غبار العقول

, الاثنين، 19 أبريل 2010







جاء زجزج يقول إيه رايك يا بابا فى مشكلة بركان ايسلندا ؟

وما هى مشكلة بركان ايسلندا !

قال ثار وملأ غباره سماء اوربا واثر على الطيران

وناس كتيرة احتجزت فى المطارات

غير كده يا بابا حركة التجارة تأثرت

قوووووووولت يااااااااه !

كل ده من بركان واحد وحبة غبار

حاجة ليها العجب فعلا

قال ايه رايك يا بابا بقى ؟

تعرف يا زجزج لما قولتلى كده

فكرت فيه ايه ؟

قال فى اية

( هُوَ وَمَا يَعْلَمُ جُنُودَ رَبِّكَ إِلَّا)

تخيل بركان واحد ينتج عنه كل تلك التأثيرات

هو ليه يا بابا كل حاجة انت بتربطها بالدين وكمان بلاحظ انك بتتأمل فيها ؟

ده سؤال جميل فعلا منك يا ابو الزجزجة انت يا امور

لأن العبرة والحكمة هى التى تغذى الروح وتعطى ليها الايمان الواثق الكامل

تخيل مثلا اننا زرعنا نخلة جميلة واهتممنا بها وسقيناها وطرحت بلح

والبلح ده نضج ولم يجد من يأكله

هايحصل ايه ؟

اكيد هايسقط ويتعفن يا بابا

صح يا زجزج

جسد الانسان اذا تم سد رمق جوعه وشبع

يكون ان الاوان ان يفكر ويفهم ويدرك قيمة تلك الروح

التى لها ايضا نصيب وقائمة طلبات

بدون تغذية الروح ستجد جسد مريض سرعان ما يتهاوى

لذا غبار بركان ايسلندا يجلعنا ننظر الى اعماق انفسنا لنرى غبار العقول ؟

غباااااار العقول يا بابا !!!!!

يعنى ايه

غبار العقول يا زجزج

هو تلك الملوثات التى نضعها فيه كل اليوم من يأس و خضوع واحاديث عن الفشل

والهزيمة فيُحدث ذلك اضطراب فى التفكير ومنه يتصاعد الغبار داخل العقول

وتتكون سحابة نشعر بها فى الاستعجال والعصبية والغضب وحب الذات والخوف من المستقبل

ومن هنا نبدء سلسلة التنازلات عن انوار الايمان والقرب من الرحمن الرحيم

ونفقد الثقة فى انفسنا ونتحول الى تجار اجساد نبحث عن الملذات ونظن ان الدنيا هى المأوى الاخير

وتتعطل هنا الة التفكير بسبب هذا الغبار

لذا يا عم زجزج ليس المخيف هو بركان ايسلندا الذى اطلق الغبار بقدرة الخالق

المهم هو ازاحة الغبار الذى وضعناه على عقولنا

فأصبحت لا ترى الا الضوضاء وحدث لها تشويش حتى احتاجت الى تدخل الاطباء النفسيين لإعادة المسار

ولكن الاطباء ادركوا ان حجم الغبار كان كثيفا"

ويحتاج الى ركوع وسجود ودعاء وادراك ان للكون صاحب

والصاحب لا يغفل ولا ينام له القدرة و بسط لها الحكمة وظللها بالانوار ولمن ارادها وسعى اليها

ايقن انه يجب اولا ان يزيل الغبار

يااااااااااااه يا بابا ايه ده كله

استئذنك اغلق الشباك احسن غبار ايسلندا يعطس فتحدث العدوة

وعقل ابنك كفاية عليه انه مشبر مش مغبر

هههههههههههه

على الهامش

ازل غبار العقول

واعد ترتيب خرائطه

ضع هناك جبال العلم وانهل

فهو النور الدال على هضبة معارفه

وافسح الطريق لانهار العبير تروى

ظمأ النفس وما احتوت عظائمه

كون البحر تلو البحر تجد

ابحر اليقين مسكنه

وابحث عن منخقض الطاعة تتذوق

قرب وحلاوة ودائعه

واجعل سهولك سنة احمدا ترى

ممرات الخير سابحة"

