فاصل

, الأربعاء، 7 أبريل 2010


فى نفس المكان من زمان

كان فيه بينا ميعاد

فى رسم طريق

خريطة دقيقة

والتفاصيل بالألوان

ايــــــه

تاه منك الرسم ولا الرسام

ممكن تسئل ؟!!!!

تعالى نروح المدرسة

مدرس الجغرافيا

كان بيقول

انى الجغرافيا صورة الارض

فيها تضاريس جبال

جايز المعالم تكون وجدان

وبالمرة نشوف التاريخ

شخصيات علامات كيان

بس سؤال ؟

ليه نسينا المكان !!!

مع ان نوره ساطع

عالى الفرح منخفض الاحزان

الترمومتر موجود

صادق المعيار حساس

ياااااااااااااااااااه

عيب علينا فعلا ننسى

مكان صح ظاهر عيان

بس احتمال العين

محتاجة كاميرا

تعمل زوم على المكان

تعرف تشكيل العنوان

وفى العنوان ميعاد مكان

اه

والاه فيها يقين

انك انت

المكان

من زمان

اوعى تكون قلقان

اه ممكن

تكون نسيت الميعاد

بس اوعى تنسى انك انسان



فاااااااااااااااااااااصل



على البيانو كان عازف كمان

سلم موسيقى الحان

دو-- دون واكتب الهدف صوته كروان

رى-- رأيك مسئولية عصفور سبحان

مى-- مراحل حياتك تقسيم سرب حمام

فا-- فرح سرور بسمة قلب نسر زمان

صول -- عميد لوا اركان برضوا انسان

لا-- لابد من ايمان ركوع سجود قرأن

سى -- سر فيك رسول امين حوض كوثر جنان


على البيانو كان عازف كمان


واقف !!

لحظة سكوووووووووون

امعان

تفكير

تقييم

احساس

كيان



فاااااااااااااااصل



رن المحمول

السسسسسسسلام عليكم

وعليكم السلام ورحمة الله وبركاته

مين ؟

انسان


فاااااااااااصل


رصيدكم اوشك على الانتهاء

الرجا شحن الرصيد

برفع اليد بالدعوووووات



فاااااااصل


تم شحن رصيدكم

وانت الان شبكة الانسان

30 Response to "فاصل"

sony2000 Says:

بجد رااااااااائع جدا
وكتير فحياتنا
بنحتاج للفواصل دي
تقبل مروري وتحياتي

romansy Says:

اهلين اهلين بعمونا الانسان
اهلين اهلين بعمونا الفنان
والرسام اللى له كيان
اوقات كتير قوى قوى بنحتاج اننا نشوف نفسنا وندور جواها على الخير والحاجات الكتير الجميله اللى خلقها ربنا فيننا
بس بعد شحن الرصيد هنلاقى روحنا ونفسنا وطريقنا

اخوك المنوفى الانسان

كلمات من نور Says:

أحلى جرعة إيمانية من أحلى من يكتب في عالم التدوين ......والله الإيمان حلو وطريقه سهل ......بس إنك لا تدهي من أحببت والله يهدي من يشاء .ربي يهدينا و لبابه يعدينا و لطريقه المستقيم يثبتنا .......تحياتي يا إنسان

سمكه واحده Says:

انساااااااااان انساااان
مش هقول اكتر من كده
اخبارك ايه؟
يارب تكون بخير
اعذرني علي تقصيري عارفه اني مقصره اوي في الزياره
بس انت عارف الدنيا ملاهي
بس اكيد عارف بردو انك مش في النسياان
يا انسان
(:

سمكه بتسلم عليك
تحياتي

محمد فؤاد (صاحب عمود النور) Says:

الله حلوة جدااااااااااا
تحفه
فلسفه خاصة لابو على
والرساله وصلت تماااام

عجبتنى قووى:

صول -- عميد لوا اركان برضوا انسان

تسلم افكارك

اقصوصه Says:

فواصل جميله


تحمل اكثر من رساله

واكثر من معنى :)

yara Says:

تعرف يا ابو على ان فعلا من الرائع ان مدونه يكون عنوانها الانسانيه..يااااااااه رغم اننا انسااااااااان لكن محتاجين نشعر اننا انساااان لان اصبح فى هذا الزمن لقب انسان وسام شرف لمن يحمله ...حقا نحتاج لفوااااااصل لكى نعود للمكان ونعرف مفتاح الخريطه لكى نفهم كل المعالم والالوان ..اصبحنا نحتاج ان نعرف من نحن قبل الاهتمام بمعرفه ما حولنا ..اصبحنا تائهون فى المكان مع ان المكان انساااااااان.....
غريبه فعلا لكن الحل معروف وفى النهايه اكيد كل واحد فينا بداخله الانسان الذى بارادته هيكون فعلا انسان .

