عربية

, الأحد، 19 يونيو 2011


خايف  عليك
 منك اليك
انادى عليك
 يجى هواك
اسمع نداك
اجرى وراك
 اشوف رؤياك
طيفك معاك اطبطب عليه
يأخدنى
لسماك اطير معاك اكون وياك
احضن هواك تكون كلمات
تنثر حروف
 رياح نسمات
امطار عيون تزغزغ صفاك
ارضك تقول همس همسات
تفتح ثغور
نبت نبات
 بسمة بسمات
ينور نورك هلال محياك
يرسم رسمة لوحة كاسية
ياسمينة طلة  شجرة راسية
تنطق تقول
انا توووت
دود قز طالع نازل
يغزل يخطط
حرير
نسيج
يلمس لمسة
تكون فيضان
هدير انسان
سما سموات
قمر يطل
شمس فل
نور انوار
تغمض عينك
تفتح بشويش
تشوف ملامح
شكل مش واضح
سراب ؟
خيال؟
حلم؟
بسمة تشدك
كف على خدك
الله
ده الحرير ؟
ده النبات
ده انت ؟
ليك حدود !
شكل موجود ؟
ايون انا
حبيت اقول
بحبك

**************
نفسى ارد عليك لكن ؟
انت اكيد عارف 
انا ماليش فى نظم الحروف
وتوهج الكلمة
بس هاكون سعيدة
لو عرفت انى
باحس انك نفسى
مجرد اسمك عبير وجزء من رسمى
ياااااااااااريت تعرف
انك غالى عليا
وكفاية انى قلت كده
لانك عارف
انى بنت حرة
 عربية

78 Response to "عربية"

لــــ زهــــــراء ــــولا Says:

أبو على

انا جيت

هو عنوان البوست عربيه يعنى سياره

زهراء

لــــ زهــــــراء ــــولا Says:

ايه الصوره الحلوه دى

رومانسى ... رومانسى طحن


زهراء

لــــ زهــــــراء ــــولا Says:

بصراحه ناويه على رقم قياسى


زهراء

لــــ زهــــــراء ــــولا Says:

انا جاى لك وناويها

هههههههههههههههه

مع تحيات محمد حماقى
يوووووووووه اقصد

زهراء

لــــ زهــــــراء ــــولا Says:

الصوره بقى حلوه اوى

القلب الاحمر صغير اوى بالمقارنه بالقلب الروز

تفتكر ليه القلب الاحمر رمز للحب ليه مثلا مش قلب ابيض

نحن نبحث عن اجابه للسؤال فى حديث المدينه

اقصد فى مدونة ابوعلى

لــــ زهــــــراء ــــولا Says:

الصوره التانيه حلوه كمان
فيها رقه كده وشياكه واناقه


زهراء

SHAPE YOUR LIFE (ABOALI) Says:

يا هلا يا هلا

سؤال الى من يهمه الامر

العربية على كام ؟

اتصل الان والعرض متاح

لــــ زهــــــراء ــــولا Says:

يا هلا يا هلا

قولى يا ابوعلى هى العربيه نوعها ايه وارمى بياضك


زهراء

لــــ زهــــــراء ــــولا Says:

الريشه اللى فى الصوره التانيه لونها مووف

تفتكر ليه اللون الموف رمز للحزن مش للرقه او الشياكه


زهراء

لــــ زهــــــراء ــــولا Says:

اقرا شويه ونشوف البوست بيقول ايه



فاصل ونواصل

زهراء

لــــ زهــــــراء ــــولا Says:

لفت نظرى كلمة " يأخذنى "
يااااااااااه الواحد نسى اللغه العربيه فى وسط اللغات الغريبه اللى بنسمعها

اخر مره سمعت لغه عربيه حلوه كانت اغنية كلمات لماجده الرومى


نكمل قراءه ونرجع ان شاء الله

زهـــــــراء

لــــ زهــــــراء ــــولا Says:

هدير انسان

؟؟؟؟؟؟؟؟؟؟؟


يعنى ايييييييييييييييه

لــــ زهــــــراء ــــولا Says:

ايه الكلام الرقيق ده

بجد كتيييييييييييييير جرعة الرومانسيه على اخر الليل كده

بصراحه متالق


زهـــــراء

لــــ زهــــــراء ــــولا Says:

بمناسبة ان البوست اسمه عربيه

شوفت الجروب الجديد على الفيس بوك اللى بيدعو ان كل واحد يتجوز اربعه

اكيد الناس اللى عملت الجروب قرات البوست وعرفت قيمة المراه العربيه


زهراء

لــــ زهــــــراء ــــولا Says:

هو ينفع ارد على البوست اقول ايه

لــــ زهــــــراء ــــولا Says:

تفتكر اى كلام هيتقال هينفع بعد الروعه دى

لــــ زهــــــراء ــــولا Says:

قولت اراجع الكومنتات بتاعتى لاقيت انى بانسى اوقع

ياترى يا هل ترى مين اللى يقدر يعمل احتلاااااااااااال

لــــ زهــــــراء ــــولا Says:

مين اللى يقدر يعمل استيطاااااااااااان فى المدونه

لــــ زهــــــراء ــــولا Says:

مين اللى يعمل قلق فى المدونه

لــــ زهــــــراء ــــولا Says:

مين اللى خايف النت يقطع عنده

هههههههههههههههههههه

لــــ زهــــــراء ــــولا Says:

ايوه صح

هو ده

انا ميييييييييييييين

لــــ زهــــــراء ــــولا Says:

يوووووووووووووووه

برضه نسيت اكتب اسمى



زهراء

لــــ زهــــــراء ــــولا Says:

شكلك هتقفل المدونه فى وشى


زهراء

لــــ زهــــــراء ــــولا Says:

تخيل انى خايفه المدونه تقع من اللى عملته


هههههههههههههههه

لــــ زهــــــراء ــــولا Says:

عندى سؤال ليه البوست اسمه عربيه

لــــ زهــــــراء ــــولا Says:

ليه مش افريقيه حتى مصر جزء من افريقيااااااااااااااااااااا

لــــ زهــــــراء ــــولا Says:

ليه مش اسيويه

هى مش برضه مصر لها جزء صغير فى اسيا

لــــ زهــــــراء ــــولا Says:

ابو على


*****
عنوان البوست يجذب اى شخص لكى يفهم معنى ومغزى كلمة عربيه وما هو التفسير الصحيح لها ؟؟

اول صوره تأتى لتوضح لنا ان البوست رومانسى ولابد ان نقرا الكلمات بالقلوب مع العقول ....

بداية البوست " خايف عليك "
بصراحه كلمة الخوف هى تدل على الحب لان بطبع الانسان ان يخاف على من يحبه او يهمه امره واعتقد ان حواء تشعر بمدى الحب حينما يقول لها ادم انه خايف عليها .....

اى انثى تسمع جمله خايف عليك من ادم فهى تبتسم وتنصت له وتصبح طفله صغيره بجواره وتنتظر باقى الكلام الذى يأتى بعد الخوف ....

عجبنى اوى جملة "طيفك معاك اطبطب عليه "

يعنى مجرد الطيف يجعله يطبطب ياااااااااااااه روعه بجد جمله ماحدش يقدر يعلق عليها لانها عن جد توضح مدى الحب والشوق الذى ينطق من بين حروفها

كلمة يأخذنى رغم انى علقت عليها من شويه بهزار لكن دلوقتى لها معنى تانى انت افردت لها سطر عشان تجذب القارئ ويتلهف لقراءة ما يأتى ورائها ويعرف هتاخدك لفين وكمان احسنت صنعا انك كتبتها باللغه العربيه حتى تكون فاصل للبوست قبلها وبعده ....

