حجر صحى (اعادة نشر)

, الاثنين، 4 مايو 2009


ايقاع الحياة المتسارع يضغط على أعصابي، ومشاعر القلق والتوتر لا تفارقني، أشعر كأنني أغرق في بحر من الهموم والضغوط المتلاحقة
كيف أتغير؟
كيف أتحول؟
من أين أبد؟..
اسئله واستفسارات يكاد لا يخلو احد الى نفسه الا ويذكرها
كلنا بنفكر فى الحل طيب يا ترى الحل ايه ؟
الحل امام الاعين يتراىء

حجر صحى
فعلا احنا محتاجين حجر صحى
يكون نقطة تحوُّل
بس حجر صحى حقيقى تكون نهايته بدايه انطلاق جديدة
فى الحجر الصحى تذكر حاجات تساعدك على النجاح


االصمت والسكوت

درِّب نفسك على أن تصمت أكثر مما تتكلم؛ فإن النفس إذا صمتت سكتت، فإذا طال سكوتها تبين لها الكثير وتتضح الرؤية افضل
قاوم التسويف

الافة اليوم هو طول الامد وعدم الشعور بقيمة الوقت فاءذا شعركل واحد فينا ان العمر عباره عن ثوانى ودقائق وساعات وايام وسنون اكيد سوف تكون هناك همه للبدء فورا فى الانجاز

الخطة المرنه

لكى نستطيع البدء الصحيح لابد من خريطه نرسمها لكى ترشدنا الى الطريق نضع خطة مرنه يمكن التعديل فيها والتطوير دون المساس بالاصل

اعرف نفسك ومن حولك

بدون معرفة نفسك لن نستطيع التحكم فيها نتعرف على نقاط القوه ونقاط الضعف ايضا التعرف على من نتعامل و نحتك بهم يوميا فى حياتنا مطلوب ومهم
حتى نستخلص منهم من يساعد فى الطريق ومن يحتاج الى ترميم علاقتنا به


الفرار

نفر بكل اجسادنا واروحنا اليه راجين ان يعيد الينا التناسق النفسى والانسجام بين اعضاءنا نضع انفسنا تحت منظار طاعته لإن من يفهم السعادة والراحة النفسيه لايجد ها الا معه وفى رضاه وضع فينا الشوق اليه والصلة التى تذكرنا دائما به صلاتك له وخشوعك فيها تشحن كل اعضائك من جديد ففر منه اليه


فى ظل الانفلونزا بانواعها

طيور وخنازير

لازم نلحق بعض

نعمل لبعض حجر صحى

لاءن كده وبصراحة

فى انفلونزا اسمها هرتلة العقول

كل واحد دماغه عجبا نفسه

وقال ايه انا عايش كده مبسوط

يااااااااااااا انسان انت مش لوحدك

انتبه كده لنفسك

احسن والله ادعى عليك

بالدود ياكل فيك

احجر على نفسك

وارجع امشى مستقيم

وفكر كده وخليك نبيه

فرخة كنت بتاكل فيها

دلوقتى بتجرى منها
وتقول يا فاكيك


وخنزير كان بينضف ويشيل

وكان ليه معنى
اصيل

يرضيك يتحول لكباب وبوفتيك

اسئل طب كل ده ليه

من اعمالنا كل ظهر وبان

وربنا خلى ليك منهج وعنوان

وانت خليته مش فعال

ارجع واعمل حجر صحى

تعيش مبسوط وانسان




ملحوظه
الخنزير لايذبح وانما يتم وخزه فى قلبه بالسكين
وبيقول اى اى
وعجبى


27 Response to "حجر صحى (اعادة نشر)"

إيمان Says:

بوست مهم جدااااااااا
جداااااااااا
تعرف بجد والله كنت محتاجاه
ومحتاجه للنقط دى حد يذكرني بيها
ياسلاااام عليك يا ابو على دايما
كده تقول المفيد
تحياتى ووافر احترامى وتقديرى

موناليزا Says:

شكرا على الملحوظة اللى فى الاخر اول مرة اعرفها
اما عن الموضوع فسبحان الله بجد لان ذنوبنا كترت اوى ومع ذلك مفيش حد بيتعظ من انتشار الامراض والاوبئة
اللهم ارفع غضبك ومقتك عنا

