البدايه

, الجمعة، 9 يناير 2009


نتعرض خلال مسيرة الحياه بنا الى العديد التحديات ويحلو للبعض ان يسميها مشاكل او ازمات
وهى فى الحقيقه سنن الله الكونيه فى ارضه
حتى نتدرك بين الوان الحياه من ابيض واسود وما بينهما من الالوان
العاقل من يعرف كنه و ماهية تلك الحياه للعبور منها بسلام
ولكن لكى نسير يجب ان تتوافر معنا بعض المهارات
يجب ان ندرس انفسنا من الداخل وندرس البيئه التى حولنا حتى تكون الخطوات محسوبه
الله يحب ان يكون المؤمن قوى وان يتصف بالاحترافيه فى التعامل اى يكون كيَس فطن وليس كيس قطن كما يقال
هناك تحليل مميز اسمه سوات (swot analysis) من خلاله يمكن نعى من نحن من خلاله
وهو عبارة عن التالى
S=strength (نقاط القوه)
W=weakness (نقاط الضعف)
O= opportunities (الفرص)
T= threats (المعوقات)

وايه رايكم نحلل اسرائيل مثلا

نقاط القوه ( وحدتهم – الاله الاعلاميه – المساندة الامريكيه - ...)
نقاط الضعف ( بلا عقيدة – يقاتلون من خلف الاسوار- الخوف من الاسلام)
الفرص( امامهم فرصه للتوسع والغزو – تفوق تقينى وتكنولوجيا – استغلال المعاير المزدوجه..)
المعوقات ( حب الشهادة – حى على الجهاد – حب الدين – حب الوطن ....)

ولنأتى الى غزة


نقاط القوه ( الايمان – حب الشهادة – حى على الجهاد – حب الدين – حب الوطن)
نقاط الضعف ( التشتت- التنظيم - احترافيه التعامل فى اتخاذ القررات ..)
الفرص( يهودى يقتل يزلزل كل اليهود – لازال الدين ينبض – احراج من شمت فيهم ..)
المعوقات ( تخاذل قيادات عربيه – الخونه والجواسيس – الكل ليس رجال ..)

فى قمة الازمات يجب ان نحلل انفسنا لنصلح جبهتنا الداخليه قبل منازلة اى عدو او مشكله او ازمه
ولنا فى المصطفى صلى الله عليه وسلم الاسوة الحسنه
فعندما اراد ان يهاجر الى المدنيه اعد العدة من مكان للماؤى ومن سيرافقه ومن سياءتى بالطعام
ومن سيمسح اثاره ومن سيكون فى سريره وتوكل على الله
وعندما هاجر الى المدنية ووصل
رتب البيت الداخلى من اخاء بين مهاجرين وانصار و اصلاح ما افسده اليهود بين الاوس والخزرج
ثم بنى المسجد ليتعلم الناس كيف يسيرون فى حياتهم تحكمهم المعاملات والتشريعات
ولنرى انفسنا اليوم وفى جبهتنا الداخليه
هناك من خان الوطن هناك من شتته هناك من شغله بالدروس الخصوصيه هناك من شغله بالأفلام
ونور ومهند
هناك من شغله بالتقليد الاعمى والاتيكيت ونسى جوهر الدين ولما نزلت الينا الرسالات
اليوم الجامعات مرتعا" للعشاق وكان من نتيجة ذلك تخرج الجهلاء ليكون هولاء من يحملون مشاعل الوطن
نحتاج الى بدايه من جديد فى ترميم جبهتنا الداخليه وانفسنا حتى نعبر السحابة السوادء
التى ستنقشع اذا حفظنا ما اراد الله ان نحفظه

حلل نفسك وانطلق

34 Response to "البدايه"

أمل حمدي Says:

نعم يا ابو علي

ان الله لا يغير ما بقوم حتى يغيروا ما بأنفسهم

امامنا الكثير مما خلفناه وراء ظهورنا بسبب ما يسمى

بالتقدم ومسايرة العصروما هو الا تخطيط مدبر للقضاء على الهوية الاسلامية

ونحن نرى ان كل من يحاول ان يحافظ على الدين كهيئات او مجموعات او حتى احزاب فهو محارب داخليا وخارجيا

بجانب ما ذكرت من سياسة الالهاء التي نحن بصددها
واكثر ما يعانيها هو الشعب المصري
من غلاء وغيره والله المستعان

تقديري اخي للموضوع الرائع الذي طرحته

جزاك الله كل الخير

princess Says:

