ياسمين الاخلاق

, الثلاثاء، 8 مارس 2011



المشهد الاول
غريبة الدنيا غريبة الناس
قال ايه
وانا ماشى  لقيت حتة  لوا  من جهاز الشرطة
ماشى كده ومنكسر وشنبه اتضرب
فسولت لى نفسى ان اخذه رهينة  واربطه فى سارى القرية
ليكون عبرة لعامة الشعب
فأمسكت به ومشيت وكلما هب احد ان يسألنى عنه
وماذا فعل لتفعل به هذا ؟
قولت له انه من اعداء اتئلاف الثورة وخان الوطن
وهنا يشاركنى العامة فى عمل علامات على قفا هذا اللوا
واثناء ذلك رايت حواء  تمشى فى رونق وجمال
فسولت لى نفسى ان اعاكسها  فعاكستها
فقال لى اللوا مستنكرا
عيب !!!!
فوجدت فى الحال قلم عيار 30 مللى  على ثنايا خدوده
فسكت ولم ينطق
ووصلت الى القرية
وها انا بالحبال اكبله وهو يطأطأ راسه
واهل القرية فى غاية الانبساط التعبيرى
فقال لى اريد ان اشرب جرعة ماء
فأحضرت تلك القلة وقولت له انظر اليا وانا اشرب
جرعة جرعة  ويتساقط من فمى الماء
 مثل افلام الكفار فى الماضى
ولن  اعطيك اى جرعات من الماء
فأستسلم
واذن الاذان الله اكبر
حى على الفلاح الله اكبر
فذهبت الى الصلاة
فقام الشيخ يخطب
ايها الناس
اذا رايتم استفحال الفساد فأعلموا
ان الفاسد يحكم فاسدين
اصلح نفسك تجد من يعلوك يصلح نفسه وهذا هو اليقين
لا تنسوا ان هناك زهور  ياسمين
 خلقها الله ويفوح عطرها  للعالمين
تذكرة وذكرى لمن يعرف الدين
 من بعيد تصدر الروائح فما اجمل العبير
 فتتوق لها نفسك وتشتاق   لتراها فى حنين
فأن رايتها وجدتها  بيضاء اللون تسرالناظرين
فيزداد اعجابك بها وتلين
تلك هى الاخلاق
مجرد تطبيقها والاصرار على جزء منها مثل الياسمين
لها رحيق وبريق شكل
 ومهابة رؤية
 لها قرين
فمابلكم لو طبقناها وعملنا بها
ستتحولون الى الانسان الامين  الجميل
*******************
ايها الناس
من يسول له هواه  انه يفعل خيرا وفى داخل اعماقه الشرور
لا يفصل نفسه  ابدا عن مرتبة الفاسدين
 فهو منهم وهذا عين اليقين
***************
هدانا الله واياكم
فلما خرجت من المسجد
ذهبت الى اللواء
وقولت سولت لى نفسى ان اتباهى واتكبر فاعتذر لك
غازلت امراة فى الطريق ونهيتنى فاصبحت افضل منى
طلبت منى جرعة ماء
واستفحل ظلمى فلم اعطه لك
الان اقول
انى انا الفاسد
وان الاوان للاصلاح والصلح
*****************
المشهد الثانى
الدخول الى البيت
وعند الطرق على الباب
تفتح ام العيال
منشرحة الاسارير
لقد اسرنا مساعد الوزير
********************


20 Response to "ياسمين الاخلاق"

فاتيما Says:

الله

الكلام دا كبير قوى قوى على فكرة

بس صح

الأخلاق متتجزأش

وكله مربوط ببعضه

بس اوقات لازم الاوراق المخلوطة دى

تتفرق وتتفرز

وميبقاش كله ويا بعضه

نظام عقاب جماعى

واوانى مستطرقة

احنا ف ايام ما يعلم بيها الا ربنا

وحرب شرسة لا تهدأ

وما أظن عمرها هتهدأ

وربنا يستر

تسلم روايح الياسمين بتاعتك

:)

كلمات من نور Says:

صح كلامك صح خلونا أكبر من الفساد

elsha3er Says:

السلام عليكم
عندك حق تماما المبدأ لا يتجزأ أبدا ولا يجزأه الا منافق انا معاكى تماما فى كل كلمة قلتيها ويمكن اللى جه الوقت اننا نصلح من حكامنا بأصلحنا لنفسينا

صيدلانيه طالعه نازله Says:

هههههههههههههههههههههههههههه
بقى انت تاسر لوا و المدام و الولاد ياسروا معالى الوزير
وحشه اوى فى حقك دى يا ابو على


نتكلم جد بقى
انت اثرت نقطه مهمه جدا
اننا مش قادرين نتحكم فى الشر اللى جوانا خالص
الناس من بعد اللى حصل من الشرطه
مش قادره تسامح و لا تتهاون
بس الحق بقى اننا زودناها اوى فى التجاوزات معاهم
يعنى ايه ناس تشوف ضابط تضربه او تشتمه من غير سبب
عيب اوى اللى بيحصل ده
ياريت نقدر نغلب شيطان نفسنا و نتحكم فى غضبنا و نسمو عن الصغائر وقتها بس هنقدر نفكر صح و نقاوم الفساد بكل عقلانيه

كلمات من نور Says:

http://www.facebook.com/home.php?sk=group_150308615029590&notif_t=group_activity

لــــ زهــــــراء ــــولا Says:

ابو على

-----------

الله على الاخلاق لما يبقى لها ريحه حلوه ومش اى ريحه دى من اجمل الروايح على الاطلاق دى ريحة الياسمين .....

جميل ما بدات به حديثك غريبه الدنيا وغريبه الناس ايضا لانه بالفعل الناس اصبحت غريبه بافعالها لاننا بكل بساطه اصبحنا ابعد ما نكون عن الدنيا يجوز الدين بالنسبه لنا اصبح لكثير من البشر مظهر او قشور او شكلى فقط ليس اكثر من هذا او اقل ....

اعظم جهاد هو جهاد النفس لانه الجهاد الاعظم ولكنه جهاد يتغافل عنه الكثير من بنى البشر ....

هذه الجمله اخدتها من البوست كوبى
" هنا يشاركنى العامة ...."

اصبحنا نصدق كل ما يقال ولا نحاول ان نستوضح الامر او نتفهم حقيقة ما يقال بل نشارك الاخرين فى الحديث وكذلك فى الفعل ولا نبالى بالاخرين وما نفعله فيهم ....


" ان الفاسد يحكم فاسدين "
بالفعل سيدى فهذه جمله صالحه لكثير وكثير من الاوقات حتى لو كان المحكومين ليسوا بفاسدين فأن صبرهم على هذا الفاسد يجعلوهم فى صفوف الفاسدين
اتمنى ان يصلح كل انسان من نفسه ويحاول ان ينظر الى عيوبه ويصلح منها ويكون قدوه للاخرين حتى يحاول الاخرين ان يحذوف حذوه ....

" ذكر فان الذكر تنفع المؤمنين "

على الدوام اتعلم الكثير هنا ولكن فى هذا البوست لم اتعلم بل فهمت واستنشقت عبير الياسمين فى كل حرف ...

سيدى الفاضل دعوات من قلبى ان ينعم الله عليك بالسعاده والخير وان تكون حياتك كلها ياسمين وروائح ذكيه على الدوام

زهــــــراء

مدونة رحلة حياه Says:

السلام عليكم
كلماتك تحوى الكثير وصدقا فحكامنا من بيننا اذا صلحنا كانوا صالحين والا
الاصلاح يبدأ بأنفسنا فلو تغير كل شئ ولمم نتغير فكل شئ سيضيع هباء

غير معرف Says:

أحسنتِ ، بارك الله فيكِ

MTMA89 Says:

اذا رايتم استفحال الفساد فأعلمواان الفاسد يحكم فاسدين
========
معك كل الحق في تلك الجملة
و ذلك ما نعيشه الآن
أصبح الجميع يبحث عن نفسه
و تاهت منا الأخلاق و كأن شيئاً لم يحدث



تحياتي

محمد
:)

شهد الكلمات Says:

مساعد الوزير مرة واحدة

حلوة اوى يا بو على و ضحكت من قلبي على دمك الخفيف و وصلني المعنى باسلوب جميل انتا انسان محترمم بجد يا حسن ربنا يكرمك و يكملك بمكارم الاخلاق و يزيدك ادب و علم و هداية