صمت الحنين Says:

عندك حق العقول هى اللى بقت عايزه حجر صحى

MaNoOoSh Says:

سبحان الله الانسان اكل كل شىء فى الدنيا حتى لحمة أكلة.. وفى الاخر هى الدودة اللى طولها معداش 1سـم هى اللى هتاكلة.. بس دايما الانسان بينسى الحكاية دى
علشان كدة دايما ربنا بيذكرة باى ابتلاء يضعة فيه لعل الانسان يتعظ ويرجع للحق
خطوات عملية لفرملة ايقاع الحياة.. والمعلومة الاخيرة فعلا اول مرة اسمعها.
تحياتى وتقديري يا ابو على

شمس النهار Says:

صح ياابو علي كل واحد فينا محتاج يحط نفسه بنفسه وبرضاه في حجر صحي نفسي ديني
ويعيد حساباته

وقفه كده مع النفس باللي ليها واللي عليها

نحاسب نفسنا شويه

كلماتك علي بساطتها بس اصبت تمام

mahasen saber Says:

ربنا يرحمنا برحمته الواسعه

وعجبنى الحجى الصحى اليى اول مره اسمع عنه او الاقى حد نوه ليه

حجر انفسنا الصحى

وعند ابو على الفكر العميق

mahasen saber Says:

دايما فكرك راقى يا ابو على

ودايما مبدع فى اختيار مواضيعك ومناقشتها بعمق
ربنا يديم عليك نعمه

عمرو جويلى Says:

يشرفنى زيارة مدونتك لأول مرة ويارب يدوم التواصل
أما البوست فهو رئع وفيه التذكرة التى دائما ما ننساها أو نتنا ساها
دمت بكل الود

dalia Says:

اعرف نفسك ومن حولك ده أجمل جزء يا أبو على على الاقل من وجهه نظري
دعني اضيف احد معانيه وهي ان الحياه في الغالب محدوده وان القراءة تضيف حيوات وتجارب الاخرين الى حياتنا هذا ليس كلامي ولكن هذا ما خطه الاديب محمود عباس العقاد منذ زمن انا شايفه ان الانسان الذى لا يقرا لا يطبق الامر الالهي ويعد من الجاهلين بأمور دنياه ودينه ياريت نقدر نعمل حاجه علشان نشجع الاصدقاء للتعرف على دينهم بشكل صحيح
تحياتي لموضعك الهادف دوما نحو الامام

mohamed ghalia Says:

المهم نجهز الخطة ونحس بأهميتنا
دمت بكل الود يا أخى العزيز

ghorBty Says:

السلام عليكم

سلمت يمناك استاذ ابو علي

بوست جميل ومفيد حقا

وخطوات جميله جدا ياريت فعلا ندرب عليها ونبدا نعملها

والصمت دا شئ اساسي وانا دايما بحب اسمع اكتر ما اتكلم لان من سكت سلم وكما يقال

لاندمن علي السكوت مره ولاندمن علي الكلام مرارا

وفي الصمت التامل والسلامه

وباقي الخطوات رائعه تقبل الله منكم

وربنا يرحمنا ويغفر لنا ويكشف عنا كل سوء

بارك الله فيكم

جنّي Says:

السلام عليكم

الله الله الله يابو علي باشا ..

الجزء الاول وهذه النصائح الذهبية وبما انك ذكرت الحجر الصحي فكدا محتاجين للنفس الطويل مش كدا ولا ايه ؟

لا والله بجد خمس نصائح تحتاج الى مجاهدة للنفس وتخطيط وفهم جيدين ..

اما الزجل فما احلاه .. بس ازاي الخنزير كان له معنى اصيل ولا القافية تحكم ؟ بصراحة مش فاهم مغزاها ..

