بعد عامان تدوين

, الثلاثاء، 27 أبريل 2010







فى ساعته و تاريخه شكلت لجنة التقيم العلنية

بقيادة ام العيال زجرج بيه

بجبج بيه ودم الغزال بيه

وقد كانت شروط اقامة اللجنة كالتالى

كل عضو له ثلاثة اسئلة

وله حق التعقيب

جااااااااااااهزين ؟

جاااااااااااااهزين

ام العيال

بص يا اخويا نبدء كده ونقول الاول بسم الله الرحمن الرحيم

نكتة واعرف بقى انت تصنيفها؟

واحد طلع ليه مصباح علاء الدين قام العفريت لما طلع من المصباح قاله

معاك فلوس قال قليل قاله هاتهم

معاك اكل قاله قليل قاله هاته

معاك حزام قاله اه قاله هاته

قام اللى فتح المصباح استغرب واستعجب وقاله هو مش البعيد علاء الدين

اللى لما اقوله حاجة يقول شبيك لبيك

قاله ده كان زمان يا روح ماما

دلوقتى اللى بيكلمك مصباح علاء مباااااااااااارك

هههههههههههههه

قول بقى تصنيف النكتة ايه ؟

انا باقول يا ام العيال انك تاخدى الكارت الاحمر احسن

بلاش بلاش خد عندك الاسئلة

سين ؟ تفتكر سعر اللحمه هايستمر فى الطالع ولا فى النازل

باعتبارك كده ليك شنة ورنة وصاحب مدونة ؟

جيم ؟ اذا ارتفعت قيمة لحم الانسان ستقل قيمة لحم الحيوان

سين ؟ ليه المدونة اسمها شكل حياتك ؟

جيم ؟ بدون تشكيل الحياه سنصبح فى عشوائية مثل الصور التى فى أعلى

سين ؟ ليه كل المدونة ريحتها حلوة ؟ (وش بيغمز)

جيم ؟ ههههههههه قصدك يعنى انى معظم اللى بيعلق ليا من بنى حواء

حواء فى هذا الزمن تعانى من الصمت والقدرة على التعبير عن

نفسها غير متاحة ومشاغل الام والاب وصراع الحياه

والتكالب على ملذات الرزق ولدت فراغ

استغلاله فى التدوين يتعتبر لها نافذة

تطلق منها ما فى داخلها وده فعلا رائع وتميزت فكرا وسلوكا

زج زج

سين : ايه رايك فى الحراك السياسى باعتبارك فيلسوف يعنى ؟

جيم : ههههههههههههههه انتوا ناوين تودونا الامل العام ولا ايه!!!

