قذافيات

, السبت، 12 مارس 2011


على طريقة القذافى
 من انتم؟
انتم مجرد جرذان
وهنا  كان الحديث وانطلقت الكلمات
حين قالت لى
لما لم تكتب فيا شعرا او نثرا او دواوين؟
فتبسمت بسمة العاشقين
قالت
خذلتنى
كنت اظنك بعد الثورات
تجرى ويفيض قلبك
 بذور ونباتات
تذهب هنا وهناك
تتقلب بين حروف الهجاء
الى اثيوبيا ومنابع النيل والماء
تهدى لى الحب فى وعاء
تروى ظمأى وتعوض ما فات
 وتربو ارضك وتزيد الحريات
ولكنك ابيت وتبسمت البسمات
جعلت مكانتى عندك اهات
نسجت لى بيت عنكبوت
احلام ذكريات
اليوم كانت ثورتى
والاطاحه بك قرار وحسابات
لن ينقذك زعيم الزعماء
اسلحتك وامن دولتك حارقى الملفات
اليوم سأنصب خيمتى
فى ميدان التحرير
  هناك ستكون أمتى
ارفع عناوينى ورايتى
اكتب حروف حرة ابية
ارحـــــــــــــــــــــــــــل
جاء اوان التنحى
سأصنع اليوم دساتيرى
استفتى قلبى وضميرى
عشت معك ايام جنونى
اليوم هو يوم العقلاء
استفاقت نفسى  وارسلت
بيااااااااااااااااانات بيااااااااااانات

****
البيان الاول

*****
انسى ما قولته سابقا"
انت ونيس العمر قلبا" قالبا
خلقنى الله لك حاضنا
مكملا حبيبا" حنيا
انا وانت
انسانا" رائعا
فهل جلست الى طاولة المفاوضات
ننظر معا جدول التعلايات
ام تراك  ستقدم اعتذرات
فتبسمت
وكان مزيج من القبلات
احبك
يا رفيقة كل الحيوات


18 Response to "قذافيات"

صيدلانيه طالعه نازله Says:

يعنى اول ما نالت حريتها اول ما تنقلب تنقلب على اللى بتحبه
و بعدين احنا قلنا لا للمظاهرات الفئويه لانها تعطل المسيره
فما بالك بقى لو كانت مسيره الحب والعشق

الحب يا سيدى هو وحده ثوره هو وحده انقلاب على حكم العقل الذى يتنحى طائعا لينقل مقاليد الحكم الى دوله القلب

دمت رائعا

لــــ زهــــــراء ــــولا Says:

ابـــــو على

---------

العنوان غريب عجيب كالعاده بصراحه اول ما قراته افتكرت انه قذائف بس لها جمع مؤنث سالم ولما اعدت قرائتها مره تانيه فهمت المعنى ...
الصوره بقى شغل فوتو شوب عالى اوى اوى هو انت بتشترى الصور دى من فين ؟؟ قولنا يا سيدى لاننا ساعات بنحتاج صور غريبه ومش بنلاقى او انت ممكن تفتح محل لبيع الصور وكل اللى محتاج صوره غريبه يشتريها بس اوعى تنسى اكتب لك عقد المحل واطمن مش هاخد منك فلوس كتير انت استاذ كبير برضه ومنك نتعلم

ده كده تعليق على الماشى اصلى بصرحه عاوزه اعمل شوية دوشه فى المدونه ولاقيت صيدلانيه عملت كومنت واحد وهى اخت غاليه ومننا وعلينا يبقى اعمل دوشه فى المكان .....

زهــــــراء

لــــ زهــــــراء ــــولا Says:

ابو على

-------

عندى تعليق على الصوره كل ده قبل ما اقرا الكلام طبعا
البنوته تقبل الورد " تقبل يعنى تبوس او kiss "
ام الواد ماسك الورد كأنه قرفان منها وبيبعد الورد عنه
هو ده الفرق بين ادم وحواء
بصراحه البنت تحس كده انها هتاكل الورده من كتر ما هى بتحبها وفرحانه بها تقولش الورد دى مثلا ساندويتش جمبرى

الحمد لله مافيش امن دوله
الشرطه عددها قليل يبقى نقول بسم الله ونقرا البوست ونعمل كومنت يتيم غلبان

زهـــــــراء

لــــ زهــــــراء ــــولا Says:

ابوعلى

******
اكشن تااااااالت مره ....

وااااااااو دى اول كلمه قولتها لما قرات كلمات البوست وما تحمله من مشاعر انثى بترجع فى كلامها بسرعه وبعد ما قالت " ارحل " رجعت فى الكلام وقالت " فهل جلست الى طاولة المفاوضات " هما دول بنات حواء اللى بيرجعوا فى كلامهم فى ثوانى معدوده وخاصة عندما يتعلق الامر بالقلب وحاله واحواله ....

