الحق نفسك

, الخميس، 4 مارس 2010




دخلت ام زجزج وقالت فى سخرية تتعالى لها الضحكات

ماتتكلم معايا شوية وتسيب اللاب توب ده هو انا مش اد المقام

قلت سبحان سبحان معقولة ام زجزج تؤمر فى اى وقت

قالت وهى تتضم احدى الشفاتان وتكشر عن الاخرى

ايه رايك فى الاسلوب اليابانى

قولت ياااااااااااابانى قالت اه ماسمعتش عن اليابان

قلت سمعت كل خير تنظيم واحترام لقيمة الوقت غير المجهود والتفانى فى الشغل

قاااااااااالت صح عليك نور

وطبعا نتيجة اهتماهم بالشغل ده والتنظيم

ساعات بتحصل مشاحنات واختلاف فى وجهات النظر فى الشغل

قلت اكيد كل شغل وليه تحدياته ومشاكله

قالت علشان كده عملوا فى بعض الشركات

غرف فيها دميات او عروسة لشكل للمديرين

قلت اه سمعت عن الموضوع ده علشان

لو حصل خلاف مع اى مدير ساعات

الموظف بيكون زعلان وعاوز يفش غليلوه

فيدخل على الدمية فى الغرفة يضرب فيها زاى ماهو عاوز

قالت عليك نور يا ابو العيال

انا بقى عاوزه اعمل كده

اعمل دمية ليك ودمية للعيال

ههههههههههههههههه ضحكت وبلغت ضحكاتى العنان

قولت ماشاء الله ده اخرة اليابانى

واللى يفوته اليابانى هايقول من الصينى اه يانى

قلت طب انا زعلتك فى حاجة يا روح العين

قالت والنبى بلاش كلمتين الرومانسية دول

كفاية انى قولتك انى اروح لاءمى بالعيال

قولت بلاش وعملت فيها الطفل المدلل

تؤتؤ والله ماكان قصدى يا ام العيال انتى بس اللى كنتى عندها من كام يوم

قالت يعنى مازورش اهلى

قلت يا روح قلبى اعتبرنى من اهلك

قالت على العموم انا عملت دمية ليك بالقطن وبالحجم الطبيعى

قلت يا رحيم يا رحيم

قالت اووووووومال علشان تخلى بالك

المرة دى هاتنرفز على الدمية المرة الجاية مين عارف؟

قلت يارب رحماك رحماك ان شاء الله كل خير

وفات اسبوع

دخلت البيت

فتحت باب الغرفة وجدت ام زجزج

فى وضع اه اه تهتز له اركان تربيزة السفرة

تحتضن الدمية وتضربها بيدها وتقول

والله العظيم بحبك يا ابو زجزج يا مضروب

قلت فى صوت عالى تؤتؤ عيب عيب

ابو زجزج موجود

(وش بيغمز)




تحت عنوان قل لمن تحب انا احبك

ستجد فيضان من الاحساس قد تولد

قال لك نعم يا من بالجميل نطق واسهب

25 Response to "الحق نفسك"

yara Says:

اممممممممممممم
الله على الفكر اليابانى وجماله فعلا بيخلى الانسان يعبر عن دخائل نفسه ومشاعره الخفيه ....بس جه متاخر بقى كنت زمانى عملت دميه لدكتور العراقى عندنا فى القسم (اصلى بحبه قوووى)

فعلا لو بتحب انسان وبامكانك تقوله لازم ولابد تقوله لان الحب بيضيف للقلب سعاده وامان فى ظل هذه الحياه وتقلباتها.

يعنى مش عارفه نعتبر دى عوده للمدونه ولا دى تصبيره الى ان يحين وقت ظهور ابو على بنوره وتالقه من جديد....

على العموم فى كل الاحوال نوررررررررررت يا ابو على ويارب تفضل منور على طووووووول.

يلا علشان احتمال نعملك دميه فى عالم التدوين يا حبيب الملايين واهو كله بثوابه برضوا .

