عناوين جائعة

, الجمعة، 22 يوليو 2011



من فترة وانا محتاج اكتب حاجات بتتوارد على فكرى
ولكن كل يوم بيتولد حدث جديد ويحدث تفاعل معاه
مشاهد كثيرة بتمر علينا  ساعات بيكون فى بطنها نوع من القسوة
لاننا بعد مرور 30 سنة من حكم شخص واحد فقط
شعر الناس اللى قلوبهم كلها حياه ونور
انى نسائم الحرية اخيرا
هاتبنى ليها عش فى بلدنا
وحمام  البناء والعمل والانتاج هايطير فى كل ربوعها
ينادى على الضمير وكل قلب حمل الخير
انى ان الاوان تستقيظ وتفتح كل ابواب روحك
وتدفعها لبذر بذور الامل
واعضاء الجسم كلهم كيان واحد متحد على هدف راقى
اننا نرفع علمنا فى كل ربوع الدنيا
بس المرة دى علم مرفوع بالعلم والصارى هو الدين
ايون الدين
لان الدين هو شعاع النور وهبة السماء لكل البشر
بس ظهر نوعيات من البشر
الانانية هى طبعهم وفوضى التفكير كانت طريقهم
واكتمل مثلثهم بحب الشهرة  و الظهور مثل الاغانى فى شاشات العرض
ونوعية البشر دى  اخرت عمليات النمو عن جهل وقصد احيانا
علشان كده القلم كان كل لما يكتب حروفه بتدمع
بس سبحان الله
الدين
 وكلنا بنتعلم منه كان بيرشدنا للايجابية والتفاؤل
علشان كده اللى جاى افضل
واكيد لخالق الكون حكمة
واى بلد بتعمل ثورة لازم تسعى انها تتحد
 وتجد ليها
ملهم
يبقى ليها دليل واضح
محتاجين فى الوقت اننا ندور على ملهم
كل لما تضيق الحلقات
نحسه ونشوفه ونعرف اننا على الطريق الصح
فالنبحث عن الملهم
********
كتبت تعليق عن السعادة حسيت انى مبسوط وانا باكتبه
وعلشان يكون حاضر دائما فى حياتى
حبيت انى اكتبه هنا تانى بنفس الصورة

السعادة اسرارها بداخل حروفها
فالسين سيارة يجب ان تركبها ولا تظل واقف منتظر من ياءخذ بيدك
والعين عبور فتخطى مطبات الحياه يحتاج العابر الماهر
والالف ايمان صادق يملىء قلبك وينتشر فى ربوع حياتك يقينا وعملا
الدال دعوة تتوجه بها الى خالق الحياه ان يهبك الهدى وتماسك انسجتك ويرزقك صحبة الاخيار
والهاء همزات الوصل التى تربطها وتجعلها طريق مع كل من تقابله فى حياتك
تعامله كاءنسان مثلك تحب له ما تحب لنفسك
###############
وكمان  قريت قصة صغننه  منقولة
كانت مسار اعجابى  ولمستنى ولمست حاجات كتير جوايا
حسيت بعد القراءة انى الانطباع الاول
احيانا كثيرة بيحتل مرتبة كبيرة لدى البعض
وبسببه بنخسر صداقات او علاقات او ارواح كانت لينا نور
الحياه بتعلمنا اسرار كبيرة جدا مع قراءة القصة
القصة المنقولة بتقول


