الخيار

, الثلاثاء، 5 يوليو 2011



المرور بين نسائم الشروق وبزوغ  انوار الفجر  مرور يريح النفس

ولكنه يظل مرور غالى لان راحة النفس الكاملة فى تعاونها مع باقى  اوصالها

 و الذى يعطى تلك الراحة الكاملة والسعادة والارتياح

هو القلب الذى يمد كل الاوصال بنوعية واحدة من الدماء

لذا ان فقدنا الاهتمام بالقلب فقدنا النفس

لذا كانت الاخلاق هى قلوب الامم والشعوب

تقدير الامم يأتى من خلال النظر الى  بياض مكارم اخلاقها

فى هذا الوقت يموج نوعان من الاخلاق

اخلاق مبارك

وهى

الفساد

الطمع

الجشع

الظلم

بجاحة الاسلوب

الانانية

الانتهازية

الفوضى

الرياء

الاستعلاء

التفرق

العصبية

الاستهتار

التصادم

الخيانة

الاستعباد

الكسل

الخضوع

النهب

السرقة

اليأس

ايلام الغير



وباقى الاخلاق يقينا ستأتى كلمات لتصفها

اما النوع الثانى من الاخلاق

فهى الاخلاق التى بنت الامم واشاعت المحبة بينها والتواصل والترابط

انها

اخلاق محمد

العدل

الامل

الاتحاد

الايثار

الامانة

الحوار

التواضع

الرقى

الحكمة

الهدوء

الترابط

التعاون

البناء

اللين

الرفق

التعفف

الهمة

النشاط

الرفعة

التفاؤل

الصفح

البسمة

وغيرها من الاخلاق التى لا تعد ولا تحصى

التى بدونها او محاولة الوصول لها سيحدث الانهيار

اليوم تمر على بلادنا ظروف صعبة  وان الاوان لحسن الاختيار

لنضع اخلاقنا فى الميزان لنعرف

هل هى

اخلاق مبارك ؟

ام
 اخلاق محمد ؟

 (صلى الله عليه وسلم )

وعند الوصول الى اجابة السؤال سنعرف الى اى طريق نحن فى اتجاهه

################



من انت ؟

انت العلم مهما مر الزمان

فنار الهدى الياسمين والريحان

قلت

حب الوطن من الايمان

انت انت

الصادق الامين حامل الفرقان

اللين والرفق ونقاء الوجدان

الصبر  والعمل والانسان

الجد والبناء و السعى للأمام

بسمة  الفؤاد وسلامة الكيان

الرضا بالقليل و السمو للجنان

المثل والقدوة فى حنان

ربطت الحجر على البطن

وشاركت مع الاقوام

دعوت ربك وقطرات دمعك بيان

سجدت حين العسرة طالب العفو  والغفران

كان الامر لنا

  السنة والقرءان

فان كان الالتزام

كان البرهان

القرب منك يا مصطفى

سر من اسرار الاكوان

حسن الخلق

محبة  الرحمن

صلى عليك الله يا خير انسان










 
الصور ليها معنى
والمعنى كان كيان
الكيان كان حدوته
والحدوته  انسان









9 Response to "الخيار"

أمل حمدي Says:

اللهم صل وسلم وبارك عليك يا حبيبي يارسول الله وعلى آلك وصحبك أجمعين

جزاك الله الفردوس الأعلى يا أبو علي
بوست يفوق الروعة وصور تفوق الخيال
ابداع
سلمت يداك يا إنسان

لــــ زهــــــراء ــــولا Says:

ابو على

----------
اسمح لى فى البدايه انى اسجل اعجابى وانبهارى اول صوره عن جد رقيقه وراقيه تحمل عبق ذو رائحه خاصه احسن صنعا حينما جعلتها الصوره الافتتاحيه لانها تشد الانتباه وتجذب الانف كى نشتم رائحه لها عبير خاص ....

صورة ايدى الطفل الصغير وهى تدعو الله قمه فى الراحه النفسيه بها معانى كثيره لاداعى لذكرها مجرد النظر لها متعه ...

اما باقى الصور محتاجه كلام كتييييييييييير وكل صوره محتاجه بوست لوحدها عشان نتكلم عنها وفيها ...

نيجى بقى للخيار هاحكى لك عن موقف لما كنت فى العمره اثناء الذهاب من مكه الى المدينه ونفس الرحله اللى الرسول صلى الله عليه وسلم اخذها شوفنا الجبال ومنظرها فى الليل واحنا اخدنا وقت طويل طبعا فى الطريق وفى الباص مكيف ومع ذلك زهقنا من الطريق وكل الرحله نزلت رجليها تعبانه فمابالك بالرسول ازاى اخدها مشيا على الا قدام وتحمل المشاق والصعاب وهو افضل خلق الله ...

هناك بعض من البشر ممن يختارون طريق مبارك وهم لا يعلمون انهم يسلكون طريقه ولكنك تجد انهم يقولون انه ظالم ومفترى و... و... ومع ذلك هم صوره مصغره منه ...

اما اخلاق سيد البشر فلن نتحدث عنها كثيرا لانها معروفه للجميع ولكن من منا يحاول ان ينهج على نفس الطريق او يحاول ان يكون الرسول قدوته ....

سيدى الفاضل نحن نعيش فى الدنيا وكل واحد عاوز يتمتع ويقول لك لما اكبر ابقى اتوب من اللى باعمله وماحدش فيهم قادر يفهم انه لا يمك حتى النفس فى اللحظه القادمه ....