صحيح كل واحد لازم يعرف نقط قوته ونقط ضعفه عشان يعرف هورايح وجاى فين
التقدم ومسايرة العصر لابد منها بس بشرط تاخد من التقدم اللى يناسبك دينيا وحتى اخلاقيا كمان مينفعش تاخد كل حاجة ده اسمه تقليد اعمى
لنا الله

SHAPE YOUR LIFE (ABOALI) Says:

الى ماما اموله
فعلا" محتاجين بدايه حقيقه نوزن فيها الامور حتى لا تقع منا انفسنا
وكمان تغير واقعنا بمعرفة ما نحتاج

اشكرك لتعليقك المميز والفهم الراقى المدرك لما نعانيه

تحياتى

SHAPE YOUR LIFE (ABOALI) Says:

الى برنسيس
ياااااااااا عينى على التألق الفكرى اللى انتى فيه الايام دى
فعلا" فيه حالة تقليد اعمى
وكأننا مغيبين عن الوعى
تقريبا كده انتى وضعتى فى الجاتوهات حاجة
علشان تنفردى لوحدك بالفكر الرائع ده

تحياتى الراقيه

hager Says:

اولاا بجد التحليل بتاعك راائع
ثانيا احنا لو مشينا بنظام الانليسيز ده في حياتنا هتتحل مشاكل كتير مش مشكله فلسطين بس
اخر حاجه لما قريت كلمه analysis
فكرتني بماده عندنا اسمها الجورزمات الماده دي بتعتمد انك بتعمل انلسز للكود بتاعك عشان تشوف نقاط القوه والضعف بتاعته يعني حتي الاسلوب ده موجود في العلم
والغرب بيستخدموه بقوه
يا ريتنا احنا نتعلمه وننفذه
بشكرك علي مواضيعك الرائعه اللي دايما بتضفلي معلومه:)

موناليزا Says:

تحليل منمق ورائع جدا
وفعلا لنبتدى بأنفسنا ونحاول اصلاحها
فان الله لا يغير مابقوم حتى يغيروا ما بأنفسهم
ومانستصغرش الذنوب فلعلها عندالله عظيمة
واسمحلى من خلال هذا الموضوع ان اوجه رسالة الى كل مدخن يريد ان يحارب مع غزة اذا كنت لا تستطيع ان تذهب اليهم فلا تساعد اسرائيل بقتلهم عن طريق مالك المدفوع فى السجائر
والينا جميعا فلنحارب شهواتنا حتى نكون أهلا لنصر الله

شهرزاد Says:

بوست جامد
إن التخطيط للحياة ولما يجب أن نفعله هو أحد أسباب النجاح
فإن من أحد نقاط قوة عدونا أنه يعرف ان يخطط جيدا فأي خطوة يقوم بها مخطط لها جيدا وقبل سنوات عدة ولم تأتي بالصدفة او حسب مجريات الامور..

ولا ننسى السياسات الخارجية التي تحاول أن تعمي عيوننا عن رؤية الأمور الهامة وتلهينا بما هو أقل أهمية لتخرج من شبابنا جيلا ضائعا لا هدف له سوى التفاهات

تحيتي لك

شمس النهار Says:

للاسف نحن نفتقد للتحليل العلمي وكل ما يمت للحياه العلميه
البوست جميل وفي وقته

SHAPE YOUR LIFE (ABOALI) Says:

الى هاجر
عجبنى مخك اووووووووى يا هاجر
لاءن المتعة الحقيقه اننا ندرك ن العلم الذى نتعلمه هو الطريق على النجاح
اشكرك على تعليقك
مع تمنياتى بالتوفيق فى دراستك

SHAPE YOUR LIFE (ABOALI) Says:

الى موناليزا
فعلا محتاجين نبدء ثورة تصليح لنفوسنا
ونرمم اجزائها
لاءن هذا اولا واخيرا مردوه على الشخص نفسه اولا

اما عن التدخين وافاته
حاجة بتضعها فى فمك وبعد ذلك تلقيها على الارض وتمشى عليها الاحذيه
لا تستحق كل هذه الدعوات

اشكرك للمتابعة

SHAPE YOUR LIFE (ABOALI) Says:

الى شهرزاد
فعلا التخطيط هو النور الذى يضىء الطرق المظلمه
بدونه نتوه ولا نتقدم قيد انمله

تحياتى لرقى كلماتك

SHAPE YOUR LIFE (ABOALI) Says:

الى الحاجة شمس
وياااااااا ليتنا نعى
ولكننا اخذنا من التقليد الاعمى طريق
حتى لم نعرض امورنا على عقولنا

يا ترى مين ورائهم

الازهرى Says:

بالفعل دعوة جميلة ارجوا ان يتقبلها الجميع
وان يعملوا بهافى سر هام من اسرار النجاح

