ماكيت الحلم

, الأربعاء، 8 يونيو، 2011




يقولون ان الحلم هو القارورة السحرية التى تسبح فيها ارواحنا وتموج
ويذكرون ان من لا يحلمون هم التعساء فاقدى توازن النفس والروح
مع الاحلام تتحقق سلامة الوجدان فهى تشبة النافذة التى تطل على حديقة غناء
نبنى فيها ونشيد القصور والبيوت والاشجار التى نحلم بوجودها  والعيش فيها
عند الاستفاقة من الحلم  والاستيقاظ يتنفس مكنوننا الداخلى نوع من الاستبشار
بأن القادم سيكون شعاع شمس ينير الطريق لتحقيق الحلم
ولكن البعض الكثير لا يتواصل عنده شرارة الحماس ويظن انه لن يستطيع بناء حلمه
وهنا يجب ان نطل من جديد على نافذة اخرى
فحكمة الله جعلت لنا نافذتان هما العينين
فأن راينا ونحن نائمون الاحلام ومدى روعتها واتساق جمالها من عين
فعند الاستفاقة يجب ان نطل من العين الاخرى على سؤال هام
كيف نشيد احلامنا ونصممها ونبنيها ؟
بناء الاحلام وتشيدها يحتاج منا الى
ترتيب تلك الاحلام مثل درجات السلم من حيث قابلية التحقيق
البدء فى تحقيق وتشيد ما يسهل بنائه وتنفيذه
الانتقال الى الحلم التالى  لبدء رحلة جديدة بعد تحقيق الحلم الاول
الاستعانة بمن رزقنا الاحلام وجعلنا نحلم ونستلهم منه الصبر والاصرار
ان لم يكتمل بناء حلم نبتسم بأننا سعينا واجتهدنا
 من يملك السموات والارض له حكمة  هو اعلم به
كلماتى ليست حلم
فكلنا نعيش فى احلام بعض
فمن يعمل فى شركة سيدرك ان صاحب تلك الشركة كان يحلم بأنشائها
وأن يكون له شركة يديرها
 وها هو الان وقد تحقق حلمه
وها نحن نعمل فيها اى نعمل فى حلم كان لصاحب الشركة
لذا علينا ان نعيد قراءة احلامنا  و تصميم  ماكيت ذلك الحلم
ونطل عليه دائما ليشحذ الهمم فينا
**********

ان جن عليك الليل او النهار
وغابت عيونك و تكشفت لك الاسرار
وعبرت ابحر و انهار
فرويت نفسك انوار
فترعرع نبات فى ازدهار
قال لك
انا حلم
حروفى لك يقين اختيار
الحاء    حاول
اللام       لابد
الميم       مِِـــــن
حاول لابد من
النجاح
تلك حكمة يعرفها الاخيار

(الصورة لعملية ثورية تشابكت فيها كل قوى الجسم  لانقاذ الحلم )


57 Response to "ماكيت الحلم"

لـــولا وزهـــراء Says:

ابو على

انا جييييييييييييييييت


زهراء

لـــولا وزهـــراء Says:

عاوزه اقولك ان البوست مش بيظهر فى الريدر والبوست اللى قبله كمان مش ظهر

شوف ايه الحكايه


زهراء

لـــولا وزهـــراء Says:

ماكيت الحلم


هى كلمة ماكيت دى اصلا من اى لغه ؟؟؟

زهراء

لـــولا وزهـــراء Says:

ابو على

ايه رايك وانا باحتل المدونه لوحدى ^_^


زهراء

لـــولا وزهـــراء Says:

ده التعليق الخامس عشان الحسد
قول فى سرك الله اكبر

ما شاء الله


زهــــراء

لـــولا وزهـــراء Says:

ابوعلى

الو صوره بجد سرحت معاها تخيلت انها من تحت عدسه مكبره ...
تخيلت كانها شبه الحله اللى لها غطا وبلاش تضحك على كلمة حله دى هههههههههه
كأنك فجاه رفعت غطا عن حاجه مبهره

الصوره اخدت منى وقت وانا ابحلق نظرى فيها حلوه ابحلق دى صح هههههههههه شوفت المصطلحات ما بعد الثوره

زهراء

لـــولا وزهـــراء Says:

ابو على

مش اى انسان بيقدر يحلم ودى حقيقه بجد الحلم سواء الحلم اثناء النوم او حلم اليقظه او كلمة الحلم التى يمكن ان نطلق عليها هدف او رغبه زى ما قولت مش اى انسان يقدر يعمل كده

رغم ان كل حقيقه كانت فى الاصل مجرد حلم وبشوية مجهود من صاحب الحلم اصبح حقيقه ومن قبل المجهود هناك ارادة المولى عز وجل

فى بعض الاحيان قد يكون هناك حلم نسعى له ونخطط له ونحاول بكل السبل ان نضعه على ارض الواقع وفجاه وقبل ان نصل الى اخر خطوه ينهار الحلم مره واحده ولا نفهم ماذا حدث حتى يتوقف الحلم او ينهار ولكن بكل تأكيد هى حكمه لا يعلمها غير الله وحده جل فى علاه ...


