الله عليك

, الجمعة، 5 مارس 2010




الكلمات التى سوف تقرؤنها اتت على بالى

فأحببت ان اسجلها جاءت تلقائية بشكل رهيب

عينى عندما كان يمر عليها همس الكلمة

كانت دموع تتساقط منها ولكنها لم تكن ابدا

دموع حزن او الم وانما كانت حالة راحة تواصلت فيها نفسى مع روحى

وهى كلمات اكتبها لنفسى






بيقولوا عليك حيران

بيقولوا عليك حزين

بيقولوا عليك قلب

بيقولوا عليك حب

بيقولوا عليك ودود

بيقولوا عليك رحيم

بيقولوا عليك كريم

بيقولوا عليك سعيد

بيقولوا عليك ربيع

بيقولوا عليك خريف

بيقولوا عليك كلام

بيقولوا عليك حروف

بيقولوا عليك ضمة

بيقولوا عليك فتحة

بيقولوا عليك كسرة

بيقولوا عليك اوهام

بيقولوا عليك احلام

بيقولوا عليك امانى

بيقولوا عليك غاية

بيقولوا عليك هدف

بيقولوا عليك تحدى

بيقولوا عليك اسماء

بيقولوا عليك ذكريات

بيقولوا عليك امل

بيقولوا عليك رجاء

بيقولوا عليك ايمان

بيقولوا عليك عليك

لكن باقووووول ليك

انك انسان كريم

خلقه حنًُان منًان

كرمه فى القرأن

قال هايكون وكان

خليفة فى كل زمان

الله عليك ساجد

مُسبح كده عابد

الله عليك مُكبر

هناك الله اكبر

الله عليك لبيك

فى بيته لبيك لبيك

الله عليك نبى ورسول

الله جنة و رؤية

تحت العرش هاتكون ساجد

ربك انت الوحيد لوجه ناظر

بقربه تسعد وتكون

انسان مش محروم

يا بنى حافظ على وجودك

فى سر اكيد لوجودك

نبيك ليك حافظ

ليك كان نور محافظ

الله عليك

الله عليك

الله عليك انسان

38 Response to "الله عليك"

سمكه واحده Says:

الله عليك انت
(:
(:
(:

سمكه واحده Says:

الف الف مليون حمدالله علي السلامه
يا
يا
يا
انسااااااااااان
(,

سمكه واحده Says:

اخبارك ايه يا ابو علي

كلمات اكثر من رائعه بجد
تسلم ايدك وافكارك ودماغك
وبالك انت يا ابو علي

تحياتي
سمكمك

الازهرى Says:

ما علينا

خلينا فى التانى

Kiara Says:

الله عليك ياابوعلي

جااااااااااااااامدة

سمكه واحده Says:

بيقولوا عليك
مبدع
بيقولوا عليك فنان
بيقولوا عليك روقان
بيقولوا عليك انسان
انا بقول عليك فيلسوف
ملك الكلمات والحروف

الازهرى Says:

بجد جميلة جدا



ولكن
حبة تفلسف بقى

خلقه حننان مننان كرمه فى القراءن
خلقه حنّان منّّان كرمه فى القرآن

الازهرى Says:

أهلا خيارا وقرشنا الكبير

romansy Says:

الله عليك يا انسان
الله عليك فنان
مليان دفا وحنان
الله عليك وليه حيران
عاشق مبسوط عايش فى امان
الله عليك يا اغلى الناس

احنا كده اطمنا عليك يا ابو على يا غالى

ستيتة Says:

اللهم صلي على سيدنا محمد
الله عليك انت
الله عليك
ربنا يحفظك ويحفظ لك اهل بيتك ويكرمك في كل امرك ويجعل ما تخطه يمينك دائما في موازين الحسنات
ويتقبله منك كصدقة جارية وعلم ينتفع به
آمين

yara Says:

الله على القلمعندما يكتب ويعبر عن قلب حى وضمير يقظ.
الله على العين عندما تذرف دموع قد تكون تنقيه للنفس من اى شوائب علقت بها.
الله على الانسان عندما يدرك بكل كيانه انه انسان.