تحياتى دوما

mahasen saber Says:

انا حزينه بجد بجد
مش متصوره انى ممكن اكون صدمتك او دايقتك من البوست

ارجو سعة الصدر والعقل
فيما كتبت
الموضوع ليه هدف وكبير كمان

SHAPE YOUR LIFE (ABOALI) Says:

الى الاخ الازهرى

دعواتى لك بالتوفيق فى امتحاناتك
واستجاب الله لدعوتك
وان شاء الله الكل يستفيد

SHAPE YOUR LIFE (ABOALI) Says:

الى سيدتى الفاضلة الاخت محاسن

انا لا زعلان ولا كمان حزين
الاختلاف فى وجهات النظر لا يفسد الود والمحبه
كل ما فى الموضوع انى لا اميل الى طرح حالات السقوط الاخلاقى بصورة ظاهرة
لاءنها تعمق الجراح ولا تساعد فى علاجه
عندما ذكر القراءن لفظ النكاح لم يذكره اكثر من 3 مرات
وانظرى كام مرة تحدث عن الفضائل والتسامح وهكذا

مره ثانيه الاختلاف فى وجهات النظر
لا يمنع ابدا من التواصل والمعرفه والالتقاء
لاءننا فى النهايه انسان
يطرح وجهات نظر بزوايا مختلفه

تحياتى الراقيه لك

غروب Says:

الله عليك يا ابو على

تحليلك حلو اوووووى

بس ملحوظه عجبنى اوووووووووى اوووووووووووى البوست اللى فات بتاع تامل وقرر

تحفهههههههههههههه والتعليق بتاعك اجمل


تسلم ايدكي ومدونتك

mahasen saber Says:

طب انا مش قصدى انك زعلان ولا حزين

انابقول انا اليى زعلانه وحزينه
عشان ممكن اكون اتسببتلك فى ضيق ما

....................

مخنوق كيك Says:

موضوعك جميل وفعلا بدايه فكرية رائعة
لكن للاسف الحياه اصبحت ماشية علي وتيرة سياسة وقوانين اخري ... غير العقلية

كلنا غضبانين باللي بيحصل في غزه بس للاسف في مقاييس تانيه خالص للامور

ممكن تقول كده اذلال عربي .. استيطان توسعي .

بس فعلا موضوع رائع عالي في المقام والقيمة الفكرية .

احييك

سمكه واحده Says:

لالالا يا ابو علي
زعلتني منك هي وجهه نظر وانا احترمها طبعا ده علي تعليقك عندي بالنسبه لانه باين عليه هندي ومش عملي طب انت تعرف انه اكتر كلام عملي بقي لان ده بيدمر الاقتصاد ومتقليش بقي اقتصدنا واحنا بنشتغل واهلنا لما نقاطع الشركات والمحلات هتبطل تجيب حاجه لان العرض والطلب عليها قل معلش نستحمل شويه خساره لكن كفايه خساره في الارواح ولا احنا مش مسلمين وهنتسال علي ده ولا ايه؟ لو كلنا اتفقنا علي وجه نظر واحده وشجعنا بعض صدقني والله هتفرق وهتفرق كتير ونتائج هتظهر
الا اذا خلتني انا نفسي اركب فيل بقي واجي عندكوا واحي الشعب
تحياتي ليك وعجبني جدا كلامك في اننا نقاطع عادتهم وتقاليدهم والوهن والضع ده نذوده تبع مقاطعه المنتجات بردو يبقي كده نكمل بعض
شوف انا كل ده ولسه مقرتش البوست بتاعك هقرها وارجع اعلق بس علي ما اربط الفيل في الشجره واريح خمسه من الرحله وارجعلك
تحياتي واحترامي

dalia Says:

يارب نفسى في أول تعليق مفيش فايدة ، طيب الى ان يحين هذا الوقت أقول لك يا ابو على حاجه مهمة تحتاج لتوضيح جيد ان نقاط الضعف للاسرائيليين ليس لانهم بلا عقيدة بل هم يهوديين واسم دولتهم دينى اسرائيل يعنى سيدنا يعقوب عليه السلام وتمسكهم بدينهم يجعلهم اشد قوة من المسلمين الذين يتخلون رويدا رويدا عن عقيدتهم ودينهم ، اعتقد ان نقاط الضعف وضحها القرآن مثل انهم قتلة الانبياء ، ليس لديهم عهد لا يمكن الثقة فيهم ، لا يؤمنون بوحدوية الله مثل المشركين يخافون من الموت ....

