الموكوسين

, الجمعة، 16 يناير 2009


ربــــــــــــــاه
اليك اشكو

فــــ الموكوسين هم الان العنوان

يجروننا جر البهائم والانعام

يعلموننا التخاذل والهوان

يتناحرون ويتشاجرون فى كل اوان

لا حول لهم ولا قوة الا على الغلبان

ربهم واحد

دينهم واحد

قرأنهم واحد

رسولهم واحد

وكلامهم واحد

ولا يعرفون يا ربى الا الكرسى والصولجان

لم يعد عندهم غالى ونفيس

وفى كل مكان هم المواكيس

فاءليك يا ربى اشكو

ضعف همتهم

وقلة حليهتم

فياااااااااااااااااااااا رب

ارزقنا بمن يعدل فينا

ويحكم فينا كتابك

وينور لنا الطريق

وياءخذ بأيدنا اليك

فأنت القادر

اللهم إنا عرايا بهم

فألبسنا ثياب التقوى

وحب دينك ونبيك

امين

40 Response to "الموكوسين"

hager Says:

يا رب جمعهم علي كلمه الحق ونصره الدين

عاشقه الرومانسيه Says:

ربنا يصلح حالهم وحالنا معاهم
تحياتى

ماما أمولة Says:

اللهم امين يارب العالمين

سلمت يمينك يا ابو علي

ABOALI Says:

الى هاجر
فين الثواب والعقاب هنا
سؤال يحتاج الى اجابه
كل واحد منهم لم يعمل اى واجب
بل جمع لينا الهم والاثام والتخاذل
اشكرك

ABOALI Says:

الى عاشقة الرومانسيه

امين
يصلح الحال
ياااااااااااارب

ABOALI Says:

الى ماما اموله

امين
ينور الطريق
ان شاء الله
اشكرك

dalia Says:

الموكسين كلمة ظريفه ولكن الا يوجد كلمة اكثر سوء من هذا لتوصف حال حكامنا غير اننى اشترك معك يا أبو على في دعائك يارب استجب يارب استجب اصلح لنا حالنا كله ولا تكلنا الى انفسنا طرفة عين

princess Says:

ربنا يهدى يا رب
لان المشكلة لما تبقى فى اولى الامر بتبقى كارثة
تحياتى:)

Lady E Says:

هما موكوسين علشان شعبهم موكوس

يعني مين اللي بياخد رشوة (الشعب بياخد رشوة من بعضه)

مين بيدي دروس خصوصية ويستنزف الأهالي مدرسين ودكاترة كليات الشعب)

مين بيغش الأدوية صيادلة الشعب

مين بيعالج الناس غلط دكاترة الشعب

مين بينصب على الناس وبيضحك عليهم اعلاميين وتجار الشعب

طبعا مش كلهم لكن العيب مش بس في الموكوسين العيب في الحاكم والمحكوم

Lady E Says:

نسيت اقول ابقى شوف حد بيبيع عيش وحلاوة واتفق معاه بعد البوست ده :)

ABOALI Says:

الى داليا
فعلا كلمة الموكوسين كلمة ظريفه
وايضا لا يستحقوها
فكل منهم بنى له برجه العاجى وظن ان الموت منه بعيد

ربنا يهدى
اشكرك

ABOALI Says:

الى برنسيس
مش باقولك انتى فى حالة ذهنيه رائعه
وانا احييكى عليها
فعلا ولاة الامر فى ازمة حقيقه
معزولين عن الشعب
هما فى وادى واحنا فى وادى
حتى فى الاقتصاد مش نافعين
نشوفهم بس فى الحفلات والعروض
ومسابقات الخيل
واغانى ناسى وكوكو وسوسو

ربنا يريحنا
تحياتى الراقيه

ABOALI Says:

الى ليدى

معاكى فى كل اللى ذكرتيه وزياده شويه

بس تذكرى انى نص صلاح الامة بصلاح الحاكم

ولما سئل الامام ابى حنيفه
لو ان هناك قائدان
واحد دينه قوى وضعيف الشخصية
وواحد دينه ضعيف وقوى الشخصية
ايهما تختار

قال اختار اللى قوى الشخصية
لاءن دينه لنفسه وقوته للمسلمين
اما الاخر فضعفه للمسلمين
شوفتى بعد نظر الشيخ الجليل