نكتفى بهذا القدر مع عوده فى القريب ان شاء الله


زهراء 

أمل حمدي Says:

الله الله يا أبو علي
تسلم ايدك ياراجل يا طيب


اسفة غلطت حذفت التعليق الأول
تقديري لك يا أبو علي

givara Says:

مش هقول اكتر من انها قصيده رائعه
انا مش لاقى كلام اقوله
وحاسس ان اى كلام مش هيدى القصيده دى حقها
حاولت ادور على اجمل جزئيه فيها واعملها كوبى هنا
لقيت انى هكبير القصيده كلها
احسنت
وف انتظار المزيد

لــــ زهــــــراء ــــولا Says:

ابو على

ها هى عوده من جديده لتكملة ما بداته من احتلااااااااااااال


زهـــــراء

لــــ زهــــــراء ــــولا Says:

المدونه زهقت منى وبدات تكرر التعليقااااااااااات

تخيل شكل المدونه زهقت بجد


زهراء

شمس النهار Says:

حواااااااار جميل راقي
جدااااا
ياابو علي
نظم الكلمات معمول بشياكة واناقة ورونق جذاب

لــــ زهــــــراء ــــولا Says:

ابوعلى

كنت وقفت عند كلمة يأخذنى
نكمل من بعدها ...

حينما قولت ياخذنى لسماك شعرت معها ان السماء التى سوف تحلق فيها غير السماء التى نعيش تحتها ربما المحبوبه جعلت منها سماء مختلفه , وقد اكتفيت من الدنيا بهذه المحبوبه لتكون معاها فى السماء بمفردكما فقط وقد اختلطت مشاعر كثيره بين الحروف

انطلقت بعدها كلمت روائعه استحسنت فى وصفك فيها من نسمات ... الى بسمات ... الى اللوحه التى احترت فى وصفها من روعة الكلمات التى اخترها بدقه اهنيك عليها ولابد ان ارفع لك القبعه ما اختلط بعد ذلك من الحرير ودود القز اللى طالع نازل ... الى سموات ... الى " سراب حلم خيال " رغم ان هذه الكلمات  تشبه الى بعضها لكن هنا اتت بمعانى مختلفه من حيث المشاعر او الاحاسيس

اختتمت الجزء الاول من البوست بكلمه تتنهى بها الكثير والكثير من الاحاديث
بحبك

*******

الصوره التانيه تعتبر رد على البوست من جانب المحبوبه اختيارك للصوره ولا اروع من ذلك لم تتضح لنا ملامحها ولكن اعتد ان اى انثى من بنى حواء اذا سمعت هذا الكلام من مبحوبها فسوف يكون هذا هو شكلها هدوء .. رقه ... لا تتبكى او تبتسم ولكنها محتاره فى كيفية الرد على كل ما قيل لها وبالتأكيد لها الحق فى ذلك

هذا هو حال الكثير من بنات حواء لا يجيد فن الرد حينما يتعلق الحديث بالمشاعر والاحاسيس ...

اعتقد انك نظمت الكثير من الحروف ولكن هى بجمله واحده فقط قد تفوقت عليك "باحس انك نفسى
مجرد اسمك عبير وجزء من رسمى "

ياااااااااااااه لما حد يقول لحد انت نفسى اعتقد مافيش كلام ارق واجمل وارق من كده يكفيك ان اسمك له رائحه هى فقط تعرفها رائحه ذكيه ...

بصراحه يكفى ما تقوله لك فتاه عربيه حره لان تربية البنت العربيه انها مش بتعرف تعبر عن مشاعرها او احاسيسها



سيدى الفاضل ... اعلم ان كلماتى ضعيفه وقليله مهما زاد عددها ومهما عملت من دوشه او كان عدد الكومنتات كتير لكن تبقى حقيقه واحده انى كل مره اقرا لك مجرد حرف اقف امامه كثيرا لكى افكر فيه وما يحمله من معانى عميقه رائعه ....

هناك من البشر من نتقابل معهم على ارض الواقع ولا يتركوا فينا اى اثر وهناك من بنى البشر الذين نقرا لهم حروف وكلمات نتعلم منهم دروس فى الحياه وكنت حضرتك هذا الانسان المعلم الذى يتحدث بكل هدوء لكى نتعلم منه ...