وبعدين انت مش عاوز ليه تكتب فيها نثر او شعر يا سيدى حتى قول فيها بيان او اى كلام هتفرح به اكيييييييد انت عارف عقل بنات حواء بيفرحوا بأى كلام حتى لو كان كلام على طريقة الحب .. الحب .. بلوبيف ... بلوبيف

رغم كل ما قالته لك كان ردك الوحيد هو البسمه مرتين فى اول الحوار مره , وفى اخره مره تلتها قبلات وعرفت تضحك عليها بكلمة احبك وهى مش اخدت بالها من جملة رفيقة الحيوانات ...

عندى تعليق على كام جمله وارجو ان اكون فهمت الموضوع صح " وهنا كان الحديث وانطلقت الكلمات ..."
اوحت لى كلمة انطلقت بسرعة الكلمات المتتاليه وكانه شخص صامت لفتره من الزمن وفجاه جاءت له الفرصه الى الحديث وحاول انتهاز هذه الفرصه ولذلك جاءت كلمة انطلقت كلمه سريعه لها وقع شديد على الاذن والنفس ....

جمله اخرى لفتت نظرى " فتبسمت بسمة العاشقين "
وما هى بسمة العاشقين سيدى ؟؟ وهل للعاشقين بسمه مختلفه عن باقى البسمات لبنى البشر ؟؟ ان العاشق لا ينتظر بسمه محدده ولكنه تكفيه حتى ابتسامه صفراء من محبوبه لانه يحتاج الى بسمه فقط وليس لها اى تحديد او نوع ....

جمله كمان " تهدى لى الحب فى وعاء "

من المعروف ان كلمة وعاء تاتى على الاناء العميق وهى تبحث عن كلمات عميقه تهديها لها وليست مجرد كلمات على الشفاه ...

كفايه كده دوشتك طبعا ..

لن انكر اننى لا افهم فى كلمات الحب والمحبوبين او فى كلمات العشق التى تحمل فى طياتها الكثير من المعانى ولكننى حاولت بقدر الامكان ان افهم وان اقرا واتعلم

بوست رائع من انسان رائع كان السبب فى رسم بسمه على وجهى بأكمله ...
حفظك الله على الدوام وجعل كل حياتك قذائف من الحريه ومعها قذائف من الحب والسعاده والخير ووهبك الله كل البسمات


زهـــــراء

لــــ زهــــــراء ــــولا Says:

الصورة تحفة تحفة تحفة ...يسلم اختيارك يا ابو الفلاسفة

لولا

لــــ زهــــــراء ــــولا Says:

انا كنت ماشية بقرأ عادي جدا لحد ما جت دي

"البيان الاول
انسى ما قولته سابقا"
انت ونيس العمر قلبا" قالبا
خلقنى الله لك حاضنا
مكملا حبيبا" حنيا
انا وانت
انسانا" رائعا"
اول ما قريت دي
انفجرت بالضحك هذا هو جنون الحب
التحول م النقيض للنقيض لخصت المراءة
لولا

MTMA89 Says:

علمني حبك..
كيف الحب يغير خارطة الأزمان..
علمني أني حين أحب..
تكف الأرض عن الدوران
==========
نزار قباني
==========
الحب هو اكبر دافع للثورات.. حتى و ان كان حب الوطن

فكيف لها ان لا تثور.. لتطالب بكلمات الحب و الغرام.. لتطالب بكل الاهتمام لها وحدها.. و كيف لها ان تتركك بعيدا عن عينيها..

كتاباتك من أجمل ما قرأت يا صديقي..
و للثورة وجوه كثيرة.. و لعل قلمك إحداها..