جمبل فعلا يا انسااااان ما عرضته من كلمات وفواصل ...وصدقا يا ابو على مدونتك دى فى وسط كل الاحباطات اللى موجوده وبتاثر عليه كتير الا انها نور وامل وتجعلنى افكر بل واجدد احساسى مره اخرى .
فانا حقا


اشكرررررررررك .

غير معرف Says:

ماهو الصعوبه في حكايه انسان دي

فعلا محتاجين نشحن همتنا وطاقتنا حتى نصبح بني ادمين

تحياتي

صباح الخير Says:

بعد السلام عليكم

بجد بتعجبنى كتاباتك لها لون وطعم مختلف
وده دليل على أنك ماهر ومتمكن من ادواتك فى صيغه تجاربك الشعورية .. التى أرى أنها تجارب عميقه وذات وعى

تحياتى ودعائى لك بدوام التةفيق

ستيتة Says:

الحمد لله ان ده الرصيد الوحيد اللي اذا اوشك على النفاذ نقدر نشحنه برفع يد وقولة يارب

بس سؤال ؟

ليه نسينا المكان !!!

مع ان نوره ساطع

عالى الفرح منخفض الاحزان

علشان احنا انسان
ورغم تصميم الكل اننا انسان مش من النسيان
لكن كل الشواهد بتقول كده يا انسان

تحياتي وحفظ الله لك انوار العقل

قلم رصاص Says:

الله على الكلام اللي زي الماس

اما باجي هنا معنوياتي بترتفع اوي

ربنا يكرمك يا أستاذنا

تقبل مروري وتحيتي

الزهرة البرية (Joudy) Says:

لا بجد بجد يعنى مش عارفة الكلام أعمق كتييييييييير كل مرة بقرا فيها بوست جديد هنا بحس ماشاء الله بعقليتك المتفتحة بجد ربنا يحفظك ويوفقك دوما يارب

حقيقى سعيدة إنى بقرأ كلام بالشكل ده

تحياتى لكلماتك وقبلها لعقلك

دمت بكل الخير والسعادة

لــــ زهــــــراء ــــولا Says:

ابو على

ايه الروعه دى كلها
الفلسفه عاليه بشكل غير طبيعى
كلامك واصل بشكل مش ممكن .. محسوس
فى جمله نطقت لوحدها

صول -- عميد لوا اركان برضوا انسان
مهما تعددت الوظائف كلنا فى النهايه نحمل لقب انساااااان
ياااااااه كلام ولا اكتر من كده روعه وشياكه وجمال .....

لتسمح لى انا كون ضيفه على مدونتك بعد ذلك
تحياتى ....

زهراء

د/ رامي شهاب الدين Says:

على الرغم من إن الكلام حمل فلسفة خاصة .. إلا إنى أقدر اقول إنها فلسفة فريدة من نوعها ومطلوبة جدا فى الحياة وخصوصا موضوع الفواصل ده

دمت بكل الود .. تحياتى

أمل حمدي Says:

فاصل وسنواصل يا ابو علي

اعجز عن الرد

فكلماتي لن توفيك حقك

ربنا يصلح حالك

ودايما تريح نفوسنا وعقولنا

SHAPE YOUR LIFE (ABOALI) Says:

الى سونى 2000
مرحب بك فى مقدمة التعليقات
فعلا نحتاج الى فواصل
ممكن نسميها شحن
او اعادة تقيم او تحفيز
اهم حاجة انك شعرتى فعلا اننا محتاجين فواصل

تقبلى ارق تحياتى واحترامى

SHAPE YOUR LIFE (ABOALI) Says:

الى رومانسى العواطف

كيفك يا انسان وبلاش منوفى كده علشان صك المرور يكون مقبوووووووووول

ولالالالالالالالالالالالالاايه

شرفتنى بالتعليق الراقى دى وصح كلامك محتاجين ندور على الخير

تقبل خالص دعواتى

SHAPE YOUR LIFE (ABOALI) Says:

الى كلمات من نور
فعلا لا نهدى من احببنا ولكن علينا السعى
والتوفيق والهدى من عند الله

خالص تقديرى لصاحبة القلب النقى

وكنت قد قراءت تعليق فى احدى الموضوعات
طلبتى فيه نقل الصورة او الموضوع
يا فندم من غير طلب
المدونة انتى التى تمليكيها والضيف هو انا
ساعات بحسد نفسى على وجودك افاضل مثل حضرتك هنا لتقرء بعض خواطر وفكر لى

مرة ثانية المدونة مدونتك بكل ما فيها


وياااااااااارب يهب لنا الصلاح دايما ويجعلك من اهل تقواه

SHAPE YOUR LIFE (ABOALI) Says:

الى سموكة

وحشاااااااانا جدا يا سموكة
وانتى بحق التى تستحق لقب انسان بمو يحوية قلبك من صفاء ونقاء
ادعو الله ان يتم خير بركاته عليك ويهبك كل الخير