استاذى الفاضل تحيه على كلماتك فى الرومانسيه وبوستاتك فى الامور الانسانيه وما تحمله من حكم للحياه العصريه ....

كل الدعوات ان يهب الله لك السعاده فى كل حياتك الخاصه والعامه


ملحوظه صغيره : اعتذر عن القلق اللى عملته ^_^
زهــــراء 

لــــ زهــــــراء ــــولا Says:

ايه الجمال ده يا ابو علي (:

لولا

لــــ زهــــــراء ــــولا Says:

خايف عليك
منك اليك
.......................
اللي بيحب بجد ده بيكون شعوره

لولا

لــــ زهــــــراء ــــولا Says:

الله
ده الحرير ؟
ده النبات
ده انت ؟
ليك حدود !
شكل موجود ؟
......................

ده الجمال والشعور بالحب بأحاسيسه الجميلة كف ناعم حريري
هو انت موجود وقعها على اذني كانه بيقولها انت زي النسمة الرقيقة اللي من خفتها مش بنحس بيها بس بنشعر بوجودها

جميل يا ابو علي

لولا

لــــ زهــــــراء ــــولا Says:

رد المرأة العربية رااااااائع
بيعبر عن شرقيتها يعني بتقوله كويس اني نطقت اصلاً ورديت على كلامك هههه

تسلم يا ابو علي

لولا

SHAPE YOUR LIFE (ABOALI) Says:

الى زهراء
عميدة المدونة والراعى الاول لها
لقد انبرى الجميع فى مشهد غير مسبوق للاطلاع على تعليقاتك والتاءمل فيها
والتمتع بحس بمعانيها
وكانت النتيجة فى نفس واحد جميل المذاق رائع الرائحة
باقة ورد وياسمين لك تقول
انك انسان جميل

SHAPE YOUR LIFE (ABOALI) Says:

الى زهراء
اكيد صورة القلب الاحمر والروز لها دلاله
ولكننا معك نبحث فى حديث الثورة

ولالالالالالالالالاايه

SHAPE YOUR LIFE (ABOALI) Says:

الى زهراء
مش عرفت بشاءن الجروب مش تقول يا صديقى
علشان انت عارفنى من زمان انى ناوى على الموضوع ده

بجد كده محتاج حق عرب منك

يااااااااااااااه
ليه بس كده مش تقوووووووووووووول

الازهرى Says:

لو عرفت انى
باحس انك نفسى
مجرد اسمك عبير وجزء من رسمى


ادعى لى الامتحانات مبهدلانا

SHAPE YOUR LIFE (ABOALI) Says:

الى زهراء

مش مهم التوقيع يا انسان
اهم شيىء روح الكيان

SHAPE YOUR LIFE (ABOALI) Says:

الى زهراء
فعلا كلمة خايف عليك
دليل حرص وليس قلق وهى نبض حياة يظل دائما يطل على صاحبه يذكره بحياته وانه لازال فوق الارض
اما عن الطيف
فهو تعبير عن حب متعمق ومتغلغل فى اللغاليغ

والله الموفق

SHAPE YOUR LIFE (ABOALI) Says:

الى الفاضلة ماما امولة

انت اللى رائع يا انسان
وليك طلتك المعهودة عنك وابتسامتك الساحرة

وهبك الله الروح التى تملىء وجدانك بالخير

خالص التقدير

SHAPE YOUR LIFE (ABOALI) Says:

الى جيفارا

اولا شرفتنى بالظهور الاول هنا
واتمنى تكرار الزيارة
لى تحفظ على انها قصيدة والكلام الكبير ده

هى مجرد حروف تلاقت فكانت كلمة فعبرت عن معنى فكان احساس طال البعض فقال الله

خالص التقدير مرة ثانية

SHAPE YOUR LIFE (ABOALI) Says:

الى زهراء
عجبنى انك خدتى بالك من يأخذنى
لانها بالفعل فاصل عنوانى مهم
حتى ياءخذ القارىء نفسه اولا
لانى قراءة الكلمات المتتالية بنفس الوزن تجعل من يقرء ينهج شوية