تحياتى يا مصراوى ليك .

yara Says:

يا سلام انا اول تعليق

شعور حلو والله فعلا

يستحق تعليق اخر

وانى اقولك

ادام الله عليك السعاده وراحه البال يا ابو على

الازهرى Says:

الصراحة والخجل
تختلط الحدود بينهما كثيرا بين زيادة هذا ونقصان ذاك حسب الموقف
ولكن لا ينكر احد أن ل منهما وجه لعملة واحدة

فالمحب قد يكون غارقا حتى أذنيه ولا يستطيع البوح وقد يستطيع مجرد التلميح
وقد يصل إلى المصارحة

وكله فى الآخر حب


أدام الله الحب بينكما طول الحياة ورزقكما الجنة فى الآخرة بعد عمر طويل بإذنه تعالى

**********
رحمتك يارا منى

قلم رصاص Says:

الله عليك يا أستاذنا
دايما موضوعاتك بتحط النقط على الحروف وتفسر كل ماعز على العقل والقلب تفسيره

تقبل مروري وتقدير وتحيتي

ستيتة Says:

ياسلااااااام لو كل انسان يقول لأخوه انه بيحبه
وياسلام لو مع القول فعل كمان
وياسلام لو انه يفضفض ببساطة ويقول زعلان منه بسبب كذا
لو الناس تبطل القمص من غير تفسير

فلننفس عن غضبنا عبر دمية
ونعبر عن محبتنا وجها لوجه

اخبار فقراتك ايه دلوقت
ارجو ان تكون في احسن حال

عجباني سلسلة زجزج وأهل بيته
بتعبر مجازيا بشكل جميل عن حاجات كتير محتاجين نقولها

تحياتي وخالص دعواتي بالشفاء العاجل

اسيبك واروح اعمل دمية لرئيس القسم
ورئيس المجلس
ورئيس الوزرا
ورئيس ...... :)

noorelmalak Says:

تسلم ايدك ع هذا البوست
بس مش ينفع نزعل ماما
دى ست الكل والخير والبركه
من حقها يكون ليها وقت
تتكلم مش نشغل عنها
طبعا اللى بحب بيحب
يعرف اللى بيحبوا
انا هعمل دمنيه
هسميها الفراق
صحيح اخبار صحتك ايه
ان شاء الله تكون بخير

Kiara Says:

وربنا جاااااااااااااامدة

لو كل حد طلع للي جواه للحواليه هيتولد مشاعر دافية ورقيقه

جنّي Says:

السلام عليكم

كيف حالك يا عمنا لعلك بخير الآن وانا شايف انك اصبحت احسن الآن ولله الحمد والمنة بدليل اني شفتك في كام مدونة وتعليقاتك مجلجلة .. واحنا اللي وقعنا من قعر القفة .. على العموم ماشي ياعم حسن ..

بالنسبة للبوست الخفيف الرقيق البديع .. تعرف انها فكرة انا نويت اعمل دميتي بنفسي يمكن اسمع كلمة حلوة ..

سلاماتي ودعوانتي

أمل حمدي Says:

ههههههههههههههههه

ماشي هانقول لأبو العيال ههههههههه

ربنا يصلح حالك ياابو زجزج هههههههههه

يارب تكون بخير وزي الفل

سلام

غير معرف Says:

ههههههههههههه

ست عاقله وعثل :)

تحياتي

موناليزا Says:

:) فكرة حلوة بجد

SHAPE YOUR LIFE (ABOALI) Says:

الى يارا الانيقة

جميلة جملة بيخلى الانسان يعبر عن دخائل النفس

فعلا الشعوب دى استثمرت الجزء ده لان النفس لها طاقة مخزونة ان لم تستخرج فى الخير استخرجت فى سبل اخرى

ام بالنسبة لعودتى
فدعواتك الحمد لله اتحسن بالعلاج وبعد اسبوعين فى استشارة مع الدكتور
ان شاء الله خير يا انسانة

بس انتى بس وجهى وجهك للقبلة عندما تدعى وبلاش نوجهها ناحية الهرم
ولالالالالالالالالالالالالالاايه

مبسوط بوجودك فى التعليق الاول
وربنا يبارك لك فى اوقاتك وعمرك وفيما من تحبين

قوووووووووولى امين

SHAPE YOUR LIFE (ABOALI) Says:

الى الازهرى

يا مرحبا بمن يركب القطار الممتلىء بكثير من الصدامات

الحب والخجل عملتان لا تتفق مع بعضهما
لاءن الله جعل لنا الالسن والكلمات لنسعد بها ونستخدمها فى السعادة
والخجل لا عنوان له بين الزوجين يا صديقى

ولالالالالالالالالالاايه

على فكرة بقى كان ممكن احقق ارقام قياسية اخرى بس الرحمة حلوة بيك يا اانسان

SHAPE YOUR LIFE (ABOALI) Says:

الى قلم رصاص

كلنا نجتهد يا انسان وحضرتك من الاقلام الرائعة التى اسعد بوجودها هنا
فلكل انسان طلة
ونت لك طلة مميزة
اعانك الله على كل خير

SHAPE YOUR LIFE (ABOALI) Says:

الى الدكتورة ستيته

هههههههههههههههه
كل دى دميات يا عينى يا عينى
على كده احنا محتاجين استاد القاهرة

على العموم حال الانسان دائما متذبذب
شكل البيئة يحدد وطريقة تعلمه فى المدرسة
وفيه تقصير بالغ فى اصول التربية والتعليم موجود

بافكر يا استاذه افتح مدرسة اسمها مدرسة
تاءهيل الحياه

نعمل فيها برامج توعية وتثقيف

تحبى تشاركى
ولالالالالالالالالالالالالالالا تضربى فى الدميات شوية


نورتينى يا انسانة

SHAPE YOUR LIFE (ABOALI) Says:

الى نور

فعلا يا نور ست الكل وهى الام ليها نصيب
بس لازم يكون متوازن شوية
غير كده محتاجين لمسات العاطفة شوية فى حياتنا
بدل الجفاء اللى بنعانى منه

مشرفانى دايما
والحمد لله اتحسن مع العلاج ودعواتك بقى فى الصعيد

SHAPE YOUR LIFE (ABOALI) Says:

الى كيااااااااااااااااااارا

ياااااااااااااااه

كيارا هاهنا
والله زمان يا مولان فين الايام الجميلة فين
ربنا يعيد كل الخير ان شاء الله ويهبك الثبات واليقين فى حياتك ويرزقك بكل سعادة

بالفعل بسيط يحقق لنا الدفء والتاءلف

مشششششششششششرفانى يا كيارا بعد طول غياب

SHAPE YOUR LIFE (ABOALI) Says:

الى جنى

هههههههههههه
انت جاى ترمى كرسى فى الكلوب يا انسان ولا ايه

يا فندم انت غالى وان شاء الله سيكون لنا حضور مستمر بعون الله

اما عن البوست
لكل منا فى حياته دميته الخاصة يصعنها اما تكون ظاهرة له او يجعلها فى دواخل نفسه

تحب ابعت ليكى كام دمية

هههههههههههه

منوووووووووورنى يا ذوق

SHAPE YOUR LIFE (ABOALI) Says:

الى قيس ابن الملوووح

والله يا قيس لو كنت استهلكت جزء من وقتك الثمين فى قراءة على الاقل محتوى البوست

كنت اكيد ساءعطى رايك فى موضوعات اكيد ستكون هامة

الناس خد وهااااااااات ولا ايه

منورنى يا قيس وحاسب من ليلى

SHAPE YOUR LIFE (ABOALI) Says:

الى الفاضلة امل حمدى

صح الكلام يا انسانة روحى كده على روقان واعترفى بكل ما فى قلبك ستجدى انسانا من جديد امامك اخذ شحنة ممن يحب

و برضا ربى ورحمته ثم دعواتكم ساءكون بخير
اتحسن الحمد لله

تحياتى الراقية لانسان ارقى

SHAPE YOUR LIFE (ABOALI) Says:

الى فتاه من الصعيد

واللى علق كماااااااااان
عثل عثل عثلا عثل

ولالالالالالالالالالالالالالالالالالالالاايه

مشششششششششرفانى

SHAPE YOUR LIFE (ABOALI) Says:

الى موناليزا

ياااااااااعينى يا موناليزا
بسرعة بقى اعملى ليكى كام دمية وطلعى كل المخزون
بس اعملى الدمية متينة شوية علشان تستحمل

ولالالالالالالالالالالاايه
ربنا يوفقك لكل خير

Kiara Says:

منا من امبارح قاعده ليالريدر قول يارب اقدر اكمل ومش اغيب تانى

كلمات من نور Says:

الست أم زجزج دي طلعت تمام بس بتقول للدمية مش لأبو زجزج ليه؟؟؟؟

داه حتى الصراحة راحة والبسمة في وجه أخيك صدقة ما بالنا بالحب سواء أخوي أو لأم أو لأب أو لزوج أو لابن ..الخ

وكما قال نبينا المصطفى :

إذا أحببت أحدا في الله فقل له :
إني أحبك في الله " . حسن ( صحيح سنن أبي داود 965/ (3.

إذا أخبرك أحد أنه يحبك في الله فقل له:
أحبك الله الذي أحببتني له ". حسن ( صحيح سنن أبي داود 965/3 )


تسلم الأيادي يا أبو زجزج

شموسة Says:

مما لا شك في إن الفكرة جميلة ياأبو علي ، وأنا بوجه تحيتى لأم زجزج عشان الفكرة الجميلة دى ،

وبعدين ياسيدي متزعلش واعملها انت كمان عروسة بالحجم الطبيعي وفش غلك

سلامى للعيال وأمهم
تحياتي
شموسه