ملك الملكات

, الاثنين، 28 يوليو، 2008


القلق والحيرة
اصبحت سمة واجابة على سؤال عندما نريد ان نتعرف على شعور بعض الاشخاص
يقول ليك انا قلقان انا حيران انا حاسس انى مش مظبوط
وهى بالفعل اجابة منطقيه جدا لما يحدث من حولنا
بس يا ترى ايه الاسباب بس نفكر بهدوء مع بعض
ممكن البعض يقول الصراع الاقتصادى والتكالب على لقمة العيش
وهناك اخر الفراغ الدينى والاخلاقى
المحبين يقولون الفراغ العاطفى و انكسار الحب مع تعالى صولجان المادة
البعض يذكر انعدام القدوة والمرشد الى الخير باخلاص
اه فعلا اسباب لوفكرنا فيها واغلقنا عليها مفايتح عقولنا
لاصبحت اسباب منطقيه
طيب لو نظرنا من جانب اخر
هو معروف لينا ان الانسان خلق فى كبد ومشقة وعناء وتعب حتى يفوز فى النهايه بجائزة لم تخطر على باله
لما هو الموضوع كده يعنى ايه الاسباب ؟
ده اهم حاجة الفلوس ياااااااعم
طيب لو اهم حاجة الفلوس ليه عدد المنتحارين فى السويد وهى صاحبة افضل مستوى معيشى فى تزايد
من غير ما نخوض فى خلافات كلاميه لانى عارف انكوا زهقتوا
ممكن نخرج خارج صندوق العقل حتى ننظر من بعيد من خارج الصندوق
لنجد ان الانسان عبارة عن مجموعة من الملكات
ملكات ماديه تتعلق بالجسد وملكات روحانيه تتعلق بالنفس والروح
عندما يكون هناك تناسق بين هذة الملكات تتختفى عوامل الحيرة والقلق
ان من اتجة الى جمع المال والهلس وراء كنز الملايين
ارتفع بالتاكيد بملكه على حساب الثانيه فلا يشعر بالسعادة ولا الطمائنينه ولا راحة البال
على الجانب الاخر من ترهبن وترك الدنيا نجد مصيره الى الشذوذ عن المنهج السليم
اذن لو فكرنا بصوت عالى لادركنا قيمة عمل التوازون بين تلك الملكات


اذا شعرت بالقلق والحيره
عليك بنصيحة المساطيل
حتة حشيش و ازازة بيره
لما تفوق
تلاقى نفسك حيران من الحيرة
مع ان الحل موجود
تعمل وقفة تخلصك من الحيرة
تتدخل جوه نفسك وتقويها
وتجمع شتات معانيها
ماتنساس فى الوقت ده
انك محتاج
ترفع ايديك مع قلبك
وتنظر لفوووووووووق
وتقول يااااااااااااااااااااااارب
حيران ضال
لجأ اليك
لانه يعرف انه من صنع يدايك
ياااااااااااااارب
اجمع شتات نفسى وملكاتها
من يرشدنى سوى الرشيد
من يقدر عليها سوى القادر
اذا شعرت بالقلق والحيرة
فارتفع بنفسك الى السماء
وقل
ياااااااااااااااااااااااااااااارب

0 Response to "ملك الملكات"