فاصل
.
.
.
.
ثم من بعده نواصل

زهراء

لـــولا وزهـــراء Says:

ابو على

***-**

حاول لابد من
النجاح
تلك حكمة يعرفها الاخيار


الله على تفسير معنى كلمة الحلم

حاول لابد من النجاح

بكل صراحه الحكمه عجبتنى جدا ولكن اللى عجبنى اكثر هو طريقة تفطيرك فى معنى كلمة حلم ما شاء الله ربى يزيدك من خيره
ربنا يحقق كل احلامك ياااااااااارب


اتمنى ان كل واحد فينا يحاول يوصل لحلمه والغريب ان كل واحد فينا يملك العديد والعديد من الاحلام ولكن البعض منا يحاول ويحاول ويحاول لكى يصل بهذا الحلم الى ارض الواقع ويحققه
البعض عندما يتعثر فانه يتوقف عن مواصلة التحقيق رغم ان شرف التجربه يكفى والمفروض فى حالة عدم تحقيق حلم او نحاول مع غيره وغيره ونتحدى انفسنا وقتها ان شاء الله هنوصل ...


اضرب واحد شاى بلبن ونرجع من تانى ان شاء الله



زهراء

لـــولا وزهـــراء Says:

دلوقتى افتكرت معنى كلمة ماكيت هى دى برضه مش البتاع اللى بيكون فى اى مكتب هندسى عشان نتخيل ونشوف شكل العماره او الفيلا هيبقى ايه بعد الانتهاااااااء او تفكيرى غلط


زهراء

لـــولا وزهـــراء Says:

التعليق العاشر


الله عليكى يا بنتى وانتى متالقه فى الاحتلااااااااااااااااااااااال

زهراء

لـــولا وزهـــراء Says:

ابو على

عدنا من جديد بعد واحد شاى باللبن محترم كده ولذيذ ...



زهراء

لـــولا وزهـــراء Says:

عارف المشكله فى الحلم انه فى بعض الاحيان الواحد يفكر فى مية حلم وعاوز يحققهم كلهم مره واحده
يعنى مثلا طالب فى الجامعه عاوز يتخرج ويشتغل فى وظيفه محترمه ويتجوز البنت اللى بيحبها ويبقى معاه عريبه احدث موديل وشقه فى منطقه شيك ومصيف فى مكان اخر حلو ويعمل فرح ويجيب عمرو دياب ودينا الراقصه و... و ....
يا عم اهدى شويه فكر الاول انك تتخرج وبعدين خطوه خطوه مافيش حاجه تيجى كده اهدى حبيبى كده ^_^ ماحدش بيفكر ان الحلم زى خطوات السلم لازم نطلع الدور الاول وبعد كده التانى وهكذا لغاية ما نوصل الى السطح لكن زى ما ربنا سبحانه وتعالى قال " وخلق الانسان عجولا "

يعنى الانسان بيستعجل وعاوز كل حاجه مره واحده

زهراء

لـــولا وزهـــراء Says:

ابو على

-*-**-*

بمناسبة الاحلام عاوزه اعمل 100 كومنت عندك ياترى هاقدر او ده هيفضل مجرد حلم فى الخيال

زهراء

لـــولا وزهـــراء Says:

هانت باقى كام كومنت كده حوالى 86 كومنت واوصل لميه ويبقى الحلم اتحقق كده انا ماشيه خطوه خطوه وطالعه السلم درجه درجه ولا اييييييييييييييه


زهراء

لـــولا وزهـــراء Says:

الكومنت رقم 15

هاااااااااانت

زهراء

لـــولا وزهـــراء Says:

ابو على

******
عندى حلم انى اخد الاوسكار وكمان افتح مطعم ماكولات بحريه ...
تفتكر الاحلام دى لها علاقه ببعض ههههههه

زهراء

لـــولا وزهـــراء Says:

الصوره اللى فى اخر البوست روعه بجد بس تفتكر مين فيهم اللى محتاج التانى يساعده ؟؟؟؟؟؟