تحيتي

Kiara Says:

عارف مدونتك دي ثريه جدا

انا اوقات بقعد استرجع البوستات القديمه

بجد مغزاها كبير

SHAPE YOUR LIFE (ABOALI) Says:

الى ايمان
مرحبا بك فى صدارة التعليق
طبعا اتفق اننا جمعيا نحتاج الى الكثير من التخطيط لحياتنا
وتلك هى بعض البدايات السهله البعيدة عن النظرات الفلسفية البحتة

اشكرك على تعليقك البليغ

تحياتى

SHAPE YOUR LIFE (ABOALI) Says:

ا لى موناليزا

اللهم امين
بس المؤمن القوى ذو المعرفه الغيور على دينه
الذى يفهم دينه جيدا

هو ما نحتاجه
لم تقولى رايك
فى بعض العوامل التى كتبتها حتى نستعيد صحة عقولنا
تحياتى

SHAPE YOUR LIFE (ABOALI) Says:

الى صمت الحنين

طب وليه الصمت ما دومتى تتفقى معى
اشتركى برايك وقولى نبدء من اين
واى الخطوات اصح

خليك ايجابى تكون من احبابى

ولالالالالالالالالا ايه
اشكرك على حضورك هنا

SHAPE YOUR LIFE (ABOALI) Says:

الى مانوش
صح الكلام
والخطوات دى سهله فى التطبيق والتعامل معها
رايك نبدء من اى الخطوات

منورة دايما

SHAPE YOUR LIFE (ABOALI) Says:

الى شمس النهار

هو ده الكلام
لو عملنا كل شويه تقيم لنفسنا واحوالنا
هانظبط نفسنا بدرى بدرى
بس هو العند وتكبير الدماغ اللى جايب الكل ورا

اشكرك على موضوعية التعليق

SHAPE YOUR LIFE (ABOALI) Says:

الى ام بيرو

فينك يا ست الكل
بيرو على كده هايدخل الجامعة لو كل الوقت ده ليه
اتمنى ان تكونى فى خير عافيه
ودايما بترفعى روحى المعدنية وده مطلوب علشان الميا دلوقتى ملوثه

يعنى بتعملى ثواب برضوا

اشكرك على النقاء والصفاء

SHAPE YOUR LIFE (ABOALI) Says:

الى اللؤلؤه

اشكرك على تشريفك
ويا ترى ايه اول شيىء هتبدء بيه
يا لؤلؤ

SHAPE YOUR LIFE (ABOALI) Says:

الى داليا الفاهمة

بيعجبنى تعليقك يا داليا لانه بيدخل فى صلب الموضوع
بعيد عن لوزعيات الكلمات
بدون الاضافات وبدون وجود مداخلات
لن يحدث نضج فكرى ابدا

طبعا اتفق معك ان القراءه هى المعرفه ومقياس قيمة الانسان

اشكرك على تفاعلك الراقى

SHAPE YOUR LIFE (ABOALI) Says:

الى محمد الغاليه

الخطة موجوده يا باشا
والاسلحة فى المخازن المهم انت جاهز
العمليه قربت

هااااااااااااااااا

SHAPE YOUR LIFE (ABOALI) Says:

الى حماده

اشكرك على الدعوة

SHAPE YOUR LIFE (ABOALI) Says:

الى غربتى
جميل انك تمتعى بصفة السكوت
بس خلى بالك السكوت فى وقت الكلام نقمة
اشكرك على احساسك بالموضوع واهميته
لاءننا نحتاج الى جدول لجدوله حياتنا


تحياتى

SHAPE YOUR LIFE (ABOALI) Says:

الى جنى

يا باشا باشا
بص يا سيدى الخنزير بياكل القاذورات خصوصا الخليط منها اى الذى لا ياءكله حيوان اخر
فبعد جمع القمامة المتبقى منها من الملوثات
ينظفه الخنزير
معانى وجود الخنزير كثيره
لاءنه كمان الحيوان الوحيد
الذى انثاه مشاع للجميع


اشكرك على فهمك الراقى

SHAPE YOUR LIFE (ABOALI) Says:

الى كيارا

عاملة ايه ياباشا
الشخص الثرى هو من يعطى الثراء
وان شاء الله تكونى من الاثرياء

تواجدك يسعدنى ويطمئنى عليكى

عمرو Says:

موقف الحياه ككل محتاج نقطة نظام ..
نقطه يتوقف عندها العقل و الضمير و يراجع كل حساباته و أكيد بشىء من الرويه سيكتشف مدى فداحة أخطاءه ..
أحييك على البوست الجميل و تقبل تقديرى ..