وأهم نقاط القوة لدى المسلمين ان الله وعدنا احدى الحسنيين النصر أو الشهادة بشروط وضعها القرآن " ان تنصروا الله ينصركم
شكرا أوى يا ابو على :d على هذا التحليل دمت مبدعا

غير معرف Says:

فعلا يا ابو على احنا محتاجين بدايه ووقفه جاده مع النفس واكيد لو عملنا كده وبدانا بنفسنا هنقدر نعمل حاجه ولو على المدى الطويل.
المهم ان احنا نبدا ونعيش فى حياتنا لرساله من خلالها نقدر ننظر لانفسنا
با حترام.
اصلا مفيش حل غير كده
المهم احنا دلوقتى فى مشكله كبرى اخرى محتاجه وقفه مع النفس وتحدى قووووووووووووووووووووووووى جدا وهى للاسف الفيززززززززززززززززززززياااااااااااااااااااااااء
امتحانا كمان يومين وربنا يستر بقى علينا.
دعواتك يا ابو على لينا بقلب صادق ولا تنسى غزة من خالص دعائك ............

اقصوصه Says:

تدوينه رائعه

فعلا اوافقك الراي

سعدت بمروري من هنا:)

SHAPE YOUR LIFE (ABOALI) Says:

الى غروب
كيف حالك
الامتحانات تهذيب واصلاح ولا ايه
ان شاء الله تكونى موفقه

اشكرك على رايك فى البوست
وعلى احساسك العالى

SHAPE YOUR LIFE (ABOALI) Says:

الى الاخت محاسن
ماهو كده احنا متفقين
وان شاء الله البوستات اللى جايه افضل واجمل
وربنا يوفقك الى كل خير

SHAPE YOUR LIFE (ABOALI) Says:

الى مخنوق كيك
فعلا والله الناس ماشيه بالعرض بدون تحديد هدف ولا اساليب علمية ولا مخ وكبدة ولا اعصاب
وربنا يستر

تحياتى

SHAPE YOUR LIFE (ABOALI) Says:

الى سموكه

طبعا فى البدايه اوعى تزعلى من ارائى
المقاطعة يا سموكة ان كنا ناوين عليها
لازم ليها تنوير واساس
ومعروف بالفعل ايه الحاجات اللى تؤثر على اعداءنا
مش حبة شكولاته وشبيسى و عصائر اول مرة انا اسمع عنهم
اللى نقدر نعمله حاليا
هو دفع تلك الحكومات المتخلفه لقطع العلاقات ووقف التعاون الاقتصادى مع من يدعم تلك الدوله الملعونه

على العموم يسعدنى حماسك ونشاطك لانك صورة معبرة عن حواء العربيه الاصيله

اشكرك على تعليقك

SHAPE YOUR LIFE (ABOALI) Says:

الى داليا العزيزه
رايك يا داليا يحترم
ولكن اليهود الحاليين بدون عقيدة بالفعل
ويعتمدون على التلمود وليس التوراه
لذا هم بغير عقيده
لو نظرتى لصفحة 18 من التلمود ستجدى ان كل انسان غير يهودى امى بمعنى انه يقتل وتستباح كل ممتلكاته

لذا هم بالفعل من غير عقيدة

دائما عندما يعبر قلمك يفيد واشم من رائحة حروف كلماتك الفكر والعلم

تحياتى لك دائما

SHAPE YOUR LIFE (ABOALI) Says:

الى يارا وسلمى

فينكوا من بدرى
ان شاء الله تكون الامتحانات بردا" وسلاما" عليكم
وان تكون الفيزياء بدايه للتفوق الدائم

فعلا نحتاج للبدايه
دعواتكم

SHAPE YOUR LIFE (ABOALI) Says:

الى اقصوصه
وانا كمان
متضامن معك فى الراءى

تحياتى

Lady E Says:

السلام عليكم ورحمة الله وبركاته

انا متابعة المدونة من فترة وبجد مدونة جميلة جدا

-نقاط القوه ( وحدتهم -

هما مش متوحدين ويمكن كمان بيكرهوا بعض لكن مش ظاهرين للعالم بالصورة دي لكن ظاهرين انهم في وحدة

بجد تسلم ايدك على الpost

منى Says:

لما تكون البدايه بالوضوح ده
اكيد المشوار هيبقى اسهل كتير
تحياتى

SHAPE YOUR LIFE (ABOALI) Says:

الى ليدى
ودى نقطة قوة
انى خلافاتهم بينهم
ولكن مع اعدائهم وحدة ونضال
اسعدنى تواجدك
وتعليقك الجميل

SHAPE YOUR LIFE (ABOALI) Says:

الى منى
فعلا لقد لمستى بيت القصيد
العقول اذا ركبت فى اماكنها وتم عمل صيانة لها فتوقعى منها النجاح

اشكرك