البردين

, الخميس، 11 مارس 2010



دخل زجزج تعلوه علامات التفكير المتعمق المنبعج

بابا

ايون يا زجزج افندى

شوف يا بابا اسمحلى استغلك

تستغلنى

ومالوا نفسى حد كده يخلى سعرى غالى

على اخر الزمن يا زجزج تستخدم ابوك وتستغله عجبت لك يا زمن

اه عليك انت يا بابا

قول يا زجزج

قال سمعت حديث عن ا لرسول صلى الله عليه وسلم

من صلى البردين دخل الجنة

يعنى ايه بقى يا عم بابا البردين ؟

جااااااااااااااااااااااوب

وجاى تسئل ابوك ليه مش تسئل شيخ يا ابنى

بقى انت يا بابا مش عارف

عدم المعرفة يا زجزج مش وصمة عار نعيش بها بالعكس دى تبقى نداء لينا علشان نعرف

تعرف الحقيقة اللى بتقول عدم الادراك ادارك

قال لاء يا بابا من فضلك وضحلى الصورة

قولت هاقول ليك مثل وانت تفهم من خلاله

لو فيه مدرس اعطى تلميذين عنده مسئلة هندسة علشان يحلوها

وكانت المسئلة تتحل ب 5 معطيات وهو قال 4 بس

وقال للتلميذين بعد اسبوع هاتوا الحل

بعد الاسبوع جه الاثنين واحد قال المسئلة صعبة جدا بس بحاول احلها وهاحلها

والثانى قال المسئلة فيها حاجة ناقصة ولا استطيع حلها

قااااااااااااال فهمت يا بابا

يعنى قصدك اللى ادرك انى المسئلة ناقصة حاجة يبقى فاهم

على الرغم من عدم حله للمسئلة والتلمييذ التانى افتى وخلاص

قولت فعلا يا انسان

البردين يا زجزج هما طرفا النهار المقصود بهما صلاة الصبح اى الفجر وصلاة العصر فى اول النهار تاءتى صلاة الفجر مع نسائم الهواء البارد الجميل وتسمع اصوات تلالأ النجوم فى انكماش ظلمة الليل وبزوغ شمس نهار يوم جديد

وصلاة العصر حين انكسار حر النهار وبداية نسائم الهواء الظليل بنسائم ايضا باردة

علشان كده سموا البردين

ودول فيهم ثوووووواب كبير جدا جدا

لانك تلاحظ انشغال الناس بالنوم فى وقت الفجر

وانشغال الناس باءمور الدنيا وقت العصر اما فى العمل او التنزة والتنعم ببدء ظلة الجو

قااااااااااااال امممممممممممممممم وعامل نفسك مش فاهم يا ابوزجزج ماشى ماشى

هابلغ عنك مباحث الامل العام وهتشششششششششششوف انى وراك رجالة

هااااااااايقووووووووولوا

بابا يا حبيبنا ليه الامل خدك وسبنا

رجاااااااااااااااااااااله فعلا يا زجزج يا مدرك

بس يا بابا سيب موبيلك علشان استخدمه فى اتصالاتى



24 Response to "البردين"

غير معرف Says:

ههههههههه

ايه الامل العام ده :))

نفسي اخلي ولاد اختي يقروا كلام حضرتك

انا هبقا اوريهولهم في يوم علشان يستفيدوا منه ان شاء الله

تحياتي

المعتصم Says:

السلام عليكم ورحمة الله وبركاته
ازيك ياعمنا
اخبار حضرتك ايه
يارب تكون بخير
ربنا يباركلك فى زجزج يارب ويجعله ذريه صالحه
بس انت صحيح طلعت عفريت ياابو على وتستاهل يتبلغ عنك عند مباحث الامل العام
ده انت كده خطر على اليأس والاكتئاب
هههههههههههههههه
تقبل مرورى وتحياتى
ســــــــــلام

إيمان Says:

شكل زجزج كان بيلف اللفه دي كلها علشان عايز الموبايل
وبعدين له حق يبلغ عنك امل الدولة
لانك ماشاتء الله عارف وعارف كمان انك مش عارف
بجد بوست تحفة
تحياتى دائما
وسلامى لزجزج

romansy Says:

اما الواد زجزج دا ناصح بشكل بيعمل دا كله علشان ياخد موبايل بابا حبيبه هتلقيه عارف بس حب يكبر بابا علشان ياخد منه مصلحته
اتعلمت دا منين يا زجزج
بابا طيب وزى العسل وعمال يقولك نصايح عن السجاير وعن صلاه الفجر والعصر وانت تعمل فيه كده
بس يا زجزج هتطلع لمين
اكيد قاموس المعرفه زى بابا

Kiara Says:

مية مية يازجزج

بكرة اللي بيدعو المعرفة وهما مش عارفين

شمس النهار Says:

اسلوب لطيف جدا لتعليم الكبار قبل الصغار


بجد جميلة

تسلم ايدك

سلامي

ستيتة Says:

اللي بيدور على الحل هو فاهم رغم انه لسه مش فاهم
بس طالما بيدور يبقى ها يوصل
وها يفهم
وها يفيد

اوعى يكون الموبيل صيني لحسن بقى مطلوب في مباحث أمل الدولة :)

كيكى عوووووو Says:

الواد زجز ج دة فظيع
قصصك دى لو تعملت كتاب واتوجهت للاطفال هيستفيدوا جدااااااا
وانت كل مرة بتعلمهم حاجة جديدة
ربنا يباركلك

كلمات من نور Says:

الأمل العام حيطالب بموبايليين لزجزج و أخوه ... خلي بالك علشان مصلحتك الثخثية ..العيال بقوا في تانية حضانة وبيطالبوا بموبايل لكل مواطن ...تصدق يا أبو علي : الموبايل بقى أهم من الأكل دلوقتي ؟ يعني تدخل بيت ناس بيطلبوا صدقة علاج عملية أو علاج لإبن أو إبنه وتلاقي في إيد الأب والأم والأولاد موبايلات .......... خلاص التكنولوجيا بقت أهم من رغيف العيش والعلاج ...خليني أضحكك من كام يوم واحده جارتي جابت شغاله علشان الأولاد الصغار تساعدها وصحيت من النوم لقت الشغالة قاعدة عالفيس بوك ..قالتلها بتعملي إيه ؟ قالتلها باكلم صاحباتي عالفيس بوك ...أنا أمي بتخليني أروح السايبر كل يوم اقعد ساعتين .......تحياتي

blue-wave Says:

ربنا يرزقنا اجر البردين
ويرحمنا من اسئلة ولادنا:))

ضحكات الحياة Says:

السلام عليكم

و الله قصة حلوة و جميلة و فيها طبعا معني و هدف

ربنا يرزقنا المحافظة علي صلاة الفجر ان شاء الله

تحياتي لك
و جزاك الله كل خير

صمت الحنين Says:

السلام عليكم ورحمة الله

جزاك الله خيراا

وربنا يبارك لك ف زجزج يارب

SHAPE YOUR LIFE (ABOALI) Says:

الى فتاة من الصعيد

اممممممممم
شكلك كده هاتبقى زبونة فى المدونة وده مبلغ سعادة لي يا فتاه
على العموم حقوق التورية محفوظة

بس علشان خاطر الصعيد وفتاته اعلن تنازلى عنها

تحية خاصة

SHAPE YOUR LIFE (ABOALI) Says:

الى المعتصم

يا مرحب يا مرحب
ماشاء الله

معتصم من الصعيد وفتاه من الصعيد
كلكوا عليا ولالالالالالالالالالالالالا ايه

الرحمة حلوة يا بشر
اناااااااااا شرقاوى برضوا

سمعنا احلى سلام للامل العام ياااااجدع

مع السلامة يا معتصم العيش والحلاوة ان شاء الله جاهزين يا اخويا
هههههههههههههه


مشرفنى وحمدا لله على السلامة

SHAPE YOUR LIFE (ABOALI) Says:

الى ايمان

يااااااااااااه يا ايمان مفتقد تعليقاتك

بس نعمل ايه بقى حكم حمزة اكيد

ربنا يبارك ليكى فى حياتك ان شاء الله

والامل العام هايكون عندك اكيد
مش حمزة بقى
انتى اللى جبتى ده كله لنفسك

ههههههههه

سعيد بتعليقك هنا

SHAPE YOUR LIFE (ABOALI) Says:

الى رومانشى

ههههههههههه
الواد اتعلم من المنافية يا رومانسى
اوعى تنكر اعترف كده وخليك كووووووووول

الواد يظهر انت زورته فى الحلم وفطمته على كل شيىء

ههههههههه

مشرفنى يا امير الرومانسية الاصلية

SHAPE YOUR LIFE (ABOALI) Says:

الى كيييييييييييييييييارا

ميه ميه يا كيارا
بس المية المعدنية هى اللى موجودة
الاقى عندك فتاحة يا اختى

ههههههههه

سعيد برؤيتك هنا بجد

SHAPE YOUR LIFE (ABOALI) Says:

الى الحاجة شموسة

يا فندم الجميل يقرء الجميل بوجه صافى اصيل

ولالالالالالالالالالالالالالالاايه

لك كل تقديرى

SHAPE YOUR LIFE (ABOALI) Says:

الى الدكترة ستيته

ههههههههههههه
اه بخطين يا اختى
ام نبيل وام فوده

بس وحياتك هاجيب واحدة ام الحكومة

هاااااااااا تشاركينى
ولا الامل نص الجدعنة يا صاحبى


خالص التقدير لقلمك وشخصك الكريم

SHAPE YOUR LIFE (ABOALI) Says:

الى كيكى

يا فندم الصافى هو من يقرء فى نقاء
وكلنا نجتهد لعل الحياه تتحول لرخاء

كلامك يسعدنى والاستفادة بما نكتبه كلنا يجعلنى اطير فرحا عشقا طربا"

تقديرى لشخصك الكريم

SHAPE YOUR LIFE (ABOALI) Says:

الى كلمات من نور

ههههههههههههههههههههههههههههههههههههههههههههههههههههههههههههههههههههه
اضحك الله سنك بكل الخير يا انسانة

وبعد اذنك اودى ام العيال السايبر علشان انتى عارفه بقى الرجعية

ههههههههه

لك كل الدعوات بكل البشر والسرور

SHAPE YOUR LIFE (ABOALI) Says:

الى بلو ويف

اللهم امين انا واياك يا دكترة

تشريفك يسعدنى

SHAPE YOUR LIFE (ABOALI) Says:

الى ضحكات الحياه

ولابد ان نضحك يوما مسرورين يعلونا
الحبور وجزاء موفور من رب غفور مع خير الانام خير شاهد ومشهود

ربنا يبارك لك يا انسان

SHAPE YOUR LIFE (ABOALI) Says:

الى صمت الحنين

ربنا يهبك كل السعادة ويهب السعادة اليكى

ويهبك للخير ويهب الخير لكى
ويهبك النور ويهب النور اليكى

قووووووووووووولى امين