شجرة واحدة

, الخميس، 6 يناير 2011


ولسه بنحضن بعض

 حوالين الاشجار

نرسم رسمة  حلوة

الكل فيها يحتار

شمال يمين عايشين

متجمعين شبعانين

راس فى راس 

الفه وحنين

لينا

رب هو المعين 

نسعى هنا وهناك

رزق طاير رزق سفير

نلف بلاد وبلاد

ندخل سما سموات

بحر محيط محيطات 

ضحكة باسمة مسمسمه

من غير مواعيد  احباب

 اسمر ابيض 

احمر اخوات
تشكيل الوان  اتحاد

وهى هى

 شجرة واحده تضمنا

محتاجين عابر سبيل

عنوانه انسان نبيل

يعرف المعنى ويذاكر

الكون كون ربك

من الطين كان اصلك

فيه ملامحك ورسمك

يلا بقى 
ضم انت
على نفسك
*************
ولسه بنحضن بعض
***
يلا بقى 
احضن نفسك 

32 Response to "شجرة واحدة"

لــــ زهــــــراء ــــولا Says:

ابو على

*-*******

شجره واحده وانا اعلنها اول تعليق
واحتلال واستيطااااااااااااان ان شاء الله
خلينا قاعدين فى ظل الشجره شويه


زهراء

لــــ زهــــــراء ــــولا Says:

ابو علي
مساااااااااااااااء الخيييييييييييييييييييييييييييييييييييير


بخ
لولا

لــــ زهــــــراء ــــولا Says:

شجرة واحدة ...شجرة واحدة بتقربنا كلنا ههههههههههه

لولا

لــــ زهــــــراء ــــولا Says:

زمانك بتقول ايه الرخامة دي ايه اللي جابهم احنا جينا بس عشان نحتل المدونة
ونغلس عليك
ونضايق فيك
ونقولك عووووووو

لولا

Ramy Says:

(:

حاضر

علشان كدة كُل الطير ملقاش غير الشجرة دى شجرتنا

هى الأمان

(:

لــــ زهــــــراء ــــولا Says:

ابو على

************
يا خبر على الصوره
رائعه لا
تحفه لا
جميله لا

سبحان الله الطيور مع الشجر صوره ماحدش يقدر يرسمها غير خالق الكون
صوره ماحدش يقدر يلاقيها وينشرها غير ابوعلى صاحب اروع الصور
كلام كتير يتقال على الصوره بس خلينا فى البوست نرغى براحتنا بقى


زهراء

Ramy Says:

راس فى راس
الفه وحنين
لينا
رب هو المعين
نسعى هنا وهناك
رزق طاير رزق سفير

الجزء دة عجبنى قوى (:

لــــ زهــــــراء ــــولا Says:

اسمر ابيض

احمر اخوات
تشكيل الوان اتحاد

وهى هى

شجرة واحده تضمنا

" يا ولد على التشبيه والتعبير كلامك سيمفونية من الالحان تدندن مع الطير الطاير وحاطط على الاشجار بترسم حلمنا واملنا كلنا اللي عايزين يهدوه
الشجرة واحد وبتضم جميع الطيور ... "
لولا

لــــ زهــــــراء ــــولا Says:

الشجرة منبعها م النيل من ماية راوياها وجذورها في الارض مداها
والطير على اشكالها تقع عليها
من خيرها تاكل والنيل يسقيها ويرويها

لولا

لــــ زهــــــراء ــــولا Says:

ابو على

*****

كنت فاكره انى هاعمل احتلال لوحدى لكن لاقيت معايا اجمل صحبه " لولا ورامى "

احنا قاعدين يا ابوعلى عاوزين حاجه ساقعه او سخنه او ساندويتش اى حاجه منك او حتى فرح من الشجره نلعب به مع بعض


زهراء

SHAPE YOUR LIFE (ABOALI) Says:

يا مراحب بالناس الذوق
اجمل صحبة تدوين
متجمعين فى الخير دايما

SHAPE YOUR LIFE (ABOALI) Says:

الى زهراء

ايوووووووووووون اقعدى يا زهرا الدنيا شتا محتاجة دفا

SHAPE YOUR LIFE (ABOALI) Says:

الى لولا
ياااااااااااااامراحب يا مراحب

بخ عووووووووووووووووووووا

SHAPE YOUR LIFE (ABOALI) Says:

االى لولا

ايوووووووووووووووون شجرة واحدة هى قلبنا كلنااااااااااااااااا مع تحيات ام كلثوم

SHAPE YOUR LIFE (ABOALI) Says:

الى لولا

ههههههههههههههههههههه
و زمانى ليه انا قولت خلاص

SHAPE YOUR LIFE (ABOALI) Says:

الى رامى

ياااااااااااااهلا يا رامى
بجد كل سنة وانت فى خير واعياد سعيدة
ودايما كده فى الفة وتقارب ويبعد عنا مفرقى وناشرى الحزن بينا

شجرة الامان فعلا هى اللى بتحتوى الكل

تقديرى لانسان قدير

SHAPE YOUR LIFE (ABOALI) Says:

الى زهراء

الصورة دايما تستفز فينا المعانى
والناظر اليها سيجد نفسه بالفعل فى حالة هدوء مع النفس ويقول سبحان الله

مستنى يا ستى وراكم وراكم

SHAPE YOUR LIFE (ABOALI) Says:

الى رامى
بالفعل جزء جميل اللى اخترته يا فنان انت

فلسيووووووووووف انت يا رامى عن جد

SHAPE YOUR LIFE (ABOALI) Says:

الى لولا

فهم ذكى جدا منك يا لولا باحيكى عليه
هى فعلا شجرة واحدة وناس بتحاول تهد ده

بس ان شاء الله خير
وبدعائك ستغزلين ريحان الامل من جديد وترسمين بسمات بلا مواعيد

وهبك الله الخير والفلاح وانار بصيرتك بنور جنانه

لــــ زهــــــراء ــــولا Says:

ابو على

********

اسمح لى ان ابدا من اخر جمله فى البوست
" احضن نفسك "

يا سلام لو كل واحد فينا يحضن نفسه بجد ونخاف على نفسنا بجد ....

نحن جميعا نحيا على شجره واحده ولتسمح لى ان اتخيل ان هذه الشجره هى الارض التى خلقنا الله لاعمارها وبنائها ولابد ان نحيا جميعا لهذا السبب ورغم اختلاف الواننا فنحن جميعا نعيش عليها رغم اختلاف جنسياتنا نحيا عليها ...

لتسمح لى ان اتخيل هذه الشجره هى مصر التى تضمنا جميعا هى الام التى تحضن ابنائها وكذلك اى عابر سبيل يمر عليها تمضه معنا ....

سيدى ... البوست يحمل كلمات رقيقه بسيطه ولكنها عميقه تصل الى القلب مباشرة هناك الكثير من الجمل التى توقفت امامها كثيرا "
لينا

رب هو المعين "

ربنا هو المعين فى الافراح والاتراح نبجأ له فى كل وقت وحين ليس لنا غيره نلجا اليه نحتمى من شدائد الايام فيه ..

محتاجين عابر سبيل

عنوانه انسان نبيل

بالفعل نحتاج فى بعض اللحظات من عمرنا الى عابرى السبيل الذين ينيروا لنا الطريق واليوم سيدى انت هذا العابر الذى يتحدث معنا حديث للنفس ولذلك لم اجد افضل من كلمة انسان نبيل اطلقها عليك سيدى ...

فى بداية البوست شعرت ان الطيور هى التى تتحدث وعندما تعمقت فى المعنى شعرت اننا جميعا نتحدث ونقول مثل تلك الكلمات الرقيقه ربما كانت هذه الكلمات بداخلنا ولكننا لا نجيد التعبير عنا وها هو الانسان النبيل الذى تفضل وكتب تلك الكلمات وسمح لنا بالتعليق عليها ...