الحراك السياسى هو حراك ظاهرى نتج عن زجاجة امتئلت وفاضت

ولكن الوعى والادراك ان كان هو المحرك مع التنظيم سترى ثمار

يانعة وهذا لا يحدث حاليا ده اسمه عجينة سياسية او لبخة

سين : ايه هو هدف المدونة ؟

جيم : طبقا لاحكام الدستور الذى بنيت عليه المدونة هدفها التعبير عن كيان

وارسال انبعثات له لكى تذكره وهذا الكيان هو انا وكل من يهتم بهذا

المعنى

سين: ايه تقيمك لتجربة التدوين بعد عامان ؟

جيم : تجربة ناضجة المستفيد الاول منها هو انا الذى استحث فى نفسه

القدرة على التعبير والمشاركة مع الغير

اه منك يا بابا برضوا اجابات فلسفية بس تعدى من اللجنة

بجبج معه الميكروفون

سين : من تقوله شكرا فى عالم التدوين ومين تقوله مع السلامة ؟

جيم : جميع من علق عندى له كل التقدير سواء ايجابى او سلبى

لقد استفدت بكل الاراء ولكنى احمل كل ثنايا التقدير لكل من

ماما امولة كلمات من النور دكتورة ستيته يارا سموكة شمس النهار

كيارا ازهرى امة الله جنى عايزة اطلق لولا وزهراء محمد الغالية

الشوكة الناعمة فراشة القدر وانا طوبة من ذهب واخرى من فضة

شهد الكلمات غربتى انا ودماغى فتاه من الصعيد شيما سونى 2000

عم فشكول مخنوقة عمود نورمصطفى مش عارف جودى شموسة

ايمى غلطة مطبعية استاذ عمرو حبشتكنات فلسفية حروف متناثرة

داليا عاشقة الرومانسية طفلة مش عاوزة تكبرومضات ياسر عبد الفتاح

سكرة قصاقيص حبيبة رومانسى كيكى عوو صيدلانية طالعة نازلة

عاشقة الرومانسية الواقعية نور ملاك دكتور رامى الرئيس ضحكات الحياه


جميل يا بابا الكوكبة دى بس مش كلهم بيعقلوا يدوب بالعافية عشر تعليقات

هههههههههههههههههههه ومالوا بالعند فيك عاجبنى

سين : ليه موضوعاتك كده فيها لمحات دينية ؟

جيم : تخيل يا بجبج لو شخص ماشى فى الصحراء وكان معاه شمسية

ولم يستخدمها نقول عليه ايه ؟ نقول عليه معلش يابابا يعنى غبى

بلاش نستخدم الفاظ كبيرة نقول عليه تايه فكريا شوية

الدين مثل الشمسية التى تعطينا الظل والامان ومنها نقى انفسنا

من امطار و اختبارات الحياه لنا

يبقى من الضروى اننا نفتكر دايما بالدين ونربطه بالحدث لانه اساسا بدونه

وجودنا غير معروف المعالم

سين: بتطبق يا بابا اللى بتقوله فى المدونة ؟

جيم : قالوا للطبيب يوما اتمرض وانت تشفى العليلو

فقال كم كان الشفاء كثيروُ والمطبب عليلو

ويقول المصطفى صلى الله عليه وسلم رب مُبلغ اوعى من سامع

يعنى هناك من يلتقط كلمة او كلمتين يستفيد بهم اكثر من قائلهم

والهداية من الله للجميع ان شاء الله

وكلنا بنى البشر نحتاج من يوجه الشراع فاءن كنت انا مقصر

هناك من سمع ووعى ولم يقصر

وجاء الدور على دم الغزال

سين : ايه نظرتك للمدونة بعد كده ؟

جيم : المدونة نقطة التقاء مع فكر اخر للاستفادة من خبرات بنى البشر

تخيل انك تاخذ خبرات من بلغ الستين واخر خمسين واخر اربعين

واخر عشرين

ويحدث هذا وانت تجلس تقرء فى ساعة او اثنين بنية اصلاح نفسك

وتحسين فكرك وليس بفكر البوست ده جاااااااااامد او شديد او حلو

لاءنه اكيد فيه استفادة من الموضوع طرءت فى فكر من يقرء

لذا المدونة ستظل نافذة لفكر احلم ان يطبق

سين : البعض يرى انك تعيش فى عالم وردى حالم منفصل عن الواقع ؟

جيم : كل من فكر وهو بداخل المشكلة اتخذ قرار انفعالى ممكن ان يؤثر

على مجرى حياته فيما بعد

الدين يعلمنا مثلا" ان نخرج من حالة الغضب الى حالة اخرى قبل

اتخاذ قرار سواء بتغير المكان او بتغير حتى طريقة الجلوس

فمبالك بالحياه اذا لم نخرج من خارج حيز الصندوق ذو التفكير

التقليدى

ستجد ما يعانية الكثيرون اليوم

التذبذب حالة القرف من الوطن ومن الشارع و من الناس ومن

المستقبل ومن الحياه اساسا"