تطلق رايات اعلامها عازفة "

انشودة قائدٍ ادار محركهُ

مرحبا"

بمن رسم وادرك معانى مراسمهُ

البوست القادم

حرف الغين

33 Response to "غبار العقول"

romansy Says:

وعم المنوفى مش سايبك فى حالك

وجاى يزيل غبار العقول



وجاسي مكنسه توشسيا انما ايه


2000 وات

romansy Says:

دايما بتبهرنا بفلسفتك الجميله واسئله الولد زجزج اللى مش بتخلص
شوف شويه غبار عملوا ايه بلاضافه لكده ان ارتفاع درجه حراه البركان هيذوب الجليد وترتفع منسوب امياه وبيقولوا ان الدلتا ممكن تنتهى
اهو نخلصك منا وتخلص م المنوفيه بس بما اننا منايفه فلازم نلاقى البديل وقررنا اننا نسوق مياهوات اهى تنفع لما الدلتا تبقى ميه بس

اشترى واحد بقى ونفعنى

yara Says:

امممممممممم
الغبار اصبح يملا العقول والقلوب ايضا من كثره الافكار السلبيه الهدامه التى اصبحت مسيطره علينا ومن البعد عن طريق الله الذى وضحه لنا فلا يوجد اوضح منه ....فعلا جميعا نحتاج الى حمله تنظيف وازاحه لهذا الغبار الذى اذا تمكن منا يقينا سيؤدى الى هلاكنا .

على فكره يا ابو على انا بدات احس ان المدونه مش نشاط كافى لانسان فى عقليتك بجد ..لان انت المفروض يكون مكانك كده جنب ابراهيم الفقى فى التنميه البشريه فعلا صدقنى الاف الشباب محتاجه تقرا كلام ذى ده لانك لا تتخيل مدى تاثيره على ناس كتيره جدا وخصوصا فى ظل هذا الزمن الذى انقلبت فيه جميع الاحوال وتبدلت فيه القيم وانعدمت الثقه فى النفس ولم يعد الكثير يربط كل الامور بالدين كما تفعل.

بجد يا ابو على اتصرف بقى وحاول توصل صوتك للناس مصر محتجالك والوطن يناديييييييك .

لكن البوست ده محتاج ورقه وقلم بعد قرائته علشان كل واحد يحاول يبحث عن اسباب غبار عقله وكيف يتخلص منها.

اشكرك ولكن كلمه الشكر لن توفيك حقك ابدا ابدا ابدااااا

ستيتة Says:

الأخ العزيز ابو علي

مش دايما بلاقي رد على كلامك
وبصراحة انا باجي هنا اتعلم واشحن كارت الطاقة
علشان كده لما مش بعرف اناقش الكلام لروعته
بحس انها عيبة اني ادخل اسيب كلمة تقبل مروري
انا كده كده لازم أمر
لأن المرور على هذه المدونة يزيل كثيرا من غبار النفوس وظلام العقول

ياريت الناس تعطي اصحاب العقول قدرها
كانت البلد فعلا نهضت وقامت على حيلها

لاتظن كلامي ثناءا
انا لا أزكيك على الله
ولكني اقول ما استقر إليه يقيني صدقا

تحياتي يا رافع المعنويات
واللهم صلي على سيدنا محمد وعلى آله وصحبه وسلم

غير معرف Says:

غبار العقول صعب الازاله ... بس موش مستحيل

تحياتي

أمل حمدي Says:

اللهم صلي وسلم وبارك على سيدنا محمد


نعم يا ابو علي

اقولك ايه

اقول زي ستيتة

كلامك يتسمع ميتردش عليه

ربنا يصلح حالك وينور طريقك بنور الرحمن

اللهم امين

لــــ زهــــــراء ــــولا Says:

سيدى الفاضل ابوعلى

-*-*-*-*-*-*-*-*

دعنى فى البدايه اشكرك على ردك عليا فى البوست السابق كلام حضرتك احرجنى ...