يحكى ان رجلاً عجوزاً كان جالسا مع إبن له
 يبلغ من العمر 25 سنة في القطار
وبدا الكثير من البهجة والفضول على وجه الشاب
 الذي كان يجلس بجانب النافذة
أخرج يديه من النافذة وشعر بمرور الهواء فصرخ قائلا
"أبي أنظر جميع الأشجار تسير ورائنا
فتبسم الرجل العجوز متماشياً مع فرحة إبنه
وكان يجلس بجانبهم زوجان
ويستمعون إلى ما يدور من حديث بين الأب وإبنه
وشعروا بقليل من الإحراج
فكيف يتصرف شاب في عمر 25 سنة كالطفل
فجأة صرخ الشاب مرة اخرى
أبي.. أنظر إلى البركة وما فيها من حيوانات أنظر الغيوم تسير مع القطار
واستمر تعجب الزوجين من حديث الشاب مرة أخرى
ثم بدأ هطول الأمطار
 وقطرات الماء تتساقط على يد الشاب الذي إمتلأ وجهه بالسعادة
وصرخ مرة أخرى:
 أبي .. انها تمطر، والماء لمس يدي، أنظر يا أبي
وفي هذه اللحظة ..
 لم يستطع الزوجان السكوت وسألوا الرجل العجوز
لماذا لا تقوم بزيارة الطبيب والحصول على علاج لإبنك؟
هنا قال الرجل العجوز: "إننا قادمون من المستشفى
حيث أن إبني قد أصبح بصيراً لأول مرة في حياته
****
  قصة رائعة عن جد
**************************
وعلشان ده اخر بوست قبل رمضان
بتتنافس حاليا كل السوبر ماركت ومحلات البقالة
للترويج لشنطة رمضان
فعلا رمضان محتاج شطنة بس لاييه ولا ايه
ان كان الشنطة اللى بتغذى الجسد
فيها  فول ومكرونة  وسكر و سمن وبلح  و ارز
فاكيد شنطة الروح محتاجه مع الفول فائزين بعفو ربنا وجنته
ومع المكرونة محتاجين مودة ولين يكون بينا بس بجد مش مرور كرام
ومع السكر اكيد كلنا ناس سكر ومحتاجين نلم  زاى السكر نمل من الحسنات
ومع السمن محتاجين نعرف انى سماء ربنا مفتوحة
 لم تغلق ابدا فى وجة انسان او مخلوق
مهما بلغ درجة انحرافه عن الطريق
مع البلح محتاجين بداية للاستمرار والمدوامة على الخير والصلاح
مع الارز محتاجين اردة  تدفعنا باستمرار للنجاج والرقى
اكيد محتاجين حاجات كثيرة اووووووووى فى الشنطة
ياريت نحضر الشنطة ونبتسم وبلاش نفكر كتير اووووووووووى ونبنى
هموم تعطلنا ونستدعى الافكار السلبية
نفكر بس اننا نعمل اللى علينا وتوفيق ربنا وحكمته
هو اليقين اللى معانا
وبدل ما مسلسلات رمضان تشدنا
نجرب فى جو الحرية  نحب نفسنا شوية
و طاعة ربنا اللى كلنا محتاجينها  تشدنا
يااااااااااااارب يجعل ايامنا قرب ومعرفة صادقة وادارك حقيقى ونقاء
والفة تقربنا من بعض
**************
البوست طويل بس احتسبه فى ميزان حسناتك وبلاش تدعى عليا
خليك انت الكريم وانا اللى استاهل


12 Response to "عناوين جائعة"

لــــ زهــــــراء ــــولا Says:

ابو على

ابدا من حيث انتهيت بالفعل سيدى انت الكريم ونحن من نستهل تلك الكلمات الجميله والتى نحتاجها كل يوم بل كل دقيقه ولاقول لك كل لحظه فمابالك وشهر رمضان على الابواب اظن اننا نحتاج الى الكثير والكثير من هذه الشنط بس اوعى تنسانا فى شنطة رمضان اللى فيها بلح وقمر الدين وفزدق و عين جمل ولوز وبالامانه اوعى تنسى الكاجووووو بامووووووووت فيه ^_^


زهـــــــراء

لــــ زهــــــراء ــــولا Says:

ابو على

اول صوره فى البوست بتوضح من وجهة نظرى ان الانسان صغير اوى اوى مهما علا قدره هو برضه صغير ...
بمناسبة انك من فتره تتوارد على دماغك افكار عاوزه اقولك يا سيدى نحن جميعا كلنا هذا الانسان وللاسف فى مننا بينسى فى زخم الحياه وفى مننا اللى ذاكرته بتسعفه فى احيان وفى بقى اللى بيغير رايه بعد ثوانى من اقتحام الفكره لعقله ^_^
الناس اللى قلوبها فيها خير هى بس اللى حسيت بنسائم الحريه لكن بعيد عنك فى من البشر استغل هذه الحريه على مزاجه الخاص وكأن الدوله اصبحت التوك توك بتاع حضرته يتصرف فيها على كيف كيفه وكمان فى اللى بيحاول ان يثبت لنفسه انه خلاص بقى فى عصر الحريه وعلى هذا عايش حياته بالطول والعرض بيكفر فى ده ويقول على ده مجنون ويلعن فى ده ويشتم فى ده حريه بقى يا سيدى البعض يفهم معناها خطأ بصراحه هو مش البعض اللى فاهم الحريه غلط لكن النسبه الكبيره فاهمه الحريه غلط لانه للاسف ..... ولا بلاش خلينا محترمين وبلاش نقول كلام يعاقب عليه القانون واحنا داخلين على رمضان ان شاء الله ....
الانانيه والفوضى اضف لهم حب الشهره مثلث الرعب عن جد يعنى باختصار نقدر نسميه قمة الجهل نوعية البشر دى ظهرت على السطه وبقى لها صيت ومكان ومكانه وللاسف بعض من البشر تنخدع فى النوع ده وتنجرف ورائه كمان وبتصدقهم وتحس انهم مسلمين لهم قلبهم وعقلهم وتفكيرهم كمان والله المستعان على هذه النوعيه من البشر ...

احنا محتاجين قدوه وليس لنا افضل من رسول الله صلى الله عليه وسلم فى الحياه العامه والخاصه وفى كل شئ ولكن ننسى للاسف هذا ونبحث عن اسماء لشخصيات تكون لنا قدوه وهى ابعد ما يكون عن كل شئ

تعليقك عن السعاده حلو اوى والصوره كمان شكلها يوحى بالسعاده اما كلماتك فلا استطيع ان اكتب عليها اى حرف غير جمله تذكرتها " لا تستطيع ان توزع السعاده على الاخرين دون ان تبلل يديك منها "
جمله اخرى " اذا بحثت عن السعاده طوال مشوار حياتك ولم تجدها فلن تجدها فى اخره

اما القصه الصغننه التى تفضلت بنقلها هى اكتر من رائعه وقد سمعتها منذ فتره طويله وعندنا سمعتها لاول مره تبمست وعلمت ان فيها حكمه وهو لا تحكم على الاخر من وجهة نظرك فقط لان لكل حكاية وجهة نظر اخرى يجوز انت مش فاهم اللى فيها او محتواها وحاجات كتيييييير اتعلمتها فى القصه

الله على شنطة رمضان واللى فيها بصراحه للاسف الشديد نحن نتهافت على شنطة الياميش والمكرونه والارز و... و.. اما باقى الاشياء التى تفضلت بذكرها نحن ننساها فى زخم الحياه والدوشه والفوضى الى نحياه فيها
لتسمح لى ان يكون لى تعليق منفصل عن شنطة رمضان

دعواتى للرحمن ان يهب لك سعاده واما وخير على مدى الزمان

زهــــــــــراء

أمل حمدي Says:

ربنا يجعله في ميزان حسناتك أنت يا أبو علي
وكل عام وأنت بخير يارب
وربنا يعيد عليك رمضان أعوام وأعوام ويسلم لنا مصر يارب

brightlyanny Says:

الله ياابو على يــــــــاااااه وحشتنى كلماتك .....
حلوة اى معنى السعادة اللى كتبته
وربنا يقدرنى ويقدرك ونجهز نفسنا بشنطة رمضان اللى ربنا يرضى عنا بسببها .....
كل سنة وانت طيب