ويصبح موظف يطلق عليه موظف مسلم

يعنى الدين هو الوظيفة يؤدى فيه مجرد طقوس وبعض الكلمات

وبعض المظاهر دون الارتقاء بيكينونة تلك النفس والحرص على

ارتقائها

وقديما قالوا ان المصرى ابن الحكومة

واستمر الناس على هذا الحال واعتبروا الحكومة هى الام التى

ترضعهم بصفة يومية

فأذا عمل انسان خطأ ما تجد من يقلده ويقول انا اعمل زية

ونسى ان يسئل نفسه انه بهذا الطريقة اصبح عندنا اثنين مخطئين

بدل ان يكون شخص واحد

لذا على من يفكر جيدا ان يصنع انسان يفكر ايضا معه جيدا وهكذا

الخروج الى العالم الحالم ليس خروج الى عالم اخر ولكن خروج

الى عالم التفكير الجيد المناسب لاتخاذ فكر منظم وليس عشوائى

سين : حلم تتمنى ان يتحقق من خلال شكل حياتك وهو اسم المدونة ؟

جيم : افكر بشكل جدى فى تأسيس جمعية خيرية للخدمات

تسمى جمعية شاب للخدمات

سيكون اهدافها تقديم يد المعونة فى كل شيىء

من اعادة تأهيل للتكيف مع الحياه من خلال انشاء مدرسة شكل حياتك

عمل فرع من الخدمات تحت مسمى شاب نظيف

يكون وظيفتها جمع القمامة بشتى انواعها بطريقة الفصل

بين المركبات العضوية والغير عضوية من المنبع

باءن يقوم احد الشباب بتوعية افراد المنزل ومتابعتها بصفة مستمرة

حتى تتعلم الفصل ويتولى جمع القمامة

ويتم تدوير تلك القمامة بما يفيد بعد ذلك

عمل فرع للخدمات تحت مسمى شاب ميكروسكوبى او كشاف

يتم متابعة الاطفال منذ الصغر لمعرفة اتجاهم وطرق معاملتهم

وطموحهم ويتم توجية الطفل الى الدراسة المناسبة ومن ثما المستقبل الناجح

اختصارا" احلم بوجود جمعية شاب للخدمات

سين : ايه المانع امام تلك الخطوة ؟

جيم : ان شاء الله لن يكون هناك مانع فلكل منا لدينا افكار المهم ان يبدء فى

تطبيقها

دى دعوة لكل المدونين للمشاركة لعمل تلك الجمعية ودى سهلة

مقر مناسب وعدد اعضاء واتفاق على اهداف للجمعية

وكل واحد من محافظته يعتبر مشارك وينتشر المشروع فى شهور

قليلة

ولكن العائق الحقيقى هو التمويل لفعل هذا

بس ان شاء الله كل واحد هايشعر انه ليه دور فى الحياه لخدمة دينه

ووطنه ومجتمعه لو احسن قراءة خريطة عمره

فمدة وجودنا فى الحياه قليلة واستثمارها هو المشروع الاساسى

لذا كنواة عملت على الفيس بوك جروب شاب

الى ان يحين معياد الانطلاق

وادعو الجميع للمشاركة فيه بالفكر لان الفكر هو الذى سيصنع المال مستقبلا


فى النهاية

استحملونى فقد اجتهدت بقدر ما لأُعبر عن فكرى

وهذا فرصتكم الان لابداء ارئكم فى المدونة

واعطائها درجة تبدء من الصفر وتنتهى الى العشرة مع التعقيب

و رقم هاتفى 0184080070 لمن اراد توجية شتيمة وشبع من الضرب


46 Response to "بعد عامان تدوين"

غير معرف Says:

هههههههههه

اديك عشرين من عشره... بجد من غير مجامله

مدونه مفيده وصعب انك تخرج من غير استفادتين تلاته اربعه

ربنا يوفقك

واعترض على الاخ بجبج في عدد المعلقين... ممكن ناس تقرا وماتعلقش

بس عموما انا بعلق كل يوم

كل سنه وحضرتك طيب ومدونتك بخير

تحياتي

غير معرف Says:

اول تعليق في عيد ميلاد المدونه :)

تحياتي

yara Says:

اذيك يا ابو على
انا قولت اسلم بس الاول
يمكن انا من المتابعين للمدونه من اول موضوع كتبته انت منذ حوالى عامين..وفى خلال هذين العامين تناولت موضوعاتك فى المدونه اسمى المعانى بدايه من اسم المدونه (شكل حياتك) الى حب الوطن وتطوير العلاقات الاجتماعيه الى الدعوه الى صناعه الحب والصداقه والمحافظه عليهم الى التمسك بالاخلاق الرفيعه والقيم الى البسمه والطموح وعدم فقدان الامل مهما حدث والكثير والكثير من معانى الحياه.. فقد دعوت انت الى عالم مثالى يعيش فيه الانسان وهو يدرك معنى الانسانيه وقيمه تكريم الرحمن له فكانت الانسانيه عنوان للمدونه ..فاشعر عندما ادخلها اننى استنشق حقا عبير الصفاء الروحى والسلام النفسى الذى استشعره من خلال ما تكتب ...اضافت كلماتك الى حياتى الكثير والى شخصيتى الكثير فجعلتنى اكثر ايجابيه وتفاؤل وبسمه وقد قمت بحفظ موضوعات المدونه عندى لتكون مرجعا لى ومرشد يوجهنى الى الطريق السليم ..

دائما اشعر اننى لا اجيد التعبير بالقول عن تقديرى لك فكلمه الشكر والتقدير لن تعبر ابدا عما اريد قوله لك ولكن يكفينى ان المدونه اصبحت معنى يحيا بداخلى ...لن اقول لك يا ابو على سوى جزاك الله خيرا وجعلك اول منتفع بما تخطه يداك واتمنى ان يديم الله عليك هذا الابداع وهذا الاحساس وهذه البسمه واليقين ..اتمنى ان تظل متالقا دائما والا تكتب فى يوم شىء لا تشعر به وان تظل من المخلصين الذين يراقبون الله فى كل شىء.

كفايه بقى دعوات اون لاين خليها اوف لاين احسن .

معلش يا مصراوى طولت عليك بس بحتفل معاك بقى شويه غلاسه
وبعدين يعنى نقول اللى ليك واللى عليك برضوا سنتين فاتوا على المدونه ومشفناش منك لا تورته ولا جاتوه ولا حاجه ساقعه ولا حتى كوبايه مياه يا شيخ حرام عليك .

بس يلا المسامح كريم

ومش هقيم المدونه بالدرجات لانها اقيم من ذلك

سلامى ليك وكامل تقديرى ليك بصدق يا ابو على

دومت بسلام

سلااااااااااااااام

كيكى عوووووو Says:

حتى فى احتفاليه المدونة فنان ودماغ بجد
والله مش بلاقى كلام كتير اقوله لاحسن تقول بتبالغ
بس كل سنة وحضرتك طيب وزجزج خصوصااااا طيب وكل الناس الحلوة
ربنا يكرمك

د. ياسر عمر عبد الفتاح Says:

ازيك يا عمنا
وربنا وربنا واحشني جداً

مفيش حتى ميسد كول؟
نقول إيه بس؟


عاوزين نشوف جناب سعادتك
وياريت يعني لو مفيهاش رذالة تشوفلنا شريط تراموندين ,,

أمل حمدي Says:

ابو علي الغالي
ربنا يبارك في عمرك وتحقق كل اللي تحلم بيه يارب
تدوينة أكثر من رائعة
وصدقني احنا اتعلمنا منك كتير جدا وتقديرك مش من عشرة أبدا
لانه لايقدر فعلا
يكفي أن كل رد من ردودك خلال تلك السنين ببوست متكامل المعنى والهدف
دائم التواصل
أخ بمعنى الكلمة بارك الله في عمرك وفي أولادك اللهم أمين
ياريت لينك الجروب علشان نشترك فيه

دمت بكل الخير أخي الفاضل

موناليزا Says:

أولا: كل سنة وانت ومدونتك بخير وعقبال ما تحتفل بعيد ميلادها المئوى.