تحياتي الخالصة

SHAPE YOUR LIFE (ABOALI) Says:

الى فاتيما
ياااااااااااااه فعلا ياسمين الاخلاق يمكن وصفك به يا فاتيما
فاءنتى بالفعل ياسمين لكل جميل
ربنا يهبك كل صلاح ويزينك به
مبسوط بوجودك فى اول تعليق كمان
وان شاء الله بعد تعليقك الاوراق لن تخلط
بس سنحاول تنظيمها مع دعاء من الله بالتوفيق

لك كل التقدير والاحترامات

SHAPE YOUR LIFE (ABOALI) Says:

الى كلمات من نور

فعلالالالالالالالالالالالالالا معاكى كل حق
خلونا اكبر من الفساااااااااااااد

وانا معاااااااااااكى
هييييييييييييييييييييييييييييييييه

SHAPE YOUR LIFE (ABOALI) Says:

الى الشاعر

جميل فعلا اتفاقك معى فى كلامى وعندك حق

الامور لا تتجزأ

مبسوووووووووط بوجودك ورايك الراجح
اتمنى عودتك
كل التقدير

SHAPE YOUR LIFE (ABOALI) Says:

الى صيدلانية
رائع تعليقك يا دكتورة بجد
فعلا النقطة الرئيسة ذالك المفاعل الداخلى من الشر
الذى يتغلل داخل النفوس ومعه فى اشتراك غريزة الانتقام

ومعاكى كل الحق فيما قولتيه
المطلوب اننا نعمل كنترول على الداخل حتى نتغلب على الخارج وهذا سهل جدا
مبسوووووووووووووط اووووووووووى بتعليقك الواعى وفهمك العالى للحقيقة التى نضع فيها انفسنا باءيدينا

ومهمتك اللى جاية هى القبض على الوزير
وفى انتظار خبره

خااااااااالص تقديرى

SHAPE YOUR LIFE (ABOALI) Says:

الى كلمات من نور
وصل يا فندم وجارى عمل الثورة

كل التقدير

SHAPE YOUR LIFE (ABOALI) Says:

الى زهراء

فعلا يا زهراء رائحة ليست عادية رائحة ذكية بالفعل
كلنا يفرح بها

الله على جهاد النفس هو ده فعلا الفيحاء الاساسية كل خير يرجوه الانسان
ما استقطعتيه من البوست من كلمات
هو فعلا يا سيدتى عناوين هامة للحياه
ولها مدلولات خاصة
باءن نعيد صياغة دستور النفس من جديد
ليواكب حركة الحياه وتسارعها

كل مرة اقرء تعليق لك يا زهراء
يضيف لى بهجة وسعادة ودعوات لك صادقة
بدوام الود والاتصال وان يهبك الرحمن الفردوس العلى
وينير طريقك بالهدى والضياء ويحبب فيكى خلقه

كل التقدير لانسان قدير

SHAPE YOUR LIFE (ABOALI) Says:

الى رحلة الحياه
صدقت فعلا ورايك رشيد
الحكام هما نتاج لنا ان صلحنا صلحوا

لك كل التقدير على رايك المحترم يا صديقى

SHAPE YOUR LIFE (ABOALI) Says:

الى احمد شريف
شرفتنى يا احمد وكنت محتاج تقول رايك علشان نتبادل الفكر والحوار

لك كل التقدير

SHAPE YOUR LIFE (ABOALI) Says:

الى محمد

عاجبنى فيكى فهمك العالى الواثق يا محمد
ماشاء الله عليك
ربنا يديم عليك نعمة الادراك واستيقاظ العقل

خالص تقديرى لك

SHAPE YOUR LIFE (ABOALI) Says:

شهد

لا تسعفنى الحروف لكى اقدم لك كل الدعوات الصادقة ان تستقيم لك حياتك كما تحبى
وان تطل عليكى نوافذ البسمة والانشراح
ويسر قلبك قريبا بما يحب ويتمنى
وان تجتمع اوصالك مع من يراعاكى ويقدرك

كل كلمة تكتب فى المدونة هى نتاج بنى انسان
عرفتهم وتفاعلت كل الافكار لكى نستثمرها فى ارتقاءنا

خالص التقدير لك