الحاكم شخصية بالغة التاءثير يا سيدتى

ولك فى سعد بن معاذ قدوه
فقد اسلم الاوس والخزرج على اسلامه هو
فهو قائدهم

تحياتى فعلا لتعليقك الشامل
وطبعا احنا لينا دور بالتاءكيد


اما عن العيش والحلاوه
دى بقى وصيتى ليكى
بس انا بحبها بالمكسرات
وجزاكى الله كل خير

mahasen saber Says:

اليى جمعنا فى اكتوبر قادر يجمعنا دلوقت

اصل مهما مصارين البطن بتتخانق مكانها برضه واحد

ومهما شدينا فى شعر بعض بتنرجع برضه نطبطب على بعض لما بنعيط

انا متفائله خير للامه دى
برغم كل ما يدور فيها
بس يبقى الامل الامل الامل فى وجه المولى عز وجل

ونقول يا رب

mahasen saber Says:

اليى جمعنا فى اكتوبر قادر يجمعنا دلوقت

اصل مهما مصارين البطن بتتخانق مكانها برضه واحد

ومهما شدينا فى شعر بعض بتنرجع برضه نطبطب على بعض لما بنعيط

انا متفائله خير للامه دى
برغم كل ما يدور فيها
بس يبقى الامل الامل الامل فى وجه المولى عز وجل

ونقول يا رب

DoNyA Says:

اللهم آآآآآآآآآآمين
تقبل دعوتك ودعوانا اجمعين
وارحم موتانا وموتي المسلمين
وادخلهم جناتك
والحقنا بهم
يالله

رابطة هويتي اسلامية Says:

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

حنان الشافعي Says:

اااااااااااااااامين
هنعمل ايه ربنا بيبتلي الناس بحكام من ذنوبهم
سامحنا يارب
اللهم انصر الاسلام واعز المسلمين

موناليزا Says:

ربنا يتقبل دعائك ودعائنا جميعا
فوالله التفرقة والانقسام اللى العرب فيه لهو فى حد ذاته نصرا لاعدائنا
اللهم اهديهم ونور بصيرتهم

ملحوظة:"فإليك "تكتب هكذا

ادم المصرى Says:

ربنا يجمعنا ويجمعهم على لا اله الا الله

وتقبل منا اجمعين وتسلم ايدك ومستنيك عندى عشان اتعرف عليك

blue-wave Says:

بالفعل
هم الموكوسين
اللى وكسونا معاهم

ABOALI Says:

الى الاخت محاسن

ههههههههه
حلوه مصارين البطن بتتخانق
طيب
اهو المصارين عندها دلوقتى قرح وحموضه
ماعندكيش برشامة
وينوبك ثواب

تحياى

ABOALI Says:

الى دنيا
اللهم امين
يارب يتقبل الدعاء ان شاء ويهدينا

ABOALI Says:

الى حنان الشافعى
ليه بس كده يا حنان
طيب ايه ذنب اللى لسه بيتولدوا
كمان دول عندهم ذنوب علشان يشوفوا الوكسه دى

ردى بقى ؟

ABOALI Says:

الى موناليزا
الاتحاد فعلا قوه يا موناليزا
بس تقريبا هما نسيوا الكلمة دى من القاموس
وافتكروها فى لم الضرايب والفلوس فى سويسرا

صحيح
انتى حسابك وصل كام دلوقتى هناك

ABOALI Says:

الى ادم المصرى
فعلا ربنا يجمعهم على الخير
وان شاء الله يدوام التعارف
اشكرك

ABOALI Says:

الى بلو ويف

يا هلا يا هلا
ليه بس كده يا دكتور بقى بعد طول غياب
تيجى تعلق على بوست الموكوسين اهما

زعلتنى
بس هاتتعوض ان شاء الله

بس احنا مش موكوسين
احنا بناكل الكوسه بس
اهو مرتبه عاليه شويه
ولا ايه

تحياتى

شمس النهار Says:

آمين
ربنايرحمنا برحمته
ويتقبل دعئك
ويرفع الغمه عن المسلمين

علي الملا Says:

سأحاول هذه المرة أن أدعو لهم بالاتفاق على كلمة واحدة

ولكني أعجز عن أن أكون متيقنا من استجابة هذه الدعوة لن الخلل في نفوسهم هم وليس في نفوس شعوبهم