علشان كده كنا خايفين على صحته فقللنا النهجان
يا استاذ انت

SHAPE YOUR LIFE (ABOALI) Says:

الى زهراء

اوعى تقول كده
المدونة لا تزهق ولكنها تتجمل

SHAPE YOUR LIFE (ABOALI) Says:

الى الحاجة شمس النهار

جميل عبورك من هنا يا انسانه
الاجمل هو العيون التى تقرء فتضيف للمعانى احساس يتغلل فيها فتكون الاناقة عنوانها

عن جد كل التحية لك

SHAPE YOUR LIFE (ABOALI) Says:

الى زهراء
تعرفى يا زهرا انى قريت تعليقك ده اكثر
من مرة
اد ايه جميل ومميز وفيه اناقة انسان مفكرة عن جد
عارفة روح الاحساس رايح فين
وكمان حاسة بالكلمة ورنينها
وكانت المقارنة بين الشطر الاول والثانى
فى رد الحبية على المحب
تحلليك ليها اكثر من متميز واستخدم كلمات نابضة جدا
بجد قريت تعليقك استريحت نفسيا
لانك اوحيتى ليا بتعليقك انى الارواح فعلا جنود مجندة وتتلاقى
لانى فعلا قصدت كل حرف كتبتيه بس فى احاسيسى الداخلية
وعلى حسب قراءة كل انسان كان سيستخرج احساسه الخاص

بجد مبسووووووووووى اووووووووووى بالتعليق وكلماته واحساسه
وكمان كان عليه بهارات
دعوات جميلة راقية من انسان ولا اارقى

كل التحية لانسان صادق مع نفسه

SHAPE YOUR LIFE (ABOALI) Says:

الى لولا

ده جمال عيون من يقرء يا فندم والله

SHAPE YOUR LIFE (ABOALI) Says:

الى لولا

فعلا شعوره كده واعمق كمان

مجانين اوووووووووووى العالم الحبيبه دول

SHAPE YOUR LIFE (ABOALI) Says:

الى لولا

فعلا معاكى حق فى الاحساس ده
ومتفق انى حواء العربية تفضلت وده من نعمة ربنا
وقالت ليه انت غالى عاليا
هههههههههههههههه

اه منكن اه

مشرفانى يا انسان

SHAPE YOUR LIFE (ABOALI) Says:

الى الازهرى

هههههههههههههههه
اه اه من الامتحانات اه
ربنا يهبك فهم الصالحين وحفظهم وادراكهم
وييسر لك الصعب ويجعل لك طريق هداية ونور يهديك الى الصواب

كل التقدير يا غالى

SHAPE YOUR LIFE (ABOALI) Says:

الى زهراء
نسيت اقولك
ليه الاعتذار على شيىء جميل
بعث الثورة فى قلب المدونة وجعلتها تشارك قوى الشعب وتتباهى بكل تلك التعليقات

خالص التقدير

MaNoOoSh Says:

اجمل ما اجده هنا نسيم التفاؤل

ليك وحشة والله يا ابو علي

نـــــور Says:

حلوة كده ومن القلب ولازم توصل للقلب :)
ومادام فيها اسمى يبقى لازم تبقى جميله طبعاP:

القافيه بس حاسه انها محتاجه شويه تظبيط راجعها تانى لو ممكن

على اى حال
فيها عبير فعلا :)

SHAPE YOUR LIFE (ABOALI) Says:

الى منوش
ازيك يا انسانه ليكى نسيم ترتاح له المدونة يا رائعة
ان شاء الله كل بسمات التفاؤل تكون ليكى حياه ونور فى طريقك باءذن الله

كل تقديرى لانسان قديرة

SHAPE YOUR LIFE (ABOALI) Says:

الى نور

ياهلا بالنور وناسه ونصائحه
مشرفانى بجد برايك ونقاء قراءتك
ان شاء الله نراجع وليه لاء

بس فى المرة القادمة ان شاء الله

كل التقدير لانسان عن جد قدير