ثانيا: لو حقيقى مشاركات زجزج وبجبج ودم الغزال ومامتهم حقيقية وليست من وحى الخيال فأنا أحييك جدا على هذه الروح الديموقراطية فى التعامل مع أهل بيتك
وخاصة فى مشاركتهم فى هذه التدوينة

ثالثا: سؤال وجيه فعلا
أن نبدى رأينا فى المدونة ونعطيها درجة

وبما ان اساتذتى فى اللغة العربية قالوا لى قاعدة وهى بأن مهما كان الطالب فصيح ولديه القدرة على التعبير فاستحالة فى "التعبير" يجيب الدرجة النهائية
وده معناه إن فيه درجة نقصت من العشرة
نيجى بقى على رأيى الشخصى المدونة جميلة ولكنها مليئة بالأخطاء الإملائية وخصوصاً فى مواضع الهمزة

بيعجبنى فيها استشهادك بالصور وخصوصا صور الحيوانات

تمنياتى بمزيد من التقدم والنجاح
وكنا نريد توضيح اكتر لفكرة الجمعية

أنا - الريس Says:

كل عام ومدونتك طيبة وعبال ما تبقي كتاب قادر يا كريم ,,, يفيد الناس..
الحوار ممتع ولا اعلم اذا كان تم في الواقع أم أنه من بنيات أفكار ,, انا مش معايا رصيد عشان ابعتلك تهنئة والله .. بس برسل ليك تحياتي لأنك إنسان ليك فكر وليك هدف وتحاول ايصال فكرك لغيرك بكل هدوء واحترام وتحاول تحقيق هدفك بل نبل واخلاص و إن شاء الله اي عقبه هتتزلل في انشاءك لحلمك ,, ربنا يوفقك اللهم امين
اديك 8.5/10

كلمات من نور Says:

عامان في الخير والصلاح وحب الله وحب الخير للعباد

كل عام و أنت إلى الله أقرب ولطاعته أدوم

كل عام و إنت بتخلينا بكلامك نحب ديننا ونراعي أعمالنا ونرحب بكل نقد و كل مدح

كل عام و أنت وعائلتك الكريمة بخير

كل عام والمدام بتلاحظ تزايد الجنس الناعم في المدونة بس من غير رائحة علشان إحنا لا نتعطر بره بيوتنا (:

و أنا معاك في المشروع لو فضلت في مصر علشان أنا قررت أخلع ....زخالص تحياتي يا أبو علي

لــــ زهــــــراء ــــولا Says:

سيدى الفاضل ابوعلى

-*-*-*-*-*-****-****

كل عام وحضرتك واسرتك والمدونه بخير وصحه وسعاده

مية سنه يارب فى سعاده وهنا ان شاء الله

طبعا مش اقدر انى اقييم حضرتك لاننى اصغر من ذلك عشرات بل مئات المرات

لو كان بيدى التقييم لاعطيت لحضرتك لقب انك من احسن 3 مدونات دخلت عندهم فى حياتى
ما شاء الله كل بوست بيكون مميز عن اللى قبله
الروح متجدده الله اكبر عليك

ربط الدين بالدنيا كى ينصلح الحال عما قريا ان شاء الله

ردك على كل الناس اللى بتعلق عندك يوضح كم تمتلك من الاخلاق ولا ازكيك على الله واحسبك على خير ان شاء الله

عن جد كل مره اقرا لحضرتك كلمه اعتبر نفسى لازلت طالبه واتعلم منك فن الكتابه ....
حضرتك تعرف والجميع كذلك انه لم اتشرف بمعرفتك حضرتك من قبل ....

ان شاء الله هيجى اليوم اللى حلمك يتحقق وبكره تقول فاطمه قالت لان حضرتك تقصد وجه كريم وان شاء الله ربنا لن يخيب ظنك وسوف تحقق اضعاف ما تمنيت
اتمنى لك من قلبى السعاده على الدوام

زهراء

لــــ زهــــــراء ــــولا Says:

معلش ممكن رساله صغيوره خالص مالص

بجبج

عدد المعلقين ليس معناه ان البوست حلو او وحش بالعكس اعرف مدونات كويسه جدا بل اكتر من رائعه وتلاقى عدد الردود 6 وهناك مدونات تافهه وتلاقى عدد الردود 60 او اكتر
وكمان فى ناي تقلب الكومنتات الى شات وتلاقى االعدد بقى 100 مثلا
يا بجبج با صديقى الصغير عدد الكومنتات لا يمثل اى معنى لنجاح المدونه او فشلها

تقبل تحياتى
زهراء

ستيتة Says:

كل عام وانت وعائلتك ومدونتك وفلسفتك ومحاولتك الإصلاحية طيبين

حواء فى هذا الزمن تعانى من الصمت والقدرة على التعبير عن

نفسها غير متاحة ومشاغل الام والاب وصراع الحياه

والتكالب على ملذات الرزق ولدت فراغ

استغلاله فى التدوين يتعتبر لها نافذة

تطلق منها ما فى داخلها وده فعلا رائع وتميزت فكرا وسلوكا
-------------------------
فعلا انا اعاني انشغال بابا وماما
عاااااااااااااااااااااااا :)