انما الامم الاخلاق ما بقيت .... واكيد حضرتك عارف باقى بيت الشعر لامير الشعراء احمد شوقى على ما اتذكر ولكن سيدى نحن نعيش فى فوضى اخلاقيه ليس هناك انفلات امنى او سياسى او حزبى ولكن هناك انفلات اخلاقى نحيا فيه كل اللى عاوز يعمل حاجه بيعملها وماحدش يقدر لحد على حاجه بقينا ابعد ما نكون عن نهج الرسول وصفاته الرائعه ....

ذكرت حضرتك جملة " الرضا بالقليل " من سيدى الذى يرضى بالقليل كل واحد طمعان عاوز اكتر واكبر و... و ...
ماحدش راضى بحاله وكل واحد باصص لللى عند غيره ....

عارف احنا بنتفكر اخلاق الرسول ونقتضى به امتى ؟؟ فى الشدائد فقط نتذكر بنا ايضا فى وقت العسره على فكره انا مش باتكلم عن الاخرين واستثنى نفسى منهم لكن كلنا هذا الانسان

هاحكى لك على موقف تانى شوفت مصحف شكله شيك اوى مع احد اصدقائى الغاليين قولت له حلو اوى ده اشتريته قال لا ده صدقه جاريه الى هنا الحوار عادى... قالى تخيلى احنا مش بنفتكر المصحف غير وقت الموت يعنى بنعمله صدقه جاريه على روح الاموات لكن ماحدش بيفكر لما تحصل له حاجه كويسه انه يشترى عدة مصاحف ويوزعها على معارفه او يضعها فى المساجد ....

الهمم صلى وسلم وبارك على سيدنا محمد

ادعو الله ان يجعلك من عباده الذين يجيب لهم كل الدعوات وادعو الله لك ان تصلى فى الروضه الشريفه عما قريب ...

كل الدعوات بالخير لانسان ينشر حوله كل الخير


زهراء

الازهرى Says:

ريت بس صراحة مفيش دماغ أفكر إطلاقا

عندى مادة بكرة إنما متضخمة بطريقة مرعبة

أدع لى

شمس النهار Says:

البوست رائع
ولو لي الحق ان اهمس في ودنك غير العنوان علشان ظلم البوست

انا لما قريت العنوان قلت بس ابو علي هيتكلم عن الكوكاكولا والا ايكولاولا اللي ماشية اليومين دول

بس بهرني البوست والصور وقلت ليه كده بس

وعلي فكرة اخدت صورة الوزة وولدها

SHAPE YOUR LIFE (ABOALI) Says:

الى الفاضلة ماما امولة
عليه افضل الصلاة والسلام
ربنا يهدى لك يا سيدتى الحال ويهبك سعادة الدراين ان شاء الله
وتنمو اسرتك فى افضل قدرة واستقرار وجمال

تقديرى لوجودك الدائم ها هنا

SHAPE YOUR LIFE (ABOALI) Says:

الى زهراء

بالفعل الصور لها الكثير من المعانى يا سيدتى وقد وفقتى فى اختيار لفظ متعة النظر اليها
بالفعل التاءمل فى الصور احيانا متعة وسعادة

خلى الناس ترتاح يا سيدتى
لكل عصر وسائل تقدمه وتكنولوجياته
اهم شيىء ان شاء الله هو قبول الله لتلك العمرات

اما خير الخلق فذو وضع خااااااااااص
بالفعل هناك حال انفصام عن ما نتحدث عنه و ما نطبقه
وهذا احدث خلل فى جميع العلاقات
وظهرت اشياء لم نكن نتوقعها من البعض
وتطاوله حتى على من سبقه و توزيع السباب هنا وهناك وهو لا يعرف انه ذباب يتحرك لو نظر بعناية فى مراه بيته

ربنا يستجيب دعواتك يا فاطمة
ويهبك ما تستحقين من البسمات وراحة البال واستقرار الكيان وحلاوة المنطق واللسان
سعيد جدا بتواصلك هاهنا وانفرادك الكامل عن جد بذلك التحليل المميز للبوست كقارئة واعية ذات قدرة على المرور بين الثنايا واستخراج المعانى القيمة

كل التقدير لانسان يستحق

SHAPE YOUR LIFE (ABOALI) Says:

الى الازهرى

ههههههههههههههههههه
محسسنى يا ازهرى انك هاتنال الفردوس الاعلى
ههههههههههههه

ايه يا عم انت الازهرى باصبع رجلك كله يبقى تووووووووووومام

و ع العموم
ربنا ييسر لك الحال ويهبك كل الوقار

SHAPE YOUR LIFE (ABOALI) Says:

الى الحاجة شمس النهار

هههههههههههههههههه
حلوة حكاية الايكولاى دى
بس على فكرة ده درس كويس محلوظ حتى فيا

اننا ساعات كتيرة بنحكم على موضوع معين من العنوان بدون الدخول لتفاصيله

وكلنا نتعلم

اشكرك لرايك وتشجعيك الدائم
ومنور دايما الثورة وناااااااسها

مونتي بوكيه ورد Says:

ماشاء الله مدونتك جميلة جدا جدا و استفدت منها كتير و يارب يكرمك علي كل الاخلاق الجميله ال شوفتها هنا
جزاك الله كل خير
تعقيب صغير زهراء جميله اوي ما اضفتيه .. المصحف غالي وعشان كدا لازم نفتكره في السراء والضراء
جزاكي الله كل خير اختي الغاليه