فى كل مره اقرا فى هذه المدونه بوست اشعر اننى لم اتعلم فى حياتى من قبل اشياء كثيره واشعر اننى لازلت طفله " رغم انى لسه طفله بجد اوعى تفتكر انى كبيره " احترت كثيرا فى ان اجد كلمات تليق بصاحب هذه المدونه ولم اجد افضل من ان ادعو له ان يهب الله له الخير والسعاده على الدوام


زهراء

SHAPE YOUR LIFE (ABOALI) Says:

الى لولا

ماشى يا عم السياسى انت يا ابو رؤية جنان

الله معاك ومعاك قلوبنا والنيل نيلك وانت حبيبنا

الله عليك يا لولا يا مبارك الشعب

SHAPE YOUR LIFE (ABOALI) Says:

الى زهراء

ماذا سترد عليكى يا زهراء حروف الهجاء
وكيف ستجد كلمات تعبر عن التقدير لك
كتبت تلك الكلمات نعم
ولكن من تفاعل معها وعبر عنها هو الفائر
لانه اخرج ربيع كلماته المعبرة التى استفاد منها الجميع وعلى راسهم انا

مبسووووووووووووووووط اوى اوى بتعلقيك يا زهراء
لانه يضم بين طياته حكمة ونقاء الانسان
الذى يرسم من بساطة الكلمات لوحة تجريدية يراها هو ويصورها لغيره فى سلاسة

ان كنت انا هذا الانسان الذى تصفين
فهذا من خلقك الكريم واصلك الطيب الذى احسبك انتى فيه ولا ازكيكى على الله

فمن يستحق لقلب انسان نبيل
هو من يقرء ويستقطع جزء من وقته يعطيه لنا لنستفيد

ربنا يحسن خاتمك وينير دربك وتتمتعى بجنان ربك والقرب من عرشه

لــــ زهــــــراء ــــولا Says:

حد جاب سيرة الشجرة المباركة ؟ متوديناش في داهيه بقى ههههههههه
انا بتكلم عن ارض مصر مش اول طلعة جوية
لولا

صيدلانيه طالعه نازله Says:

اولا احيى حضرتك على الصوره
فى منتهى الروعه والجمال ماشاء الله


اسمر ابيض
احمر اخوات تشكيل الوان اتحاد
**********************************
مهما اختلفت الواننا حنفضل دايما اخوات دمنا ليه نفس المكونات و نفس اللون
و اما بنضحك بنقول ههههههههه
و اما بنتالم بنقول اخ
يعنى بندور على اخ وصديق

كلنا اخوات مهما اختلفت الاديان
دينى بس لربنا و اللى فاضل بعد كده اننا اخوات و اصحاب
ابناء شجره واحده تضمنا هيا شجره الانسانيه
********************
بوست جميل اوووى وفى وقته تماما

مدونة رحلة حياه Says:

السلام عليكم
هادية قوى كلماتها ودا مديها جمال لذيذ
تقبل مرورى

NoorElmalak Says:

بجد صوره رووووووعه برغم م دون اوراق
تضم جميع المعانى
طبعا مش جديد ع ابو على
فعلا محتاجين نضم بعضنا بس بحب وأمل وحنان

شمس النهار Says:

كلمات جميلة جدا
اعلق اقول ايه انا بقا بعدها
:)

SHAPE YOUR LIFE (ABOALI) Says:

الى لولا

تؤتؤ بلاش تنكرى يا لولا
انتى مش قولتى انى مبارك ده وحش وعامل زاى الفيل

عييييييييييييييب عليكى يا لولا
ده الريس يا بنتى

اهديهاااااااااااااايارب

SHAPE YOUR LIFE (ABOALI) Says:

الى صيدلانية

راقى جدا تعليقك يا انسانه
وفيه فهم سامى للحياه وانغامها
فعلا كما قولتى نحن شجرة واحدة ولينا تعبيرات واحدة

وهبك الله الخير وزادك فهم وادارك

تقديرى القدير

SHAPE YOUR LIFE (ABOALI) Says:

الى مدونة رحلة حياه

ربنا يبارك فيك اشكرك على رايك

ربنا يهبك السعادة وحسن الادراك الدائم

تقديرى

SHAPE YOUR LIFE (ABOALI) Says:

الى نور

صح يا نور محتاجين فعلا نضم نفسنا وبعض فى حب ونبطل شوية التنافر

ربنا يهبك كل الخير فى حياتك

تقديرى

SHAPE YOUR LIFE (ABOALI) Says:

الى الحاجة شمس

تقول كل خير يا انسانه ان شاء الله
وهبك الله الخير وجمع السعادة فى يدك

تقديرى