو علي

الجواز و سنينه Says:

و لا هو كان يتخيل انه هايبقى رئيس امريكا
يمكن اللى بيعجبنى فيه انه بسيط
و يمكن ده اللى بيحبه فيه الناس

اما عن لبتغيير فأيدى على كتفك
مين مش عايز
عقبالنا

EMMY BABY Says:

ابووووووووو على

بالعربى مش بالانجلش بس على العموم غيرته علشان ميبقاش ليك حجة

ابقى زور مدونتك بقى علشان تتاكد من كلامى :P

بجد فعلا احنا لازم نتغير

ان نتبسم بدل من العبوس




ان نتفائل بدل من اليأس




ان نتقن ما نعمل




ان نكون صورة لمنهج ذلك الدين الفريد
الذى نعتنقه الذى ما ترك مثقال ذرة كان فيها الخير الا وتحدث عنها وطلب السعى اليها


وهاتقول هو ايه اللى حصل فى الدنيا يا جدعان

وهاتشوف على جبينك تجاعيد هموم سنينك

يا صاحبى
شغل نور قلبك

يكون دليل لعقلك

*******************
بجد عجبتنى اوى اوى

وحشتنى مدونتك جداااااااا والله

نفسى اقرا كل اللى فاتنى مفروض كنت تتوقف عن التدوين لحد ما ارجع مليش دعوة بقى هههههههههههه

تحياتى

ايمى

SHAPE YOUR LIFE (ABOALI) Says:

الى انا ودماغى

جميل نظرتك للتغير وانه مهم
وفعلا نظرة جنب نظرة هاتكون وجهة نظر
ومها يكون فكر
ينطاح كل البشر
ونقول ان اوان التغير

اشكرك على تعليقك المميز ومرورك من هنا

وعذرا سأقوم برش الميا

ههههههههههههه


تحياتى

SHAPE YOUR LIFE (ABOALI) Says:

الى كيارا

كم كان رايك قاسى فعلا

اذا تحول الانسان الى حطام فقد استسلم لمن اراد عن يحطمه

وعندها تخلى عن لقب انسان
لاءنه فى هذه الحالة حجر وانكسر

نعم نقع ولكن نعود


اشكرك

SHAPE YOUR LIFE (ABOALI) Says:

الى سمكة

علشاااااااااااااااان خطرك بس يا سموكة


اللهم طهر عقولهم ونظف قلوبهم واجعل لهم ذاكرة من فولاذ واخلاق من الماس
وارزقهم العمل مع الاحساس


اشكرك

SHAPE YOUR LIFE (ABOALI) Says:

الى ماما امولة الفاضلة

ان شاء الله يكون التغير عنوان للبسمة لاءمانى واهل امانى

فعلا التغير يبدء من البيت الداخلى
وذلك البيت سيخلق عمارات حواله من التغير


اشكرك بعمق

SHAPE YOUR LIFE (ABOALI) Says:

الى الجواز وسنينه

التغير يبدء منك ومنى
الانتظار ثم الانتظار
ثم التاءجيل ثم التاءجيل
لاءن يجعل هناك اعمار حتى نتغير


واكيد ده تاءثير الجواز

SHAPE YOUR LIFE (ABOALI) Says:

الى ايمىىىىىىىىىىىىىى
وانا اقووووووووول المدونة فيها سكر زيادة

ورائحتها عنبر مع رياحين

كل ده علشان غلطة مطبعية حصلت

يااااااااا سلام عليكى يا ايمى

والله ليكى وحشة

ياااااااااا رافعة معنوياتى

التغير مطلوب فعلا
هناك من ينتظر التغير
وهناك من يصنع التغير

محتاجين نصنع التغير

ولالالالالالالالالالالالالالالا ايه



اشكرك اشكرك اشكرك