تحياتي لك سيدي
وكم أتمنى أن يكون لمدونتي شرف زيارتك
وكم سأكون سعيدا لو وضعت رابطا لمدونتي المتواضعة ضمن قائمة اصداء مدونتك

yara Says:

لا بس حلوة كلمه الموكوسين دى.ربنا يستر بقى عليك يا ابو على احمد ربك ان الصورة مش واضحه كده ومن بعيدلحسن كده هتجيبلنا المشاكل واحنا مش ناقصين وبعدين مهم طول عمرهم موكوسييييييييين ومعروف عنهم كده ده يمكن حتى تلاقى الكلمه دى منضافه لبطاقتهم الشخصيه.
يعنى مش بس موقف غزه الى هحكم من خلاله عليهم .
لكن بردوا برجع وبقول ان مش كل اللوم عليهم احنا كمان مسئولين على اللى بيحصل وبالنسبه للحكام هم اه ذى ما قلت لكن بردوا كل واحد هتلاقى فى ذهنه وتفكيرة سياسه معينه واسباب لو قعدت معاه ممكن يقنعك بيها ويبرر سياسته من خلالها.يعنى ما اقصده مش عايزين الثورة العشوائيه والحكم المطلق على شىء نحن غير ملمين بكل جوانبه لاننا مش فى مكانهم.كل واحد اولا يبدا بنفسه ذى مقلت فى موضوع البدايه لان الله لا يغير ما بقوم حتى يغيروا ما بانفسهم وبلاش نكره كده الناس عميانى ويبقى من المسلم بيه انهم حكام نص كم .لا يمكن يكون فيه باقى للكم ده واحنا مش شيفينهوانا عن نفسى

معتقدش

والله اعلم
دعوااااااااتك يا ابو على لينا فى الامتحانات وخالص دعائك على الدكاترة اللى بيدونا.
وسلالالالالالالالامى لك.........

hinger Says:

اللهم تقبل منا
جزاك الله خيلر
هذة اول زيارة لمدونتك الجميلة

م/ الحسيني لزومي Says:

هل انتهت الحرب علي فلسطين؟
هل انتهي التأمرالرسمي العربي والدولي علي المقاومة؟
كيف نفعل روح المقاومة المدنية بيننا؟
كيف نطور الهبة الشعبية العربية والاسلامية لصالح القضية الفلسطينية ؟
شارك معنا بافكارك واطروحاتك
حتي لايكون جهدنا قبض الريح
مدونة مواطنون ضد الشعب
نحن في انتظارك

صبرني يارب Says:

تصدق احسن وصف لهم ؟؟

هما فعلا موكوسين واحنا متساقين كرباك ورا يا اسطى

ABOALI Says:

الى شمس النهار
قولى يارب يا حاجة شمس
خصوصا انك راجعة من الحج ولسه دعائك مستجاب

ABOALI Says:

الى على الملا
ماشى ندعو لهم بالاتفاق لعل وعسى
ربنا يهديهم
او ياخدهم

وان شاء الله لنا زيارات وزيارات

اشكرك

ABOALI Says:

الى يارا الفاضلة
دائما تثرى الموضوع باءرائك الحماسية الجميلة
ولكن فى الموضوع ده
اظن انهم موكوسين ومسئولين عن الوكسه
لاءنهم باءيدهم الارتقاء والنمو
بس هما شكلهم ضمانين انهم كويسين عن طريق من يساندونهم
فهم يسمعون الرياء والنفاق طوال اليوم
بس هما لازم برضوا يكون عندهم عقل
ويشافوا احوال الشعب بعينهم
مش قاعدين فاكرين اننا تمام التمام

المهم خلينا فى الامتحانات
ان شاء الله ستمر بردا" وسلاما
ولا تنسينا فى زجاجة حاجة ساقعه
او كيس شبس وانتى بقى ملكة الشبس
وربنا معانا

تحياتى

ABOALI Says:

الى هنجر
ربنا يتقبل ان شاء الله
واتمنى تكرار الزيارة

تحياتى الراقيه

ABOALI Says:

الى صبرنى يارب

تصدقى انك اول واحد ينصفنى فى الوصف
فعلا موكوسين
يلا ربنا ياخدوهم
تحياتى الراقيه

منى Says:

امين
اللهم تقبل