هناك اناس تتمنى ان يتحدثوا ولا يتوقف حديثهم وحضرتك منهم ...
ما شاء الله كل بوست لحضرتك يضيف لى معرفه جديده وجوانب فى الحياه من الممكن ان تكون واضحه وسهله ولكنك حضرتك تلقى الضوء عليها لكى نستمتع بها على الوجه الاكمل

عنوان اكتر من رائع " غبار العقول "
تعرف حضرتك ان فى عقول حصلت على دكتواه ومازال عليها غبار وعلى قلبها الكثير والكثير من الاتربه الكثيفه الكثيره ....


"ازل غبار العقول
واعد ترتيب خرائطه "

يا لها من نصيحه جميله من شخصيه ثريه مثل حضرتك
من يسمع ومن يتعظ ؟؟؟
دعنى اضم صوتى الى صوت حضرتك لابد ان نزيل غبار العقول عنا وعن قلوبنا وعن ابصارنا علنا وقتها ندرك قيم واشياء جميله فى حياه حرمنا نفسنا من الاستمتاع بها

تحيه لكلام حضرتك


زهراء

كلمات من نور Says:

اتاري مش أنا بس اللي كلام عمنا أبو علي بيخليني صامتة لا أعرف أن أعلق حتى لا أنتقص من روعة الإحساس وصقل الروح اللي بتخلينا نحسه ....

العبرة والحكمة هى التى تغذى الروح وتعطى ليها الايمان الواثق الكامل...الله تعالى يهب الحكمة من يشاء ..و أحسبك على خير لا أزكي على الله أحد ولكنك أوتيت حكمة لقمان يا ابن الخال ....ابن الخال دي علشان تخليني أصقل روحي معاك ( مش قرايب بقى؟ ) (:

غير معرف Says:

يااااااااه غبار العقول
ده بيبدا من واحنا صغيرين حاجات كده بتدل دماغنا وبتاثر علينا ومع الوقت اثرها بتبدا تظهر

زى البركان مش بيثور مرة واحدة بس واحدة واحدة واما يسخن خاااالص ويبدا يغلى بيبقى لازم انه يثور

new-one Says:

عاجبنى حكاية غبار العقول دا
فعلا بوست مايطلعش غير منك يا بو علوة

just dream Says:

والله عندك حق ,العقول تاهت مننا فى زحمةالضغوط النفسيه والعصبيه انا بجد بقيت حاسه ان فيه ناس كتير فقدت عقلها خلاص وارجع واقول فعلا هو عدم القرب من ربنا والبعد عنه فى كل حاجه فى حياتنا خلانا نتوه من عقولنا
ويارب يارب يقدرنا ونمسح شويه الاتربه اللى وقف على عقولنا لان لو كسلنا عنهم هيجى اللى اليوم واللى منعرفش ننضف عقولنا من الفساد اللى هيدخلها
تقبل تحياتى لشخصكم الكريم

صيدلانيه طالعه نازله Says:

الحمد لله انك قلتلنا الطريقه اللى نشيل بيها غبار العقول
من صدق اايمان بالله و اليقين به
كلامك جميل قوى و يدعو للتدبر فيه و التركيز فى كل حروفه و معانيه

دمت بود

sony2000 Says:

بجد بجد
بوست فالجوووووووووووون:)
الله الله
ديما بنتعلم منك:)
شكرا بجد لكلامك اللي كتير اوي بيريحني

Ms Venus Says:

اسمحلى اضيف الى كلامك

والى جانب غبار العقول


غبار القلوب

غبار الضمائر

غبار الاخلاق


امتى ننفضهم ؟

تحية لفكرك وما يحمله من فلسفة راقية

القدر و انا Says:

ابو على
بجد ياريت ننتبه ونزيل دائما الغبار من عقولنا واللى فعلا عامل لنا تشويش واضطراب وعصبية وخوف
ياريت ننتبه لنفسنا واولادنا ونغذى الروح والعقل بالايمان والمعرفة
بارك الله فيك
و تحياتى لفكرك وقلمك

شمس النهار Says:

كلامك صح جدا
الغبار ملا عقول الناس وعلي راي رومنسي عايز مكنسة تشية

البركان ده خاله الناس فعلا تفكر وتبص حواليها اكتر

ربنا كده كل شوية يبعت حاجه صغيرة كده زي شدة الودن
ياانسان لو دعتك قدرتك للتجبر
تذكر الله الحي

ربنا كريم
سلامي

غير معرف Says:

فعلا غبار العقول زاد قوى الايام دى لدرجه انه احجب الرؤيه ومعدش فى حد بيشوف الحقائق ويعتبر ويتعظ الا من رحم ربى.

محتاجين صحوه وتركيز بدل ما احنا مغيبين كده ربنا يهدينا.

تحياتى لك يا استاذى الفاضل على هذا الموضوع

SHAPE YOUR LIFE (ABOALI) Says:

الى رومانسى
حبيبى المنوفى معقووووووووووولة المنوفية هاتتبرع اخيرا بمكنسة

الله الله
كل ده علشان المايوهات واثارها

ربنا يجعله عامر يا عم

وبكرة لما البركان يثور اكتر المايوهات هاتبقى اكتر

والضحك هايكون للركب يا صاحبى

ولالالالالالالالالالاايه


خالص تقديرى يا منوفى معدل

SHAPE YOUR LIFE (ABOALI) Says:

الى يارا

جميل المعنى المستخرج من تعليقك يا يارا بجد

لو كل واحد كتب اللى بيخلى تفكيره مشوش
وبدء فى العمل على وضع علاج و حلول له

هانجد انفراجات فى مستوى التفكير و زاد معدل الابتكار

لذى احييكى على ذلك الفكر المتميز وذلك ليس غريب عليكى

اما عن الكلام المكتوب فى حقى
فذلك وسام من انسانة احسبها من المقربين من الرحمن الرحيم
وارجو ان اكون اهل للثقة وفى محل تلك الكلمات


خالص تقديرى

SHAPE YOUR LIFE (ABOALI) Says:

الى الفاضلة دكتورة ستيته

هناك اناس مجرد فقط ان تكون فى حضرتهم تشعر بالراحة والاعتزاز وفياض رزق الله لك

وانتى يا سيدتى منهم

مجرد وجود عبير لتعليقك هنا يعبر ان ما يكتب له معنى

وحتى ان كتبتى مررت من هنا
فهذا يكفينى

وجمعنا الله فى بساط جناته و روعة التمتع برؤيته اللهم امين

وكفاية اننا الاتنين علوووووووم


تقديرى

SHAPE YOUR LIFE (ABOALI) Says:

الى فتاه من الصعيد

فعلا نستطيع ازالته كما قولتى بقليل من العزيمة والحماس مع حبة خطط تنفذ

اسعد بوجودك ها هنا

تقديرى

SHAPE YOUR LIFE (ABOALI) Says:

الى الفاضلة الغالية ماما امولة

اتم الله شفاءك ومتعكى بالصحة والعافية

ويكفى يا سيدتى تلك الدعوات الجميلة
التى تخرج من ذلك الثغر الطاهر

وكلنا هذا الانسان
الذى يحمل صك تكريمه

ادام الله عليكى البركة وجعلكى من المنعمين انتى ومن تحبين

اللهم امين

SHAPE YOUR LIFE (ABOALI) Says:

الى لولا وزهراء

يا فندم احرجتينى انسانيا

كلنا ذلك الانسان الذى يجتهد لعله يصيب يوما

جميل ما استنتجته من تعليقك الرائع

انه عندما نزيل غمامات الغبار سنرى وتتفتح عقولنا على الكثير من القيم والمتع واليقين والفكر

صدقا
من استمتع بالكلام هو انا من تعليقاتك المميزة لانسانة بالتاءكيد اميز

خالص تقديرى

SHAPE YOUR LIFE (ABOALI) Says:

الى كلمات من نور

اوعى تصدقى كلام دكتور ستية او ماما امولة

هما بس اللى قلوبهم رائعة مثل قلب حضرتك ومتعكم الله بالصفاء والنقاء

وكمان احنا قرايب يا فندم من غير اى شيىء

نحن بنى الانس لنا عنوانا
الاخوة لنا طيبا" وغفرانا
الرسول احمدا
والقراءن مرشدا
و ب لغة الضاد نتكلما
ورحمان رحيم هو ربنا
وتشريفا لنا
ان كان بين الكاف والنون امرنا


اقااااااااااارب وابصم بالعشرة دول

ههههههههه

احترامى

SHAPE YOUR LIFE (ABOALI) Says:

الى ستار

جميييييييييييييييل جدا استنتاجك

فعلا الغبار بدء ونحن صغار

لك كل التقدير على فكرك المتميز

SHAPE YOUR LIFE (ABOALI) Says:

الى نيو وان

يا فندم نحن هننا فى خدمتكم

وكلنا انسان يصيب ويخطىء


كل الود والتوفيق دايما يا دكترة

SHAPE YOUR LIFE (ABOALI) Says:

الى قووووووووول يارب

فعلا نحتاج ان نذكر اسمك دايما الايام دى
قوووووووووول يارب
علشان ربنا يكرمنا بنقاء من عنده لازالة ذلك الغبار بدل ان يكون ركام بعد ذلك


تقديرى البالغ للفكر المحترم

SHAPE YOUR LIFE (ABOALI) Says:

الى صدلانية طالعة ومش نازلة

ربنا يهب لك دايما القرب منه والتوفيق فى فعل الطاعات والخيرات

وجود الغبار دليل على اننا نحتاج دواء

فبلاش تبيعى بقى فى الصدلية ادوية غالية

مساااااااااااعدة منك بقى


هههههههههههه

تحياتى الغالية

SHAPE YOUR LIFE (ABOALI) Says:

الى سونى

كلنا بنتعلم من بعض
وصدقا المستفيد هو انا
ان اكتسبت اناس فى غاية الاحترام والرقى مثلكم

عظيم تقديرى

SHAPE YOUR LIFE (ABOALI) Says:

الى مس فينوس
صدقتى والله
بقى فيه غبار منور الشكل
ولكن عشمنا انه باءزالة غبار العقل

سيكون التحكم اسهل فى الباقى

رزقك الله الفكر السديد وازال عنكى كل انواع الغبار

نحن واياكى اللهم امين

خالص تقديرى

SHAPE YOUR LIFE (ABOALI) Says:

الى القدر وانا

صح والله صح

يااااااااريت
وان شاء الله احنا قدرين
على فعل الكثير والكثير لتحسين نقاء انفسنا


تقديرى المستمر

SHAPE YOUR LIFE (ABOALI) Says:

الى الجاجة شمس النهار

مليون باقة ورد على عودتك

واشكر لك كل هذا التعليق القيم

ويبعث الله فعلا لنا كل فترة فعلا

يزيد فينا من فياض الايمان


كل التقدير

SHAPE YOUR LIFE (ABOALI) Says:

الى غير معرف

فعلا والله

محتاجين بيئة مناسبة حتى نستيطع ازالة ذلك الغبار الذى شدنا معه الى العصور الوسطى

مع اننا باستخدام العقل نستطيع التغلب على كثير من معوقات حياتنا

اشكرك على التعليق المميز