كنت نفسي انضم لمؤسستك الرائعة
ولكنها في ظل النظام الحالي لن تقر
انت عارفني انا مش متشائمة
ولكن بالعقل
1- دي اصلاحية زيادة عن المطلوب رسميا
2- الموافقات الأمنية ها تقف لينا كلنا لأننا كلنا او للحق اغلبنا ها يكون له ملف في امن الدولة شئنا ام ابينا
3- انا مش بعرف في الفيس بوك
او علشان الكذب يودي النار بعرف بس مش بحبه
ومع كل هذا احييك على فكرة اكثر من رائعة لها مساندتي بكل ما اوتيت من قوة والله من وراء القصد

تحياتي

القدر و انا Says:

ابو على
كل سنة وانت وام العيال بخير
كل سنة وانت وزجز وبجبج ودم الغزال بالف خير
كل سنة ومدونتك الجميلة فى تالق وازدهار وعقبال ما تحتفل بعيد ميلادها المئوى.
بجد مدونتك راقية الفكر
اسلوبك السهل الممتنع يعلمنى الكثير ويجبرنى على التفكير والتحليل لذا وجب انا اكون انا من تشكرك كثيرا
اما الدرجات فلن استطيع ان اكون محايدة لانى اتمتع بكل كتاباتك والحوار الدائم بينك وبين زجزج ودم الغزال وبجيج .. ولانى سعيدة جدا باستخدامك الدائم لتعاليم الدين والاسترشاد به وهو فعلا مظلة دائمة تلطف حياتنا وتقوينا على الاستمرار ..
وهذا يعنى اننى مسحورة بما تكتب ولن اعطيك اقل من العشر درجات مع مرتبة الشرف ..
تحياتى ودعواتى بالسعادة الدائمة مع اسرتك الكريمة

غير معرف Says:

السلام عليكم
كل سنه وانت والمدونه بخير
وعقبال 100 سنه تدوين
حلو اوى البوست بس مصر مش كلها سلبيات كده ليه بنلقى الضؤ دايما على
الجانب الوحش بس فى نظريه بتاعه ستى وستك بتقول كل مكان فيه الحلو والوحش
اتفق معاك ان كل اللى قولت عنه صح بس كمان فى حاجات حلوه كتير كنت اتمنى تنوه عنها مع صورك الظريفه
مرسيه لانك قيمتنى وافتكرت وجودى والله اديتى وميض وطاقه وياريت اكون حد فعال
دومت بكل خير
تحياتى

brightlyanny Says:

ازيك ابوعلى
كل سنه وانت طيب
دايما كده ف صحه وعافيه
و يخليك لكل اللى قدرت تؤثر فحياتهم وفكرهم بالايجاب طبعا
انا كسلانه معاك شويه اليومين دول بس ملحوقه ولا ايه
ابو على انت مش تستاهل انك تتقيم بكام من 10 المهم مش هطول عليك بس
حقيقى والله انا بستفيد منك ومن كلامك والاجمل بقى ان كلامك بيدينى امل ودفعه للامام
مش هطول عليك اتنمى بجدانى اكلمك قريب
وكل سنه وانت طيب
وكل سنه وشكل حياتك بخير

جنّي Says:

السلام عليكم

كل سنة وانت والمدونة بالف خير ومن تقدم لتقدم ان شاء الله ..

ما شاء الله مبتكر حتى وانت تحتفل بمدونتك وما امتع الحوار وعلشان النكتة اعطيك عشرة من عشرة .. بصدق وليس مجاملة مدونتك ممتازة وانا استفيد نها الكثير ..

بالنسبة للاقتراح رائع وبا ليته يطبق في كل حي ومشروع الكشاف ليته يطبق في كل مدرسة بعيد عن امن الدولة ومشكلة التمويل ..

ربنا معاك يوفقك ويحقق احلامك

لك كل التحية

sony2000 Says:

ضرب لييييييه بس ياعمنا
مهو الكلام حلو اهو
عارف..........كان هيكون وحش اويييييييي لو اسمي مجاشي فالنوص:))
بهذر طبحااااااااااااااااااااا:)
بجد مبرووووووكون مبروووووكون وعقبال عيد ميلادها الخمسميه وانا كمان ورااااااها:)

mohamed ghalia Says:

كل سنة والمدونة وصاحب المدونة فى سعادة

غير معرف Says:

مدونه حضرتك جميله جدا ومفيده وان شاء الله تكون جمعيه شاب ناجحه ومثمره ..بس هى محتاجه ترتيب وخطوات كتيره علشان توصل لهدفك .

ربنا يوفقك

والمدونه كمعنى انسانى مقدرش اقيمها لانها قيمت نفسها بمعانيها الجميله اما كعمل ادبى فانا اعطيك 8 من 10 علشان ساعات بيكون فيه اخطاء فى الكتابه وده علاجه بسيط وهو انك تراجع البوست قبل النشر.