الله عليك يا ابو على

حقا ابكتنى كلماتك .....وشعرت اننا دائما نحتاج ان نوقظ المبادىء فى حياتنا ..نحتاج ان نتيقن دائما بان صوت الحق لا يعلوه اى صوت اخر...نحتاج ان نشعر ان الخير هو الاصل فى النفس البشريه .....نحتاج دموع وبسمات وتحديات وصبر وهدف ويقين ومشوار حياه نسير فيه ولا نرفع سوى رايه انساااااان مكرم وخليفه الرحمن...نحتاج لمن يوقظ الاحساس الراقى والانسانى بداخلنا بكلماته المعبره الصادقه.

الرسول عليه الصلاه والسلام كان انسان اجتمعت فيه كل عناصر التميز والنجاح ..كان حقا بمفرده دوله عظمى مثاليه ..كان نموذج لمن اراد ان يسير على خطاه لينل النجاح فى الدنيا والفلاح فى الاخره....ولكن احوالنا كثيرا ما تثير علامات تعجب فنرى بصيص النور واضحا ونتمسك بالظلام ...ونرى احيانا يد النجاه والصلاح ممتده لنا ونعرض عن مصافحتها.
ليتنا نعمل بما نعرف ...
ليتنا نحيا الحياه التى ناملها دائما فالعمر لحظات لا تستوعب سوى شعار واحد فقط يرفعه الانسان ليعبر عنه فى حياته ..

ايه ده هو انا طولت كده ليه شكلى كده سرحت مع نفسى
المهم يا ابو على
مش هقوووول اكتر من
الله الله الله عليك
بارك الله لك فى احساسك الجميل وجعلك اول المنتفعين بما تقول.

تحيااااااااتى لك دااااااااااائما وابدا.

كلمات من نور Says:

الله عليك أبو علي

ربي يوعدنا برضاه وجنة عرضها كعرض السماوات والأرض أعدت للمتقين وشربة من حوض نبيه المصطفى لا نظمأ بعدها أبدا ...ازاي صحتك دلوقتي يا أبو علي ؟ ادعيلي علشان أنا الأطباء اتجمعوا حوالي ولا خروف العيد وكل واحد بيدلي بدلوه بس التحاليل حتحسم هذا الجدال إن شاء الله بكرة وبعده .......تحياتي

hend mossallam Says:

بجد يعني تسلم ايدك يا اونكل D:

noorelmalak Says:

رووووووووووعه
تسلم ايدك

P A S H A Says:

حقيقي الله عليك بجد .

تحياتي
:)
سلام

sony2000 Says:

بجد روعه روعه روعه
بقالي مده كدا بلف فالمدونات الاقي كلام حلو واشعار
يارب الحاله الجميله دي تبقي عند الكل
يارب
تقبل مروري وتحياتي

جنّي Says:

السلام عليكم

اجمل الكلمات التي تخرج بتلقائية ودون عناء التفكير والبحث عن قافية ..

بلا قافية يعني ..

اما سر وجودنا تلخصه الآية :

{وَمَا خَلَقْتُ الْجِنَّ وَالْإِنسَ إِلا لِيَعْبُدُونِ }الذاريات56

سلامي وتحيتي

غير معرف Says:

الله عليها كلمات

البني ادم مكرم ... حتى يخطيء ويتكبر فيزول عنه شرف التكريم

تحياتي ليك

أمل حمدي Says:

تسلم ايدك يا انسان

محمد فؤاد (صاحب عمود النور) Says:

الله عليك فناااااان

بجد تسلم افكارك

Haytham Alsayes Says:

صلي الله علي اكمل انسان مشى علي هذه الارض
شكرا ياستاذ علي الكلمات الجميلة
تقبل تحياتي ومرورى

SHAPE YOUR LIFE (ABOALI) Says:

الى سموكة
كتيييييييييييييير عليا يا انسان
ربنا يجعلك من السعداء ياااااااارب فى الدنيا والاخرة

خالص تقديرى

SHAPE YOUR LIFE (ABOALI) Says:

الى الازهرى

معلس معلس يا ازهرى الزمالك دايما تانى
روح شجع الاهلى


تقديرى

SHAPE YOUR LIFE (ABOALI) Says:

الى كيارا

يااااااااامرحب يا مرحب

انتى بس اللى نقية وقلبك ابيض
ولالالالالالالالالالاايه

ربنا يهب لك السعادة يا كيارا

SHAPE YOUR LIFE (ABOALI) Says:

الى الازهرى

تم عمل اللازم يا انسان
وربنا يجعلك من طال عمره وحسن عمله


تقديرى

SHAPE YOUR LIFE (ABOALI) Says:

الى رومانسى الجميل

ياااااااااا عينى ايه الكلمات الجميلة دى يا انسان

جميلة كلماتك يا ملك العواطف

خااااااااااالص تقديرى

SHAPE YOUR LIFE (ABOALI) Says:

الى دكتورة ستيته

طب ارد واقول ايه
اقول ربنا يجعلك فى روضة من رياض الجنة
وتمتعى برؤية رحيم رحمان

اللهم امين

تقديرى

SHAPE YOUR LIFE (ABOALI) Says:

الى يارا

عندما يكتب القلم بالفعل تنمو فينا مشاعر وتشتاق الحروف وتتسارع الكلمات فى ان تعبر
قال انهالت عليكى الحروف لتحثك لكى ترتقى كلماتك بهذا الشكل الراقى
لتكون النتيجة رسالة اطمئنان الى ذلك الكيان باءنك اذا تذكرت مبادئك واولاياتك
وحددت اهدافك واتبعت انوار وضياء رسولك
يقينا ستبلغ السعادة
وتصل الى كيونة ذلك الانسان الساجد الراكع
الذى حير جميع الخلائق فى احواله


تسطيرك وتفاعلك بتلك الكلمات هى دعوة لنفسك باءن حياتك لابد ان تمشى هكذا
تحملين منارة فى يدك دائما تنيرى بها طريقك وتصنعى لغيرك انوار لتكون لهم دليل

تعليقك يا يارا مسئولية على نفسك واضاءة لى

ولا تملك كلماتى الكثير لتثنى عليكى
قديما قالوا نرفع القبعة
وها انا اقول انى ساءرفع لك يدى بالدعاء لتكونى من المنعمين فى الفردوس الاعلى


خالص تقديرى

SHAPE YOUR LIFE (ABOALI) Says:

الى كلمات من نور

بعدد مخلوقات الله التى نعرفها ولا نعرفها
التى اعملنا بها والتى لم يعلمنا بها

ادعوا الله لك ان يشفيكى ويهبك الصحة والعافية ويجعلك نورا لمن احبك


وحاليا امشى على العلاج لمدة اسبوعين ثم اعرف هل سيتطور الموضوع ام سيهب الله لى الشفاء
وسوف اتذكرك بالدعاء وانا فى مرضى
واستحلفك ان تدعو لى وانتى معافاه ان شاء الله


تقديرى

SHAPE YOUR LIFE (ABOALI) Says:

الى am the crazy one

تقديرى ليكى يا هند
وربنا يبارك ليكى بكل الخير والسعادة

اشكر وجودك هنا

SHAPE YOUR LIFE (ABOALI) Says:

الى نور

اشكرك يا نور كلنا انسان نجتهد وعلشان انتى قلبك ابيض حسيتى بكده

تقديرى ليكى

SHAPE YOUR LIFE (ABOALI) Says:

الى باشا

يا فندم لك جزيل وعميق شكرى

SHAPE YOUR LIFE (ABOALI) Says:

الى sony


القلوب النقية هى التى ترى النقاء والصفاء

ربنا يديم راحة البال والسعادة

اللهم امين

تقديرى

SHAPE YOUR LIFE (ABOALI) Says:

الى جنى

صدقت يا جنى وعفرت المدونة بكلامك الراقى

خاااااااااالص تقديرى

SHAPE YOUR LIFE (ABOALI) Says:

الى فتاه من الصعيد

البني ادم مكرم ... حتى يخطيء ويتكبر فيزول عنه شرف التكريم

جمييييييييييييييييييييييلة تلك العبارة

الله عليكى انتى
ربنا يجازيكى الخير
واشكرك على المتابعة

SHAPE YOUR LIFE (ABOALI) Says:

الى الفاضلة امل حمدى

الله يبااااااااااارك ليكى يا انسانة

تقديرى البالغ

SHAPE YOUR LIFE (ABOALI) Says:

الى عمود نور

من يشكر من فاءنت عمود النور
وربنا يجعلك نور

ولالالالالالالالالالالاايه
تحياتى

SHAPE YOUR LIFE (ABOALI) Says:

الى هيثم

صلى عليك الله يا علم الهدى

ربنا يهبك كل الخير ان شاء الله