تحياتي

محمد
:)

شمس النهار Says:

جميلة جداااااااا

هو ده اللي حصل في مصر بالظبطت

مزيج لطيف جدا

just dream Says:

شوف ياابوعلى انا باجى عند مدونتك ومش بلاقى كلام اقوله بجد بيعجز لسانى عن وصف لكلامك لانه حقيقى حقيقى راااااااااااااااااائع بكل ماتحمل الكلمه من معانى
اما ثورة الحب فانا منتظره المرحله الجايه اكيد الزوجات هيعملوا ثورة على ازواجهم قرررررريب جداااااااا
وهيقولوا عاوزين نرجع زى زماان قول للزمان ارجع يازمان
سلم يمناك ابو على

SHAPE YOUR LIFE (ABOALI) Says:

الى صيدلانية
الحب يا سيدى هو وحده ثوره هو وحده انقلاب على حكم العقل الذى يتنحى طائعا لينقل مقاليد الحكم الى دوله القلب

رائعة
لخص التعليق رؤية حياه واضحة المعالم
فين يطرق الباب الحب
ويتفاعل مع العقل ويتغلل فى القلب
تكون السيطرة للقلب

بجد تعليق متميز ابتسمت له وانفرجت اسراريرى


لك كل التقدير

SHAPE YOUR LIFE (ABOALI) Says:

الى زهراء
يا مرحى يا مرحى بمالكى المدونة
ههههههههههههههههه
صور الفوتوشب نستلهمها منكم يا فندم
كما تعلمين
ويا فندم المدونة ترحب بكل الدوشة الخلاقة

مع تحيات ماما امريكا

SHAPE YOUR LIFE (ABOALI) Says:

الى زهراء
هههههههههههههههههههههه
بنااااااااات حوا كلهم رقة وحنان
وهما اللى حققوا نهضة مصر التى نحيا فى نعيمها منذ 30 سنة على يد صاحبة الدلال سوزى مبارك

اااااااااااااااه على حوا اه

SHAPE YOUR LIFE (ABOALI) Says:

الى زهراء

ماشاء الله
احنا محتاجين انك تعطينا درس خصوصى فى تفصيص البوست يا زهرا
فكرتينى باءيام البلاغة زمان
كنا نضع بعض الكلمات تحت الميكروسكوب حتى نحدد بلاغتها
يقينا جميل جدا ما قراءت منك من استنباط ومدلول وعمق رائع لمضمون بعض الكلمات

كتابة النثر او الشعر
ليس هو الذى سياخذ عقل حواء وكيانها
وانما حالة الهدوء التى تسبق تلك الكلمات من تهامس العيون وندائها
ثم يتم ترجمة تلك النداءت الى كلمات وهكذا

اما بسمة العاشقين
فهى بسمة تخترق كيان من تحب تطبطب عليه
قبل ان ينطق فمه بالكلام

عند جد يا زهراء استمتعت بقراءة تعليقك
ودوشتك
واتمنى ان يدوم التواصل
وينعم عليكى ربى بما تحبى وتتمنى


كل التقدير لك

SHAPE YOUR LIFE (ABOALI) Says:

الى لولا

فعلا لك رؤية ثاقبة يا فندم

تحياااااااااااااتى

SHAPE YOUR LIFE (ABOALI) Says:

الى لولا

ايوووووووووووون
تلك هى انثى المحبة
حواء التى تضم ولا تفرق
التى تى بعيون قلبها

صح كلامك

SHAPE YOUR LIFE (ABOALI) Says:

الى محمد

رائع احساسك جدا يا محمد واشعر فيك قلب نابض بجد
كله احساس وذوقيات فى الكلام واستخدام لغة الحرف

ادام الله عليك هذا وقربك مما تحب

اللهم امين

SHAPE YOUR LIFE (ABOALI) Says:

الى الحاجة شمس النهار

فعلالالالالالالالالالالالالالالالالالا مصر حدث فيها هذا
وفلول الحزب الوطنى ستهزم ان شاء الله

كل التقدير لانسان قدير واعى

SHAPE YOUR LIFE (ABOALI) Says:

الى قول يارب
بجد وجودك شرفنى رايك يعطينا دفعة انى اكون عند حسن ظنك
وانا معاكى فى انتظار ثورة الزوجااااااات
حتى تتزن بوصلة حياتنا
ونصبح مرايا لبعض
وندرك الحياه الحقيقة

شرفتينى
وجودك هنا تانى يهمنى
رايك احترمه
قراءتك للبوست اسعدنى