تقبلى كل دعوات السعادة لشخصك الكريم

ووصى البحر يطلع سمك علشان اللحمة غالية يا غالى

SHAPE YOUR LIFE (ABOALI) Says:

الى عمود نور

كيفك يا محمد وحشنى والله
تمنى تكون فى خير صحة وعافية ياااااااجارى

كلنا انسان مهما كان حجم اللقب ومهما دارت الايام

وهبك الله نعمة اليقين والرضا وشرح صدرك لكل خير

قوووووووووول امين
اللهم امين

SHAPE YOUR LIFE (ABOALI) Says:

الى اقصوصة
فعلا يا اقصوصة الفواصل مثل الاقصوصة
دائما لها معنى

تحياتى الراقية

SHAPE YOUR LIFE (ABOALI) Says:

الى يارا
جميييييييييل جدا يا يارا طرحك هذا
ومعك كل الحق اننا نحتاج من يذكرنا اننا انسان
وهذا يعنى معانى وقيم ومفاهيم مش الات جر
تجرنا الى ملذات وشهوات وبدون عودة ذلك الشعور باءننا انسان
ستجدى حالة تخشب و جمود ترتسم على الوجوة
وقد بدءنا بالفعل الاحساس بها وسط الزحمة والارتباك والخوف من المستقبل
علشان كده وجود الخريطة الانسانية ضرورى لتحى مرة ثانية انوار الانسانية فينا ونستعيد معالم ذلك المخلوق الذى سجد له الملائكة وكرمه الخالق فوق كائنات كثيرة

شعورى وانا اقرء تعليقك هو شعور متنامى بالفرح والسرور وفى غاية البسمات
لاءن من فكر فى اهمية استيقاظ نعمة الانسانية من جديد لابد ان يكون احس بافتقادها فيمن حوله وتمسكه هو بها فى وسط ذلك الموج العاتى

تحياتى لك يا انسانة ووهبك الله كل انوار محبته ووضوح الطريق

SHAPE YOUR LIFE (ABOALI) Says:

الى فتاه من الصعيد
كل شينىء عن الصعيد يا باشا سهل
ربنا يجعل مراحل حياتنا تتمتع باليسر والتوفيق


تحياتى الراقية

SHAPE YOUR LIFE (ABOALI) Says:

الى صباح الخير
ايه يا فندم الكلام الكبير ده
دى مجرد اطروحات لشخصى اطرحها على الملاء لعلى اجد فيها متنفس لنفسى ولغيرى
لعلنا نجد بعض ما نفقده فى ظل زحمة الاحداث

وفى النهاية
لعل بعض الحروف حين التقت مع الكلمات وكونتها ان نبت منها معنى يترعرع فينا ليضىء دواخل انفسنا


ده كله وصبااااااااح جميل على شخصك الجميل ومساء ايضا

SHAPE YOUR LIFE (ABOALI) Says:

الى الفاضلة دكتورة ستيته

نعم نعم
انسان من النسيان
ولكن يحدث النسيان فى كل شيىء من صنعه بضم الصاد
ولكن ليس من حقه ان ينسى اساس وجوده معنى الانسان فكر عقل احساس
وليس كل ما ينسى يفقد المعنى محتواه


دائما متاءلقة يا انسانة
خالص تقديرى

SHAPE YOUR LIFE (ABOALI) Says:

الى قلم رصاص

يااااااااااااافندم الراحة لنا عندما تتاءلق تلك الاقلام هناااااااااا

وهبنا الله الخير وجمعنا عليه ان شاء الله

خالص تقديرى

SHAPE YOUR LIFE (ABOALI) Says:

الى الزهرة البرية

يقولون الزهور البرية هى افضل الزهور على الاطلاق فى المعنى والاحساس
لانها تنبت هناك حيث الظروف الجوية المتقلبه

لذا اعتقد ان اختيار اسمك بالزهرة البرية
يندرج تحته احساسك الجميل ده
ومن تمتع بالقراءة بقلب مفتوح
هو من امتلك ذلك العقل المتفتح والرونق الجميل


تحياتى الراقية

SHAPE YOUR LIFE (ABOALI) Says:

الى لولا وزهراء

اسمح لك يا فندم ان تكونى صاحبة المدونة
فمن علق هنا يوما
سواء نقد او راى يستحق كل الاحترام
وقد اخذ سهم فى المدونة

لك كل الود واشكر تعليقك ها هنا

SHAPE YOUR LIFE (ABOALI) Says:

الى دكتور رامى

انها فلسفة الحياه يا انسان تمليها علينا
لنستعيد بعض مما سقط سهوا او عمدا

وادعو الله ان يهبنا كلنا صدق اليقين وصدق السعى

خالص تقديرى

SHAPE YOUR LIFE (ABOALI) Says:

الى ماما امولة الفاضلة

لا تعجزى عند شيىء يا فندم
مجرد تشريفك هاهنا تاج

لا تنسينا فى دعائك
ربنا يهب لك الصفاء ولكل النقاء

تقديرى