لــــ زهــــــراء ــــولا Says:

ابو على

ها هى عوده مره اخرى لتكملة التعليق

فى البدايه وقبل ماا نسى فمرت شويه فى عنوان البوست وليه عناوين جائعه واحترت شويه فى سبب تسميته وطبعا قبل ما اتوجه لك بالسؤال عاوزه اقول تخمينى للعنوان ان البوست يحمل مواضيع تبحث عن طعام او ربما تبحث عن شئ ما ولذلك جاءت جائعه وطبعا لازم اقولك واسالك ليه اخترت العنوان كده

بداية البوست بجملة من فتره بتعمل نوع من جذب الانتباه لكى نحاول ان نفهم ما تحمل الجمل التى تاتى بعد هذه الافتتاحيه

نتكلم على شنطة رمضان
اتمنى ان تحمل مع الفول فأل حسن بس مش حسن ابو على ^_^ ولا تحمل فتاوى من الكل ....
اتمنى ان تحمل مع المكرونه مزيد من السلام الداخلى قبل ان نبحث عن السلام الخارجى

اتمنى ان تحمل مع الارز احلام وامنيات لكل البشر بالخير والسعاده ....

اتمنى ان تحمل مع السمن سلامة النيه وعدم تخوين الاخر وسجود لله عز وجل فى كل وقت وان نستغل كل لحظه فى شهر رمضان ونتقرب الى الله كثيرا بالسجود ..

اتمنى ان تحمل مع السكر سيئات تطير من صفحتنا ونبدا سنه جديده علينا مع دخول رمضان ويكون عهد بينا وبين الله ان نكون سبب لدخول السعاده الى قلوب الاخرين ...

اتمنى ان تحمل مع البندق بدايه لعهد جديد مع انفسنا ومع الاخرين ومع مصر التى تحتاج مننا شوية دعوات ...
شنطتى فيها بندق عندك اعتراض ^_^

ما هى غير ايام قليله وتهل علينا ايام وليالى مليئه بالكثير من الخير لكل البشر ادعو الله ان يكون لبلدى الحبيب مصر نصيب فى هذا الخير وان نبعد عن تفكيرنا الانا ويصبح تفكيرنا فى مصر اولا



منذ فتره قرات لاحد الاشخاص المميزين فى عالمى ان شهر رمضان بمثابة 30 رسول يرسلهم الله لنا لكى يرسل معهم رحمه ومغفره وعتق من النار ...

دعوه خالصه لوجه الله تعالى ان يرزقنا جميعا بفضل ليلة القدر وما تحمله هذه الليله من مزايا وعطايا لكل بنى البشر بصفه عامه ولكل من تعملت منهم واظن سيدى انك احد هؤلاء الذين نتعلم منهم على الدوام ....

اللهم بلغنا رمضان على خير وبخير

كل عام وحضرتك وكل اسرتك واحبابك بخير وصحه وادعو الله ان تكون فى مثل هذه الايام فى مكه لكى تدعو لنا جميعا


زهـــراء

شهد الكلمات Says:

من ناحية طويل فاهو طويل و لكنه جمييييييييييييييييييل
عارف يا حسن لما بقراء كلماتك بحس ان لسة في ناس نضيفة من جواها و ان في امل و ان في حب و ان في نقاء في قلوب ناس كتير زيك يا حسن

قصة الشاب عجبتني انا كنت مستغربة زي الزوجين بس قولت اكيد عنده تخلف و صدمتني نهايتها و قشعرت :)

بين سطورك دائما ما تظهرالحكمة لتضيئ قلوبنا التي تبحث عن النور

تحياتي الخالصة

SHAPE YOUR LIFE (ABOALI) Says:

الى زهراء

هههههههههههههههه كااااااااااجو وفسدق
الله عليك انسان قنوووووووووووع وطلباتك كلها حق طبيعى ومشروع
وخلى بالك من المشروع فى اسكندرية بقى
ياااااااااااا انسان