زهراء

لـــولا وزهـــراء Says:

عارف يا ابوعلى الصوره الاخيره وقفت امامها شويه وكمان الجمله اللى كتبتها تحتها اخدت وقت منى فى التفكير بجد

"الصورة لعملية ثورية تشابكت فيها كل قوى الجسم لانقاذ الحلم "

الله على المعنى كل قوى الجسم عاوزه تنقذ الحلم لان الانسان من غير حلم لا يساوى اى شئ

زهراء

لـــولا وزهـــراء Says:

تلك حكمة يعرفها الاخيار

بكل تاكيد لا يعف معنى تلك الحكمه غير انسان لا نزكيه على الله ولكن نحسبه على خير


زهراء

لـــولا وزهـــراء Says:

الكومنت رقم 20


ما شاء الله هانت باقى حبه صغيرين وابقى 100


زهراء

لـــولا وزهـــراء Says:

كلنا نعيش فى احلام بعض .....

معنى جميل اوى
باختصار احنا كلنا بنعيش فى بعض لاننا فى النهايه بشر تجمعنا الكثير والكثير من الخصال والصفات

تحليلك لتلك الجمله بطريقه بسيطه اعطت لها رونق رائع

ما شاء الله عليك


زهـــــراء

لـــولا وزهـــراء Says:

الكونت رقم 22
حلو رقم الاتنين وهو مكرر جنب بعضه


ولا رايك ايييييييييييه


زهراء

لـــولا وزهـــراء Says:

بصراحه ناويه اكمل 25 كومنت

عندك اعتراض !!؟؟؟

قول مش تخاف ^_^
احنا بعد عهد الثوره



زهراء

لـــولا وزهـــراء Says:

ابو على

من لا يملك القدره على الحلم هو بكل تأكيد انسان تعيس فاقد لجزء مهم من حياته ولا يستطيع ان يعيش حياته بالشكل المناسب او بالشكل الصحيح

زهراء

لـــولا وزهـــراء Says:

ابو على


اخر كومنت على البوست ده


عن جد سيدى الفاضل حينما اتجول بين حروف كلماتك ادعو الله لك كثيرا ان يهبك الخير الوفير وكل ما تتمناه واكثر ..

جميل منك ان تنثر كلماتك التى تحمل اريج له وضع خاص لكى نقرا ونتعلم وفى النهايه لابد ان ندعو لك كثيرا ...


ادعو الله ان يحقق كل احلامك سواء احلامك الخاصه او احلامك للاخرين


المحتله ;)

زهــــــــراء

لـــولا وزهـــراء Says:

ابو على

والله كنت ناويه الكومنت اللى فات يكون اخر كومنت بس معلش بقى لما قرات التعليقات بتاعتى لاقيت بعض الاخطاء اللغويه معلش بقى حاول كده تفسر كلامى لو فى كلمه وقفت ومش عرفت تترجمها ابقى قولى


زهراء

لـــولا وزهـــراء Says:

رررررررررررررررررررررررررررررررررررررررررررررائعة تلك الافكا ومشروعية الاحلام
لولا

لـــولا وزهـــراء Says:

الصور تحفة انت بتجب الصور دول منين

لولا

لـــولا وزهـــراء Says:

بناء الاحلام وتشيدها يحتاج منا الى
ترتيب تلك الاحلام مثل درجات السلم من حيث قابلية التحقيق
البدء فى تحقيق وتشيد ما يسهل بنائه وتنفيذه
الانتقال الى الحلم التالى لبدء رحلة جديدة بعد تحقيق الحلم الاول
الاستعانة بمن رزقنا الاحلام وجعلنا نحلم ونستلهم منه الصبر والاصرار
ان لم يكتمل بناء حلم نبتسم بأننا سعينا واجتهدنا
من يملك السموات والارض له حكمة هو اعلم به


...................................

رائع ذلك الوصف وترتيب الاحلام في درجات واحدة تلو الاخرى والاخفاق له حكمة من الله عز وجل (:


لولا

Ramy Says:

أولا

ربنا يحقق لك الماكيت بتاعك يارب

ثانياً

أحياناً الحلم الأساسى مبيتحققش فلازمن و لابد (:
من أننا نكون عملين حسابنا نفسياً أن يكون فى حلم تانى
لأن ممكن يكون الحلم دة
أحنا شايفينه كويس لكن ربنا ليه رأى تانى

شكراً ع الماكيت الجميل دة (:

غير معرف Says:

اوقع واحلى كلام قريته ف حياتى بجد مفيش حلم مستحيل لان فية قدرة اكبر من اى حاجة موجودة وهى قدرة الخالق عز وجل علشان تنفيذ حكمه محصور بين الكاف والنون يبقى علينا المحاولة وعدم الاستسلام الصورة كمان معبرة اوى اوى بجد رساله لازم كل اللى يقراها يستفيد منها ويبدا من جديد ويحافظ على اصرارة ف تنفيذ حلمه moro kramel

موناليزا Says:

حاول لابد من النجاح
جملة جابت الخلاصة
جميلة بجد
وآخر صورة معبرة جدا

ماما أمولة Says:

بنحاول نشق مجرى للحلم لجل مايبحر بنا ونصل به لشطوط الأمل الملموسة


تسلم يا رب يا أبو علي

الازهرى Says:

لو بطلنا نحلم نموت

بس المهم مع الحلم السعى لتحقيقه
أما لو نسينا نحققه يبقى حاجة من اتنين
يا اما حلمنا كاذب
واما احنا لازم نحاول تانى وتالت ورابع ولحد ما نوصل لهدفنا

نـــــــــــــور Says:

عارف مشكلتنا ايه ياابو على؟
اننا دايما بنشوف احلامنا مش ابليكابل ولا اتشيفابل واسفه لانى مكسله اكتبهم انجلش
يعنى بنحلم اد مانحلم لكن دايما بنشوف نفسنا صغيرين على تحقيق حلمنا ده
برغم ان اى حلم مهما كان كبير تحقيقه بيبدأ بخطوة واحده ووراها اصرار على الوصول للنهايه
ولا انت مش من رأيى؟

اخباراتك ايه؟

شمس النهار Says:

الحلم يظل حلم الي ان يتحقق ويصبح علم
:)
عجبني حد قال في برنامج حواري ان الحلم اللي يخليك صاحي علشان تحققه
دائما ماتنشره يكون رائع ياابو علي

SHAPE YOUR LIFE (ABOALI) Says:

الى زهراء فى التعليق الاول والثانى

يا مراحب بالناس الجميلة
وده حال الدنيا مرة يظهر ومرة يستخبى

والدوام لله والعزا من مسجد القائد وسلامى للاحبة

جووووووووووووووول

SHAPE YOUR LIFE (ABOALI) Says:

الى زهراء

كلمة ماكيت فيها شبه كبير من موكيت

اكيد ان شاء الله هانوصل ليها يوما ما

الله الله على ا لاحتلال

ماهو خلاص بقى مافيش خوف من الياميش اقصدى الشرطة اصلهم كلهم لابسين الطرحة

وعجبى

SHAPE YOUR LIFE (ABOALI) Says:

الى زهراء

كمان وصلت الى الخامش عشر

ربنا معاك يا انت انت

SHAPE YOUR LIFE (ABOALI) Says:

الى زهراء

الله الله على الحلة
والنبى وصى لينا على كام حلة محشى كده
علشان الواحد نفسه يضرب ورق عنب

والشيىء لزوم الشيىء حتة فخدة ماركة بتلو علشان الصحة بقى يا عمى

والله انت منور

SHAPE YOUR LIFE (ABOALI) Says:

الى زهراء

فعلا مش كل الناس بتحلم بس كل الناس ليها احلام

وعلى راى المثل

لو بنطلنا نحلم نعيش اندال

وعجبى

SHAPE YOUR LIFE (ABOALI) Says:

الى زهراء

بعد حلة المحشى والحمد لله الاكل تمام

وبعد كده شاى بالقرنفل ماركة ودع احبابك

اتيناالى رحلة النضال وهى رحلة الاحلام
وتحويلها من بوتقة الفكر الهيمايونى الى الفكر التطبيقى المتلازم مع الجهد و حبات العرق

بالفعل هناك من ينهار حلمه ولكن لا تنهار ارداته واصراره انى لازال هناك احلام تتحقق

وعجبى

والله على الناس المفكرة الرايقة

وعندك واحد شاى من غير لبن

SHAPE YOUR LIFE (ABOALI) Says:

الى زهراااء

هههههههههههههههههههه
ماكيت شبه موكيت واحنا قلنا فى السابق

اللى مايعملش ماكيت يروح ينام على الموكيت

وعجبى

SHAPE YOUR LIFE (ABOALI) Says:

الى زهراء

بعد ضرب الشاى باللبن

يا مراحب يا مراحب المدونة كلها لبن ابيض ماشاء الله

ربنا يبااااااااااااااارك

SHAPE YOUR LIFE (ABOALI) Says:

الى زهراء

فعلا الناس مستعجلة وشايفة انى العمر ثوانى معضوضة علشان كده الناس بتحاول تخلص حقها بسرعة فى الدنيا

علشان فى مرحلة الشوى يبقى طاهرين

اللهم نجنا من الشوى

ولالالالالالالالالالالالالالالاايه

SHAPE YOUR LIFE (ABOALI) Says:

الى زهراء

ولا لاء اعملى 10 تعليقات واضربيهم فى عشرة يكون الحاصل مية

فكر يا باشا فكر

ربنا يجعل احلامك واقع

اما عن احلام الاوسكار والله انت سكر

ام عن المؤكلات هو ده احلى كلام


ربنا يبااااااااااارك فيك

SHAPE YOUR LIFE (ABOALI) Says:

الى زهراء

ههههههههههههههههههه

ياباشا كنت كملت تؤتؤ
ايه ياعم بس هى القدرات ضعفت ولا ايه

على العموم لسه فيه ملاحق وربنا هايبارك ويعطيك الصحة ان شاء الله

عن جد استمتع استمتاع خاص بوجودك هنا وتحليلك المميز

و ادعو الله ان يجعل لنا نصيب مما نكتب ونعلم ونطبق ما فيه خير وندعو له

شرفتنيى عن جد وبدون ضرب فى الحلل

SHAPE YOUR LIFE (ABOALI) Says:

الى لولا

يا مراحب يا مراحب
ومليارات من الدعوات للوالد الغالى

وانت اكيد اللى اروع يا انسان

SHAPE YOUR LIFE (ABOALI) Says:

الى لولا

الصور بتيجى ليا عن طريق مصادر متعددة منها شرب الشيخ وطره تلج وحاجات كتيرة

ان شاء الله خير ابقى تعالى بس

SHAPE YOUR LIFE (ABOALI) Says:

الى لولا

معك حق الترتيب حلو واللى ينفذ ليه شيكولاته

والى اللقاء فى المعارك القادمة

مشرفنى يا انسان

SHAPE YOUR LIFE (ABOALI) Says:

الى رامى

ياعم ميرسى ميرسى على الناس ذات الاخلاق العالية

وان شاء الله ربنا يحقق ماكيتات الجميع

وفعلا معاك حق لازم ولابد وحتما وهام جدا

يكون عندنا احلام احتياطى


تقديرى لانسان قدير

SHAPE YOUR LIFE (ABOALI) Says:

الى مورو

يا هلا بالناس اللى تاءتى مثل الطيف المنساب فى شروق الشمس له همس حالم ناضج ذو عبير

فعلا معك حق الاحلام تتحقق على قدر الاصرار على تحقيقها

يااااااااااااارب يحقق كل احلامك المشروعة ويهدى ليك الحال ويسعد ايامك

قوووووووووولى امين بلاش بخل بقى

SHAPE YOUR LIFE (ABOALI) Says:

الى موناليزا

يا مراحب بالمدونات الصديقة الرائعة

فعلا معك حق

عندما ترى العيون بصدق تكون احلامها واقع

مشرفانى ومنوارنى وابتسمى

SHAPE YOUR LIFE (ABOALI) Says:

الى الفاضلة ماما امولة

ربنا يقربك من حلمك وتحقيقه ويكون بحرك مملؤ باللؤلؤ والياقوت والمرجان

ويهبك سعادة الدراين

وسلامى للاسرة الغالية

كل التقدير لانسان قدير

SHAPE YOUR LIFE (ABOALI) Says:

الى الازهرى

فعلا لو بطلنا نحلم نبقى اندال

اتفق معك يا صديقى

وما علينا الا الضرب على الحلم حتى يكون شجرة مثمرة

كل التقدير يا انسان

SHAPE YOUR LIFE (ABOALI) Says:

الى نور

ايه يا عم اللغات دى كلها

ايوووووووووون كده خلى الحلم يدلع ويظهر كده

قال حلم مايتحققش قال

احنا ورانا مهندسين يعمل برنامج لهضهم الاحلام دى كلها وتحقيقها

اووووووووووومال

ربنا يبارك فيكى ويقربك من امالك ويريح بالك

اميييييييييييييييييييييييييييين
ameeeeeeeeeeeeeeeeeeeeeeeeeeeeen

لغاااااااااااااااات بقى

SHAPE YOUR LIFE (ABOALI) Says:

الى الحاجة شمس النهار

عندك حق فعلا

اللى مايحلمش يبقى مايفهمش

ربنا يقربك من كل احلامك

ويسعد كل ايامك

كل التقدير لانسان رائععععععععععععع