فاطمه Says:

كل سنه وحضرتك بالف خير وسعاده وتألق انساني وربنا يزيدك من فضله ،ومعلش انا مش بتجيني فرصه اعلق بس انا باقرأموضوعاتك برده وزي ما يارا قالت ما ينفعش اقيم المدونه بالدرجات ،ويارب تحقق رجاءك ويكون حقيقه قريبا ،كمان معلش اني بالنسبه للجروب لسه معلق النهارده بس كالعاده موضوعاتك كلها وبجد بدون مبالغه مرجع زي ما يارا قالت ،وادام الله عليك نعمته بالصحه والعافيه ووفقك الي ما يحبه ويرضاه ،اللهم أمين

just dream Says:

حقيقى ربنا يجزيك كل خير على مدونتك الجميله واهدافك الساميه حقيقى لك كل التقدير والاحترام لفكرك المحترم والهادف
بس ياريت تحط لينا لينك الجروب على الفيس بوك علشان ننضم ليه
وفكره الجمعيه دى جميله جدا ودائما فى ازدهار ان شاء الله

ghorBty Says:

ما شاء الله

ربنا يبارك في حضرتك

وفي مدونتك المفيده بكل ما فيها والاحلى هو الاسلوب المميز والجديد في عرض الفكره..

نجمه كبيره على الاجابات :)

وحابه اقول للاخ بجبج انا علقت اهو بالغيزه فيك ..

كل عام وحضرتك بخير ..  

الازهرى Says:

ممممممممممممممممم

بصراحة اخرك معايا
خمسة من عشرة

والخصم كالتالى
واحد علشان الاحتلال
واحد علشان انا مزاجى مش رايق حاليا
واحد علشان اسمى مش الأول

اتنين خصم حقيقى


بصراحة المدونة جميلة جدا ودا رأى الجميع وكمان شخصيتك جميلة جدا جدا جدا
وكمان اشمعنى النمرة 018 يعنى انت لغيت النمرة 011 والا ايه

ما علينا اسيبك علشان اروح انام وبعدها افوق واشرك لك المدونة دى خالص

دا لو طبعا امن الدولة ساب لى حاجة على ما ارجع

SHAPE YOUR LIFE (ABOALI) Says:

الى فتاه من الصعيد
ربنا يبارك فيكى يا فتاه
قلبك النقى الجميل هو اللى بيقول الكلام الجميل ده
خالص تقديرى ودايما مشرفانى

SHAPE YOUR LIFE (ABOALI) Says:

الى فتاه من الصعيد مرة تانية

الصعيد له عندى معزة خاصة
وفرحان ومبسوط انى اول تعليق صعيدى
دى بشرى خير بالاصالة يا اصيل

تقديرى المستمر

SHAPE YOUR LIFE (ABOALI) Says:

الى يارا
يارا انتى جزء من كيان تلك المدونة
ما شاء الله عليكى كنت من اول المشجعين لى
كلماتك كانت دائما تضيف للموضوع اضافة اكاد اطير بها فرحا
ان كانت لكلماتى الشرارة التى اطلقت ينبوع فكر رائع مثل فكرك
لا اكون مغالى فى ردى ان كنت اقول واقر
انى استفدت من كلماتك وكانت ليا معين واضافة الى ما اكتب

لا تملك حروف كلماتى يا يارا
الا ان اعبر لك عن تقديرى و شكرى
ان وهبنى والله و رزقنى بانسان حمل صفات الانسان معنى وكيان


تقديرى

SHAPE YOUR LIFE (ABOALI) Says:

الى كيكى عوووو

يا مراحب يا مراحب بالناس اللى كلها حماس وتبث روح العو فينا اقصدى الامان
ههههههههههههههه
زجزج يرحب بمعجبيه ويعلن ان امضاء الاتوجرافات سيكون يوميا من الساعة 25 الى نهاية التوقيت الصيفى


ودايمااااااا اراكى فى خير حال يا انسان
ولكى الشكر على احساسك الراقى

SHAPE YOUR LIFE (ABOALI) Says:

الى ياسر عبد الفتاح

ابووووووووووويا الحاج ياسر
كيفك والله والله واحشنى
وعلى بالى وان شاء الله هاتصل بيك
واظبطك كمان علشان تبقى تراموياسر

ولالالالالالالالالاايه
بس اوعى تشتكى

تقديرى

SHAPE YOUR LIFE (ABOALI) Says:

الى الفاضلة ماما امولة

لن انسى انى حضرتك من اول المعلقين فى تلك المدونة
التى تشرفت بوضع حروف كلماتك حضرتك فيها
ومن الصفاء والنقاء الذى كان قلبك يحيا به

كانت المودة وتبادل الفكر والالتقاء

ويقينا ادعو الله ان ينفعنا بما عرفنا

وان يهبك الله جناته العلى اللهم امين

اما عن الجروب
باءمكان حضرتك الضغط على كلمة شاب فى اعلى الصفحة فى المدونة بجانب راديو المطلقات


والاشتراك والمساهمة

وكل التقدير لحضرتك

SHAPE YOUR LIFE (ABOALI) Says:

الى مونااااااليزا

يا هلا يا هلا
يا مرحب بالناس اللى كانت غايبة لسبب اسباب

قولتيلى بقى انك لا تعلقى علشان الغلطات الاملائية
اممممممممممممممم
ماشى يا موناليزا انا زعلان
هههههههههههه

اولا مشرفانى يا موناليزا بجد
كتاباتك الحمد الله مميزة وكلها اضافات وتذكرة نحب من يذكرنا بها دائما
لذا كان لى التوفيق ان تعرفت على مدونتك
التى عندما احب ان اقرء مختصر فى الدين وما يفيدنى
اذهب واقرء الموضوع بالتعليقات بس فى السر كده

رايك من الاراء التى اعتز بها لانها تاءتى من انسان دارس
ويعرف اين توضع الهمزات وفنون الاتصالات
ولكن ما يجعلنى سعيد فى بعض الاحيان
ان المعنى يفهم
ولكن هذا ليس معناه انى لن اهتم بما قولتيه حتى تكون الرؤية لها مظهرها الجمالى الذى يزيد المعنى رونق

شاااااااااااكر على التقدير
واتمنى فى كل مرة ان لا يقل تعليقك عن عدد تلك الكلمات وان كنت اتمنى الاكثر

خالص تقديرى

SHAPE YOUR LIFE (ABOALI) Says:

الى الرئيس

رئيسنا الغالى
على الرغم من ان وجودك وتعليقك فى المدونة ليس من فترة من بعيدة

الا انى استشعرت من تعليقك قدره وفهم عالى المستوى و الاداء
وهذا يسعدنى
لانى احب من يتعمق وياءخد من لب الموضوع
ويقول ماذا استفاد وماذا سيضيف الى المعنى

لذا لك كل التقدير
اما عن الحوار فهو من بنات الفكر
وهو حوار تخيلته ويحدث فى حياتنا كثيرا

لك كل التحية واتمنى ان اراك دائما من متابعى المدونة

SHAPE YOUR LIFE (ABOALI) Says:

الى كلمات من نور

طيب اقول ايه لحضرتك
ماهو بقى بقى بقى
انتى لوحدك ليكى معزة خاصة
مجرد قراءة اسمك واسم مدونتك يدل على ما سنقرء من هذا الانسان المميز

صدقا" يكفى استفادة لى من التدوين
ان تعرفت على تلك الارواح الرائعة
التى دعت لي وتمنت لى الخير
وما انا فيه هو من نتاج تلك الدعوات
التى تقبلها ربى

يقينا ستكونين فى مصر وسيشفيكى الله ويمتعك بكل الصحة

و ستكونين فى طليعة جمعية شاب لان قلبك هو الشاب نفسه

سيدتى الفاضلة كلمات التقدير لن تفى حضرتك
ولكن دعائى ان يهبك الله النور والضياء والسكن والمغفرة والجنات العلى
سيكون كافيا
وان كان فيكى قليل
ولا ازكيكى على الله
ولكنى احسبك على كل الخير

تقديرى

SHAPE YOUR LIFE (ABOALI) Says:

الى زهراء

زهراء هناك اناس تبحث عنهم وتحب ان يكونوا بجابنك طوال حياتك باءى صورة كانت

كنتى انتى من هولاء
فهم عالى واثق صفاء يقين نقاء
وهبك الله القدرة على التحليل وفهم ما خفى من المعنى
وتلك نعمة اتمنى ان يهبك الله الكثير والكثير منها

ان كانت الناس تستطيع عمل سعادتها
وتستطيع عمل اهدافها
وتستطيع عمل كيانها
فاءن الناس لا تستطيع عمل الماس
بل تبحث عنه

لذا انتى يا زهراء ماسة سعدت بها فى تلك المدونة
وهذا عن حق
مكتسب لك
استحققتى هذا الحق لما ارى من حسن منطق فكرك وتنسيق كلماتك ومعانيكى

اتمنى بالفعل ان اكون مثل الانسان الذى وصفيته
واكون ذلك الانسان الملهم الذى يفكر ويستفيد غيره بفكره ويحيا هو مع ذلك الفكر

لذا اطلب منكى الدعاء باءن اكون ذلك الانسان
وادعو لك ان تكونى من عتاق الله فى فردوسه الاعلى
اللهم امين

SHAPE YOUR LIFE (ABOALI) Says:

الى زهراء مرة اخرى

ههههههههههههههههههه
هو بجبج بيهزر بس
اصله بيوزن المدونة بالتعليقات
ولم يفهم ان تعليق واحد فقط
فاهم
يفى بكل التعليقات

تقديرى وشاكر للنصحية

SHAPE YOUR LIFE (ABOALI) Says:

الى الفاضلة دكتورة ستيته

اولا تقديرى العميق لشخص حضرتك

انسانة نابغة كلها حياه تحيا فيها بكل الشموخ
فكر متدفق ينعم بالتلقائية وحسن الفهم

وجميل ان انشغل البابا والماما بتاع الانتا
علشان نتثقف وتكون مدونتك ينبوع معرفة لنا

اما عن الجمعية
طالما ندق الابواب يقينا ستفتح يوما
وكما علمتنا الحياه
ان ما بين نور وظلمة يجعل الله الحياه ضياء بلا غمة