ولالالالالالالالالالالالاايه

SHAPE YOUR LIFE (ABOALI) Says:

الى زهراء
اول صورة فعلا ليها حدوتة تفكير
انى مهما كان فيه صعاب ممكن تواجه الانسان
لسه عنده التفكير انى يمر منها

علشان كده كانت فكرة التدوين هايلة
بتخلينا فعلا نرفع كل افكارنا ونحتفظ بيها

بس نقول ايه بقى يا زهراء زخم زخم


اه واه على الكلام الى يعاقب عليه القانون اه

فعلا اتفق معك

محتاجين ملهم وهو الدين بيه تحدث الرفعة ويستقر شتات النفس
واتفق معك جدااااااااا فى ده

رائع تبليل اليد بالسعادة وجملة فعلا جميلة جداااااااااا منك

القصة اد ايه ليها دلاله عميقة جداااااا

اننا لا نحكم على الناس من الظاهر
بدل نقترب اكثر واكثر
فلكى نعرف قيمة اللؤلؤ يجب ان نغوص له فيبتسم لنا ونحصل عليه


شنطة رمضان
ياااااااااااااه دى شنطة الحب والقرب والمودة
بس اللى يدرك بقى
ولالالالالالالالالالالالاايه

دعواتى ليكى يا زهراء
ان يبدلك الله حياة خير من حياتك وينعم عليكى بما يهدأ له قلبك ويستقر ويسعد به من حواليكى فى قلوبهم وعيونهم

تقديرى لانسان يستحق

SHAPE YOUR LIFE (ABOALI) Says:

الى الفاصلة ماما امولة

وهبك الله السعادة وراحة البال والقرب من الجنان والفوز برضا الرحمان

تقديرى لانسان قدير

SHAPE YOUR LIFE (ABOALI) Says:

الى برتلى

يااااااااااااااه

وحشتى المدونة اووووووووووى بكلماتك وعبيرها
مش عارف ليه اناس باعتبرهم من دعائم المدونة ابتعدوا فى زحمة الحياه

ربنا يهبك النجاح والفلاح والسعادة التى تستحقين
وكل فمتو ثانية وانتى بخير

وبلاش غيبة

SHAPE YOUR LIFE (ABOALI) Says:

الى زهراء مرة اخرى

سعيد بحماسك انك ترجعى مرة تانية يا زهراء

وده دليل لتميزك وحبك للقراءة والتحليل

عناوين جائعة اى تبحث ان من يطعمها ويقتنصها فى نفس الوقت
فمن اطعم المحتاج وجب عليه ان يكرمه ويدعو له


الله الله الله على شنطتك يا زهراء

والله تستحق دستور نعمل ونشتغل عليه

جميل الفول مع الفوز بالجنة
والمكرونة مع طاقة العبادة
والكاجو مع كلمات الرجاء وقراءة القرءان
ويا سلام مع السمن والسمو فى التعامل

تصدقى اننا ممكن نعمل شنط ونوزع بجد على اصحابنا تكون خير ليهم ولينا

محتاااااااااااج انى اشكرك كتير يا زهراء لانى عن جد باستفيد من كلماتك
المحلله المدققه الرائعة

اسعدك الله كما تسعدينى بكلماتك

SHAPE YOUR LIFE (ABOALI) Says:

الى شهد

ازيك يا شهد اتمنى تكونى بخير
ومش على جنب يا اسطى
ههههههههههههههههه

ربنا يهبك يا شهد بجد كل الخير
لانك من الزهور التى تحمل عبق الياسمين فى داخلها
ياااااااااااااارب يجعل ايامك كلها رضا


وقدرة انك تغيرى غيرك للاحسن وانتى اكيد الافضل والاقدر على كده

كل الدعوات بكل ماهو جميل لانسان يستحق