وستكونين يا فندم من عماد تلك الجمعية ان شاء الله

تقديرى

SHAPE YOUR LIFE (ABOALI) Says:

الى الشوكة الناعمة

جميل ان اتعرف من خلال المدونة على اناس
يتمتعون بالايجابية وحب ذلك الوطن
وهذا منتهى السعادة لى
لانهم يبثون الطمائنية فى حياتنا
وهذا ايضا من اهداف المدونة

الصور هى تعبير عن حال نحب ان نغيره
وان شاء الله قادرين على ذلك

وذكر اسمك تشريف لي

وهبك الله كل الصلاح وكل الامل وكل اليقين

قووووووووولى امين

SHAPE YOUR LIFE (ABOALI) Says:

الى انا برتلى

فينك يا انسانة
اتمنى ان تكونى فى كل السعادة والهناء
وان تكونى فى خير صحة

افتقدت المدونة وجودك
اتمنى ان اراكى مجدددا تخطين باناملك صدق وجمال معانيكى وكلماتك

مشرفانىىىىىىىىىىىى

SHAPE YOUR LIFE (ABOALI) Says:

الى جنى

معفرت المدونة يا انسان بجمال معانيك

وشكلك كده سياسى كبير وناوى على الامل العام دوغرى وعمك علاء مبارك مبسوط منك لعلمك وعاوز يعرف عنوانك
بس انا قولت اقولك الاول
هههههههههههههههه

فى الحقيقة انت يا جنى
من بنى الانسان الذين اسعد بالقراءة لهم فكرا ومعنى

لك منى كل التقدير

SHAPE YOUR LIFE (ABOALI) Says:

الى سونى

يا فندم ازى بس اسمك لا يذكر
ده حتى شركة سونى تقاضى المدونة
والخسائر تكون غير متوقعة

مششششششششششرفانى يا انسانه
وعقبال لما اشوف حضرتك فى اعلى علين
ان شاء الله

تقديرى

SHAPE YOUR LIFE (ABOALI) Says:

الى محمد الغالى

كل سنة وانت فى كل السعادة يا غالى
وبالتوفيق لك فى كتابك الرائع الذى ساءكون اول الشارين له والدعاين اللى شرائه

بس ابقى ابعت ليا حواله بعشرين جنية

ولالالالالالالالالالالالالالالالاايه

SHAPE YOUR LIFE (ABOALI) Says:

الى غير معرف

شاكر جدا وجودك ونصحيتك وتقديرك لى
واتمنى ان اكون عند حسن الظن
ويكون لجمعية شاب وجود
وتكون من المشاركين فيها ان شاء الله


خالص تقديرى

SHAPE YOUR LIFE (ABOALI) Says:

الى فاطمة

طب وعاوزانى اقول ايه
بعد الكلام الصافى الخارج من فم ينطق بكل خير

اتمنى ان اكون بالفعل ذلك الانسان الذى يفيد غيره ويستفيد بما كتب

ودعواتك لى ان اكون ممن يوفقهم الله
ولك كل الدعوات باءن تكونى من المقربين من حوض المصطفى صلى الله عليه وسلم
المتنعمين برؤية الوهاب جل وعلى

تقديرى العميق

SHAPE YOUR LIFE (ABOALI) Says:

الى قوووووول يارب

هااااااااااااقول يارب دايما

وادعوه ان ينعم عليكى بالصلاح والنقاء فى السر والعلن
واشكر لك الحضور وكتابة تلك السطور

عنوان الجروب
اضغطى فقط على كلمة شاب فى اعلى المدونة
بجابن كلمة راديو المطلقات او الحياه
واشتركى

وجزاكى الله كل الخير

SHAPE YOUR LIFE (ABOALI) Says:

الى غربتى

يااااااااااااااه فينك يا انسانه يا رائعة

انتى بقى يا غربتى من بنى الانسان الذين اتمتع وانا اقرء لهم
ماشاء الله فكر راقى ومعانى نبيلة صادقة
ربنا يهبك كل الفهم الجميل ان شاء الله

وبجبج فى منتهى السعادة وبيقولك ياااااااااارب يشوفك كتير وكتير ونبطل غربة بقى

ولالالالالالالالالالالاايه

SHAPE YOUR LIFE (ABOALI) Says:

الى الازهرى

ههههههههههههههههههههههه
يا عم اخصم اخصم
المهم انك تكون موجود علشان تدفع القيمة بعد الخصم
مهو فى اشاعة طالعة عليك انك بقيت رجل اعمال

يااااااعينى عليك من الطبقة الحاكمة يا عم

ومستنى بقى التشريح وخلى بالك من الواوا

تقديرى لشخصك
و ال 011 شغال يا فندم

SHAPE YOUR LIFE (ABOALI) Says:

الى القدر وانا

ايه بس دفعة ودرس التقوية الجميل ده

دى شحنة تشجيع ما شاء الله
اتمنى ان تكون كما يقال من حدى ونصيبى

ووهبك الله كل القدر الجميل والعمل المتقبل واليقين المعلوم والنور الى جنات الحننان المننان

اللهم امين

ولك كل التقدير واتمنى اكون ذلك الانسان

تحياتى